رواية جمعهم الحب الفصل الثاني 2 - بقلم مريم حجازي، ندى ربيع، ريناد خالد

الصفحة الرئيسية

 رواية جمعهم الحب الفصل الثاني 2

اقبل يا ادمن 
البارت ٢
رواية جمعهم الحب
ندي:امممم ممكن اشغلكوا كلكمم
البنات ف صوت واحد:ازاااي
ندى:مع اول اجازة لينا هنروح كلنا ب ربطة المعلم نستلم شغل عند حسام اخويا في الشركه
: وهوا حسام اخوكي هيوافق يشغلناا احنا الخمسه اااي هياا شركتكوا دي وكالة من غير بواب
*_يضحكوون الفتيات
ندى: يست سيبوهاا عليا انتوا بس 
ثم رجعوا الى محاضراتهم مرة اخرى 
~~~~~~~~~~\\~~~~~~~~~~~~~~
*البنات خلصوا أول يوم وكل واحدة منهم راحت بيتها لتأخذ  ترتاح لان اليوم كان طويل جدا
~~~
مريم وهي داخلة من الباب...... 

مرات أبوها :أنتِ جيتي يختي تعالي بقا روقي البيت كله مش عايزة ألاقي تراب علي أي حاجة واه بعد ما تخلصي أبقى أعملي الغدا لأبوكي يختي قبل م يرجع من الشغل..
مريم بتعب : حاضر يا ...كملت في سرها ياحرمة ياصعرانة

لتدخل لغرفتها وتغير ملابسها لملابس البيت وتبدأ في تنضيف البيت
 ~~~~
بعد ساعتين "
مريم بتعب واضح على وجهها : يااااااه أخيراً خلصت أدخل بقى أعمل الغدا~~~
في غرفتها" 
مريم تكلم نفسها : تعملي ايه يا بت يا مريم اهاا أذاكر المحاضرات بتاعت النهاردة وبعد كده أنام علشان أشوف ندى قالت لاخوها ولا لا على الشغل ان شاء الله خير 
وظلت تذاكر إلي أن ذهبت في ثبات عميق 

*وطبعا ريناد كالعادة راحت بيتها ونامت لتاني يوم 

*روما دخلت بيتها وسلمت على الجميع وبعد ذلك طلعت لغرفتها لتنعم بقسط من الراحة 

*وندى فضلت طول اليوم م بين الفون والأكل والمرح مع أصدقائها على الواتساب إلي أن ذهبت إلى النوم في ثبات عميق... 

*وضحى راحت بيتها ونامت فور دخولها البيت.. 

#تاني -يوم
في الصباح يستيقظ الجميع ويقومون ب الروتين اليومي بتاعهم 
ندى: صباح الخير يا دادة... حسام مشي ولا اي
الدادة: ايوة يحبيبتي طلع بدري انهاردة لانه عنده اجتماع مهم
ندى: يمصيبتي نسيت اقوله ع الشغل للبنات دول هينفخونيي...
*البنات اتجمعوا الصبح
روما بمرح: صباح الفل على احلى شباب 
مريم: بطلي جنان يبتت انتيي عامله زي سواقين التكاتك كده ولا باين عليكي انك دكتورة ولا باين عليكي حتى انك ثانوية عامه اصلاا عيله تافهه
_ليضحك الجميع وتتظاهر روما بالزعل مع الضحك ويمرحون 
ندى:  صباح الخير على حبايب قلبي 
مريم: صباح النور يندوشة هاا قوليلي حسام وافق صح..؟ 
ندى بتوتر: بصراحه كده انا نسيت اقوله امبارح وهو نزل بدري انهارده بس اوعدك اوعدك اني هقوله اول ما اروح والله 
مريم بتنهيده: تمام ي ندى
ريناد:  همشي انا بقاا عشان عندي محاضره دلوقتي 
روما وضحى: واحناا كمان هنمشي 
_بيسلموا على بعض ويذهب الجميع

بعد اسبوع

بعد الكثير من الاتفاقات مع حسام شقيق ندي قرروا ان يبدأو العمل في اول اجازة
وعند ضُحىٰ: يبنات المحاضرات كانت كتير اوي حسبي الله 
روما: اه والله ولا الدكتووور مراددد
وعيون مراااد 
ضُحىٰ: ايييي يروما شكلك وقعتي 
روما: اي اي لا لا متاخديش فبالك انا بهبد أصلاً بقولك اي متيجي نكلم البنات ونتقابل بقى وكده عشان وحشوني؟ 
ضُحىٰ: يلا انا موافقه 
_______________~___________
عند ندىٰ: مريمممم ي مريممم 
مريم: عايزه اي يزفته؟ 
ندىٰ: يست برخم الله؟ 
مريم: حسبي الله متسبيني فحالي
الا قوليلي يبت هو اخوكِ بيشتغل اي؟ 
ندىٰ؛ ممممممم بتسألي ليه يبت؟ 
مريم: متفهمنييش صح بسأل بس 
ندىٰ: عجبك صح انا عارفه اخويا مز أصلاً بس يبت سيبك منو ده بارد وتنح 
مريم؛ وهي سرحانه.! 
اااااه بس قمرررررر
ندىٰ: تضحك وتلوح بيدها امام مريم وتقول لها؛ فوقي فوقي يحبيتي! 
__________~____________~___
عند ريناد؛ ياااه أخيراً خلصت 
اليوم كان حلو اوي ولكن مُتعب بشكلل ربنا يتوالنا بقى.! 
اي ده ضُحىٰ بترن؟ 
ريناد بضحك... 
يارب استر لاحسن دي مش بيجي من وراها الا المصايب 
الوو.....  
ريناد: عايزه اي يحجه! 
ضُحىٰ: بقى ده رد تصدقي اني غلطانه اني بكلمك غوري يبت
ريناد: بي تأفف خدييي بهزر انا ليا اغلىٰ منك برضو يضحضوحه.... 
ضُحىٰ: ايوه كده اظبطي 
المهم تعاليلي عند كافيتريا كبيره كده
اسمها الجارحي كوفي..! 
ريناد: ليه؟ 
ضُحىٰ: هنتقابل وحشتيني انتِ والبنات وهجبهم دلوقتي كلهم
ريناد: اوكي
رني عليهم.. لحد منا اجي 
ضُحىٰ: اوك باي
______________~________~__
ندىٰ: ضُحىٰ بترن يببت يمريم 
والله وحشتنيي اوي 
مريم: ونا كمان 
ندىٰ: الو يضحضوح.. 
ضُحىٰ: ساااالخير على الحُب بتاعي
ندىٰ: حبيبي والله وحشاني 
ضُحىٰ؛ تعاليلي انتِ ومريم عند الكافيتريا الكبيره دي اللي هييي ااءء
ندىٰ: الجارحي كوفي.؟ 
ضُحىٰ: ايوااه 
ندىٰ: جايه انا ومريم حاضر 
ضُحىٰ: علطول كده مش هتسألي ليه؟ 
ندىٰ: لاااء انا جايه يسطا 
ضُحىٰ:]اوكي يعيوني مستنياكِ
_____~___~______________~_
وبعد م وصلوا... 
ضُحىٰ: اعععع اععع وحشتوني؟
عملتوا اي انهارده؟ 
البنات فصوت واحد: يوم متعب بس عسللل عسلل.. 
ضُحىٰ بضحك؛ حبايبي طب يلا نطلب حاجه. 
اقعدو. 
قعدوا البنات وضُحىٰ كانت قاعده في الكرسي اللي فالضهر بمعني انها شايفه اللي قدامها! 
كان قاعد قدامها رچُل صارم وعيناه باللون الاخضر ك لون الشجر  سرحت ضحى في عيونه للحظه وفاقت على همس اصدقائها ضحى ضحى انتِ معانا.... 
ضُحىٰ': ايوه ايوه سرحت بس. 
روما: اممم اللي واخد عقلك.. 
ضُحىٰ: لا يبت مافيش حاجه 
اوك اطلبوا يلا يلا
نادت مريم على الويتر 
لو سمحت عايزين كلنا عصير مانجه 
ضُحىٰ: بأبتسامه لا لا انا عايزه قهوه. 
الويتر: اوامركم يا فندم حاضر 
بعد ربع ساعه.... 
الويتر: اتفضلوا ي هوانم... 
البنات خدوا طلبهم وبدأئوا يشربوا
بعد قليل
ندي:جماعة هروح الحمام 5 دقايق وجاية
مريم بمزاح:اوعي تتوهي 
ندي :لا متخافيش ياختي
وقامت وسابتهم
 
لحظت ضُحىٰ ان الشاب اللي قصادها طلب قهوه برضو 
والويتر بينزلهالوا اتدلقت عليه
الشاب: انت غبي متفتح ازاي انت كده واحد غبي انا هرفدك خالص انت متعرفش انا مينن؟ 
هحضر ازاي الميتنج دلوقتي
الويتر بخوف:انا اسف يافندم والله مكنش قصدي 
ضُحىٰ بعصبيه: هو ازاي بيكلمه كده؟ 
ريناد :معرفش مغرور ده سيبك منو 
ضُحىٰ: لاء قامت ضُحىٰ لعنده وزعقت معاه انت اللي غبي ازاي تتكلم معاه كده 
الويتر: لا لا انا اسف يفندم بعد اذنك ي انسه اتفضلي مكانك
الشاب وهو اسمهُ مُحمد الجارحي:غبي انتِ عبيطه ي انسه؟ 
ضحى: انت خليت فيها انسه ده انت شخص مهزق بصحيح؟ 
محمد بعصبيه حاده: انا بدأ صبري ينفذ وبعدين انتِ مالك أصلاً 
روما: بس يبنتي يلا ده واحد ولسه هيكملوا زعق فيهم مُحمد وقالهم غوروا من هنا 
ضُحىٰ بنفاذ صبر: مالك ياااالا انت متخانق مع مراتك وجاي تطلعه علينا اما واحد مهزق بصحيح 
الشاب بعصبيه: انا لحد دلوقتي ساكت لانك بنت غير كده كنت بهدلتك يقطه 
ضُحىٰ: اه وخلي بالك بخربش 
صحاب ضُحىٰ خدوها وقعدوا وقعدوا يلوموها
ضُحىٰ: لا يستاهل هو اي حد معاه فلوس يدوس على الناس كده؟ 
مريم: الله يهديه
خرجوا من الكافيه.. 
ضُحىٰ قاعده بتشتم علي مُحمد 
وتلاحظ مريم وروما وريناد انهم يحاولوا اسكاتها 
ضُحىٰ: واحد مغرور وعصبي وعمال يزعقق واعااعااها
روماو وهي بتبص ورا ضحي:خلاص ياضحضوح ااا المسامح كريم
ضحي بعصبية:بلا كريم بلا ابراهيم اسكتي انتي دا واحد بارد
ريناد:طيب افتكري ان روما قالتلك اسكتي وانتي مسكتيش
ضحي :ومش هسكت دا واحد بارد اللهي ينشك في فخادة البعيد
مريم: هي وصلت لفخاده طب بصي وراكِي بقي
ضُحىٰ: ءءءءءءءءءء
محمد: ءءء اي بس متكملي مالها فخادي
ضُحىٰ: انا اسفه حقيقي بعتذرلك ولكن انت متربتش 
محمد بغضب :انا متربتش
ضُحىٰ: عايزني اضحك عليك يعني
محمد: نعمممم هو في اي يبت يلي كلك قد البرص انتِ؟ 
ضُحىٰ: بقولك اييي متعصبنيش غور ونت نكدي كده 
محمد: يلا يماما من هنا عشان عندي ميتينج وسابهم ومشي
ضُحىٰ: هشششش يلا
مريم: يلا يشيخه بقى زهقنا هو اليوم كان ناقص هي دي الخروجه حسبي الله يضحى
ضحى: مهو واحد محتاج يتربي انا مشفتش كده بجد بني ادم مقرف. 
ريناد: خلاص يضحى مش حوار سيبك منه بجد. 
ضحى: حاضر.
روما بتوتر: طيب انتو مش ناسين حد كدا
مريم :حد مين ...يلااااااااهوووووي ندددي سبناها
لسه مكملتش كلامها لقيت تيلفونها بيرن والمتصل ندي
مريم :ندي بترن دي هتمسح بكرامتنا الارض 
روما بضحك :طيب ردي عليها وافتحي الاسبيكر 
ردت مريم وهي خائفة من رد فعل ندي
ندي ببكاء مصطنع:اعاااااااا  ياولااااد الجزمة انتو فينننن اعااااااااااا سيبتوني ومشيتوا  انتوووو فينننن .. 
مريم بمرح: ودني ياحلوووفة ...احنا برا الكافية تعالي عشان في مصيبة حصلت 
ندي :كنت شكة انكوا عملتوا مصيبة...يلا باي انا شفتوكوا اهو ..وقفلت
بعد قليل ..بعد ماحكوا الموضوع لندي
ندي وهي ماسكة بطنها من كتر الضحكك:هممموت يخربيتك في واحدة تقول لاحد في وشههه انت متربتش يابجحتك  ياشيخة 
ضحي:ما هو اللي عصبني اعملوا اي 
مريم: يلا يكلبه منك ليها لو اتأخرت الوليه الصعرانه العندي فالبيت هتبلعني. 

تضحك الفتايات... 
_______♡_______
وصلت ندي البيت. 
ندي:حسام عايزة اتكلم معاك في حاجة ضروري 
حسام: بعدين ياندي عشان مش فاضي وبدور علي موظفين في الشركة . 
ندي بصدمة :انت بتقول ايييييي هييييييي دا اصلا الموضوع اللي كنت جيالك في واقولك صحابي جايين يشتغوا في الشركة 
حسام:طيب حلو الكلام دا بس وحياة اهلي يندى لو مجبتيهومش بكره معنديش شغل لحد. 
ندي: حاضر حاضر براحه شويه وقامت تقول للبنات
يتنهد حسام بتعب وقام لينعم بقسط من الراحة 
دلف حسام اللي غرفته غير ملابسه وذهب في ثبات عميق

_______♡________
ذهبت ندي تراسل اصدقائها في مجموعتهم ف"واتساب"
ندي: بناويتي في حاجه ضروري. 
مريم: اي في اي اخلصي بسرعه عايزة اخلص شغل البيت. 
ندي: حسام قال لو مجيناش الشركه نبداء الشغل من بكره يبقي مفيش شغل خااالص. 
روما: مش عارفه اخوكي ده شايف نفسه علي اي وبيعمل كده لي كلهم نفس الصنف للاسف. 

ريناد: في اااايييي كنت مخموده صحيت من صوت الرسايل دي. 
ريناد: ايييي اخوكي عايز اي ي عين امك. 
ضحي: هاتي اخوكي ده افتح دماغه. 
ندي: بقولك اي انتي وهي هتيجوا ولا لا!. 
الجميع بأستسلام: جايين. 
__________♡________
فاليوم التاني. 
تجمعوا كل الفتيات امام منزل ضحي وروما"ضحي وروما جيران" بسيارة ندي كالعاده ضحي متأخره. 

ريناد: شرفت الست هااانم. 
ضحى: ميرسي يحببب. 
ريناد: بقولك اي يبت يندي انا بقالي فتره بتعلم السواقه وابويه مش راضي يديني عربيته هاتي اسوق انا شويه. 
ندي :ابوكي مرضيش تيجي تخربيلي عربيتي انا 
ريناد :متخافيش والله 
ندي بخوف بعض الشئ: متأكده. 
ريناد: كل التأكيد. 
مريم: اتشهدوا يبنات. 
ضحك الجميع... 
_______♡_______
فالطريق. 

ندي: طلعتي بتعرفي تسوقي يبت يريناد. 
ريناد: عيب عليكـ...... لم تكمل الكلمه حتي استضمت فسياره سوده فخمه. 
ريناد: احيه عليا احيه عليا اعمل اي ده احنا حتي قدام الشركه خلاص. 
ندي:اعاااااا يخربيت اهلك عربيتيييييي هي دي اللي بتعرفي تسوقي اعاااااااا منككك للله
تلاحظ ان هناك احد خرج من السياره...... اهه كان شاب وسيم جدا ملامحه حاده لاكن مريحه تاهت فملامحه..... لاكن لحظه ماذا يريد هذا الشخص. 
نزلت ريناد من السياره. 

الشاب بهدوء: انتي متخلفه صح؟ 
ريناد بغضب: نعم؟ 
الشاب: في حد يدخل ف حد كده يسواقه البهايم. 
لترد مريم من داخل السياره. 

مريم: البهايم دول يبقوا اهلك. 
ينظر لها نظره كفيله بأن تسكتها. 
مريم: لامؤاخذه كمل الكنت بتعمله. 

سليم بصراخ"الشاب": مش بتعرفي تسوقي بتسوقي لي ماشيه تخبطي ف خلق الله. 

ريناد وهي تحاول ان لا تبكي: متزعقليش... ان..انت المتخلف ومش متربي كمان.... عـ.. عشان تعلي صوتك ع بنت انا مكنش قصدي اخبطك. 
تفهم مريم ان صديقتها علي وشك البكاء لتتدخل. 

مريم: في اي يوحش بتزعق للبت وانت قد درفة الدولاب احترم فرق الحجم حتي اعتبرها عيله صغيره وغلطت وسيبنا نعدي بقا هنتأخررر. 

يتجاهل سليم كل كلامه ويغادر بدون كلمه واحده. 
كل دا وندي قاعدة جوا العربية هي وروما وتشتم في ريناد ومشفتش مين اللي خبتطه ريناد اصلا
ريناد بعد ان غادر. 
ريناد: جدعه يبت يمريم اصلا بني ادم محتاج تربيه من الاول. 
مريم: وحياة امككك! ده انتي كنتي عامله زي الفار المبلول قدامه. 
ريناد: اخرصي قطع لسانك. 
يضحك الجميع ويتجهوا للشركه. 
__________♡_______
يتبع♡
الكاتبون
ندي ربيع
مريم حجازي 
ريناد خالد
روما محمد 
ايوة ياجدعان احنا عاملين الرواية ب اسمينا🙂😂😂

  •تابع الفصل التالي "رواية جمعهم الحب" اضغط على اسم الرواية 

google-playkhamsatmostaqltradent