رواية نعمة (العالم الآخر) الفصل الخامس 5 - بقلم حمادة زهران

الصفحة الرئيسية

 


رواية نعمة (العالم الآخر) الفصل الخامس 5 - بقلم حمادة زهران

جوزي قالي قومي خدي شاور وتعالي انا هساعدك…..
الفترة دي كنت بخاف ادخل الحمام لوحدي كنت دايما بحس ان في حد مراقبني……
ودخلت الحمام وجوزي دخل يساعدني ان اخلع هدومي وانا بتوجع من ضهري…….
جوزي بيشيل الهدوم من عليا اتصدم لما شاف ظهري اللي كان مليان دم كأن مخالب مقطعه جسمي……
جوزي حط عليا الروب وخرجني من الحمام وصور ظهري وراح الصيدليه جابلي علاج……
جاب علاج وحطلي كريم بنج….
البيت كله كان في حالت رعب…..
جابوا شيوخ كثير بس ولا واحد عرف يعمل معايا حاجه كنت بضربهم……
بضرب لو 10 رجاله ماسكني…..
حالتي كانت بتسوء اكتر وبدأت اشوف حد بيعتدي عليا بس كان دايما بيقول في ودني انا عايزك برضاكي……
وانا كنت طبعا برفض، تعبت من كتر اللي كان بيحصل……
كان بيظهرلي بأشكال ناس انا اعرفهم والناس دي مستحيل يحصل بيني وبينهم علاقه……
مثلاً
“بابا اخويا خطيبي الاولاني عمامي”
كنت دايما برفض لحد ما زي ما تقولوا كده صعبت عليه……..
كان دايماً يقول في ودني عايزك ما تخافيش انا بحبك…..
كنت خلاص انهارت وبدأت استسلم…….
قعدت فتره مش حاسه بأي حاجه حواليا…….
وصلت لدرجه اني مش حاسه انا نايمه ولا صاحيه بالليل ولا بالنهار حاله من التوهان…..
جوزي طبعاً وعيالي كانوا بيدمروا بسببي ومحدش عارف يعمل حاجه ولا يساعدني…….
كل حاجه كانت بتحصل وقفت ما بقاش غير اللي عايزني ليل ونهار وانا في عالم تاني…..
لحد ما بنتي تعبت وانا مش عارفه اتكلم ولا اتحرك……
اليوم ده اتكلمت معاه وقولت انا عايزه افوق وانا هعمل اللي انت عايزه…..
قال انا عايزك برضاكي……
قولت انا عايزه افوق وبالفعل فوقت……
جوزي رجع لقاني زي الفل وبنتي بقيت كويسه عملت اكل وكلهم كانوا مستغربين اني في وقت صغير كل حاجه بقيت كويسه جدا…….
بس الحاجه اللي اتغيرت ان جوزي لازم يبعد عني وفعلا كنت بخليه يبات في اوضه تانيه وكنت دايما بقوله معلش انا جسمي كله بيوجعني……
والتاني استولى عليا خالص وعلى جسمي مقابل عيالي وجوزي يكونوا كويسين وانا كمان اكون كويس……
كنت لما انام يفضل جنبي على طرف السرير قاعد يتفرج عليا وبقي يظهر بأشكال ناس تاني حد ما اعرفوش……
لحد مره قررت اني اقرب من ربنا واحاول اصلي…….
رجع زي الاول وبدأ يخوفني وبدأت اشوف احلام غريبه وبشعه جدا وهددني بعيالي لحد ما شوفته انا ونايمه بيقطع في جسم ابني……
قومت مفزوعه وجريت على ابني لقيت صدره كله دم صرخت وقولت لأبني مين عمل فيك كده يا ابني لكنه مش بيرد عليا ورجع نام تاني……
وانا جنبه بمسح الدم من صدره اللي كان متشرح ولما صحي سألته مالك ايه حصل قال مش عارف بس كان في حد بيضربني وبيخربشني……
أنا تعبت وبقيت مرعوبه علي عيالي…….
كان ملازمني مش بيسيبني لحظه حبه ليا كان غريب…….
وجوزي بدأ يتضايق اني بحاول دايما ابعد عنه…..
جاب شيخ كان فاهم كويس الشيخ ده كان شديد واول ما دخل البيت انا خرجت وقعدت قدامه…….
وقولت خير يا شيخ مسعد جاي ليه……
الشيخ-ما شاء الله انتي عرفتي اسمي كمان…..
وبص لجوزي وقال هو انت قولت ان انا جاي…..
جوزي قاله لا والله……
الشيخ وجهلي الكلام وقال انتي عرفتي اسمي ازاي قولتله تحب اقولك اسماء عيالك ولا اقولك اسم مراتك ولا اقولك اسم امك…….
قال بس بالراحه عليا واحده واحده عرفت قوتك يا ست الكل……
جوزي اتخض مني وقال هي عرفت ازاي كل ده……
الشيخ قاله اسكت خالص انت وبلاش تتدخل في الكلام……. الشيخ -انت عايز منها ايه….
اللي مسيطر عليا=انت فاكر اني بغيبها عن وعيها وفضل يضحك……
“انا كنت سامعه كل حاجه لكن هو اللي كان متحكم فيا وهو اللي كان بيتكلم”
الشيخ -طيب سيبها في حالها…..
اللي مسيطر=مش بمزاجي ولا مزاجها انت عارف كويس….. “جوزي كان واقف في حيره مش فاهم حاجه من اللي بيتقال وقطع الشيخ مسعد وقاله هو مين اللي بيتكلم ده مش صوت مراتي…..
الشيخ قاله اسكت انت وانا هفهمك……
الشيخ ما قراش قران فضل يتكلم بس مع اللي معايا وكانهم يعرفوا بعض لحد ما اغمى عليا……
فوقت لقيت نفسي على السرير بتاعي….
قولت لجوزي انا عايزه الشيخ ده يجي تاني…..
جوزي قال هو اصلا اتصل وقال انه جاي…..
وفعلا جه واول ما دخل قولتله انا حابه افهم ليه بيحصل معايا كل ده انا ما كنتش مغيبه انا كنت سامعه كل حاجه فهمني لو سمحت ابوس ايدك يا شيخ انا خلاص هتجنن….. قالي اهدي……
قولتله انا عايزه اهدى واكون كويسه…..
“انا كنت شايفاه كويس وهو جنبي والشيخ كان باصص عليه مش باصص ليا عرفت أن الشيخ شايفه كويس…..
قولتله انت شايفه كويس حاول تخلصني منه…..
الشيخ قالي ممكن نتكلم بصراحه….
انتي مين وانتي بتشوفي ايه ومن امتى كان ملازمك……
وحكيتله كل حاجه حصلت من وأنا صغيره……
الشيخ قال انتي مش حد طبيعي….
قولتله ازاي يعني……
قال يعني اللي زيك نادر في الدنيا دي…..
جوزي قطعه في الكلام وقال للشيخ انا مش فاهم حاجه انت بتقول ايه قصدك ايه ممكن افهم……
الشيخ مسعد قال مراتك كنز من كنوز الدنيا……
جوزي بدأ يتوتر وقال ممكن تتكلم دوغري وتفهمني في ايه… وقال طيب فين البنت اللي بتظهر وليه مكنتيش قادره تجيبي الكتاب……
قولتله مش عارفه بس ليه كل ده….
قالي طيب ممكن طلب هسألك على حاجه وتقولي شوفتي ايه….
وبدأ يتكلم الشيخ عن حد في مكان وقال اسمه وقال تقدري توصفي المكان وبص في عينيا ووصفت المكان…..
مكان تحت الارض وانا واقفه في حيره ما بين اتجاهين وقال الاسم وبدا يسأل عن الراجل ده ووصفت الراجل ولبسه وكل حاجه تخصه حتى الاكل……
وبدأ الشيخ يتواصل مع الراجل ده عن طريقي انا……
وسأله انت فين اتكلم بطريقه غريبه زي ما يكون في بينهم رموز…..
الشيخ فهم انه في المكان وساله ايه هتاكل ايه قاله الاكل اللي انا قلت عليه…..
ولابس ايه قال له نفس اللي أنا قولته…..
قال هو انت محتار ليه……
قال مش عارف شرق ولا غرب …..
وقطع التواصل وبدأ عيون الشيخ تلمع وهو بيقول اللهم صل على النبي ما شاء الله يا ستي……
قولتله ممكن افهم…..
قال ازاي كل ده ومش فاهمه ولا حاسه بالنعمه اللي في ايدك انتي عارفه انت ايه او معاكي مين……
قولت مش عايزه اعرف حاجه انا عايز اعيش حياتي اللي اتسرقت مني انا زي الميتين يا شيخ بقولك انا تعبانه……
قالي ربنا ينعم علينا زيك وينور بصيرتنا زيك…..
قولتله بقولك انا تعبانه لو مش هتفهمني بعد اذنك امشي….. قال اصبري بس…..
جوزي قال اصبري يا نعمه انا عايز افهم…..
الشيخ مسعد قال لجوزي مرتك عندها قدره مش عند حد صدقني…..
جوزي قاله قدره ايه اللي بتتكلم عنها…..
قاله مرتك معاها اثنين من ملوك الجن….
جوزي فزع قال ايه ده وانت فرحان كده ليه…..
قاله افهم بس هو انتي يا نعمه كان في حد في عيلتك كده زيك…..
قولت ما اعرفش بس سمعت ان جد جدي كان راجل خير ودايما كان بيعمل ذكر واكل كل شهر للغلابه بس ما اعرفش حاجه تاني……
قال اللهم صل على محمد،البنت اللي بتظهر من نسل الجن المسلمين وملكه بنت ملك وجوزها كان ملك وانت مهمة البنت دي على الارض……
قولتله يعني ايه…..
قال هي دايما جنبك بس انتي اللي مش حابه تسمعيها…..
قولتله طيب واللي بيعمل فيا كده ده مين وعايز مني ايه….. قال ده ملك من ملوك الجن المجوسي…..
قولتله يعني ايه…..
قالي لازم تفهمي اللي هقوله كويس علشان مش هقدر اعرف اي حاجه الا اذا ساعدتيني…..
قولتله اساعدك ازاي……
قال هو كان جاي عايز نفس الكتاب بس وقع في حبك ودي حاجه كانت بالنسبه ليه ولعشيرته مرفوضه……
قولت يعني ايه هو انت بتقول ألغاز ليه انت عايزني اساعدك ازاي هو انت كمان عايز الكتاب……
قال لا والله مش عايزك تفكري كده انا عمري ما هأذيكي….. قولت طيب فهمني…..
قال انا بس استاذنك اني احضره….
يتبع…
google-playkhamsatmostaqltradent