رواية 8 في مهمة سرية الفصل التاسع 9
البارت التاسع 8 في مهمه سريه
قبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله ❤️❤️❤️
نبدا اول روايتنا في المطار عند الشباب والبنات لما كانوا واقفين
حمزه :يعني انا يعني انا اللي كنت مقصود
هنا: احمد ربنا انها ما لبستش فيك احنا لازم نمشي من هنا دلوقتي حالا
مليكه: اجري يا مجدي
وهنا فهد مسك ايد التماره وشال شنطته وجري اما ليل فشد شنطه ساندي وجري وساندي بتجري وراه
ساندي: ايه يا عم دي شنطتي دي شنطتي انا يا كابتن
ليل: اجرو
ويزن وهنا جريو ويزن كان ماسك شنطه هنا
هنا :دي شنطتي
يزن: مش هتفرق يا اختي اجري انا بقى هوريهم
الشباب والبنات جريوا بره المطار
فهد: اركبوا العربيه دي
وراحوا البنات وركبوا ورا وفهد حط الشنط كلها فوق العربيه وبعدين راح وركب عشان يسوق والاربع بنات ورا وليل قاعد جنب فهد قدام ويزن على رجله وحمزه بقى كان واقف بره العربيه
حمزه :وانا بقى اجيبها سحف ولا ايه
فهد :اتصرف اركب في اي مكان
وراح حمزه وفتح شنطه العربيه من ورا وقعد فيها وفهدي مشي بالعربيه لحد ما وصل لحد الفندق وبعدين كلهم نزلوا من العربيه بسلام
فهد: انتم كويسين
مليكه: انا حاسه ان احنا ناسيين حاجه
حمزه بقى كان ورا وكان بيخبط على شنطه العربيه
حمزه: افتحوالي افتحولي يا جدعان انتوا نسيتوني ولا ايه
مليكه: شفت مش انا قلت لك احنا ناسيين حاجه
وراح ليل وفتح لحمزه
حمزه :منكم لله منكم لله حسبنا الله ونعم الوكيل
فهد دخل هو والشباب والبنات وكانوا شايلين شنطهم واحجزوا لكل اتنين منهم اوضه
حمزه: انا بقول لكم ايه انا مش رايح الاوضه مع البنت دي مستحيل
ساندي :انت ياض ما تخلينيش اطول ايد عليك
مليكه: بس سيبه لي انا
فهد :وعقود الجواز دي هنعمل فيها ايه
حمزه :بسيطه ومحلوله
حمزه طلع عقد الجواز اللي كان معاه وطلع قلم وشخبط على اسم ساندي وكتب في العقد ده اسم مليكه واما ليل بقى اخذ القلم منه وقال
ليل :بص احنا هنشيل ده ايوه ونحط ساندي مكانها
يزن: وانا هاخد هنا يعني البنت ما تروحش في حته
حمزه: فهد انت مش عايز تغير انت كمان ولا ايه
فهد: هو انتم بتعملوا ايه يا مجانين
مليكه :شيلوا الشنط وريني اوضتي فين
هنا: يلا يا بنات
الشباب مشيو والبنات وراهم وفهد وتماره بيبصوا لبعض باستغراب وراحوا الشباب والبنات كل واحد فيهم على اوضه
تعالوا بقى نروح عند فهد وتمارا تمارا بقى اول ما دخلت الاوضه بصت باستغراب وقالت
تمارا: ايه ده
فهد: في ايه
تمارا: ازاي مفيش كنبه هنا يعني ايه اوضه ما فيهاش كنبه وفيها سرير واحد بس امال انت هتنام فين بقى لا مؤاخذه
فهد: ايه ده هو انا اللي كنت هنام على الكنبه ولا ايه
تمارا: امال انا
وطلعت تماره التليفون وعملت مكالمه
تمارا : الو انت لو قصيتها يعني مش هتعمل كده
اللواء: بصراحه ما رضيتش اقول لك وانتي هنا
تمارا: يا راجل يعني انت بتدبسني طب هنام انا ازاي دلوقتي
اللواء: اتصرفي الجيش قال ايه
تمارا :يعني انت بتدبسني اهو
اللواء: يعني حاجه شكل كده
تمارا :طب وباقي البنات
اللواء: لا ما تقلقيش الاوض كلها فيها كنبه وسرير الا انتي بلغتهم يسيبوا السرير كده بس ويشيلوا الكنبه
تمارا: ليه يا فندم كنت شيل السرير بالمره كنا نمنا على الارض ولا سرير ولا بتاع
اللواء: ما رضيتش شفت بقى بحبك ازاي
تمارا: اوكي ماشي بس لما اعمل فيه حاجه ما تبقاش تلومني
اللواء :يا بنتي ركزي وخليكي في المهمه
تمارا: انهي واحده بقى بالظبط يا فندم
اللواء :الاثنين يا قمر هتعمل ايه
تمارا :ماشي يا فندم ماشي اصلا كلامك ولا بيقدم ولا بيجيب سلام يا حاج
اللواء: حج منظري ايه لما حد يسمعك وانتي بتقولي لي يا حاج
تمارا: نفس منظري دلوقتي وانا مش عارفه انام ازاي بسبب اللي انت عملته ده
اللواء: خلاص يا تمارا وقتك خلص انصراف
تمارا: ماشي يا فندم مع الف سلامه
تمارا خلصت المكالمه ودخلت الاوضه ولقت فهد قاعد على السرير وراحت بقى وقفت قدامه حاطط ايدها في وسطها
تمارا :مالك شكل المطلقين كده ليه خير
فهد: طب شيلي ايدك بس انتي معاكي راجل هنا وانتي وقفتك دي ما تنفعش خالص
تمارا: طب وفين الراجل ده بقى
فهد: شيلي ايدك يا تمارا
تمارا :طب لو ما شلتهاش هتعمل اي
وفجاه فهد قام وبدا يقرب من تمارا اما بقى تمارا استغربته وقلقت وبدات انها ترجع لورا
تمارا: فهد انت بتعمل ايه
فهد: يعني تفتكري ان في راجل هنا معاكي في الاوضه
تمارا: طبعا ده انت سيد الرجاله
فهد :لا بالكلام ده ما ينفعش انا لازم اوريكي
تمارا: توريني ايه هو انت اتجننت
فهد :اوريكي انا راجل ولا لا
تمارا :وانا مالي ما تروح تكشف هات شهاده اثبات من وزاره الصحه وانا مالي
وفي الوقت ده فهد قرب من تماره جامد وحوطها بينو وبين الحيطه
تمارا: فهد كده خطر ارجوك ابعد
فهد :يبقى يلمي لسانك بعد كده وما تغلطيش عشان المهمه دي تعدي على خير وانا يعني ما اضمنش نفسي ممكن اعمل ايه
تمارا: طب ابعد بقى
فهد اخيرا بعيد عنها وهي اتنفست بقوه
فهد: انا داخل اخد شاور وبعدين هطلع انام اوكي
تمارا: ماشي ماشي انا قلبي كان هيقف عشان كده اللواء بيقول لي ركزي في المهمه ربنا يستر
اما بقى عند ليل وساندي فكان وصلوا الاوضه وساندي اترمت على السرير وليل كان واقف كده بيبص عليها
ساندي: خير واقف كده ليه ما تقعد في اي حته
ليل: يلا شوفي انتي هتنامي فين
ساندي: انام فين يعني ايه
ليل: يعني تشوفي اي حته تنامي فيها السرير ده بتاعي انا
ساندي: لا والله وايه كمان
ليل: اخلصي
ساندي: انا اصلا مش فاضيه لك
ليل :رايحه على فين
ساند قامت من مكانها وراحت ناحيه التلاجه الصغيره
ليل :انتي بتعملي ايه يا بنتي
ساندي:بشوف حاجه اكلها
ليل :على راي حمزه كرش ماشي على الارض
ساندي: تاكل شيكولاته
ليل: لا
ساندي: طب شوف انت هتنام فين عندك الكنبه او الاوضه او الحمام او البلكونه
ليل: نعم يا اختي انا بقى عندي فكره احسن ايه رايك لما انام وانا واقف
ساندي: ايوه زي حصان هيبقى شكلك جميل
ليل: امشي من وشي يا ساندي
ساندي :اوكي
اما بقى عند يزن وهنا في اول لما وصل اوضتهم يزن حب يغيظ هنا شويه
يزن: نورت اوضتك يا عروسه
هنا: لم نفسك يا روح خالتك
يزن: تحبي اساعدك
هنا: تعرف تقعد في حته ولا ما تعرفش
يزن: لا بعرف
هنا: تبقى تقعد ساكت خالص
يزن: حاضر
وفجاه يزن شال هنا ولقت نفسها نازله من البلكونه ويزن كان ماسكها بايد واحده
هنا :طلعني طلعني ياض
يزن: بشروتي
هنا: والله اعلي صوتي واليم عليك الناس
يزن: اعملي اللي انتي عايزاه احنا في الدور ال 23 يعني ما حدش هيعبرك
هنا: استناني بس على ما اطلع لك
يزن: افضلي انتي كده خبطي في الحلل ولما ازهق منك هرميكي من هنا
هنا: طلعني وانا عامل اللي انت عايزه
يزن: تمام وانا موافق صدقي فكره كويسه
هنا: والله لو ما طلعتني دلوقتي لانفخك
يزن: تسمعي كلامي وهطلعك
هنا :حاضر عاوز ايه
يزن: اول شرط
هنا :اخلص
يزن :تلم لسانك
هنا: حاضر
يزن: وما سمعش صوتك خالص
هنا: انا اصلا ما بيطلعليش صوت
يزن :هو انتي هتقولي لي
هنا: حاضر موافقه
يزن: خليكي بقى كده هنا شويه
وفي الاخر بقى طلعها صعبت عليه
يزن انا داخل اخد شاور عشان انام فاهمه اطلع بقى من حمام ما اسمعش صوتك والا بقى هدللك تاني بس المره دي بقى هسيبك
هنا انا هوريك
اما بقى عند حمزه ومليكه فكان وصل اوضتهم
مليكه :احمس
حمزه :في ايه
مليكه: مفيش غير سرير واحد بس
حمزه: والله طلعوا بيفهموا
مليكه: اي قصدك اي
حمزة :قصدي اي ده مينفعش طبعا اي اللي بيحصل ده
مليكه : طب رن عليهم يلا عشان يجيبوا كمان سرير انجز يلا انا مش عارفه بجد ازاي فهد يحجز اوضه بسرير واحد
حمزه؛ اه ما انا هكلمهم بس اقول لهم ايه يا بت انتي هقول لهم اه معلش هاتوا كمان سرير عشان مراتي تنام عليه
مليكه :لا عادي احنا في امريكا يعني مش هيشكوا في اي حاجه
حمزه؛ مش كان اللواء خلاني متجوزين بجد
مليكه :وحياه امك
حمزه: كيكه ما تيجي ناخد وندي كده بشكل ودي
مليكه: وايه كيكه دي كمان
حمزه: مش انتي اسمك مليكه يعني دلعك كيكه
مليكه :امشي من وشي يا حمزه
حمزه: ليه بس
مليكه : بقولك امشي
حمزة : طب انتي ليه متضايقه دلوقتي بس انا عايزه اعرف سؤال مهم
مليكه: خير
حمزه: انتي هتخرجي امتى
مليكه :خرجت من الدنيا بعيد انت عايزني اخرج ليه
حمزه :اصل ريتا جاي دلوقتي
مليكه :ريتا مين ريتا
حمزه: بنت كده تعرفت عليها في المطار بنت بس اي عسل عسل اوي ورقيقه بشكل ما اقولكيش
مليكه :واي كمان
حمزة :وقمر اوي ياااااااه
مليكه :وحيات ماما واحنا بقي جايين مهمه ولا جايين نشقط
حمزه: الجوز
مليكه: يعني ايه
حمزه :يعنى نفيد نستفيد بردك
مليكه: منك لله يا حمزه
حمزه: ميرسي هدخل بقى اخذ شاور بس ما تنسيش تقولي انتي هتخرجي امتى عشان بقى انا خدت رقمها وقلت لها اللي احنا نازلين في الاوتيل ده
مليكه: ادعي عليك بي ايه وانت فيك كل العبر
حمزه: اه صح كنت هنسى لما سالتني على اللي معايا قلت لها ما اعرفكيش وجاي لوحدي
مليكه: الهي ما تعرف تاكل يا بعيد
حمزه :هاخد شاور عشان انام
مليكه: نامت عليك حيطه يا رب
الشباب والبنات من النهارده هتبدا مهمتهم والبنات مش متقبلين الشباب فيا ترى بقى هيتصرفوا ازاي وهيعملوا ايه يخلصوا نفسهم منهم وجودهم مش كويس وهيقعوا في مشكله كبيره اوي وعشان يخلصوا نفسهم من المشكله دي يا ترى هيعملوا ايه مع بعض كل الحاجات دي هنعرفها مع بعض في البارتات اللي جايه
ولحد هنا البارت ده بيخلص استنوني في بارت جديد وما تنسوش تصلوا على النبي ومستنيه التعليقاتكم الجميله اللي بتفرحني جدا دمتم في امان الله💕❤️♥️
من قلم اش💖💘
•تابع الفصل التالي "رواية 8 في مهمة سرية" اضغط على اسم الرواية