رواية 8 في مهمة سرية الفصل السابع 7
البارت السابع 8 في مهمه سريه
وقبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله💕
نبدا اول روايتنا عند الشباب والبنات اللي كانوا ماسكين في خناق الناس الغريبه اللي هما الهنود الحمر وراح فهد وقف قدام زعيم القبيله وقال
فهد: اهلا
زعميل قبيله: هنتفاهم
حمزه: ما فيش تفاهم اي ده هو انت بتتكلم زينا طب ازاي
وفجاه وزعيم القبيله وكل الناس بداوا يسقفوا ليهم والشباب والبنات بيبصوا لبعض باستغراب ومش فاهمين اي حاجه
خالد :برافو عليكم انتم نجحتم في الاختبار الاول
مليكه :اختبار
خالد :اعرفكم بنفسي الرائد خالد وزاره الداخليه
هنا : كمان
خالد :انا عارف انكم مش فاهمين اي حاجه بس هتفهموا كل حاجه لما ترجعوا على مصر
ساندي :امممممم نرجع مصر وايه كمان
خالد: اتفضلوا معايا
وبصوا الشباب لفهد
ليل :انا تقريبا كده فهمت اللي كل ده كان لعبه
حمزه :مين صاحب الفكره الهبله دي
يزن: يلا عشان عايزه اغير هدومي دي
فهد :هو انت اللي كنت بتفكهم مش تقول لي
يزن: هو انا لحقت اتكلم ايدك سابقه دماغك ايد ماشيه على الارض الله يكون في عونها يا رب
وراحوا البنات وقفوا جنب تمارا
مليكه: لو طلع اللي في دماغي صح رد فعلي مش هيعجب حد ابدا
تمارا: يبقى وريني رد فعلك من دلوقتي لان اللي في دماغك ده كله صح
ومشيت تماره والكل مشي وراها وطبعا كان في طياره مستنياهم عشان يرجعوا على مصر
اما بقي في مكان رحنا قبل كده
المجهول الاول :يعني ما تعرفش هما فين
المجهول الثاني: صدقني ما اعرفش انا عملت المستحيل عشان اعرف هما فين بس ما قدرتش اوصل لحاجه
المجهول الاول: انت بتهزر انا قايل لك اللي عينك تبقى عليهم
المجهول التاني: والله ما اعرف هما راحوا فين فجاه كده اختفوا واكن الارض اتشقت وبلعتهم
المجهول الاول: تبقى تنزل تحت الارض وتدور عليهم انا بدفع لك فلوس عشان تقعد جنبي ولا عشان تقول لي ما اعرفش
المجهول الثاني :طب اديني مهنه يوم وانا هعرف عنهم كل حاجه
المجهول الاول :قدامك 24 ساعه لو ما جبتليش معلومات هما كانوا فين او بيعملوا ايه هكون نهايتك على ايدي
المجهول التاني :حاضر حاضر
تعالوا بقى نروح لمبنى المخابرات العامه وبالتحديد كانوا جوه مكتب اللواء كانوا الشباب والبنات قاعدين وببصوا اللواء محمد
اللواء: بتبصوا له كده ليه مبدئيا كده انا ما كنتش اعرف اي حاجه عن اللي حصل
وفجاه الباب خبط ودخل اللواء يحيى
اللواء يحيى :اهلا بالوحوش اخباركم ايه
الشباب والبنات قاموا وقدوا التحيه العسكريه تمام يا فندم
اللواء: يحيى: اتفضلوا اقعدوا
وقعدوا الكل على ترابيزه واللوى يحيى واللواء محمد كانوا قاعدين على اول الترابيزه دي
فهد: انا لحد دلوقتي ساكت وما اتكلمتش لكن من حقي اعرف ايه اللي حصل ده كله
اللواء يحيى: اعرفكم بنفس الاول انا اللواء يحيى مساعد رئيس المخابرات العامه وكمان انا اللي مسؤول عن كل تحركاتكم وعنكم حتى الاوامر اللي بتيجي انا اللي مسؤول عنها بردك
تمارا :وده يا فندم ايه علاقته بتدريبنا بالظبط
اللواء يحيى بدا يحكي مع الشباب والبنات كل اللي حصل معاهم وكل كلمه بيقولها بتظهر لقطات فيديو عن كل اللي بيحصل مع كلامه
اللواء يحيى: اللي كنتوا فيه ده كان اختبار لكم مش تدريب وانتم نجحتم فيه
يزن: اختبار اختبار عن ايه بالظبط
اللواء يحيى: عن قوه تحملكم وعن اللي انتم كنتم فيه وازاي هتصبرهم وازاي تتعاونوا مع بعض
تمارا :وصلنا للجزيره ازاي عرفنا
اللواء يحيى: بعد الشباب ما عملوا فيكم المقلب بتاعهم وغرقوكم ميه وانتم نايمين بقى رجالتنا اتحركم وحطوا جهاز جوه الخيام بتاعتكم ودي بيطلع ريحه منه ودي بتخلي الشخص ينام من غير ما يحس
مليكه: واي الجزيره اللي احنا كنا فيها دي
اللواء يحيى: الجزيره دي وسط المحيط بس فاضيه هي مساحتها صغيره جدا ومحطبوا الاشجار من اربعه اتجاهات لكن في وسط الجزيره في صحراء
هنا :يعني الجزيره مش عليها حد
اللواء يحيى :لا الناس اللي عليها دول كلهم رجالتنا
تمارا: طب النمر اللي هجم عليا ده ده انا كنت هموت بسببه
اللواء يحيى :النمر ده بقى هو الحاجه الحقيقيه بس ما تقلقيش كان في قناص قريب منكم القناص ده كان معاه بندقيه فيها حقنه منوم عشان لو حاسه باي خطر من النمر ناحيتكم كان هيتدخل في الوقت المناسب
يزن: طب وافخاخ اللي كانت موجوده على الجزيره
اللواء يحيى: لا بصراحه دي ما نعرفش عنها اي حاجه بالمناسبه يا حمزه دي فكرتي انا
حمزه: احم اسف يا فندم
فهد :طب وبيت
اللواء يحيى : لا ده كان موجود علي الجزيرة
ليل: طب لو كان حد مننا جرروا حاجه كان ايه النظام
اللواء يحيى :جوه كل جسم واحد فيكم في جهاز صغير اوي والجهاز ده بيطمني عليكم لانه بيقيس نبضات القلب وضغط الدم يعني لو اي حد منكم كان جرى له حاجه كنا هنلحقه
ساندي: يعني احنا نجحنا
اللواء يحيى: بالظبط من اللحظه دي ما فيش تدريب تاني هتستعدم عشان مهمتكم الحقيقيه هتبدا خلاص
تماره :ويا ترى ايه هي المهمه دي
اللواء يحيى: اللواء محمد هيبلغهم بنفسه
وسابهم اللواء يحيى وخرج والشباب بصوا للواء محمد
اللواء محمد: دلوقتي ما فيش كلام استريحوا دلوقتي وبعد ساعه هنتقابل في ساعه التدريب تمام
الشباب والبنات كلهم خرجوا ما عدا فهد وتمارا ولي فضلوا بقى قاعدين عند اللواء
تمارا :خير يا فندم انا كنت حاسه ان انت عايز تقول لنا حاجه
اللواء محمد :انا كنت عايز اقول لكم ان انا ما كنتش اعرف حاجه عن اللي حصل ده كله
فهد: حصل خير يا فندم المهم اللي احنا كويسين والاهم من كده اللي احنا نجحنا في الاختبار
تمارا: اي هي المهمه يا فندم يا ريت تقول لينا يا ريت حضرتك تقول
اللواء محمد: كلها شويه وتعرفوا كل حاجه لازم تتحدوا مع بعض لازم تكونوا في فريق واحد
ومشيت تمارا ورحت للبنات البنات كانوا متجمعين عندها في المكتب وتمارا دخلت وقفلت الباب وراها
مليكه :كان عايزك في ايه
هنا: اكيد المهمه اللي جايه انتي مش عارفه دي مين ده الصقر يا ماما
تمارا: علي صوتك كمان وكمان لسه في اتنين بره ما سمعوش
ساندي :ما قالش اي حاجه بخصوص المهمه دي
تمارا: لا ما قالش
مليكه: انا مش مطمنه
تمارا: ربنا يستر
هنا: انا طلبت اكل حد هياكل معايا
البنات كلهم بصوا لها في الوقت ده
هنا :ايه مالكم جعانه
اما بقى عند الشباب كانوا متجمعين ودخل عليهم فهد
ليل: خير
حمزه: هو اللواء ده بيجي من وراه خير اصلا
فهد: بقول لكم ايه انا مش ناقص
حمزه: كلها شويه ونعرف كل حاجه ويا خبر دلوقتي بفلوس بعد شويه هيبقى ببلاش
الوقت عدى على الشباب والبنات والجماعه في ساحه التدريب
اللواء: دلوقتي لازم اقول لكم على المهمه بعد الاختبار اللي انتم عديتوا بيه ونجحتم واثباتكم كفاءتكم وان ما فيش اي حاجه تقدر تخوفكم وقلوبكم جامده حديد
مليكه: هو بيكلم مين
ساندي :بيكلمنا احنا
هنا: انا يا ابني ان شاء الله يسترك يا رب
ليل: انا اعتقد ان المهمه اللي اللواء عايزنا عشانها هي مافيا يبقى هنسافر سويسرا صح يا فندم صح
حمزة : بس يا ابني بس مافيا ايه وكلام ايه الباشا عاوزنا في مهمه فيها نسوان عشان كده جايبني انا يبقى هنسافر باريس صح يا باشا صح
يزن :بس يا بتاع البنات انت الباشا عايزنا في تجاره الماظ اكيد في شحنه الماظ كبيره جايه البلد يبقى هنروح ايطاليا اكيد
اللواء :لا انتوا هتسافروا اسرائيل
يزن :لا بسيطه ****اي فين
اللواء: اسرائيل انتم مهمتكم هتبقى في اسرائيل وده هيبقى عن طريق فلسطين واحنا بقى عايزين الهارد اللي عليه كل المعلومات عن المهمه دي
مليكه :ثانيه بس هي المهمه دي خطر علينا
حمزه: لا خالص احنا هناخد تاكسي وينزلنا قدام الوساد ونخبط عليهم وبعدين ندخل ونجيب الهارد ونرجع مصر بس كده
هنا: اذا كان كده ماشي
اللواء :بس اسكتوا هو انتم بتقولوا ايه
تمارا: بصراحه يا فندم انا مش عارفه دول ازاي هيدخلوا اسرائيل
فهد: على اساس يعني اللي انتم هتدخلوا عادي
اللواء: انتم والشباب هتدخل على اساس ان انتم متجوزين
مليكه: نعم
اللواء :احنا عملنا ليكم عقود جواز باسمائكم
ساندي :ما شاء الله وكمان عملت عقود جواز امال بتاخد راينا ليه بقى
اللواء :جهزوا نفسكم عشان هتسافروا امريكا ومن هناك هتطلعوا على اسرائيل
هنا :هنسافر امتى
اللواء: بكره
وسابهم اللواء ومشي والبنات والشباب بصوا لبعض بعصبيه وكل واحد فيهم كان بيتوعد للتاني
اما بقى في مكتب اللواء فكانت تمارا دخلت المكتب وقفلت الباب وراها
اللواء: لو جاي تتكلمي في الموضوع في الموضوع خلاص منهي الاوامر اللي قلتها هي اللي هتتنفس
تمارا: ازاي حضرتك تعمل كده من دون علمنا كمان
اللواء: ده مش عقد جواز رسمي ده جواز بس على الورق وبس عشان لما اسافر ومحدش يشكوا فيكم
تمارا: وايه لازمتها الشباب يكونوا معانا اصلا حضرتك عارف اللي انا والبنات عشنا هناك فتره كبيره اوي يعني ممكن نقوم بالمهمه دي لوحدنا من غيرهم
اللواء :انا عارف الكلام ده كله بس لو عملتوا كده الشك كله هيبقى عليكم اوعي تفتكروا اللي انتم عايشين هناك وخلاص لا انتم متراقبين هناك 24 ساعه والعيون كتيره اوي عليكم
تمارا :بس برده اللي عملته ده ما ينفعش
اللواء: اللي عملته ده لمصلحتكم وحاجه كمان
تمارا: خير
اللواء :فهد
تمارا :ماله
اللواء :انا اخترت الفريق ده بخصوصا معاكم عشان فهد يا تمارا فهد لازم ترجعيه تاني زي الاول فهد تغيروا بقى انسان تاني خالص
تمارا :والمفروض بقى اللي انا اللي هتكلم معاه انت مستغني عن عمري ولا عني ولا ايه يا فندم
اللواء: فهد مش بيثق في اي حد خالص انتي بقى خلي فهد يثق فيكي ويحكيلك عن حياته وكده
تمارا: طب ما تحكي لي انت يا فندم
اللواء :الاحسن انك تعرفي منه هو
تمارا :حاضر يا فندم تمام
تمارا خرجت للبنات واخدهم وراحت على بيت ساندي وبدات كل واحده من البنات تلم هدومها في شنطتها
تمارا :ايه ده اي ده معقوله مستعجلين على السفر
ساندي: اه مستعجلين على السفر انا ماشيه من هنا
هنا: بقى انا انزل مصر سنجل وارجع متجوزه
مليكه: انا لا يمكن اوافق على اللي بيحصل ده ابدا احنا سايبينها لكي واتصرفي انتي معاهم بمعرفتك
تمارا: استنوا بس يا بنات وافهموني
هنا: نفهم ايه انتي فاهمه اللي مطلوب مننا ولا انتي مش واخده بالك
مليكه: ده عايزنا ندخل الوساد احنا اخرنا بس نقلب له كم معلومه من بره مش ندخل الوساد من جوه
ساندي: احنا لو اتمسكنا هيتعمل مننا شاورما وكمان كفته صوابع وبعدين احنا هندخل الوساد ازاي وهو قال ان احنا هنسافر عشان نجيب الهارد وما قالش اي معلومه تانيه تخص الموضوع ده
تمارا: ما تقلقوش يا بنات ما تقلقوش
مليكه: لا طبعا نقلق
اما بقى عندي شباب فكانت حالتهم حاله وخصوصا حمزه
ليل :احنا هنعمل ايه
حمزه: يا سلام لو عقد جوازي تبقى مع تمارا البنت قمر يا جدعان او مليكه بلسانها ده
فهد: حد يسكت البني ادم ده
ليل: المهمه بدات تخش في الجد يا فهد هنعمل ايه
يزن: بصم احنا هنطفشهم
حمزه :ليه ليه هو يعني يوم هيبقى في بنات وهنتجوز من غير ولا مليم تقول لي رزقي لا
فهد: انا ماسك نفسي عليك
ليل: يا ابني اسكت بقى جايب لنا الكلام
فهد :طب وبعدين.........
ولحد هنا البارت ده خلص واستنوني في البارت الجديد وهنشوفه هيحصل ايه مع ابطالنا عايزه توقعاتكم وما تنسوش تصلوا على النبي😍😘
من قلم اش💕💕
•تابع الفصل التالي "رواية 8 في مهمة سرية" اضغط على اسم الرواية