رواية تيمو الفصل الثلاثون 30 - بقلم ولاء فتحي
(30 )
وفي محاولة ياسه للتخلص منها يجد نفسه يبدل ملابسه وياخذ سيارته ويخرج يلف ويجوب في الشوارع
ليجد نفسه في مكان
تميم لنفسه الله انا ايه جابني هنا
ليجد نفسه امام مجموعه شركات النوبي وعلي بعد بسيط يجد احدي سيارات التي يعرفها فهي تخص شركة الحراسه
يرفع التليفون ليتصل ويرد علي الجانب الاخر
: باشا
تميم : هي دكتورة مايا فين دلوقتي
سيد: لسه فيس مكتبها
تميم : تمام
سيد : تؤمر بحاجة
تميم : لا تمام سلام دلوقتي
ليصعد ويسال علي مكتبها
...................
في الداخل تجلس مايا وملك
ملك : يا بنتي اعتبري اني مقولتش حاجة طالما مقالش ليكي حاجة
مايا : انا يا ملك بقاله 3 اسابيع بيتهرب مني
ملك : بقولك كان مسافر ولسه راجع انهارده
مايا : ولو مجرد انه فكر بس انه يبعد معناها اني مش مهمة عنده
ملك : بس انتي مش بس بتحبيه انتي تخطيتي المرحلة دي ومن زمان كمان
مايا : انا ادوس علي قلبي ولا اني اتحط في موقف زي دا
لتدخل السكرتيره وهي تخبرها
مايا : خير
السكرتيره في حد بره عاوز يقابل حضرتك
مايا باستغراب : اسمه ايه وايه السبب
السكرتيره : بيقول فيه موضوع مهم واسمه تيمة
لتفتح مايا فمها بذهول وتضحك ملك عليها
مايا : اخرجي قوليله
لاء بصي ومرتبكة
قولي له 5 دقائق معاها اجتماع ولما ارن عليكي دخليه
تنظر ل ملك بخوف وارتباك: ودا ايه جابه دا
تضحك ملك عليها وهي تمد يدها الي تك الرابطة التي علي شعرها لتفكها لينزل منسدلا علي كتفيها وترسل لها مراه لتنظر بها و
وهي تقول لها : اهو لسه راجع من السفر الشوق كله وجالك الله يسهلو بقي انا ماشية
مايا : لاء متروحيش متسيبنيش
ملك: مينفعش يا قطه روحي قوليله الهوهوا الي كنتي بتقوليها لي
مايا : ايوة هقول
ملك : دا انتي سمعتي اسمه قاعده مش علي بعضك
مايا تلتقط كاس من الماء لتشرب وتمسك رابطة شعرها ل تلمه مرة اخري وهي تقول ايه الي عملتيه دا
ملك : عملت ايه كدا احلي معقول بعد الغيبة دي يرجع يلاقيكي رابطة راسك زي الي عندها صداع
انا راحة مكتبي وكا هو استني كتير
مايا : طيب وانتي خارجه
ملك عارفه هدخله هاتي رصة الملفات دي مهو اجتماع
خرجت ملك وهي تبتسم : الله تميم اذيك حمدا لله علي السلامه
تميم : ملك الله يسلمك اخبارك واخبار شريف ايه
ملك : الحمد لله
تميم : يلا ربنا معاكم باقي شهر علي الفرح لو محتاجة اي ترتيبات اي حاجة قولي بس
ملك: تسلم بيلا ونونا شيما مش مخليني محتاجة حاجة
تميم : انتي انضميتي رسمي بقي كدا للعصابة
ملك : بضحك ياااه دا رسمي فهمي نظمي
تميم : كدا بقي الله يكون في عونك يا شريف
ملك : اتفضل احنا خلصنا شغل مايا في انتظارك واقتربت منه وهمست له بالراحة عليها انها مش طيقاك
نظر لها نظرة عدم استيعاب : ايه ليه
ملك : ادخل وانا مقلتش حاجة
دخل تميم وترك الباب مفتوح
مايا نظرت له وقلبها يكاد يقفز من وجوده معها في مكتبها وهو نظر لها يتفحص ملامحها
ثم تحركت من مكتبها وانتزعت نظارتها لتضعها علي مكتبها وهي متوترة وتتحدث بصعوبه
اهلا بش مهندس تميم اخبارك
تميم : الحمد لله لسه راجع من السفر قولت اجي اسلم عليكي
مايا : حمد لله علي السلامه يارب تبقي زيارة موفقه
تميم نظر لها نظره اشتياق اربكتها وجعلتها تفرك يديها بتوتر وبدا عقلها ينتبه ل توترها من نظراته
مايا : اتفضل اقعد تشرب ايه
تميم : ا ابدا ولا حاجة انا بس حبيت اشوفك واسلم عليكي
مايا : رفعت السماعه علي السكرتيره اتنين نسكافيه
مايا : خير مع حضرتك
تميم : جلس يتفحصها دون ان يتحدث و بدا يتحدث في موضوع احنا فتحناه من فترة واتكلمنا فيه انا سيبتك براحتك علشان تفكري وبعدين قولت اجي اشوف ردك
مايا :ك موضوع موضوع ايه تمثل عدم التذكر مش فاكرة
تميم : بدا ينظر داخل عينيها لو مش فاكرة افكرك مايا تتجوزيني
مايا : اه الموضوع دا تفتكر انا ممكن ارد عليك او افكر ازاي
تميم : مش فاهم يعمي ببساطة اه موافقه او لاء مش موافقه
مايا : مش ملاحظ انك واخد المواضيع ببساطه بالرغم انك مهندس ودكتوراه في الادارة
تميم : ممكن نتكلم بوضوح انتي عارفه اني صريح وواضح
مايا : انت تعرف عني تقريبا كل حاجة صح وطبعا وقفت جنبي كتير وكنت حماية ليا اكتر من مرة ورجعت لي حقي واتعرضت لهجوم ومشاكل بسبببي
تميم : كل دا واجبي لان ليا اخت
مايا : ممكن اعرف انت مين
تميم : بضحك انا تميم
مايا : اهو دا الي اعرفه معرفش عنك حاجة خالص معرفش مين شين الي كنت بتحلم بيها معرفش غير انك ابن خالة شريف خطيب ملك الي في مقام اختي انت مين
تميم : بس كدا انا اقعد معاكي واعرفك كل الي محتاجاه
مايا : وليلي ونظرت له بارتباك ونسمه
تميم : انا حكيت لك قبل كدا موضوع ليلي ونسمه ودول مسؤلين مني
مايا بارتباك مفكرتش تتجوزها
تميم فهم ان ملك بلغتها علشان كدا كانت بتحذره بره
تميم : طيب عندك مانع اوصلك ونقعد في اي مكان
مايا : معلش الوقت اتاخر وانا لازم استاذن بابا
تميم : مفيش مشكله تحبي امتي
مايا : هشوف مواعيدي
ونظرت له حتي تقرا عينيه فنظر لها وهو يقول بس انا مستعجل
مايا : مهو واضح 3اسابيع حضرتك بعيد ومبتردش عليا ولا بتسال وتقولي مستعجل
لاء يا استاذ انا مش تحت امرك وقت ما تقرر تبعد تبعد ووقت ما تحب نتقابل افضيك نفسي انا الدكتورة مايا النوبي يعني ولا صغيرة ولا قاعده معنديش وقت فراغ
وقف لينظر اليها بكل برود بكره الساعه 4 في المطعم هستناكي
وياريت متكونيش زعلانه مني كدا لان مقدرش علي زعلك ولما تسمعيني ممكن تحكمي علي كلامي
مايا : هسال بابا واشوف هيقبل ولا يرفض
تميم : لو بابا يحب يشرف في المطعم طبعا مكانه
وقبل اي تفكير دا مش معناه ان انتم بتيجو مكاني وليا لاء ابدا كدا كدا في شغل بينا وبين النوبي جروب وطبيعي انكم بتتواجدو في المطعم باستمرار
ولو المكان مش مريح ليكم حددي المكان الي يريحك بس متنسيش الساعه 4 علشان معطلش وقت الدكتورة مايا عن شغلها هاخد البريك وانا راضي بيه
تحبي اوصلك لان معلوماتي ان لسه مش معاكي عربيه وبتروحي مع ملك
مايا : متتعبش نفسك
خرج تميم : الساعه 4 منتظر تاكدي المكان لكن الموعد مفيهوش نقاش
السكرتيره النسكافيه يا فندم
تميم : معلش ممكن تبدليه ب ليمون للدكتورة لان النسكافيه بيسهر
وابتسم ونظر لها وانصرف وهي غير مستوعبه ما يحدث
لترن علي ملك : يلا بينا
...................................................
سيد: الوشريف في حاجة مهمة لازم تعرفها
شريف : خير يا سيد
سيد: البنت الي اتطردت من المستشفي انهارده مدفوع ليها
شريف : ايه طيب خليك معايا هكلم تميم وادخله معانا واشوف هنعمل ايه بيتدورو علي باسل علشان عارفين ان ملوش في اي حاجة
تميم : ايو يا شريف
شريف : تميم انت فين سيد معايا علي التليفون وهدخله معانا كونفرانس علشان في حاجة مهمة
تميم : طيب تمام
سيد انا عملت تحريات عن البنت الي كانت سكرتيره هي الفكرة انها تبع عصابة ل تجارة الاعضاء وبرضهم فيهم راجل اعمال معروف اموضوع دا مترتب لان دا الي كان داخل اخر صفقه قصادكم
تميم : مين فيهم
سيد : منصور السيوفي
شريف : مش دا الي كان مشارك رامي شوكت
سيد : بالضبط كدا وطبعا نصب تلاقي احتيال تلاقي كل السكة الشمال
تميم : ابعتلي الملف
شريف : هتعمل ايه يا تميم
تميم : هدرسه واقولك
سيد: انا اسف بس مضطر اقولكم كمان خبر مش كويس البنت صفوها في بيتها
واحنا بنتعامل مع مافيا
شريف: صفوها لحقو
تميم : دا متوقع علشان كدا كان مفروض متتطردش كانت تتاخد في ادينا
شريف: انا عندي ك معلومات الي كانت علي موبايلها
سيد: انا محتاجها ضروري
تميم : الكلام دا مش هينفع ساعه ونكون في الشركة
سيد: علي فكره انا زودت الحراسه علي الشركات وفيلات العيلة والانسه ملك والانسه مايا والانسه ميسون بس كمان محتاج يكون معاهم اجهزة تتبع
شريف : ميسون وملك سهله مايا بقي تيجي ازاي
سيد: انا داخل علي الشركة وهنتظركم
تميم : طيب شريف كلم باسل يجي ضروري
شريف : تمام خلاص سلام
........................
ملك : طيب ايه
مايا : مش هروح
ملك: روحي اسمعيه يا مايا
مايا : هو ايه يا ملك انا تحت امره يقرب يبعد يفكر في غيري يرجع انتي بتهزري
انتي متعرفيش انا اخذت وقت اد ايه علي ما اقنع بابا يقبله
انتي متعرفيش انا عشت ايام قلق عليه عاملة ازاي
دا حتي محاولش يعرفني اي معلومه عن نفسه
ملك: مايا مفروض انك ملكيش علاقه باي معلومه او كلام عرفتيهم من بره وهو قالك عاوزة تقابليه ب=مع باباكي وهيشرح لك كل ظروفه وحياته في الي متعرفهوش عنه
مايا : في ايه انا اعرفه عنه اصلا انا حبيت مجهول
ملك: صدقيني هو انسان كويس وهو كلمته مسموعه وكلهم بيحترموه
مايا : هفكر يا ملك بس قلبي وجعني
ملك: قلبك وجعك مني انا انا الي حكيت حاجات هو حتي مقلهاش غير ل شريف وشريف مكنش المفروض يقولها ل حد الغلطة غلطة شريف انه قال وغلطتي اني قولت لك
وتنهدت ملك ونظرت لها بكل حب وهي تكمل : مايا اوعي تفرطي في حقك خدي فرصتك الحب مبيجيش مرتين لو صادق وانتي شوفتي هو انسان شهم وقف جنبك بدون اي صله بينكم وكان هيموت ولا يوم ما شاف سواق الميكروباص ومكنش يعرف اننا ولا يوم ما رجعلك حقك من رائف وبعده عن مصر كلها علشانك ولا اقولك انه عامل حراسه تتابعك علشان تحافظ عليكي طول ما انتي مسافره تفتكري سيد صاحبه وصاحب شركة الحراسه الي شغالين معاها بتامن شغلهم
مايا : وهو جايب فلوس ل دا كله منين ووصل ل كدا ازاي
ملك: حبي اقعدي معاه وصدقيني مش هتندمي خالص دا انسان محترم
مايا : تيجي معايا
ملك: عزول يعني ولا ايه يا بنتي
مايا : لاء مش هقابله لوحدي
ملك : هسال شريف واقولك لو فاضي اشوفه
مايا : حجه بقي علشان حبيب القلب
ملك : الله مش جوزي حبيبي
مايا : يجي يسمع بدل قدامه عامله فيها عم عبده
ملك: لازم يتربي
مايا : والله الواد صعبان عليا بيتمني لك الرضا ترضي
ملك: لاء بقي انتي معايا ولا معاه
مايا : انا مع العقود الجديده الي هتراجعيها خلينا نمشي
...............................
تميم : كل واحد فيكم عرف هيعمل ايه مش عاوز غلطه
باسل : بس انا مبعرفش اشتغل في الجو دا
شريف : باسل انت مستهدف في مستقبلك مينفعش جو الروقان لازم تكون حذر
تميم : فعلا وكويس ان الي هتكون معاك ليلي لانها ثقه
سيد: انا عملت اتصالاتي وعرفت شركة تامين شركاتهم و طلع الي ماسكه معرفه
تميم : ممتاز يجي بقي دور ملهم لازم نوصله ليهم علشان نحط ادينا علي كل الاتصالات والكاميرات
شريف : تضبيط ملهمي دوري
سيد : ووصوله ليهم دوري
وباسل : طيب هو مفروض هيضبط لي السيستم
تميم : لاء احنا هنغيير السيستم عندك كله علي بال ما يقدر حد يخترقه نكون كشفناه
وانا اصلا كنت مكلم شركة المانيه هتجيب لنا اجهزة جديده
شريف هتوصل امتي
تميم : بعد بكره بس ملهم يبدا يجهز لها علشان ينجز ودا ملف بكل تفاصيلها ابعته له
سيد: طيب في نقطة دول بيغيرو الحراسه كل اسبوع تقريبا
تميم : اتفق مع صاحبك تاخد منه شغلهم من الباطن علشان رجالتك هي الي تكون هناك
سيد: طيب انا هستاذن انا يدوب الحق اقنعه
تميم : الشيك دا حط لهم المبلغ الي محتاجينه علشان الموضوع دا
سيد: بس صعب اديهم شيك من هنا
تميم : عامل حسابي دا حساب سري باسم كودي مش هيعرفو يوصلو فيه ل حاجة لاني بغي كل شيك بكود مختلف
باسل : انتو عصابه ولا ايه
شريف : ايوة وهنسرقك لو مسمعتش الكلام
يا ابني يا حبيبي تخيل كان زمانك متجوز البت السكرتيره وبتبيع اعضاء
باسل : دي كانت تبقي مصيبه
تميم : اخرج بره يا باسل
باسل : حاضر يا بوص
تميم : شريف اخبار الحفلة ايه
شريف : علي شرف سيادتك يا كبير طبعا . اعتقد ان الاوان الكل يعرف مين هو الايرن مان بتاعنا
وبالمناسبة دي كمان هنعلن عن فروع جديده في جنوب افريقيا و ايطاليا ولا ليك راي تاني
تميم : اخبار فيلتك ايه
شريف شغالين فيها
تميم : انا اتفق لك وانا بره علي حبة حاجات ودفعت ديبوزت ناقص بس تبعت لهم تاكيد اموديلات لما تقعد مع ملك تختار وبعت لك الكتالوجات علي الميل وكلمت بيت ازياء في باريس علشان هي تتواصل معاهم وتضبط الفستان
شريف : ربنا يخليك يا كبير
تميم : يا ابني انتي اخويا الصغيير
شريف : طيب انا هروح علشان اشوف ملهم
تميم : وخد اخوك في ايدك علشان انا مليش مرارة علي الاقناع
شريف : عونيا
.......................
يا بيلا مينفعش
بيلا : لاء ينفع
سعاد : انا بجهز فرح بنتي وبرتب لابني مش فاضيه
طيب قومي افتحي الباب
سعاد: ايه انت ايه جابك هنا
- يتبع الفصل التالي اضغط على (رواية تيمو) اسم الرواية