رواية اليك سكينة فؤادي الفصل الخامس والثلاثون 35 - بقلم نورهان محمد

   رواية اليك سكينة فؤادي الفصل الخامس والثلاثون 35

لتستاذن منهم مغادره الي الخارج وبمحرد انا خرجت واستندت الي الحائط المجاور للغرفة شعرت بان قلبها يكاد يخرج من مكانه بعدما شكر عمرو في مستواها

لتعود الي غرفتها علي الفور

رامي بهدوء مالك ياعمرو سرحت ليه

عمرو بتفكير موضوع كده هبقا اكلمك فيه

رامي بحماس موضوع ايه

عمرو بتوتر مش وقته دلوقتي بعد الامتحانات ما تخلص هعرفك كل حاجه

رامي بضيق ايه دا بقا لسه هستني دا كلو

عمرو بابتسامه ايوه لحد ما الوقت يكون مناسب وهتعرف كل حاجه

رامي بشك تمام ياعمرو هانت شهر وشويه مش كتير

عمرو بهدوء ايوه فعلا

ليكمل عايزين نعرف دار الافتاء اعلنت رمضان بكره ولا بعد بكره

رامي بهدوء هدخل علي الفيس واشوف

بقلم نورهان محمد

•••••••••••••••••••••••••••••••••••••••••••••••••

في فيلا الكيلاني وتحديدا في جنينة الفيلا جلس الجميع ينتظر ظهور رؤية الهلال والتي اثبتت ان اليوم هو المتمم لشهر شعبان وغدا اول ايام شهر رمضان

بعد تأكد خبر ان رمضان غدا هتف منصور بهدوء كل عام وانتو بخير ياولاد رمضان كريم

مريم بهدوء وحضرتك طيب وبخير ياعمو

لتكمل الله اكرم

سليم بهدوء وحضرتك طيب وبخير ومعانا دايما

معاذ بهدوء وحضرتك طيب وبخير يا بابا

ليكمل رمضان كريم علينا جميعا

سلمي من بين شرودها الله اكرم

منصور بهدوء لازم كلنا دلوقتي نتحد اننا نعدي الفتره دي ومنستسلمش للحزن رمضان بكره ان شاء الله عايزين نغتنم الشهر دا ومنفكرش في ايه حاجه غير في العباده

ليكمل بحزن وندعي لكل اللي بنحبهم

سليم بحزن عندك حق يا بابا

معاذ بتأييد هو دا اللي هيحصل فعلا

ليكمل عندما وجد سليم حزينا ك عادة الاربع ايام السابقه فهو حتي لم يذهب الي الشركه وايضا لم تعامل الا في الحدود

ليهتف بهدوء سليم تعالي نطلع نشتري طلبات البيت اللي هنحتاجها في رمضان انا قولت للدادة وحضرتلي قايمه المشتريات

سليم بهدوء تمام عشر دقايق هغير هدومي وهحصلك علي العربيه

بعد مرور عدة دقائق وتحديدا امام البحر معاذ بهدوء انزل نقعد علي البحر شويه ونتكلم

سليم بهدوء وهو يترجل من العربيه انا فعلا محتاج كده

بعد مرور خمس دقائق من الصمت وتامل كل منهما للبحر

هتف معاذ بهدوء مالك يا سليم

سليم بحزن مش قادر اتخطي اللي حصل كل ما بحاول انسي اللي حصل قبل كده برجع افتكره اقوي من الاول

معاذ بهدوء الحياه كده يا سليم مش دايما حلوه لازم جانب سعيد وحزين جانب مظلم ومضئ

سليم بحزن عندك حق

معاذ بهدوء لازم نعدي ونتعامل كده كده الحزن هيكون في القلب وعمرنا ما هننسا ماما مهما حصل بس اللي احنا فيه وبنعملوا دا مش صح

سليم بحزن امال هنعمل ايه انا مليش نفس لاي حاجه

معاذ بحماس انت ترجع الشركه وتديرها ولازم تبقا اقوي وتستعد انك تكون رقم واحد في الشرق الاوسط دي حاجه

تخلي بالك من مريم وصحتها وبردو امتحانتها اللي هتكون بعد العيد دي ولازم تشجعها انها ترجع تزاكر ومتقلش عن الامتياز اللي بتجيبه كل سنه

وانت بقا ترجع زي الاول بحماسك وقوتك اللي بنستمدها منك ياسليم انا وبابا انت الاساس في حياتنا ياسليم وطول عمرك طاقه النور اللي في حياتنا

سليم بحزن ما هو دا اللي تاعبني يا معاذ مش قادر اقاوم خلاص حاسس اني لازم اكون قوي علشان كل اللي حواليا بس اعمل ايه تعبت خلاص عمتك دي كانت بالنسبالي زي ماما صدمتي فيها كملت كسرتي وبابا اللي بيحاول يتحامل ويداري زعله وقهره كل دا بيقتلني

معاذ بحزن اقترب من اخيه واحتضنه بشده ليبادله سليم عناقه صمت كل منهما لبعض الدقائق لم يبقي سوا هذا العناق الذي طمأنهم بعض الشئ

ليقطع تلك العناق سليم وهو يضغط علي كتف اخيه هاتفا بقوه انت عندك حق احنا لازم نرجع زي الاول واحسن ولو مش علشانا ف علشان بابا ومريم واهلنا كلنا

معاذ بابتسامه هو دا سليم اللي اعرفوا

سليم بابتسامه بسيطه ربنا يديمك خير سند ليا يامعاذ انت مش بس اخويا انت ابني وصاحبي وحبيبي

معاذ بحب ويديمك ليا ياحبيبي ليهتف بحنان ربنا يعلم انا بحبك قد ايه وبعتبرك فعلا صاحبي واخويا وساعت من كتر نصايحك ليا وخوفك عليا بحس انك ابويا

سليم بابتسامه انا دايما في ظهرك وهكون جنبك في اي وقت

ليكمل وانت كمان شد حيلك يلا وخلص تعليم وانا هفتحلك الشركه اللي بتحلم بيها

معاذ بحماس اعتبروا حصل ياكبير بعد الجمله دي

سليم بابتسامه ربنا يوفقك يامعاذ

ليكمل يلا بقا نقوم نشتري الحاجات اللي قولت عليها

معاذ بهدوء يلا

بالفعل ترجلوا الي احدي السوبر ماركات الكبيره واشتروا منها بعض الخضروات التي تكفيهم عدة ايام وايضا بعض اللحوم والمشروبات وايضا ياميش رمضان

معاذ بتعب لا يا اخي ايه التعب دا انا مش قادر

سليم بابتسامه وهو يضع ما بيده داخل العربيه امال فاكر ايه لازم تتحمل مسؤليه

ليكمل بهزار امال عايز تتجوز ريم ازاي

معاذ بهزار جوزوني انتو ريم وملكوش دعوه بالمسؤليه

سليم بضحك ايوه دلوقتي المسؤلية بقت حلوه

معاذ بضحك اه حلوه اوي كمان

سليم بابتسامه تمام يا اخويا

ليكمل انا هطلع اشتري ل مريم فانوس وشويه حاجات افرحهم بيهم

معاذ بتفكير طيب وانا بردو هروح اشتري ل ريم

سليم بابتسامه تمام يلا بينا

بعد دقائق وضع كل منهما البوكس الذي بيده بداخل العربيه ومن ثم ترجل معاذ الي خلف المقود وبجواره سليم عائدان الي الفيلا مجددا

بقلم نورهان محمد

•••••••••••••••••••••••••••••••••••••••••••••••

في فيلا الكيلاني وتحديدا بعد منتصف الليل وجدوا الوضع هادي ومن الواضح ان الجميع نائم

توجهوا الي الداخل ومن ثم الي المطبخ وهما يحملان عدة شنط بها ما يحتاجه المنزل خلال الشهر هاتفين بابتسامه الحاجات اهي يا دادة اللي هنحتاجيها

الدادة بابتسامه تسلموا ومن ثم هتفت بطيبة كل سنه وانتو طيبين وبخير

سليم ومعاذ بابتسامه وانتي طيبة وبخير يادادة

ليعود سليم وفي يده البوكس المزين وباليد الاخري عدة شنط اخري بها بعد المشتريات التي قد تحتاجها مريم في شقتها هي الاخري

سليم بهدوء انا طالع بقا تصبح علي خير

معاذ بابتسامه وانت من اهله

ليكمل هنستناك علي السحور

سليم بهدوء حاضر

بقلم نورهان محمد

•••••••••••••••••••••••••••••••••••••••••••••••

في الجناح الخاص ب سليم ومريم

ترجل الي الجناح ومن ثم الي المطبخ الملحق بالجناح ووضع به الشنط التي بيده ومن ثم ترجل الي غرفه نومهم ليجد مريم جالسه علي الاريكه تسبح ليضع ما بيده علي الفراش وبمجرد ان انتبهت اليه توجهت نحوه محتضنه اياه بابتسامه هاتفه بهدوء وحشتني

سليم بابتسامه وهو يحتضنها وانتي كمان

مريم بهدوء باين عليك بقيت احسن

سليم بابتسامه اتكلمت انا ومعاذ شويه وحاسس فعلا اني بقيت احسن

مريم بطيبة ربنا يديمكم لبعض

سليم بهدوء يارب

سليم بابتسامه عاملاك مفاجأة

مريم بحماس ايه

سليم بابتسامه وهو يجلسها علي الاريكه ومن ثم يحمل البوكس ويعود نحوها مجددا هاتفا بابتسامه افتحي وقوليلي رائيك حبيت اعمل مفاجأة في اول رمضان لينا مع بعض واحنا متجوزين

مريم بفرحه الله دا ليا انا

لتكمل اكيد هتعجبني علشان منك

سليم بحب وانا عندي اغلي منك ياحبيبتي

مريم ابتسمت اليه ومن ثم بدات في فتح البوكس لتجد فانوس كبير لها مكتوب عليه سليم ومريم ومن ثم وجدت فانوس اخر صغير مكتوب عليه الي طفلنا المنتظر لتمسك الفانوس بعيون ملتمعه بالدموع ومن ثم تنظر نحوه بكل حب فحقا هو يهتم بتفاصيلها وكيفيه اسعادها ومن ثم وجدت مصحفان واحد باللون الابيض والاخر باللون الروز وايضا مسابح الكترونيه ومعهم عدد كبير من الشيكولاتات لتنظر نحوه مريم بحب وسعادة كبيره ومن ثم احتضنته بشده هاتفه بحب ايه دا بجد مش عارفه اقولك ايه انا حاسه اني طايرة من الفرحه اهتمامك حبك طيبتك رجولتك حنيتك كل حاجه فيك بتخطف قلبي

سليم بحب زي ما انتي كده خطفتي قلبي

مريم بكسوف سليم

سليم بحب قلبه وحياته

بعد حوالي ساعتين تقريبا

سليم بابتسامه يلا يامريم اجهزي علشان ننزل نتسحر تحت

مريم بهدوء حاضر

بقلم نورهان محمد

•••••••••••••••••••••••••••••••••••••••••••••••

في الاسفل

وتحديدا علي طاولة الطعام

منصور بهدوء يلا يا ولاد تسحروا فان في السحور بركة

بعد مرور عدة دقائق توجه سليم ومعاذ بصحبة والده الي الجامع لقضاء صلاة الفجر

ومن ثم عادوا الي المنزل وترجل كل منهما الي غرفته لينالوا قسطا من الراحه

سليم لاحظ شرود مريم ليهتف بهدوء مالك يامريم

مريم بزعل خايفه من الترم دا انا مش بذاكر زي الاول والامتحانات بعد العيد

سليم بابتسامه لسه فاضلك اكتر من شهر وانتي قدها وانا واثق انك هتجيبي الامتياز زي كل سنه

مريم بحماس بجد يا سليم اقدر

سليم بهزار طول ما الامتحان مش بكره يبقا انتي في امان

مريم بضحك ضحكتني والله ياسليم

سليم بابتسامه انا عارف انك تعبانه والحمل والصيام هيكون حمل عليك بس انتي تقدري ترتاحي طول اليوم وبليل تذاكري من بعد التروايح مثلا لحد الفجر تاخدي اليوم علي فترات

ليكمل بحب وانا هساعدك في اي حاجه تحتاجيها بعد صلاة التراويح ان شاء هكون معاك ولو محتاجه اي كتب او اي حاجه هتصرف واجبهالك

شعرت مريم بالسعادة تحاوطها فهي حقا تمتلك زوجا حنونا طيبا يمتلك كل صفات الزوج المثالي الصالح

وايضا شعرت بالحماس يحاوطها عندما اخبرها بان الوقت مازال كافيا للمذاكره

لتهتف بابتسامه وضحي مجهزالي كل حاجه هخليها تجبهالي بكره وتاجي تقعد معايا شويه

سليم بابتسامه تمام ياحبيبتي

مريم بابتسامه اكيد عايز تنام

سليم بتعب اه عايز انام ساعتين قبل ما اصحي اروح الشركه

بقلم نورهان محمد

•••••••••••••••••••••••••••••••••••••••••••••••

في مساء اول ايام رمضان بعدما تناولوا فطارهم توجهوا الي الجامع لقضاء صلاة التراويح

اما مريم فانتظرت ضحي في جنينة الفيلا والتي كانت تجلس معها سلمي لحين وصول رفيقتها

بعد دقائق ترجلوا الي الداخل سويا ضحي بصحبة رنا التي وما ان عرضت علي والدها زيارة مريم ومصالحتها والاعتذار منها علي ما بدر رحب والدها وبشده وخصوصا انه كان يعلم ان رنا تحب مريم وبشده

مريم بابستغراب اقتربت من ضحي وسلمت عليها هاتفه بهدوء في ايه

ضحي بابتسامه ايه رائيك في المفاجأه دي

مريم باستغراب مفاجأه

رنا بحزن مش هتسلمي عليا وانا في بيتك

مريم بهدوء مدت يدها لتصافحها ولكن اقتربت منها رنا وحضنتها بشده هاتفه بحزن انا اسفه يامريم كان غصب عني متزعليش مني انا عمري ما كنت افكر اني ازعلك دا انتي كنتي اقرب البنات ليا

مريم بهدوء حصل خير وانا مش زعلانه

رنا بابتسامه وهي تخرج من بين احضانها هاتفه بهدوء بجد سامحتيني

لتكمل وانا والله مش هزعلك تاني ابدا وهتلاقي بعد كده رنا صحبتك القديمه وبس

مريم بابتسامه ايوه سامحتك

لتكمل بطيبة انا اصلا كنت زعلانه بسبب اننا افترقنا

ضحي بهزار لكي تلطف الجو ما خلاص يابت انتي وهي انا بغير انتو الاثنين دلوقتي بقيتوا صحابي وبغير عليكم من بعض

لتضحك مريم ورنا لتبادلهم هي الاخري ضحكتهم

مريم بابتسامه تعالوا نقعد بقا ونتكلم وحشتوني اوي ووحشني كل حاجه في الكليه

رنا بحب وانتي كمان وحشتينا والله ومفتقدينك

لتكمل بتسائل مش بتفكري تيجي

مريم بابتسامه انا حامل في الشهر الثاني والحركه هتكون صعبه عليا

رنا بابتسامه وهي تتجه نحوها مجددا وتحتضنها هاتفه بحب مبروك ياحبيبتي

مريم بابتسامه عقبالك ياقلبي

ليجلسوا يتبادلان الحديث عن حياتهم وما مر عليهم طوال الفتره الماضيه

بقلم نورهان محمد

•••••••••••••••••••••••••••••••••••••••••••••••

ثاني ايام شهر رمضان قضوه في الفيلا ولكن بعزومه عائليه اقامها منصور ودعي اسماء واولادها

خامس يوم كانت العزومه عند اسماء وهم من ذهبوا لقضاء اليوم عندهم

عاشر يوم كانت عزومة تجمع سليم ومريم بمصطفي وضحي ومعاذ وريم ومروان في احدي المطاعم

اما منتصف الشهر فكانت العزومة عند ام ضحي لجميع افراد العائله

اما في اليوم العشرون فكانت عزومة شامله في فيلا الكيلاني للجميع

والعشر الآواخر كانت للعبادة فقط بدون خروج او دخول لاي احد من افراد العائله كان كل منهما مفرغ وقته للصيام والدعاء والصلاة

وفي ليلة التاسع وعشرون من رمضان

منصور بهدوء اكتر شهر بيخلص بسرعه والله

مريم بتأييد ايوه والله ياعمي الواحد مش مصدق انو خلص

سليم بهدوء اه والله فعلا شهر كده كلو روحانيات واجواء مبهجه

معاذ بهدوء خلص بسرعه اوي شهر رمضان كنا من كام يوم بنقول اهلا ودلوقتي بنقول مهلا

سليم بضحك طيب كنت قومت قعدت مع رمضان شوية بدل ما انت طول اليوم نايم

معاذ بضحك يا اخي كسفتني

سليم بابتسامه ما انت اللي بدأت

ليكمل ساكته ليه ياسلمي

سلمي بحزن عادي ياسليم انا بس سيباكم تتكلموا

سليم بابتسامه لا اتكلمي واتناقشي معانا ورخمي علي معاذ زيي كده

معاذ بهزار متسمعيش كلامه في آخر جملة قالها

سلمي بابتسامه وهي تنظر نحوهم بطيبة انتو احلي اخوات والله

سليم ومعاذ بحنان وانتي احلي اخت والله

كل هذا وسط نظرات الحنان والحب التي كانت تحاوطهم من جانب منصور وهو يتأملهم

سليم بابتسامه كنت عايز اتكلم معاك شويه ياسلمي

سلمي بهدوء تمام

ليترجل سليم بهدوء ومن ثم ترجلت سلمي بجواره

معاذ بفضول عايزه في ايه الواد دا

مريم بضحك وهي تخبطه باحدي الاشياء التي امامها هاتفا بضحك يابني بطل بقا فضولك دا هيموتك في مره

معاذ بضحك لا انت لا يمكن تكوني اختي في الرضاعه لا المفروض تكوني زيي

ليكمل بهزار عارفه انتي خدتي مني ايه

مريم بابتسامه ايه ياناصح

معاذ بضحك وهو يسرع في التحرك من امامها خدتي الرخامه بس

مريم بابتسامه طيب يامعاذ لو جدع تعالي هنا

معاذ بضحك وهو يجلس علي احدي الكراسي المبتعده عنها لا انا مرتاح كده

ليكمل لكي يثير عصبيتها انا بقا يا بابا هروح اجيب التلج والصواريخ والبومب علشان بكره ومش هعمل حساب ناس كده

مريم وقد تحولت مره واحده معاذ اخويا الجدع الطيب هاتلي معاك

معاذ بنظرة شك يا سلام دلوقتي بقيت اخوك الطيب الجدع لا ياشاطره العبي غيرها

مريم بابتسامه معاذ كده هتزعلني

معاذ بضحك ايوه عادي وايه الجديد

مريم بلا مبالاه ماشي يامعاذ

لتكمل بتحدي هخلي سليم يجبلي

كل هذا وسط نظرات منصور الذي كان يتابع شجارهم وهو يضحك بشده عليهم وكانهما مازالوا اطفال

بقلم نورهان محمد

•••••••••••••••••••••••••••••••••••••••••••••••

عند سليم وسلمي

سليم بهدوء سلمي انا عايز اتكلم معاك في موضوع مهم

سلمي بانتباه اتفضل ياسليم

سليم بتذكر

فلاش باك

ساره بهدوء بشمهندس سليم في واحد مستني حضرتك بره

سليم بهدوء وهو يرفع رأسه من علي الاوراق التي امامه هاتفا بهدوء مين

ساره بهدوء اسمه هشام

سليم باستغراب هشام

ليكمل بهدوء خلي يتفضل

ليترجل هشام الي الداخل هاتفا بابتسامه ازيك ياسليم

سليم باستغراب الحمد لله ياهشام اتفضل

ليجلس هشام بهدوء ومن ثم هتف بابتسامه طبعا انت مستغرب الزياره وخصوصا ان زيارتنا كانت دايما في المشاكل او بتنتهي بمشاكل

سليم بهدوء الصراحه ايوه

ليكمل بس باين عليك عايز حاجه مهمه

هشام بحزن الصراحه ايوه

سليم بترقب اتفضل سامعك

هشام باحراج عايزك تسامحني لو بدر مني اي حاجه او زعلتك في اي حاجه انا كنت تايه ومش فاهم انا بعمل ايه بس بجد انا بدأت اتغير وبقيت شخص تاني

سليم بهدوء وانا مش زعلان منك ومسامحك في حقي

ليكمل انا فعلا حاسس انك اتغيرت واتمني كده فعلا

هشام بهدوء وانا هثبتلك حسن نية وهتتأكد من كده

ليكمل كل الي انا طالبه ان صداقتنا ترجع زي الاول وانا بعد ما هخلص معاك هروح لمصطفي واصلح كل حاجه معاه بردو

سليم بابتسامه لا هو التغير باين اوي اوي كمان والدليل انك عايز ترجع صداقتنا وانت اصلا اخر فتره كنت مش بطيقني

هشام بضحك يخرب عقلك يا سليم ضحكتني

ليكمل انا ضيعت حاجات كتير وخسرت ناس اكتر وحسيت اني لازم اتغير قبل فوات الاوان ولقيت انك انت ومصطفي صحاب بجد وهتساعدوني في كده

ليكمل وكل دا اثبتلي انكم كنتم اصدقاء فعلا وعمر صحبيتكم ليا ما كانت لمصلحه زي الباقيين وانا عايز ابدا معاكم صفحه جديده

سليم بطيبة وانا مش عندي مانع وهتلاقيني جنبك دايما وفي ظهرك انا ومصطفي

ليكمل بهدوء اهم حاجه تكون فعلا عايز كده وتتغير فعلا

هشام بهدوء انا بكلمك بكل صدق الفتره اللي فاتت دي كانت كفيله اني اتغير وابدأ واكون شخص مختلف وباين عليا بنجح اهو

ليكمل انا كمان عايز اتجوز علشان ابعد عن كل حاجه واسس بيت

سليم بحماس طيب كويس

ليكمل انت اخترت العروسه ولا لسه

هشام بقلق ايوه وانت تعرفها

سليم باستغراب ممزوج بترقب مين دي اللي اعرفها

هشام بتردد سلمي

سليم بصدمه سلمي

هشام مقاطعا اياه ايوه سلمي انا عارف انك اكيد عرفت بالمشكله اللي حصلت بينا وتقدر تقول انها كانت سبب تغيري مكنتش بتفارق خيالي حسيت ان ليه متغيرش علشان اكون معاها كانت جريئه ومخفتش مني وانا فعلا حسيت اني محتاجها محتاج اكمل حياتي معايا

سليم بتشتت مش عارف اقولك ايه بس هي

هشام بتفسير انا عارف كل حاجه والظروف اللي هي فيها انا الفتره اللي فاتت كنت متابع كل حاجه تخصها

ليكمل وحاسس ان ظروفنا زي بعض ونقدر ناخد بايد بعض ونبني حياتنا

سليم بتفكير بس سلمي وبعد دا كلو انا ومعاذ بنعتبرها اختنا وعمرنا ما هنسامحك لو فكرت تزعلها او تأذيها دا بعد ما هأخد رأيها بردو دا في حالة انها توافق

هشام بحماس ان شاء الله هتوافق بس انت حاول معاها

سليم بهدوء تمام

هشام بتوتر سليم علشان بردو متكونش خايف انا بتعالج عند دكتور نفسي علشان اتجاوز المرحله دي وحاسس فعلا اني بقيت احسن من بعد ما روحت للدكتور دا وان شاء الله بعد ما اتعافي تماما طبعا العلاج هياخد فتره بعديها نتجوز انا وسلمي ونبدأ حياه جديده

سليم بابتسامه علي فكره دي حاجه كويسه

ليكمل بالعكس انا فخور بيك لانك لما حسيت انك محتاج لدكتور حتي لو دكتور نفسي خدت الخطوه وعلي فكره انت دلوقتي بقيت احسن بكتير وفعلا انا بقيت فخور اننا هنكون صحاب

ليكمل وان شاء الله سلمي توافق ليكمل بضحك وتبقا صاحبي وزوج اختي

هشام بفرحه وهو يترجل نحوه لكي يحتضنه يارب يارب ياخال العيال

سليم بضحك خلتني خال العيال كمان

هشام بفرحه ايوه كل حاجه بسرعه بسرعه

سليم بابتسامه ربنا يقدملك اللي فيه الخير

هشام بطيبة يارب

ليكمل يلا هروح بقا للواد مصطفي لان زعله وحش وكنت عملت في فصل قبل كده يارب يكون نسيه

سليم بضحك ايوه ان شاء الله هيصالحك دا تافه

ليكمل موقف ايه دا

هشام وهو يترجل الي الخارج هبقا احكيلك بعدين سلام

سليم بابتسامه فرحه سلام

ليعود من تذكره هاتفا بهدوء ايه رائيك من وجهه نظري انا شايف انو اتغير وممكن نعمل خطوبه ولو حسيتي باي حاجه لقدر الله تقدري تسبيه

ليكمل بهدوء والله انا مش بقولك راي علشان حاجه بالعكس انتي قعدتك معانا علي رأسنا ومنورنا وخدنا علي وجودك بس ربنا يعلم اني عايز اطمن عليك لانك فعلا اختي

نظرت سلمي نحوه بابتسامه هاتفه بحنان منا عارفه والله ربنا يديمكم كلكم ليا ياحلي عوض من ربنا ليا

سليم بابتسامه ويديمك لينا ياسلمي

ليكمل ها رائيك ايه

سلمي بتفكير ممزوج بهدوء…..

بقلم نورهان محمد

•••••••••••••••••••••••••••••••••••••••••••••••••

 

  •تابع الفصل التالي "رواية اليك سكينة فؤادي" اضغط على اسم الرواية