رواية تيمو الفصل الخامس و الثلاثون 35 - بقلم ولاء فتحي
(35)
ذهب شريف وفتح الميل وانتفض وهو يقول
مش ممكن مش معقول وجلس واضعا يده علي راسه كانه يحاول ان يستجمع قواه وتفكيره الذي خانه فليس وقت المزيد من المصائب
اسكرتيره : خير يا مستر شريف
شريف :اعملي اجتماع فورا مع مديرين الفروع والشركات
عاوز الاجتماع يكون بعد 3 ساعات
السكرتيره : ايوة بس فرق التوقيت
شريف : الشركة بتنهار وبتقولي فرق التوقيت
هاتي رولا علي التليفون بسرعه
..........................
كامل : ايوة يا علاء هتعمل ايه
علاء : انا وعدت سعاد اني مش هدخل بيتي الا وابنها في حضنها
كامل : هو عيل تايهه يا علاء دا رجل اعمال تقيل جدا وله وزنه واعداءه كتير جدا في مصر وبره مصر
علاء : بس محدش يعرف شكله الا قليلين ومتنساش ان في احتمال يكون الي عمل كدا
لاء طيب متخلنيش اسبق الاحداث انا مستني تحريات معينه توصلي وبعدها هنشوف
كامل : وانا بعت لكل الضباط المحترفيين علشان يساعدوني ولو ان الي ماسك حراستهم دا ولد قلب اسد ومحترف جدا
في الطريق اتصل علاء ليطمئن علي ابنته
علاء : ايوة يا ملك يا بنتي مايا عامله ايه
ملك : الحمد لله يا اونكل افضل كتير بحاول اننا نروح الشركة
علاء : لاء خليكم لو هي تعبانه انا هروح الشركة انا ووالدك
ملك : بابا ؟ خير يا اونكل ايه الموضوع
علاء: مفيش يا ملك بعدين انا بس بطمن علي مايا
ملك: حضرتك روحت ل شريف هو عامل ايه
علاء: ربنا معاهم مشكلتهم كبيره مش بس تميم لاء انا وصلني معلومات بانهيار اسهم لبعض شركاتهم
ملك: ايه طيب يا اونكل بعد اذن حضرتك انا لازم اروح له واكون جنبه في شركته دا برضه هيبقي زوجي
علاء: ن غير اذن يا ملك دا حقك
ملك: بس انا علشان شغلي مع حضرتك
علاء: انا شخصيا لو في ايدي حاجة هكون جنبهم فيها
ملك : شكرا يا اونكل واطمن علي مايا
...........................
شريف : الو رولا عاوزك تيجي فورا الوضع هنا مش كويس وعاوز المراسلات تكوني انتي بنفسك متابعاها وفي اجتماعات
يا رولا الاسهم بتقع بعد انتشار خبر اختفاء تميم وانا هكون مشغول في اني الاقيه وفي نفس الوقت محتاج اننا نحافظ علي شغلنا
رولا: تمام يا شريف مش عاوزة اقولك ان في شركات لغت تعاقدتها معانا خوفا من تغير في الادارة
تميم : مش مهم التعاقدات هنعوضها المهم تكوني هنا وفي سريه تامة اي مراسلات تكون من خلالك محدش اي ان كان يتطلع عليها
رولا : انا خلاص غيرت طريقي من المطعم للشركة ربع ساعه واكون عندك
..........................................
ملك : شريف ايه الاخبار
شريف : ملك جيتي في وقتك بجد محتاجك اوي جنبي
ملك: وانا جنبك يا حبيبي علطول
شريف : انا بحلم ولا انتي سخنه انتي ملك بتقولي حبيبي
ملك : اه طبعا جوزي وحبيبي وشريك حياتي
شريف : انتي بتكلمي بجد وحنيه مش مصدق
ملك : ليه بس يا شيرو دا انا مراتك ولا ازم اتخانق
شريف : لاء وحياه الحاج كامل ابوكي انا مش ناقص انا مستوي والله وعندي مصايب وبلاوي
ملك : ايه الي بتشربه دا هات يا استاذ سيب دا وركز معايا
شريف : ملك انا مطبق بقالي يومين وعندي اجتماع مهم بعد ساعتين بجهز له ومسك راسه بالم غياب تميم والمشاكل والشركة بتنهار انا تعبت بجد ونظر اليها
ملك محتاجك جنبي بجد
غياب تميم مش هينيمني
مسكت ملك يديه ونظرت له في عينيه وهي تتحدث بمنتهي الحنان والحب وهي تربط علي يديه برفق
ملك: حبيبي انا مقدرش اشوفك بتنتحر قدامي وانا ساكته انا مراتك ومن واجبي اكون جانبك
ولفت حوله بمرح وخلي بالك يا استاذ اني انا الاستاذة ملك السعداوي جبت لاب بتاعي وشغلي وقررت اني هنقل اساعدك الفترة دي
شريف : بالم وفرح بتتكلمي جد طيب وشغلك و
ملك هششش خلاص مفيش وقت قولي ايه في ايدك والاجتماع عن ايه واستني هطلب عصير ليمون ليك علشان تهدي توترك دا وتشربه من ايدي ولا حبيبي له راي تاني
شريف : حبيبك تعبان اوي يا ملك حاسس ان فجاه دنيا بتنهار وانا مربوط
عموما بصي يا ستي دا ................
الباب بيخبط
ملك : ثواني اكيد الليمون نشربه وناخد سناك ونكمل
واخذت ملك اعصير وساندوتشات وبدات تطعم شريف بكل حب وهو ياكل تحت تهديدها انها لن تاكل بدونه ولكنه شارد في تميم وماذا يحدث له واين هو
لتستاذن رولا بالدخول
شريف : روولا كويس جيتي في وقتك
ونظر الي ملك اكيد عارفين بعض
مك بكل ود اكيد طبعا
شريف : الي متعرفيهوش ان رولا تعتبر اكتر حد ثقه وتميم بيثق فيها وبتدير كتير من شغله وانا طلبت منها تيجي لاننا محتاجين سريه كاملة وتامة الفترة دي
ملك: برافو دا كويس ممكن انا وهي نقعد ولو في مكتب اقدر اقعد فيه
شريف : ليه هنقعد كلنا علشان نحضر للاجتماع
ملك : روا اكيد عارفه الورق المطلوب وانا فهمت الدنيا فيها ايه وبعد اذنكم اسمحولي ارتب الشغل معاكم
شريف : اكيد طبعا دي شركة زوجك يا حبيبي
ملك : وزوجي علشان يكمل محتاج يرتاح ساعه واحده يستعيد فيها نشاطة وانا ورولا هنروح نرتب الشغل
شريف : بحزن والم مفيش وقت للراحة ومش هرتاح الا لما اطمن علي تميم وعلي الامبراطوريه الي هو كبرها وتعب فيها
ملك: اعتقد الشغل محتاج تركيز والامبراطوريه دي تميم مش هيكون مبسوط لو انهارت وعلشان تحافظ عليها محتاج ترتاح وتستعيد نشاطك انا بطلب منك ساعه واحده علي ما رولا تقعد معايا وثق فينا وكمان مايا عرضت مساعدتها ولكنها مكسوفه لان ملهاش صفة في العيلة وانا قولت لها ترتاح لانها وقعت مننا امبارح
رولا: استاذه ملك عندها حق في كل كلمة بالاضافه انها شخصية ناجحة جدا وطبعا وجوده اضافة لينا
شريف: مين الي ملهاش صفه مايا دي اختك اولا وعزيزة علينا ثانيا وهتكون مرات تميم ان شاء الله ومالها هي كويسه
ملك: انهارت لما عرفت بالي حصل له بس الحمد له بقت افضل
وبعدين يا رولا اسمي ملك مش هنبقي اصحاب ولا ايه
رولا : شرف ليا اكيد
ملك : شريف ارتاح وانا هروح مع رولا بس وحياة ملك عندك ترتاح ساعه واحده بس
شريف اماء لها بتعب فهو مشتت وتعبان جدا وفعلا يحتاج لراحة ولو بسيطه وداخله سعيد بزوجته التي تحنو عليه في ازمته وتقف الي جوارة وبالرغم انها دائما الشجار معه الا انها تشعر اللان ان لا وقت للشجار فهو يحتاج الاحتواء
....................
مر عدة ايام والكل يبحث عنه وضع الشركات غير مستقر ملك تقف الي جوار شريف في شركته بكل قوتها وتساعدهم مايا ولكن علي استحياء لكون لا صفة لها
علاء مقيم هو وفرق البحث معهم سيد في شركته
المستشفي تم اكتشاف اختراقات كتي
ليلي تساعد باسل هي وميسون
تم تاجيل فرح شريف وباسل
في يوم حدث مالم يتوقعه احد
- يتبع الفصل التالي اضغط على (رواية تيمو) اسم الرواية