رواية 8 في مهمة سرية الفصل العاشر 10
البارت العاشر 8 في مهمه سريه
قبل ما نبدا اي حاجه لازم نصلي على النبي اللهم صل وسلم عليك يا حبيبي يا رسول الله 💕💕💕
نبدا اول روايتنا في مبنى المخابرات العامه وبالتحديد في مكتب اللواء يحيى اللواء محمد واللواء يحيى قاعدين بيتكلموا
محمد: يحيى انا خايف عليهم خايف عليهم اوي
يحيى: كلنا خايفين مش لوحدك المهمه دي بالذات غير اي مهمه كانت ولازم تنجح مهما كان
محمد: طب لو........ * ***
يحيى: لا يا محمد لازم تنجح مفيش لو انا ما عنديش لو انا ما عنديش احتماليه فشل حتى لو كانت نسبه 1%
محمد: طب ممكن اسافر لهم
يحيى: مش هينفع للاسف وبعدين دول ابطال انت ناسي اللي هم التدريبك انت وتحت ايدك انت ما تقلقش عليهم ان شاء الله هيكونوا بخير دول وحوش
محمد: يا رب يا رب
يحيى: المهم
محمد :خير
يحيى: الصقر
محمد: ماله
يحيى: محمد تعالى نتكلم مع بعض بصراحه انا عارف ومتاكد ان انت عارف مين الصقر ده وعارف مكانه كويس اذا كان ما كنت يعني بتخبي عليا عشان فاكر ان انت كده بتحميه تبقى انت غلطان وانا يهمني اعرف مين هو الصقر ده
محمد: وطالما سيادتك متاكد اوي كده ان اعرف الصقر ليه ما حولتليش تحقيق انه متستر على واحد من المساد وكمان الانتر بول الدولي طالبه للمحاكمه ليه
يحيى :للاسف انا ما عنديش ادله قويه تثبت اللي انت عارف مين هو الصقر بس انا عايز اساعدك يا محمد انا يهمني اعرف هو مين
محمد :عشان الترقيه صح خلينا نتكلم بصراحه
يحيى :عشان الترقيه بس اول حاجه طبعا عشان البلد وكلنا حابين نعرف مين هو اللي مجنن العالم ومخلي اكبر جهاز مخابرات في العالم يبقى خايف منه بالشكل ده
محمد :انا يا فندم ما اعرفش مين هو للاسف ولو اعرف كنت هبلغ حضرتك على طول
يحيى: محمد انا مقدر مجهود خمس سنين وانك كمان بتحاول تحافظ على اسم الصقر وانه ما يتعرفش بس كمان لازم تقدر وضعنا ان في حد عندهم بيتجسس عليهم بالشكل ده وبيسرق من عندهم ملفات سريه مهمه واحنا نبقوا قاعدين مش عارفين نرد على اي اسئله
محمد: طب وهما عارفوا ازاي يا فندم اللي الصقر ده مصري
يحيى: لان بعد كل مهمه بيقوم بيها بيسيب اسمه وجنب اسمه علم مصر
محمد :عادي يا فندم بلغهم زي كل مره ما نعرفش هو مين ويوم ما نعرف هو مين هنسلمه ليكوا تحكموا
يحيى: ماشي يا محمد ماشي بس يوم ما يبقى في ايدي دليل قوي وعارف هو مين ومخبي عليا ساعتها انا اللي هحكمك بنفسي مش حد تاني
محمد: تمام يا فندم وربنا يسهل بقى لما يجي وقتها
وخرج اللواء محمد وهو مبسوط وفرحان وساب اللواء يحيى وهو متحير مش عارف يجيبه من هنا ولا من هنا
تعالوا بقى نروح عند الشباب والبنات
الشباب والبنات ناموا وفهد نام مع الارض وساب السرير لتمارا وليل نام على الكنبه وساب السرير لساندي ومليكه حبست حمزه في حمام وهنا حبست يزن في البلكونه وده بعد كل اللي عمله
اما بقى تاني يوم ده كان جايه على ابطالنا واشرقت شمس صباح يوم جديد تعالوا بقى نروح عند ساندي وليل
ليل كان نايم وفجاه قام على صوت ساندي وهي بتصحيه
ساندي: ليل يا ليل
ليل: في ايه
ساندي :قوم بسرعه
ليل :انتي موطيه صوتك كده ليه
ساندي: هشش وطي صوتك
ليل: في ايه يا بت
ساندي: المحيط في خطر
ليل :نعم
ساندي :العصفور هيبيض
ليل: انا مش فاهم من امك ولا كلمه
ساندي: احنا محاصرين
ليل: لا بتهزري
ساندي: هو ده وقت هزار
ليل: ولما احنا متنيلين ما بتقوليش ليه كده من الاول لازم يعني الالغاز بتاعتك دي
ساندي: قوم بسرعه في دولاب بره غير الباب ده قوم
وقام ليل وبص من العين وشافت الاتنين معاهم سلاح وكانوا واقفين برا
ليل: يا صلاه النبي مين دول
ساندي: هو انت بتسالني اتصرف
ليل :اتصرف يعني اعمل ايه
ساندي: اتصل باي حد كلم فهد
وطلع ليل تليفونه ورن على فهد
ساندي: ها رد
ليل: ما بيردش
ساندي :طب وبعدين هنعمل ايه دلوقتي
ليل كان بيتحرك وبيفكر يعمل ايه وبص فجاه وقال
ليل: لقيتها تعالي ورايا
ساندي: اجي وراك فين
ليل راح ناحيه البلكونه وساندي وراه
ساندي: اوعى يكون اللي في بالي
ليل: اسمعيني احنا هنعدي من البلكونه دي للناحيه الثانيه بس كده
ساندي: يا سلام ايه السهوله دي يا راجل
ليل: ساندي يلا خلصي هتمشي ولا لا
ساندي: انا راضيه ذمتك ده منظر سور احنا نمشي عليه ده انا لو ماشي على الصراط المستقيم مش هيكون كده
ليل: خليكي بقى هنا هزري لحد ما يدخل عليكي وبعدها يغربلوكي وانتي واقفه كده
ساندي: لا لا لا استنى استنى
تعالوا بقى نروح عند هنا ويزن كانت هنا صحيت من النوم ومش عارفه اللي هي تقوم وبتبص لقت نفسها على السرير وفي حاجه مربطاها
هنا: ايه ده انا مش عارفه اتحرك هو يزن خرج من البلكونه وعمل فيها كده ولا ايه
وفجاه سمعت يزن من براء البلكونه هو بيقول
يزن :هو انتي مش ناويه تفتحي لي ولا ايه
هنا: افتحلك ازاي هو انت مش شايف
يزن :ايه ده ايه ده مين اللي عمل فيكي كده
هنا: خليك كده اتكلم وسيبني متربطه تعالى فكني بسرعه يلا ادخل
يزن :طب ادخل ازاي عندك وانتي قافله الباب من عندك يا اذكى اخواتك
هنا :يعني يا رب كان لازم اقفل الباب ايه الحظ ده بس
يزن :احسن تستاهلي
هنا: اتصرف يا يزن اعمل اي حاجه
يزن: خلاص خلاص وطي صوتك انا هحاول افتح القزاز
هنا: بس من غير ما تكسره
يزن: اكيد يعني مش هخش فيه دبل كيك
هنا: طب بالراحه
يزن كان بحاول هو يفتح القزاز البلكونه عشان هنا قفل القزاز من جوه
يزن: منك لله انا مش عارف افتحه حاولي كده تتحركي وتحاولي تفتحي لي
هنا :هو انت مش شايفني
يزن: انا نفسي اعرف مين اللي عمل فيكي كده
هنا: كنت بتخانق مع عصابه في الحلم وربطوني اخلص يا خفيف اخلص
وحاول يزن تاني ان هو يفتح القزاز بس مش عارف
يزن: كده مفيش فايده يبقى استعنا على الشقه بالله
يزن رجع شويه لورا وفجاه جرى دخل في القزاز مره واحده
يزن: فاصل ونواصل
هنا: احسن تستاهل
وشويه ويزن قام تاني ومسك الكرسي اللي كان في البلكونه وهيخبط بيه على القزاز
هنا: لا لا لا لا لا لا لا
يزن: يا ستي هي شقتك وخايفه عليها
يزن كسروا ودخل عشان يفك هنا
هنا: فكني بسرعه قبل ما حد يجي بسرعه
يزن: يا بنتي وطي صوتك
يزن بدا اللي هو يفك هنا بس فجاه الباب انفتح ودخل شخص انما ايه ضلفه باب
هنا :اتعامل معاه
الراجل ده بقى مسك يزن وهنا بدات تفك نفسها
هنا: مكتوب عليا انقذك انا كل مره
يزن: اجري يا هنا بلغي البوليس بلغي البوليس بسرعه
هنا فكت نفسها ومسكت الفازه وهوب سلمت بيها على راس الراجل ده والراجل ده وقع بقى على الارض
هنا :هو راح فيها ولا ايه
يزن :مش مهم مش تبعنا يلا بينا
اما بقى مليكه وحمزه فمليكه صحيت من النوم وكانت رايحه تدخلي الحمام وافتكرت اللي حمزه جوه ونايم جوه وهي قافله عليه مليكه كانت بتخبط على الباب وهي بتقول
مليكه: انت يا كابتن يا اللي جوه
لكن ما كانش في اي رد
مليكه :انت يا ابني
مليكه وقفت خط شويه وما حدش رد عليها بردك
مليكه: يا نهار ابيض لا يكون جرار حاجه جوه ويجيب لي مصيبه
راحت وفتحت الباب وكان الوضع كالاتي حمزه كان نايم جوه البانيو حاطط رجل على الرجل وهو بيتكلم وهو نايم
حمزه :ليه يا بت مش هنا يا بت بغير
مليكه: بتغير
حمزه :ايوه ايوه هنا يا بت اتلمي يا بت اتلمي
مليكه :تتلم هو ايه اللي بيحصل هنا يا روح امك
حمزه: بسرعه قبل ما يجي اشرف يلا يلا
مليكه: والله وايه كمان
حمزه: اهو ده الدلع ولا بلاش مش الراجل اللي انا لابس فيه ده اشرف صاحبي
وهنا بقى مليكه راحت وفتحت حنفيه الميه ونزلت ميه على وشه وحمزة صحي من النوم اول ما الميه جت عليه
حمزه: اشرف
مليكه: نعم
حمزه: قصدي مليكه
مليكه: اشرف صاحبك يا روح امك
حمزه :اشرف اه ده كان معايا في الحلم طول الليل بيسلم عليكي
مليكه: ده انا اللي هسلم على وشك
حمزه: ايه الصوت ده
مليكه: اي في اي
حمزه خرج ومليكه خرجت وراه وراح وفتح الباب فتحه صغيره وكان في بره خناقه كبيره
مليكه :دي خناقه
حمزه: بس مش خناقه عاديه
وفجاه الاثنين بصوا لحمزه ومليكه وشاور عليهم
حمزه: سرعتك قد ايه
مليكه: في المواقف اللي زي دي اسباق عربيه فيراري
حمزه: طب اجري
حمزه ومليكه طلعوا يجروا الاتنين كانوا لسه هيجروا وراهم بس فجاه والست مسكت فيهم مش سايباهم وجوزها بيكلم الشرطه
اما بقى عند فهد وتمارا وفهد كان لسه هيقوم وبص لقى تمارا جنبه فهد استغرب وقام بسرعه بس فجاه شافت كلبشات اللي في ايده هو وتمارا وايد فهد مربوطه هي وايد التماره في الكلبشات
فهد: ايه ده هو ايه اللي بيحصل هنا
وبص فهد على تمارا اللي نايمه ومش حاسه باي حاجه خالص
فهد: تمارا تمارا انتي لسه نايمه
لكن تمارا بقى ما كانتش بتفوق وهو كان بيزق فيها عشان تصحى ولكنها مش بتصحى وفي الوقت ده فهد مد ايده وجاب كوبايه ميه وبدا اللي هو يرش على وش تمارا عشان تفوق
تمارا: ايه ده انا فين هو ايه اللي حصل
فهد: انتي كويسه
تمارا :دماغي هتتفرتك من الصداع هو ايه اللي حصل
فهد رفع ايده بالكلبشات وايد تماره كانت مربوطه معاه
تمارا: ايه ده ازاي حد يعمل كده ازاي يربطوا ايدينا مع بعض بالشكل ده
فهد: قصدك ازاي دخلوا لحد الاوضه هنا ازاي عرفوا اللي احنا هنا اصلا
تمارا: طالما وصلوا لاوضتنا يبقى البنات البنات يا فهد يا خبر ابيض
فهد: ما تقلقيش هما هيتصرفوا المهم ازاي دلوقتي نفك البلوه دي
تمارا: ازاي قدروا يوصلوا لينا هنا وازاي دخلوا الاوضه وربطونا مع بعض انا مش فاهمه
فهد: المكان هنا ما بقاش امان خالص احنا لازم نمشي من هنا دلوقتي
تمارا: طب ازاي والكلبشات
فهد: مش نافع الكلبشات ليزر يلا بينا
فهد جاب شال صغير وغطى بالكلبشات ومسك في ايد تمارا عشان محدش ياخد باله
فهد: عشان واحنا خارجين ما حدش يشك فينا بالكلبشات دي تمام
تمارا:خلاص ماشي تمام
تمارا وفهد اتحركم وبدا اللي هم يخرجوا من الاوضه وفجاه شافوا اتنين قدامهم والسلاح في جنبهم
ولفو هما الاتنين الناحيه الثانيه وبيجروا في الممر
تمارا: يمين لا شمال شمال
وفجاه.......
ولحد هنا البارت ده خلاص يا ترى بقى ايه اللي هيحصل مع ابطالنا ويا ترى هيعدوا من المشكله دي ازاي ويا ترى ايه المشاكل اللي هتقابلهم تاني انا عايزه تعليقات منكم ما عادش حد بيعلق على الروايه ليه هي الرواية وحشه تعليقاتكم بتهمني جدا وكمان توقعاتكم بتهمني جدا حتى لو هتصلي على النبي انا مش طالبه منكم اكثر من كده انا بحب اوي تعليقاتكم بحب اشوفها وبشوفها كلها وصدقوني انا لما بلاقي وقت ان انا ارد على تعليقاتكم برد واستنوني في بارت جديد واحدث جديده💕💕💕💕
من قلم اش♥️
•تابع الفصل التالي "رواية 8 في مهمة سرية" اضغط على اسم الرواية