رواية وجع القلب الفصل الثاني عشر 12 - بقلم شروق مصطفى

الصفحة الرئيسية

   

 رواية وجع القلب الفصل الثاني عشر 12 -  بقلم شروق مصطفى

مايا بلغت حسام علي ميعاد بعد ٣ ايام وقالها : تمام يومها حضري اوضه الاجتماعات وبلغي محامي والمحاسب الشركه انهم يحضرو علي الوقت وجهزي كذا نسخ من العقد

مايا:تمام

وطلعت جهزت بعض اوراق ورتبت بعض الملفات وظبطت مواعيد اليوم التالي

وكلمت مامتها تبلغها انها حتتاخر لانهم حيوصلو نيرمين وحيرجعو تاني

مديحه: يعني لازم تروحي معاهم خلي اخوها يوصلها بس

مايا:انا عاوزه الصراحه اخد رايهم فالموضوع ال كلمتك فيه قبل كده متقلقيش بقا يا ماما مش حتاخر

مديحه: ماشي يامايا خلي بالك من نفسك مع سلامه

مايا : مع السلامه😘

وقعدت شويه

لحد ما حسام بلغها تجهز نفسها انهم حيمشو

ومشو وعدو علي نيرمين اخدوها وكانت مجهزه شنطتها لانها حتمشي

وقعدو في كافيه يسلمو عليها قبل ماتمشي

مايا: والله الواحد اخد عليكي اوي مش عارفه حقعد ازاي من غيرك

نيرمين: بقولك ايه انتي لازم تاخدي اجازه طبعا عشان انا محتجاكي معايا اصلا

حسام: نعم يختي اجازه ايه عندنا شغل مهم الفتره الجايه

اتكلمي عن نفسك

يا ماما ويلا هوينا يلا جايه تخربي علي بنيه يلا يلا سيبك منها يا مايا البت دي

مايا انتهزت الفرصه دي وقالت حتفتحهم بموضوعها: مابراحه عليها ياعم انت عروسه بقا

*وجت عليها متقلقيش ياحبيبتي حجيلك قريب*

حسام: مش مرتاح لكم مش عارف ليه بتخططو لايه انتو الاثنين

مايا: احنا

*وقعدو يبصو لبعض ويضحكو*

صحيح عاوزه اقولكم ع موضوع كده واخد رايكم في حاجه!

حسام: اه صحيح قولتيلي انك عاوزه تكلمينا خير في ايه

مايا: عاوزه اجيب عربيه 🙈نيرمين: يااااااس منا قولتلك يابنتي ايوووووه بقا

حسام:انتي فدماغك حاجه معينه

مايا: مفيش حاجه فدماغي بس انا عاوزاها حاجه صغيره كده وحقسط

معايا مبلغ كنت مجمعاه كده حدفعه تقديمه واقسط

فقولولي بقا رائيكم ايه اجيب ايه ؟

حسام: طيب وتقسطي ليه

يابنتي ماتخدي سلفيه من شركه ويتخصم من مرتبك هي هي يعتبر

نرمين :صح يا مايا عنده حق فكره برده

مايا:والله انا مش عاوزه اتقل عليكو وانا لسه بداه الشغل مش معقول من اولها سلفيه وكده

حسام: متستعبطيش يابت انتي اختي زي نيرمين بظبط ويلا بينا نوصلو نيرمين ونعدي ع معرض ال بتعامل معاه بلمره نفس الطريق ايه رايكم ونختاروها سوا

نيرمين: يلاااااه طبعا

مايا:بس انت حتعلمني لحد ما اعرف اسوقها لوحدي معرفش حد غيرك

بص انا بابا كان معلمني ورحت مدرسه تعليم كمان بس ده من

فتره اكيد نسيت ففكرني انت ماشي

حسام :ماشي ياستي حعلمك متقلقيش بس يوم الاجازه طبعا

مايا:تمام حلو اوووي مش مشكله

يلا بينا عشان منتاخرش عشان لسه حنرجع تاني

*ومشو كلهم وعدو علي معرض سيارات وقعدو يختارو ويجربو سيارات لحد ما لاقت ال نفسها فيه*واختارت اللون واتفقو علي تسليم*

داخل المعرض

مايا: حلوه اوي دي وحجمها مناسب ليا

نيرمين:واو جميله اوووي ولونها تحفه انا بحب الازرق برده اوي حبقا اخودها منك كم لفه

حسام: هي عجله ولا ايه يا بت😂

نيرمين:مالكش دعوه انت يا بارد هي حتدهالي صح ياحبيبتي

مايا بتضحك عليهم: والله انتم زي العسل طبعا ياحبيبتي

دي بتاعتك اصلا

حسام اتكلم مع المدير واتفقو علي كل شئ

المدير: كله تمام لكن احنا بكره الاحد اجازه فحنسلمك العربيه ونخلص العقد الثلاث ان شاء الله

حسام: تمام مفيش مشاكل

نده علي البنات يلا حنمشي

ركبو كلهم العربيه

ووصلو نرمين علي البيت وسلمو عليها

مايا :حتوحشيني ياقلبي يومين وحنزلك

حسام:جو العشق الممنوع ال عايشينه هي مسافره ياما يلا يختي حنتاخر

مايا: مش اختك دي يابني ولا شحتنها يلا ياخويا 😂

سلام ياحبي

نيرمين : اهه ع طول معايا كده سلام ياقلبي❤

وركبو حسام ومايا ومشيوو

مايا:عالي الكاسيت شويه السكه طويله خلينا نفرفش شويه

*والله لاطلعو عليكي امايا*🤪

قعدو يغنو بصوت عالي ومندمجين اوي لحد ما تليفون حسام رن وطي الصوت خالص قفله يعتبر وقالها 🤫 هس هس مش عاوز نفس

مايا: شاورت بايديها خلاص خلاص وقفلت فمها🤐

حسام:ايوه حبيبتي عامله ايه

:……………………….

حسام:الحمدلله كويس والله لسه مخلص شغل

وفمشوار كده قدامي ساعه اخلصه واكل* مكملش جملته لاقي

مايا عالت صوت الكاسيت مره مره وعماله وتعمل بايديها حركات كانها بتعمل لحن تيررررارررا وبتزاوله عشان مايعرفش يتكلم وعالت الكاسيت مره واحده

ووطي صوت كاسيت وبص ناحيه مايا وبيستحلفلها🤨

:……………………….

حسام :انا في العربيه وكنت بشوف حاجه كده بصي حروح واكلمك ماشي

مع السلامه

مايا اول ما حسام قفل دورت وشها ناحيه الثانيه وعملت نفسها مش هنا😂

حسام: ال انتي عملتيه ده يازفته ها وربنا مايسيبك

مايا ولا هي هنا اصلا

حساام : مااااايااااه

مايا: ها بتنادي عليا في ايه

حسام: والله يختي ايه ال عملتيه ده؟ 🤨

مايا : انت مقولتلهاش ليه انك معايا🤨 وبداري ها انت مكلمتهاش عليا ولا ايه

حسام:ايه ال دخل ده ف ال عاملتيه برده مش فاهم انا مش قايل اسكتي🤫

مايا: امممممم شكلها بتغير علييك يامان😉 داحنا حنعمل شغل عنب قصدي سوري

حسام:بت حتوديني ف داهيه شكلك

شكلك حطلعي عليا كل القديم

مايا: احنا لسه عاملنا حاجه 👏🏻 يابني 😂

وقف وقف وقف هنا بسرعه

حسام: ايه في ايه وقفت اهه

في ايه البت مجنونه دي

مايا: تعالي تعالي ننزل نتصور هنا بحب مكان ده اوي نتصور كم صوره حينفعونا احم قصديي ذكري حلوه

حسام:والله شكلك حتوديني في داهيه تعالي وضحكو ونزلو

وقعدو يتصورو ويهزرو واتصورو كذا منظر

مايا: مش كنا اخدنا نيرمين معانا تتصور معانا يلا ملهاش نصيب بقولك ايه: ماتعرفني علي خطيبتك بقا هي مش حتيجي فرح اختك !

حسام: لا مش جايه لان مفيش لسه ارتباط رسمي بينا

طيب ماتعرفنا ببعض يابني والله حنبقا اصحاب اووي اصلا

حسام: ربنا يسهل لما يجي وقته

مايا:اممممم ربنا يسهل ولما يجي ووقته كمان شكلها بتغييير علييك اووي طب والله لو معرفتنيش عليها لعمل اكونت فيك وابعتلها الصور دي واقولها ده حبيبي انا انت حر بقا وقابل يا معلم😂 وضحكت وطلعت تجري ع العربيه

حسام:وربنا منا سايبك وطلع هو كمان ركب العربيه ومشيو

*وكانت فيه عيون كالصقر بتراقب الموقف*

حسام :ماشي يازفته اما وريتك والله لا مطلعه عليكي في الشغل واكيد حيجيلك يوم واردهولك 😉

مايا هههه : في احلامك مابيهمنيش🤨

بقولك حتلبس لون ايه صحيح في فرح نيرمين عاوزه اطقم معاك في لون فستاني🙈

حسام وقف عربيه مره واحده 🤨 :نعم ياختي وليه تطقمي معايا اصلا انتي خطيبتي وانا معرفشي

مايا: عادي يعني عشان لما نرقص مع بعض سلو ونتصو***

حسام قطع كلامها

:لا وكمان حنرقص مع بعض كمان والله مش عارف انتي

حتوديني علي فين شكلك ناوياها جامد

مايا:ايوووه قصدي لا طبعا بتقول ليه كده بس

وبعدين فيها ايه

دي كمان يعني حرقص مع مين انا سلو وبعدين ده فرح اختي يعني لازم ارقص وافرحلها اصلا

حسام :يلا بت من هنا امشي خلاص وصلنا اطلعي يلا بسرعه قبل ما امشي

مايا: يا سم 😝 سلام اشوفك بكره

رجعت البيت

مديحه بتعاتبها :كل ده يا مايا تاخير

مايا:معلش يا ماما اصرو اننا نروح المعرض ونشوفوها بلمره نفس المشوار بتاع نيرمين اصله واختارت عربيه تجنن وحدفعها كاش وحسام حيخصمه من مرتبي كل شهر

واتفقنا حستلمها كمان٣ ايام بظبط

مديحه : بجد يا حبيبتي

مبروك

بس برده شايفاه الوقت اتاخر ازاي الساعه داخله علي ١٠ ينفع كده

مايا : اخر مره والله يا ماما

واقفنا ع بحر شويه الجو كان تحفه والمنظر يجنن في ستانلي وقعدنا نتصور عشان كده اتاخرنا اكتر

وبعدين انا ان شاء الله حستلم العربيه ونمشي من هنا بقا انا زهقت ونرمين مشت كمان ايه رايك

مديحه:منا كنت لسه حكلمك برده بيتي واحشني اوي والجو حيبدا يتغير احنا فشهر ١٠ اهه

مايا: تمام اوي كده نستلم عربيه وبعدها بيومين ونمشو

وننزل ع اقل اكون قريبه من نرمين فرحها قرب خلاص وعاوزاني اساعدها واشتري ليا حاجه مناسبه للفرح وانتي كمان .

مديحه : ال انتي عاوزاه اعمليه يا حبيبتي

مايا : انا حدخل اناااااام لاني تعبت جدا

تصبحي علي خير 😘

تلاقي الخير يا حبيبتي.

*اخدت شاور ودخلت الاوضه مسكت التليفون وفرحانه جدا وقعدت تسجل احلي لحظاتها وتقول كل ال حصل*

وانها لقيت نفسها معاهم وبتحبهم اووي زي اخواتها بظبط واكتر كمان واتغيرت بقت اجتماعيه اكتر وابتسمت ونامت مبسوطه😊😴

عند صقر

بيراجع ورق الصفقه الجديد ومعاه موظف حسابات

بيشوفو حيعملو ايه خاصا انهم اختارو شركه اسعارها مش مناسبه مع ميزانيتهم وحيعدلو في ميزانيه تاني

وحمزه وصل وقعدو اكتر من 3ساعات لحد ماخلصو

صقر: يااااه اخيرا خلصنا الحمدلله اتظبطط كده

حمزه: انت ال وقعتنا الواقعه دي انا مش عارف ايه ال فدماغك الصراحه وليه مصمم علي الشركه دي بالذات

موظف الحسابات: طيب استاذنكم انا ومشي

صقر اتنهد :بكره حتعرف كل حاجه *وابتسم*

وقام: انا مروح مش قادر يلا سلام

حمزه:وانا كمان ماشي ياعم يلا سلام

ركب صقر عربيته ومشي تجاه البحر تجاه المنزل وهو فالطريق ماشي اتصدم صدمه مصدقش عنيه!😯 ورجع خطوتين بالعربيه لورا

بص لاقاها هي وواحد واقفين لوحديهم وبيتكلمو وبيتصورو وبيضحكو اوي وبيعملو مناظر سيلفي

وقف شويه بيتفرج عليهم داخل عربيته😡:👊🏻 ولسه بيفتح الباب ولسه حينزل رن تليفونه بص عليه وسابه ونزل من عربيه :

*كانو هما خلصو ومشو اللحظه دي*

خبط علي ايديه علي سقف العربيه ودخل عربيته وجري بسرعه من كتر انفعاله لحد مارجع البيت ودخل اخد شاور يطفي ناره

وقعد يستحلفلها :هاااانت اوووي***

عدي يومين✌

مفيش احداث

*احداث اليومين*

كل واحد فشغله

ونرمين بتحضر فشقتها وعملت بروفا ع الفستان

وصقر مرحش الشغل يومين كان مخنوق جدا ومش عاوز حد وقفل تليفونه من اخر يوم !

ولسه فاتحه من يومين لاقي اتصالات كتيرررر جدا من صاحبه وسكرتيرته

ولاقي تليفونه بيرن

بحمزه :الو ايوه ياصقر انت كويس مالك اصاحبي مجتش الشركه ليه بقالك يومين وفونك مقفول ليه

صقر مقريف ومضايق: عاوز ايه يا حمزه علي الصبح

حمزه :مالك يا صقر متغير ليه انت مش عاجبني خالص الفتره دي مالك بطلت تحكيلي اي حاجه

صقر :مفيش مخنوق شويه بس

حمزه: طيب حعدي عليك نقعد شويه مع بعض

ماشي سلام

حمزه :سلام

عدي نص ساعه وحمزه جاله

:ايه بقا مالك ها شكلك مش عاجبني

صقر: عادي ضغط شغل وصفقه جديده دي بس شاغلاني شويه

حمزه:عليا برده شغل ايه ما طول عمرنا بنشتغل محصلش حاجه ايه جد يعني

عموما لو احتاجت تتكلم انا موجود

*ساكت مش بيتكلم*

حمزه :ماتيجي ننزل نتمشي شويه وكنت عاوزك

تنزل معايا اختار البدله الفرح مفيش وقت خلاص

صقر ابتسم له : طيب يلا بينا انا كنت زهقان اصلا وعاوز اتمشي

حمزه :طيب يلا

*ومشو ولفو لحد ما جابو كل واحد بدله له*

وروحو كل واحد منزله ونامو منهم نام وهو مبسوط 😘

ومنهم نام يتوعد🤨

عند مايا اليومين

مفيش جديد ما بين شغلها للبيت

ومايا متفائله جدا ومبسوطه بال حققته لحد دلوقتي ونفسها تعيش قصه حب بجد ومنتظره ال وقت المناسب لسه نصيبها مجاش ونامت مبسوطه وبتحلم بالعربيه حتستلها

بكره😚

*صباح يوم ملئ بالاحداث والتطوات والتحدياات*

صقر

قام من نوم مستعد للمقابله انهارده جدا وراح شركته تمم علي الورق وكلم المحامي والمحاسب وحمزه وصل معاهم واستعدو كلهم وركبو عربياتهم متجهين لمقر الفرع الشركه البعيد

وصقر سايق معاه حمزه وسرحان ومستعد ومنتظر اللحظه دي اووي

ورد فعلها لما تشوفه ووعد نفسه انه مش حيسبها تاني ابدا *؟

مايا قامت ادت فرضها وصبحت ع مامتها

مايا:صباح الفل ياست الكل

ان شاء الله انهارده حستلم العربيه حتاخر شويه بعد الشغل حروح مع حسام نستلموها ونكتب العقد

مديحه: ربنا يوفقك يا حبيبتي يارب كلميني طمنيني عليكي عشان بقلق عليكي اوي

مايا:حاضر يا ماما

ومشت راحت للشركه قدامها يوم طويل واجتماع مهم جدا

راحت الشركه وكلمت محامي تاكد عليه يحضر فميعاده

وكلمت المحاسب الشركه يحضر وصورت الملفات والعقود كذا نسخه

وجهزت اوضه الاجتماعات

ونظمت الورق علي كل مكان قدامه الورق الخاص به

وانتظرت في الخارج في مكتب الخاص بها لاستقبالاهم،،،

وصل كل من صقر وحمزه الاول الشركه

وطلعو لموظف الاستقبال يستعلمو عن مكان السكرتاريه

وذهبو المكان ودخل المكتب ولم يجد احد به وبعد قليل اتفاجا ب*****

قبلها بدقائق

حسام طلب مايا بيتمم علي الشفل :مايا من فضلك تعاليلي

مايا:حاضر جايه

دخلت عنده

حسام: ها يا مايا ايه الاخبار الناس ع وصول جهزتي ال الحجات َال طلبتها منك قبل كده كلها

مايا: كله تمام متقلقش وهو الميعاد واحده ونص و المحامي والمحاسب حيوصلو علي الميعاد بظبط انا اكد عليهم انهارده الصبح ولسه الساعه دلوقتي واحده وربع وجهزت اوضه الاجتماعات والورق جاهز كله تمام

حسام : الله ينور عليكي بجد

طيب يلا بينا يدوبك نستناهم هناك نستقبلهم

مايا: يلا بينا بقولك ايه صحيح !

حسام : قولي في ايه؟

بعد مانخلص الاجتماع بقا متنساش نروح المعرض نجيب العربيه

حسام :من عنيا ياستي حاجه كمان

مايا: لا بس مش حابه اتقل عليك انت عارفني

حسام بصلها : اه عارفك اوي

مايا:انت بتحرجني علي فكره بس عادي يعني انت اخويا لو مطلبتش منك حطلب من مين فلو كده ممكن تعزمني علي ايس كريم نفسي فيه اوووي و عصير قصب بعدهابس كده حلاوه العربيه بقا😂 وضحكت وفتحت باب المكتب وطلعو واتقدمت عنه بخطوتين وبتضحكله مش واخده بالها بالعيون الصقر ال حتقتلها ! 😯

وحسام بيرد عليها وهو بيمشيها قدامه ويحرك ايديه *(بيزوقها)* علي كتفها :هو انا يابنتي خلفتك ونسيتك امشي يا مايا قدامي امشي يلا واعزمك كمان هي عربيتي ولا عربيتك انتي والله العظيم (وبيخبط بايديه الاثنين )

بصو قدامهم اتفاجاو بوصول حد منهم اتحرج جدا حسام

من الموقف احم :اسف اتفضل في الاوضه دي ولسه بيشاور عليها لاقي حمزه دخل ورا صقر ايه ده مين ؟ حمزه ! انت بتعمل ايه هنا يابني .؟واحشني اوي

( واخدو بعض بالاحضان) ايه جابك هنا يابني

حمزه : حبيب قلبي

يابني ما انت عارف اني بشتغل في العقارات والمباني

اناشريك مع صاحبي صقر بنشتغل مع بعض فشركته

حسام: اول مره اعرف والله بس دي احلي صدفه جمعتنا نورتونا والله بجد اتفضلو اتفضلو من هنا

مايا واصليهم لو سمحتي اوضه الاجتماعات وشوفي حيشريو ايه اطلبيلهم من البوفيه عقبال ما اروح بس اتكلم في التليفون مع محامي والمحاسب اشوفهم اتاخرو كده ليه

يا مايا وبيبص عليها لاقاها،،، في دنيا تانيه خالص

*مايا اتفاجات بعيون صقر كلهم شر👀 واقف قدامها بطوله وعرضه وبينظر لها نظرات حستها هي من جواها نظرات توعد نظرات مش مريحه مرتاحتش خالص من نظرته اتفاجات ومنطقتش*

صقر ومايا *(الاثنين واقفين في مواجهه بعض و بينظرو لبعض نظرات مش مفهومه لكل طرف للاخر صقر اتخنق لما لاقاهم قريبين اوي من بعض لا وبيمسكها من ايديها كمان نظراته كانت نظره توعد ليها علي عملته كله لحد دلوقتي ونظره تملك انتي ليا انا ومش حسمح لحد تاني يلمسك حتي لو حخسر الصفقه دي ، ونظرات مايا ليه متفأجاه به مكنتش متوقعه ممكن تقابله تاني ونفس الوقت قلبها دق جاااامد اوي حست انه حيطلع من مكانه مسكت قلبها تهديه مش عارفه خافت منه ليه!!*

*((كل ده لغه العيون)) محدش نطق ولا كانو حاسين باي حاجه تانيه ولا الحوار ال تم مع حمزه وحسام اصلا كانو فدنيا تانيه خالص مافقتش غير وحسام بينده عليها ال اتفاجا من شكلها ال اتغير و اصفر والدم هرب منها وشكلها ال اتغير ٣٦٠درجه وعاد ليها كلامه تاني ليها ((في اللحظه دي صقر انتهز الفرصه عاوز يستفرد بها لوحده )) اتكلم مع حمزه بسرعه انه يروح يتكلم مع المحاسب والمحامي يشوفهم هما فين ومايطلعش غير لما يكلمه وحمزه وافق و مشي مع حسام بره يعملو تليفوناتهم)*


google-playkhamsatmostaqltradent