رواية كسرة قلوب الفصل الثالث 3
روايـة : كـسرة قـلـوب
بـقـلم : حـبيـبه مـصـطـفي
يـاقـوت🌸
♡ البـارت التـالـت ♡
«جـاء زيـن مـن بعـيد وقـال»
زين : جدي بتعمل أيه هنا قلقتنا عليك
ورد : أنت ؟
زين : أنتي بتعملي ايه هنا !!
سعـد الله : ايه ده انتوا تعرفوا بعض ؟
زين ببرود : للأسف أه
ورد : يارب صبرني
سعد : تعالى أقعد جنبي هنا يا زين
زين بتأفف : أوووف ماشي يا جدي بس ياريت منطولش
ورد : النفخ حرام
زين : ملكيش دعوة
ورد : تصدق انا غلطانة...أنا مالي أصلًا
زين : أيوًا أنتي مالك أصلًا
ورد : عارف انا والـ
الجد سعد : بس بس في أيه..فكرتوني بالقط والفار
ورد : أحممم أسفة بس هو اللي بيعصبني
سعـد : انتي هتقوليلي يا ورد ده حفيدي وانا عارفه مستفز
ورد : ووووه حفيدك؟
زين : دي لسه مستوعبة
ورد بإستغراب : أزاي حفيدك
زين : زي السكر في الشاي ، أيه اللي أزاي
ورد : المفروض أضحك يعني
زين : هو أنا قولتلك اضحكي
ورد : اصل عمال تستظرف يعني ونفسي اقولك دمك تقيل
زين : انا لســ
سعد بمقاطعه : كلمه زياده و هقوم امشي
زين : خلاص خلاص
سعد : تعرفوا بعض ازاي بقي
ورد : اصل حصل...........
« فـي بيـت محـمد »
(فـتحـت الأم جمـيله البـاب)
امير : بابا فين
جميله : قاعد في الصالون بس قولي أنت ورد فين
امير : مرضيتش تيجي معايا
جميله : أنت أزاي تسيبها يا امير لوحدها
أمير : محبيتش أجبرها على حاجه أساسًا مش طيقاني
محمد خرج من الصالون : والعمل
امير : مش هكمل معاك في الشغل ده يا بابا انا من النهارده برا المواضيع دي
محمد : دا ازاي دا يا استاذ
امير : ورد معاها حق
محمد : يااادي ست ورد
امير بدموع : انت ازاي مش حاسس بالندم ومعتقد ان ورد مكبره الموضوع ، على فكره هيا اتصدمت فينا، طول عمرها بتقول انها فخوره بيك و بتثق فيك جداً بتقول ان نفسها جوزها المستقبلي يكون شبهك عشان مكانتش تعرف حقيقتك ، انت ابوها يعني قدوتها ، الخوف هيبدأ يتزرع جواها مننا و دا هيكون بسببنا ، بابا متخليش ورد تدخل طريقنا دا حرام عليك صدقني ورد اكتر واحده فينا بتحبك والله عشان كدا مش عيزاك تكمل في الطريق دا و عيزاك تقرب من ربنا الشخص اللي بيحبك بجد هيحب يشوفك في الجنه و يساعدك على دا
محمد : سيد مش هيسيبنا في حالنا يا أمير
امير : بما انك بتعمل الصح ربنا هيقف جنبك ، دي جملة ورد وانا مقتنع بيها ، انت عارف ان ورد استحاله تسيب الموضوع دا ، يا هتبلغ عنك عشان متزعلش ربنا منها و متفضلش تقتل في الناس وتتحاسب على اعمالك يا هتفضل وراك لغاية ما تسيب الطريق دا
محمد : هفكر يا امير ماشي (دخل إلى الغرفه)
يزيد : طب ورد فين
امير : متقلقش شويه و هتيجي
«فـي ڤيـلا سعـد الـله»
سليم والد زين : سندس اتصلي بزين شوفيه فين
سندس : حاضر يا سليم
رغد ابنه سمير : استني يا مرات عمي انا اتصلت و تيليفونه مغلق
عنود اختها : وانتي بقى اتصلتي عليه ليه
رغد بتوتر : ااا..عادي يعني قلقت على جدو مش اكتر فقولت اسأل زين
عنود : اه اه انتي هتقوليلي... واضح اوي
اسر اخوهم : ينفع يا عنود متدخليش في اللي ميخصكيش تاني
عنود : انا عملت ايه يعني هو الواحد مينفعش يقول كلمه هنا
اسر : عنووود اتكلمي بطريقة احسن من كده
رغد اختهم : خلاص يا اسر سيبها
اسر : الموضوع بدأ يخنق
روية بنت عمهم مراد : خلاص يا جماعه حصل خير
عمر اخوها : طب انا جعان
علي اخوهم : هو لازم نستنى جدو يعني
سمر والدته بنظرة تعني الوعيد
: بسسس يا علي استنى شويه
علي بضيق : حاضر
« فـي الحديقـه »
زين بصوت شبه عالي : لا بقى في كلمه انتي نسيتيها
ورد : ينفع مش تقاطع كلامي
زين : لما الأقيكي بتحوري من الطبيعي أقاطع كلامك
ورد : أيه تحوري دي ، وعلى فكرة أنا مش بحور
زين : اه اه انتي هتقوليلي...اكيد خايفه من جدي
ورد : والله...وانا هخاف ليه بقى بما اني معملتش حاجه غلط
زين : هو بعــ
سعد بصوت عالي : بسسس بسسس أصبروا.. أيه ناقص تضربوا بعض
زين : قالتلي مش هعمل حساب ليك ولا لمديرك الكبير حتى
سعد : قولتي كدا يا ورد
ورد : بصراحه ايوا بس والله مكنتش اعرف انك المدير الكبير وإلا مكنتش هقول كدا عليك والله...انت شخص طيب بجد وانا حبيتك زي جدي
زين : والله ! انتي بتضحكي على جدي بكلمتين
ورد : نفسي اعرف بتحب تتحشر ليه في الكلام و بعدين انا وجدو حُرين مع بعض
زين : جدو ! لا على فكره دا جدي انا مش جدك انتي ماشي
ورد بعند كالأطفال : والله دي حاجه متخصكش بقي
زين بعند اكبر : ازاي حاجــ
سعد بمقاطعه : اصبروا بس نفسي اكمل كلامي
ورد : اتفضل
سعد : انتي يا ورد مش غلطانه لأن انا لو كنت مكانك كنت هعمل انا كمان كده...بجد انتي اخت جدعه وانسانه طيبه ربنا يرزقك بالزوج الصالح
ورد بإبتسامه : يارب يا جدي و ربنا يسعدك و يريح بالك
زين بسخريه : هه ومين اللي يستحملها دي
ورد : دا ليه يعني كان مالي
زين : الله يكون في عونه والله
ورد بعصبيه خفيفه : على الاقل مش هيكون زيك و دي اهم حاجه
زين بعصبيه خفيفه : ليه مالي يعني
ورد : واحـد بـ
سعد بمقاطعه : قوم يا زين نمشي وإلا ثانيه و هتقتلوا بعض
ورد : يارب اقابلك تاني يا جدو...لكن ده «نظرت لزين» يارب مش اشوفه صدفه حتي
زين وقف وقال : نفس الدعوه اللي بدعيها والله
سعد وقف وقال : سلام يا ورد و شكراً ليكي
ورد : في رعاية الله يا جدي خلي بالك على نفسك
سعد : حاضر يابنتي ( ذهب خطوتين )
زين لورد بصوت واطي : بارده
ورد : غبي
سعد : يلا يا زين
زين : جاي اهو
« ذهب زيـن مع جده إلى الڤيـلا وذهبـت ورد إلى المنـزل »
«فـي منـزل ورد...فتحت نيرة الباب »
نيره : كنتي فين؟ ماما قلقت عليكي
ورد اغلقت الباب : جيت اهو
جميله : ورد انتي كويسه دلوقتي
ورد : معلش يا ماما نتكلم بكره عشان مش قادره أناهد معاكوا وانتوا عارفين رأيي
(صعدت إلى غرفتها)
« ذهـب زين و جده سعـد إلى الڤيلا و حكـى الجد ما حـدث واستمع الجميع بإهتمام »
علي : ينفع ناكل بقى وقعت من الجوع
مراد ابوه : انت همك على بطنك على طول
سعد بإبتسامه : يلا يا ولاد
« انتهى اليوم..وصعد الجميع إلى غرفته »
• فـي الصـباح •
« استيقـظت ورد و اخذت دش دافيء...و أدت فرضها ونزلت تحت وجدت عائلتها تجلس على السفره »
ورد : احممم... اااا...صباح الخير
«جلست في مكانها المعتاد بجانب يزيد »
الاب محمد : ااا...عامله ايه
ورد بدموع : بخير بفضل الله طبعا
محمد : كويس...عايزك في موضوع بعد الاكل
ورد تأخذ رشفه من العصير : حاضر
«فـي ڤيـلا سعـد الله كان يتجمع الجميع حول السفره »
قال الجد : عاملين ايه في الشركه يا ولاد
عمر ابن مراد : الحمد لله يا جدي بنحاول نجهز نفسنا للمسابقه
زين : التصميمات جاهزه بس في كام حاجه في الخامات ناقصه
سمير العم الرخم : طبعًا لازم يكون في نقص بما اني تعبان ومش عارف اجي الشركه اساسًا اللي يعتمد عليكوا يبقى حمار
سليم والد زين : في ايه يا سمير... هو اه في نقص في الخامات بس هتتحل ان شاء الله
سمير بتريقه : اه اه انا عارف
مراد : بعيداً عن دا كله في أجتماع في دبي ولازم تروحوا يا شباب
زين : والله يا عمي انا مش فاضي
مراد : لا مفيش الكلام دا لازم كلكوا تروحوا و كمان اعتبروها رحله ليكوا
اسر ابن سمير : ياريت يا جماعه نروح فعلاً الواحد بقاله كتير مسافرش
رغد اخت اسر : ياريت والله ده غير ان الفندق بتاعنا جاهز هناك يعني مش هناخد وقت في الأجراءات
زين : خلاص تمام
رويه : كده مين اللي هيطلع
عمر اخوها : ربنا معاكوا انا ورايا محاضرات هنا مينفعش مروحش
عنود اخت اسر : وانا هكون في الشركه عمومًا...مينفعش نسيبها كده من غير حد صح يا جدي
سعد : اللي انتي عيزاه اعمليه يا عنود
اسر : يبقى كده انا و اسيا و زين و رغد و رويه
اسيا : خلاص ماشي لو كدا اتصل بالفندق احجز الاوض
اسر : عيوني
زين : طب يلا عشان منتأخرش على الشركه
اسر بغمزه وصوت واطي : الشركه ولا نيره هاااه
زين بصوت واطي : احممم...اا....الأتنين
اسيا : طب يلا بينا
« فـي منـزل محمد..خصوصًـا بعـد انتهـاء الطعام »
ورد : اتفضل يا بابا
محمد امام العائله : انتي زعلانه مني صح
ورد بدموع : بصراحه ايوا ، مش عشان انت ضربتني لا عشان حاسبتني رغم ان انا اللي صح ، عشان يا بابا مش عارف تختار الطريق الصح ولا متفهم فكرة اني بحبك وخايفه عليك
محمد بدموع : انا اسف يا ورد و وعد والله هحاول ابعد عن الطريق دا مهما يحصل
ورد بدموع : بجد
محمد : اه والله
ورد حضنته : بحبك اوي يا بابا و بالله عليك متعملش كده تاني ، مش عايزه اخسرك في الدنيا ولا اخسرك في الاخره ، عايزه نتجمع سوا في الجنه بإذن الله
محمد حضنها : بإذن الله يا حبيبتي
امير بدموع : انا كمان اسف يا ورد لأني كسرت ثقتك و خذلتك
ورد حضنته : حصل خير يا ميرو و اهم حاجه انك عرفت غلطك وصدقني انت مش لوحدك ربنا معاك
امير حضنها : عارف يا حبيبتي
ورد : وانتي يا نيره متساعديش لؤي خلاص ، متكسريش ثقه مديرك يا نيره و استغلي الفرصه اللي زين ادهالك يابنتي وركزي في مستقبلك
نيرة بكدب : اااا...طبعًا وبعدين انا مالي ومال لؤي....انا ماشيه انا على الشركه
ورد بشك : ربنا معاكي
نيرة : سلام
ورد : في رعاية الله
«ذهبت نيرة»
ورد لوالدتها : الجميل مش عايز مساعده
جميله الام : دلوقتي الجميل وامبارح ياريتك كنتي يتيمه ولا كنتي بنتنا
ورد : انا اسفه يا ماما بس ياريت تحطي نفسك مكاني والله الموضوع مش سهل زي ما انتي شايفاه
جميله حضنتها : حصل خير خلاص
« فـي الشركه وخصوصًا في مكتب زين »
زين : اه صح يا أسر احجز اوضه زياده
اسر : لمين
زين : لنيرة
اسر : هيا هتيجي معانا ؟
زين : انت ناسي انها بقت السكرتيره بتاعتي دا غير اني ناوي اعترفلها هناك و اتقدم
اسر بفرحه : دا بجد
زين : اه فكرت في الموضوع ومينفعش اتأخر عن كدا
اسر : عيون أخوك هكلم الفندق دلوقتي
( طرقت نيرة الباب وسمح لها زين بالدخول )
نيرة : احممم حضرتك محتاج مساعده يا زين بيه
زين : زين بس يا نيرة من غير بيه
نيرة بإبتسامه : حاضر
زين : عايز اكلمك في موضوع مهم
نيرة : اتفضل
زين : احمممم
اسر بغباء : ما تتفضل
زين مرة اخري : احممم...احممم
اسر بفهم : اااه فهمت...قصدي يعني لازم اخرج عشان اتصل بالفندق..زي ما قولتلك يعني...انت فاهم...سلام
نيرة بإبتسامه : سلام
« خرج اسر »
زين : بكرة لازم نسافر دبي عشان في اجتماع بعد بكره و هنيجي بعد الاجتماع بيوم...يعني هنقعد هناك ٣ ايام
نيرة : خلاص هقول لوالدي و هرد على حضرتك بالليل
زين : تمام يا نيرة و حاولي لأن وجودك مهم
نيرة : حاضر....حاجه تاني
زين : كوباية قهوه معلش
نيرة : حاضر
زين : تقدري تعمليها وتمشي...النهارده مفيش شغل ليكي و اوعي تنسي تردي عليا
نيرة : تمام
« فـي منزل محمد »
يزيد : امشي بالراحه قولتلك
ورد بضحك : حاضر
يزيد : انتي غبيه يابنتي...بتضحكي ليه
ورد بضحك : والله ما اعرف بس عايزه اضحك وخلاص
يزيد : يارب ارحمني من التفاهه...اضحكي وخليهم يقفشونا
ورد تحاول ان تكتم صوت ضحكاتها : لا لا خلاص
يزيد : امسكي طبقك عدل وتعالي ورايا
ورد : حاضر
« دخلوا إلى غرفة يزيد »
يزيد : الحمد لله مش خدوا بالهم
ورد : انت بتاعك بطعم ايه
يزيد : الخضار وانتي
ورد : اللحمه
يزيد : طب انا عايز ادوق
ورد : دوقني الأول من بتاعك وهدوقك من بتاعي
يزيد : قولي والله
ورد : والله
يزيد يمسك الشوكه : امسكي
ورد : لا يا بابا كتر مكرونه
يزيد : بطلي طفاسه انجزي
ورد تذوقت وقالت : حلو بس بتاعي انا احلى
يزيد : خليني ادوق بقى
ورد : بس متكترش
يزيد : حاضر
« نتـرك يزيـد و ورد مع الأندومي ونذهـب إلى الطـابق الأول »
جميله : جيتي بدري يعني
نيرة : مكانش في شغل النهارده
جميله : اه...طب ما تساعديني في الاكل
نيرة : حاضر بس هيا ورد فين
جميله : معرفش اختفت هيا و اخوكي فجأه
نيرة : يبقي عملوا جريمه
جميله : شاكه والله
« بعد ساعات قليله كانت تتجمع العائله حول السفره لتناول الغداء»
نيرة : بابا عيزاك في موضوع
الاب وهو يمضغ الطعام : قولي يا حبيبتي
نيرة : ااااا...في اجتماع مهم في الشركه بس هيكون في دبي فلازم اسافر معاهم عشان دا مهم جدا
الاب : ااه...هتسافري امتى
نيرة : بكره وهقعد هناك يومين ببكره يبقي ٣ ايام
الاب : تمام بس اختك تسافر معاكي
نيرة : معنديش مشكله
ورد : لا ياجماعه سفر ايه بس
نيرة : بالله عليكي يا ورد
يزيد : يابختك بقى ياست ورد ما توافقي
ورد : لا ياستي مش هقدر
نيرة : عشان خاطري وبعدين انتي لسه هتبدأي جامعه الاسبوع الجاي يعني مش مشغوله في حاجه
ورد : امممم خلاص ماشي
نيرة بفرحه : بحبك يا احلى اخت
ورد : وانا يا عيوني
نيرة : هقوم اتصل بزين اقوله
(اتصلت بزين)
زين : يعني وافق
نيرة : اه الحمد لله
زين : تمام تعالي الڤيلا بكره الساعه ٩ الصبح هتلاقينا هناك
نيرة : بس انا معرفش العنوان
زين : هبعتلك الأبلكيشن
نيرة : تمام....سلام
زين بفرحه : سلام
« اغلق الخط »
اسر : وافقت ولا ايه
زين : اه
اسيا : هيا مين
زين : نيرة جايه معانا
رغد بضيق : دا ليه يعني
زين : عادي وبعدين هيا السكرتيره بتاعتي
رغد : اه تمام
رويه : تصبحوا على خير يا جماعه...هروح انام بما اني هصحى بدري
اسيا : وانتي من اهله
« فـي الصباح وخصـوصًا أمام الڤيلا »
زين : معلش يا رويه اطلعي شوفي ست اسيا
اسر بدفاع : ياعم ما تسيبها براحتها متستعجلهاش
زين : وانت مالك يا حشري
رغد : اهي جت اهي
اسيا : صباح الخير
اسر بإبتسامه : صباح الورد
رغد : احممم فاضل نيرة
اسر : تقريبا هيا اللي جايه هناك دي
رويه : اه بس مين اللي معاها
زين : يارب مش تكون اللي في بالي
اسر بضحك لأن زين حكاله اللي حصل في الجنينه : لااا هيا اللي في بالك هههههه
زين : اااه طلعت هيا فعلا...دي هتبقى رحلة منيلة
« انتهـي الـبارت رأيـكم يا حلـوين فـضلاً » 🤍
دُمـتـم فـي سـلام🥹🌸
كسرة_قلوب
•تابع الفصل التالي "رواية كسرة قلوب" اضغط على اسم الرواية