رواية غرام الفارس الفصل الثاني والعشرون 22 - بقلم هبة ابو بكر

 رواية غرام الفارس الفصل الثاني والعشرون 22 - بقلم هبة ابو بكر

كانت جميله تجلس في مكتبهاا المخصص لها فهي في فتره راحتها بعد مرور بعض الوقت كادت ان تخرج من المكتب لتكمل عملها لتجد فارس امامهاا

فارس بغموض : عاوز اكلم معاكي شويه

لتدخل جميله المكتب مره اخري و هو خلفهاا لتجلس علي الاريكه

ليظل فارس واقفا امامها يتطلع لها بنظرات لم تفهمها

جميله بتلعثم : ممكن اعرف حضرتك عاوزني في ايه

فارس بتسئاول : انتي مين يا جميله

لترفع جميله عينيها تنظر له و هي تبتلع ريقها : يعني ايه انا مين حضرتك عارف انا مين و اظن اني شغاله عند حضرتك

ليقترب فارس منها و يهبط لمستواهاا : جميله حامد العمري

لتنظر له جميله بصدمه فكيف علم باسمهاا الكامل

جميله : انت عرفت منين

فارس : مع الاسف حظك وحش و كرم اللي كنتي شغاله عنده قبل متشتغلي هنا يبقا صاحبي و عرفك و قالي اسمك الكامل اصله افتكرك من العيله لما شافك شغاله هنا الصراحه شكيت انك ممكن تكوني فعلا بنت عمي حامد بس ده ليخرج لها الظرف امامها بيقول غير ده

جميله : ايه ده

فارس : ده تحليل DNA عملته بشعرايه منك و من فرح ليكمل بسخريه : و النتيجه طلعت سلبيه يعني انتي مش بنت عمي بس عاوز اعرف بقاا انتي نصابه و لا ايه حكايتك بالضبط

جميله بسخريه : اكتر حاجه عجباني فيك انك نبيه يا فارس طالع لابوك ما شاء الله

ليشعر فارس بنبره السخريه التي تحدثت بهاا

كاد يتحدث لتقاطعه : بس بما انك عامل فيها نبيه اعرف كل حاجه لوحدك لاني مش هشرحلك حاجه

و كادت ترحل ليمسكها فارس من ذراعيها : انا عاوز اعرف انتي عاوزه ايه مننا هاا عاوزه فلوس

جميله بغضب و تنزع يديها منه : فلوسكو دي اخر حاجه انا ممكن افكر فيهاا انا عاوزه حق امي عاوز اخد تارها يا بن عمري من كل واحد اذاهاا

فارس بانعقاد حاجبيه : و مين امك دي كمان دي اكيد

لتقاطعه و هي تخبره : قبل متكلم يا بن العمري احب اققولك ان انا بنت عمك حامد فعلا و فرح اللي انت فاكرها بنت عمك تبقا و لا بنت عمك و لا حاجه دي بنت وفاء و بس فاهم كلامي و لا اشرحلك اكتر

فارس بعدم تصديق : انتي بتقولي ايه

جميله : بقول الحقيقه فرح مش بنت عمك بنت عمك واقفه قدامك و امي تبقا جميله اللي كانت شغاله في المزرعه هنا زمان و ابوك حط عينه عليها و حاول يعتدي عليها لولا بابا لحقها في الوقت المناسب و بعدين حبوا بعض و حبوا يكملو حياتهم من بعض بس جدك نبيل العمري مقبلش ان ابنه يجوز واحده شغاله في مزرعته و بعدين بابا اتجوز ماما و خدها القاهره و وهم جدك انه طلقها و انها هربت من البلد و عاشوا في سعاده و بعديها انا جيت و كنا عايشين اسره سعيده لحد ما ابوك عرف ان بابا متجوز ماما و جالها و بابا مش في البيت و حاول يعتدي عليها للمره التانيه لولا انها جرحته بالسكينه مكنش سابها مخدش في اعتباره انها مرات اخوه و كان عاوز ينهش لحمه و عرضه يا استاذ فارس

فارس بغضب : بس اخرسي

جميله بغضب اشد : لا مش هخرس بعديها وفاء عرفت ان ببا متجوز ماما معرفش عرفت منين بس عرفت و جت البيت و معاها رجالتها و اتنين مسكو ماما و واحد دبحها و هي واقفه تتفرج عارف يعني ايه امك تتدبح قدامك و انت مش عارف تعملها حاجه عارف الصدمه اللي كنت فيها عامله ازاي و لا لا

فارس بصدمه : انا مش مصدق اللي انتي بتقوليه ده

جميله بثقه : و انا عندي اللي يثبتلك كلامي

………………………………………………………..

في المساء دخل فارس الدوار و هو مصدوم مما حدث فجميله اثبتت له صدق كلامها بدليل لم يستطع ان يتحدث بعد ان راه

اما مصطفي فكان يفكر بتلك الجميله التي تعمل في مزرعتهم فهو يريد الحصول عليها و يعوض خسارته الماضيه ليدخل فارس المكتب فهو لم يكن يعلم ان والده به

مصطفي بابتسامه : تعالي يا فارس ادخل انا خارج اصلا

فارس و هو ينظر له لا يصدق ان هذا والده : رايح فين

مصطفي بتلعثم : هتمشي بره شويه ادخل انت شوف شغلك متشغلش نفسك بياا

ليؤما له فارس و يغادر مصطفي من امامه لينظر له فارس بنظرات شك فانتظره حتي خرج ليخرج وراءه و ظل يسير خلفه حتي وجده يدخل المزرعه فمصطفي يريد ان ينفذ خطته الدنيئه التي فعلها من قبل مع جميله مع الدكتوره الجديده التي تحمل نفس اسمهاا

ليظل فارس خلفه و لكن بهدوء حتي لا ينتبه له

مصطفي للعامل المتواجد بالمزرعه : كلم الدكتوره جميله جولها انه في حاله طارئه و لازم تيجي تشوفعا دلوج

العامل باستغراب : حاله طارئه ايه يا بيه مهو مفيش حاجه اهو

مصطفي بنظرات غاضبه : انت هتسمع الكلام و لا

العامل بخوف : حاضر حاضر جنابك هبلغهاا

مصطفي : و روح انت انا هفضل في المزرعه انهارده

ليستغرب العامل كثيرا و يغادر من امامه

و اثناء ذهابه وجد فارس امامه ليستفسر فارس منه عما كان يريده والده ليقص له العامل ما يريده ليصدم فارس مما سمع فهو قد تذكر ما حكته جميله عن موقفه المشابهه مع والدتها و علم بانه يريد ان ينفذها مره اخري

ظل فارس مصدوم فبرغم كل ما سمعه و علمه لا يستطيع ان يصدق هذا عن والده و اراد ان يري ماذا سيفعل والده مع جميله حتي يري بعينيه بشاعه والده و جهه الحقيقي الذي لم يكن يعلم عنه شئ

جاءت جميله و كانت تعلم نيه مصطفي و ما يريد فعله معها و قبل دخولهاا القسم الخاص بها وجدت فارس ينظر لها لتبادله النظرات و تدخل حتي يري فارس بعينيه ماذا سيفعل والده معهاا

دخلت جميله لتجد الحيوانات هادئه و بعضها نائم و كادت تخرج لتجد.من يجذبها من ذراعها بعنف

لتلتف لتجده مصطفي : تعالي يا حلوه رايحه فين

لتتصنع جميله الصدمه : مصطفي بيه حضرتك خضتني

مصطفي بنبره وقحه و ينظر لها بوقاحه : سلامتك من الخضه يا جميل انت

لتبتلع جميله ريقها و هي تشعر بالاشمئزاز من نظرات مصطفي

جميله : في عامل قالي انه في حاله طارئه و لازم اجي اشوفهاا

مصطفي و هو يقترب منها و جميله ترجع للخلف : و الحاله اهه قدامك يلا اكشفي عليا اصلي تعبان اووي

جميله و هي تمثل الخوف : ايه اللي حضرتك بتقوله ده حضرتك من سن والدي

مصطفي و هو يجذبها و يحاول تقبيلهاا بالغضب

جميله بغضب : انت بتعمل ايه انت اتجننت

ليقوم مصطفي بتمزيق ملابسها للتفاجى جميله من تصرفه السريع و يقوم بزقها و كاد ان يقترب منها و لكنه توقف بمجرد ان سمع صوت فارس

فارس : انا مش مصدق نفسي بقا انت بتعمل كده يا بابا بتحاول تعتدي علي واحده في سن بنتك

مصطفي بتوتر و تلعثم : فارس انت بتقول ايه بس انا انا

لينظر لجميله و هو يشاور عليها : دي هي هي اللي اغرتني و

ليقاطعه فارس : متكملش عشان انا سمعت و شوفت كل حاجه

ليقترب من جميله و يقوم بخلع معطفه و يخرج معها لتنظر جميله لمصطفي نظره كره و غل و ابتسمت له بخبث

………………………………………………………..

كانت غرام تنتظر وصول فارس و لكنه تأخر كثيرا فظلت قلقه عليه لتقرر ان تنزل من غرفتها و تنتظره بالاسفل و تسأل فاطمه او احدي الخدم عليه و بالفعل نزلت للاسفل و لكنها لم تجد سوي فرح و وفاء لينظرو لها بغل و سخريه

وفاء : الا قوليلي يا فرح متعرفيش فارس اتاخر ليه

فرح بخبث : ابدا يا ماما اصله خرج من المزرعه هو و الدكتور جميله لوحدهم

وفاء : و عرفتي منين انهم لوحدهم

فرح : اصلي اتصلت و العامل قالي انه شافهم خارجين مع بعض

وفاء : طب وراحوا علي فين كده

فرح : الله اعلم بقاا يا ماما لما فارس يجي نبقا نساله

ليدخل فارس من باب الدوار و برفقته جميله

لتجري عليه غرام و هي تنظر لجميله

غرام بتسئاول : حبيبي اتاخرت ليه قلقتني عليك

فارس و هو يملس علي وجهه : مفيش يا غرام كان في شويه شغل بخلصو لتنظر لجميله باستغراب فماذا تفعل هناا

لينادي فارس علي زينب

لتأتي زينب مسرعه : ايوه يا جنابك

فارس : وصلي جميله اوضه الضيوف كادت جميله ان تذهب مع زينب

وفاء برفعه حاجب : استني عندك يا بت

لتقف زينب مكانها وفاء لفارس : هو انت كل شويه هتدخل علينا بواحده و تجعدها في اوضه الضيوف مره غرام و مره جميله يا بن فاطمه و بعد يومين تيجي تجولنا انا هتجوزها

غرام و هي تنظر لفارس منتظره اجابته

فارس ببرود : زينب خدي جميله اوضه الضيوف عشان هي هتجعد معانا هناا

فرح بشماته في غرام : في ايه يا ماما متسبيها عشان خاطر فارس علي الاجل اصل جميله شكلهاا غاليه عليه جووي

فارس بزعيق لوفاء و فرح : بجولك ايه انتي و هي مش عاوز اسمع نفس واحده فيكوا مفهوم

وفاء بغيظ : و هو ده اللي ناجص يا بن فاطمه بتعلي صوتك علياا عشان خاطر واحده من الشارع الظاهر اجده انك طالع رمرام ب

ليقاطعها فارس و هو يقول باستفزاز : تصدجي صح انا فعلا كنت رمرام بس عارفه امتي ساعه لما وافجت اتجوز بنتك

لم تستطع كلا من غرام و جميله ان تمنعا ابتسامتهم

لتنظر لهم وفاء و فرح بغل

فرح بصدمه : بقاا كدا يا فارس هي دي اخرتهاا

وفاء بوعيد : هتدفع تمن كل كلمه جولتهاا يا بن فاطمه و بكره تشوف

فارس بتسئاول : ايه يا مرات عمي ناويه تعملي فياا ايه معجول تجتليني مثلا

وفاء بسخريه : ليه شايفني جتاله جتله

ليضحك فارس ضحكه ساخره

لينظر لزينب : خدي جميله الاوضه

لتتحرك زينب برفقه جميله و ترمقها وفاء بغل فهي لا تطيقهاا لتشابه اسمها مع اسم غريمتها سابقاا

اما فارس فنظر لغرام : يلا يا غرام

لتبتسم له و تصعد معه

لتبقي وفاء برفقه فرح

فرح : لازم فارس يتجوز جميله

لتنظر لها وفاء : انتي بتقولي ايه

فرح بغل : انا مش ههدأ غير لما اشوفو متجوز عليهاا لازم قلبها يتحرث زي محرقت قلبي ساعه ما اتجوزها عليا

لتجذبها وفاء من ذراعيها و نصعد بها غرفتها و بعدها اغلقت الباب

فرح بتوجع : اه في ايه براحه

وفاء : بتجولي ايه بقاا يا بنت بطني بقاا هشان عاوزه تشمتي في واحده سلميه لواحده تانيه فارس علي جثتي انه يتجوز اللي اسمها جميله دي انتي سامعه اما بقا غرام فأنا هتكلم مع عمي الصبح و اشوفو ناوي علي ايه

………………………………………………………..

في الصباح

نزل فارس برفقه غرام ليفطرو سوياا لتخبره غرام بانه ستذهب لتيقظ جميله فأوما لها فارس و هو يقبل يديهاا فليله امس قد قص عليهاا و برر لهاا وجودها بالدوار بأن احد العمال بالمزرعه حاول ان يعتدي عليها و لولاه لكانت ضاعت جميله لتتأثر غرام كثيرا و تعاطفت مع جميله

وصلت غرام امام باب الغرفه لتطرق الباب لتفتح لها جميله علي الفور

غرام بأبتسامه : صباح الخير

جميله و هي تبادلها الابتسامه : صباح النور

غرام : صاحيه بدري و لا معرفتيش تنامي

جميله : لا بالعكس نمت بس انا متعوده اصحي بدري

لتبتسم لها غرام و هي تنظر بالغرفه حولها : تعرفي اني اول مره جيت الدوار كانت دي اوضتي

جميله بأيماءه : عارفه

غرام باستغراب : عرفتي منين

جميله : من وفاء هانم امبارح

لتضحك غرام و هي تتذكر ملامح وجهها هي و ابنتها عندما اخبرهم فارس بانه كان رمرام عندما تزوج بفرح

جميله : بتضحكي علي ايه

غرام : افتكرت امبارح لما فارس قال لمرات عمه انه رمرام عشان اتجوز بنتها

لتضحك جميله هي الاخري : اه اسكتي ده وشها جاب الوان بطريقه

غرام : طب يلا نروح نفطر قبل متصحي عشان تعرفي تاكلي براحتك

………………………………………………………..

كانت اميمه بغرفتها تفكر في عرض الزواج الذي تقدم به بلال فاخيهاا قام بتطليقها من مراد عن طريق رفع دعوه عليه و هو في السجن و هي الان صارت حره و لكنها لازالت تفكر فايام عدتها لم تنتهي بعد

و لكنها كانت مياله للموافقه للزواج من بلال فماذا اخذت من الحب غير الخيانه و الوجع اذا فلتجرب حظها مع بلال و قررت ان تبلغ اخيها بموافقتها حتي يخبر بلال و ياتي للتقدم لها بمحرد ان تنتهي عدتها

………………………………………………………..

كانت شهد تسير بجانب حصانها المفضل و تتحدث معه و تشتكي له مما تفعله فرح معها و معايرتها لها بانها لم تتزوج بعد ليقطع شرودها صوت من خلفهاا

شهد بخضه و هي تنظر لذلك الشخص : ايه ده في حد يخض حد كده

اسر بتسئاول : كنتي سرحانه في ايه

شهد بوقاحه : و انت مالك

اسر و هو ينظر لهاا فهي الفتاه الوحيده التي لاتتلهف للحديث معه فكم فتاه في عائلته منذ ان وصل و هم يحتكون به و كل واحده تريده لهاا و حتي عندما ذهب لزياره فارس رأي نظرات الخادمه له و لكن هذه مختلفه كليا لماذا اهناك من يشغل بالها اهناك من تعشقه

اسر : ازاي يعني ليلف يديه حول عنقهاا

لتقوم فرح بزقه بعنف و هي تردف بغضب : انت اتجننت يلا انت و لا ايه ازاي تحط ايدك عليا كده هاا

اسر باستفزاز : عادي يعني اوعي بس تفتكري بس اني بعاكسك او بتحرش بيكي ده انتي شبه واحد صاحبي

شهد ببرود : متشكره لذوقك يا محترم و ياريت بعد كده لو شفتني متكلمنيش فاهم و لا لا

ليرفع اسر يديه باستسلام امامها و عينيه تشع اعجاب بهاا فكم اعجبه رد فعلها الذي لم يتوقعه فهو قد توقع بانها ستغضب و ستثور عليه و لكنه فعلت العكس تماما و تحدثت ببرود

………………………………………………………..

ذهبت وفاء لنبيل في مجلسه فهي تريد ان تعلم ماذا سيفعل مع غرام فهو قد وعدها هي و فرح من قبل بأنه سيتخلص من غرام و لكن ذلك الحمل خرب لهم كل ما كانو يخططون له

وفاء : عمي لازم اكلم معاك

نبيل : تعالي يا وفاء جولي اللي عندك

وفاء بغل : دلوجت انت كنت وعدني و واعد بنتي انك تخلصنا من اللي اسمها غرام و لما فارس طلج بنتي انت برضو وعدتها انك هتخليه يطلج غرام و نخلص منهاا و دلوجت غرام حامل ممكن اعرف ناوي تعمل ايه معاها و ايه اللي في دماغك

نبيل : مفيش حاجه في دماغي يا وفاء

وفاء باستغراب : يعني ايه الكلام ده

نبيل : هو انني عاميه يا بنت اخوي و لا ايه مش شايفه ان غرام دلوجت حامل و هتجبلي الولد اللي كان نفسي فيه و بنتك معرفتش تجبهولي

وفاء بغل : و انا مالي انا و بنتي حامل و لا لا انت جولتلنا انك هتخلص منيهاا بس لحد دلوقجتي مش عارف تعمل حاجه يا عمي

نبيل : و مش هعمل يا وفاء غرام تولد الاول و بعدين ابجاا اشوف هعمل معاها ايه

وفاء : اه يعني انت هتستني الهانم لحد متجيب العيل و رجليها تثبت في الدوار مش اجده لو ازت هتستني لحد متولد فانا لا يا عمي مش بنتي اللي يحصل معاها كده كفايه اووي ان ابنك زمان كان متجوز في السر و محدش فيكو قالي و لا عرفت غير بعد ما مات

نبيل بحده : وفاء لو شعرايه لمست غرام هحملك انتي المسئوليه فاهمه و لا لا

لتنظر له و هي تتكأ علي اسنانها : ماشي يا عمي لما نشوف اخرتهاا

لترحل من امامه و هاتفها في يدهاا لتتصل بشخص ما و هي تسير في حديقه الدوار و تنتظر اجابه الطرف الاخر

وفاء : الو

المتحدث :

وفاء : بص بقاا عشان انا علي اخري من اللي اسمها غرام دي لازم تخلصني منها انت سامع و لا لا

المتحدث :

وفاء : انت لسه بتسئلني كأنك مش عارف انها خدت جوز بنتك منها و قهره بنتك و هي شايفاها حامل قدامهاا

المتحدث :

وفاء : لا مهو اسمع يا تتصرف انت يا هتصرف انا سامع

المتحدث :

وفاء : لا مهي فرح مش بنتي لوحدي و انت هتشوفلي صرفه مع بنت اخوك يا ايمن ان شاء الله تقتلها تولع فيها المهم تخلصنا منها عشان بالواد االي حامل فيه هتكوش علي كل حاجه

و لم تنتبه وفاء للتي استمعت الي حديثها و انصدمت مما سمعته

يتبع.............. ..

   

  •تابع الفصل التالي "رواية غرام الفارس" اضغط على اسم الرواية