رواية تيمو الفصل الرابع و العشرون 24 - بقلم ولاء فتحي
(24)
استاذ شريف موجود
السكرتيره : ايوة يا فندم في معاد سابق
: لاء ودخلت
السكرتيره : يا انسه يا انسه ممنوع الدخول
رفع شريف نظرة علي هذا الصوت ليجد من تقف امامه غاضبه
شريف اسرع اليها ونظر لها بمنتهي الحنان
السكرتيره : يا فندم انا
ليقطع عليها شريف كلامها وهو يشير لها بيده ويقول لها استاذة ملك تدخل اي وقت بدون اذن مهما كنت مشغول
ملك تتحول نظراتها الغاضبة لنظرات سعادة وكأن قلبها سيقف من السعادة
اما السكرتيره تنظر لهم بضيق
ليلتفت شريف امامها ل ملك وهو يقول : اهلا حبيبتي نورتي مكتبي تعالي اقعدي في ايدي ملف مهم هخلصه وافضي لك تحبي تشربي ايه
ملك: لاء مش عاوزة اشرب انا هقد استناك
لينظر اليها شريف بكل حب وهو يقول لها : دا ايه اليوم الجميل دا دا انا كدا واثق ان المناقصة دي بتاعتي
السكرتيره يا فندم تامر بحاجة
لتنظر لهم ملك بخجل
شريف : اه هاتي ايس كريم وقهوة مضبوظ واعملي مكافاه لكل الشركة اسبوع
ملك مذهوله منه
وصحيح نسيت اقولك ملك خطيبتي وفرحنا قريب
السكرتيره : الف مبروك يا فندم مبروك استاذة ملك انا اسفه مكنتش اعرف
وتركتهم وخرجت
ملك: ايه الي انت عملته دا
شريف : عملت ايه مش فاهم
ملك انت احرجتني قدام السكرتيرة
شريف : اقعدي يا حياتي انا اسف لازم اخلص الملف دا الا لو انتي مستعجله ساعتها كل الدنيا تتاجل علشانك
ملك: لاء انا انهارده فاضية
شريف : كويس يبقي لو تسمحلي ملوكتي اطمع في اني اخلص اجتماع والملف واكون فاضي باقي اليوم ليكي تماما
ملك : فكرت فهي ترغب ان تراه كيف يعمل
مفيش مشكله بس ممكن حد يجيب لي لاب بتاعي من عربية علشان انا كمان اخلص شغل علي ما تخلص
شريف : بس كدا تؤمري واتفضلي يا ستي الايس كريم الي بتحبيه وصل
جلست ملك في تربيزة اجتماعات صغيره جانبيه في مكتب شريف وبدات تعمل وهي تراقبه في صمت حتي اندمج هو في عمله وتحدث بكل حزم للسكرتيره
شريف : استاذ محمود ومديري الادارات الماليه والتوريدات والقانونيه يكوني عندي بعد 5دقائق
السكرتيرا امرك يا فندم بس استاذ محمود بيخلص حاجات تخص شركة ادارة القري في هيئة الاستثمار ولسه موصلش
شريف نظر امامه : واضح انك معندكيش فكرة عن حاجاه استاذ محمود في مكتبه من ربع ساعه اتاكدي من معلوماتك قبل ما تردي
السكرتيرة بخوف : اسفه يا فندم حاضر
ملك تنظر له كم هو مختلف بدا الاجتماع والجميع يهابه وهو يتعامل معهم بكل حزم يعرف ادق تفاصيل عمله
مرت ساعه واتنين وتلاته
...............................
في المستشفي مايا ترغب ان تتحدث مع تميم ولكنه بالفعل مريض
باسل : تميم انا اسف التحاليل بتقول انك عندك عدوي فيروسيه ومحتاج راحة اسبوعين وللاسف هنضطر نمنع عنك الزيارة وتتعزل
ونظر ل مايا : انسه مايا من فضلك تخرجي بره
تميم : انت بتهزر يا ابني ولا ايه
باسل : تميم انا مش بهزر انت فعلا مريض هخصص لك جناح بتمريض خاص بيك بنفسي هشرف عليك للاسف ممكن تكون كورونا وكدا الي اتعاملو معاك الفترة دي محتاجين يتعزلو كام يوم علشان نطمن عليهم
تميم : دور برد هيرعبك كدا انت بتهزر انا ورايا شغل
باسل : اختار هنا ولا في الفيلا ولو في الفيلا ميسون وخالتي يروحو عند بيلا والفيلا تفضي ليك علشان تتحرك بحريه في اماكن محدده غير ان الاجهاد الذهني ممنوع
تميم : انا مش فاهم انتو مكبرين الموضوع
باسل : الموضوع بسيط بس دا لسلامه الي حواليك واحتمال متكونش كورونا انا بعت اعمل تحاليل اكثر دقه ومن هنا لغاية ما تظهر النتائج انت مضطر تتعزل
وافق تميم بقلة حيلة وطلب عزله في شقته الخاصة حتي ا يقلق الجميع ورفض اي حد يكون معاه حتي التمريض
.....................
مايا : دكتور باسل هو عامل ايه
باسل : تميم عنيد بس مضطر نعزله علي الاقل اسبوع انا وهمته انها كورونا علشان يخاف علي الباقي واجبره يرتاح لانه ضد الراحه
متقلقيش حضرتك مش مجبره تتعزلي انا متاكد انها عدوي فيروسيه عاديه بس لانه اهمل في الراحة من وقت العملية الاولي مناعته قلت والي نفعنا اصلا انه رياضي والا كانت حالته تدهورت
مايا : يعني هو كويس
باسل : ايوة كويس ممكن تكلميه فون عادي
عن اذنك عندي شغل واتمني ترجعي غرفتك
........................
الجميع قلق علي تميم ولكنه لاهماله في صحته اجبره باسل علي الراحه
عاد علاء من السفر وعادت مايا الي منزلها يوميا تتحدث اكثر من مرة مع تميم
سيد رفض السفر ل شرم الشيخ واصر علي التواجد بجوار شريف وشريف كلفه باعمال بسيطه
علاء مجبر علي الموافقه علي اختيار ابنته
الجميع في انتظار تحس حالة تميم
ليلي والدها مريض ودخل المستشفي عند باسل ونسمه مع ميسون وسعاد بعض الوقت ودائما ما تتحدث مع تميم لانه ابوها التي لا تعرف غيره
سعاد ترسل له يوميا الطعام وهو رافض مقابلتهم خوفا عليهم
هي مشغوله مع ابنها ولا ترد علي اتصالات علاء
مايا : بدات تتعلق اكثر ب تميم وهو كذلك
ميسون خلصت امتحانات ودايما تذهب لباسل في المستشفي بحجة نسمه وليلي
عاد الجد من الخارج ومتابع لما يحدث مع احفاده
مر اسبوعين المفروض كدا تمام تميم اصبح بحاله جيده جدا سمح له باسل بالخروج
.........................
اليوم هو خطبة شريف وملك وهو اصر علي عقد قرانهم
تميم خرج من عزلته ليري اسرته واصبح بصحة جيده ومتعلق جدا ب مايا
في حفل بسيط يضم الاسرتين والاصدقاء
ملك ترتدي فستان اوف وايت كفساتين فراشات الجنيات المسحورة وترفع شعرها بشكل رقيق جدا مما يشعل غيرة شريف فهي اميرة رائعه وهو يريد ان يخفيها عن العالم
شريف يرتدي بدلة كحلي رسميه ومعه منديل نقش عليه اسمه واسم ملك
مايا ترتدي فستان روز محتشم وتترك العنان ل شعرها
تميم يرتدي بدله رسميه فيظهر كانه امير احلام كل فتيات الحفل
كان كل منهم يختلس النظرات للاخر
سعاد : ميسون مش ملاحظة تميم
ميسون : اه يا ماما بصراحة البنت زي القمر
سعاد : متعرفيش مين دي
ميسون : صاحبة ملك الوحيده بس بصراحة ايه شكلها بنت ناس متربيه اوي
بكل سعاده يصمت الجميع ليصدح صوت المأذون بخطبه يوصي كل منهم علي الاخر واخيرا جمله التي طالما انتظرها كل حبيبان
بارك الله لكم وجمع بينكم في خير
لتصدح الزغاريد والتهاني ويلبس شريف عروسه شبكتها التي اصر علي ان يكتب كتابه حتي يضمها ويلبسها لها بنفسه دون خجل ولكنها كالقطه تناغشه وتصر ان ترتدي بنفسها ليتشاجرا وسط ضحك الجميع
مايا : ملك انتي عروسه
ملك : دا بيهزر فاكر انه هيلمس ايدي دا بعده
مايا :ك يا بنتي بقي جوزك
ملك: والله لهجننه واطلع روحه
تميم : اتلم يا شريف بالراحة
شريف : ابدا والله ما حد ملبسهالها غيري
تميم : متفرجش الناس عليك
لتاتي سعاد ل حل الخلاف وتاخذها فرصه لتقترب من مايا وتفتح معاها حوار
سعاد : استني يا حبيبة قلبي انتي انا هكلمها انا
مايا :ك اتفضلي يا طنط
سعاد: انتي اسمك ايه انتي صاحبتها
مايا : مايا يا طنط واحنا تقريبا اخوات
سعاد مشاء الله قمر
هات يا شريف انا الي هلبسها العقد اصل بيتقفل بطريقه معينه مش هتعرف انت تلبسهولها
شريف : ماشي يا خالتي انتي انضميتي ليهم
سعاد : يا حبيبي هي الي انضمت لينا وهنكون عزوتها واوعي تزعلها لتضحك ملك علي شريف وهو عينيه غاضبة ويشعر بالغيره
اخيرا لبسو الشبكة واخذهل للتصوير ومعاها مايا وميسون التي بالقرب منها باسل
علاء النوبي للاسف لم يحضر لان عنده شغل
واثناء الحفل ياتي اتصال ل تميم يجعله يذهب فورا دون ان يخبر احد
ولكن سيد لاحظ وذهب خلفه
سيد: ايه يا باشا مالك في ايه
تميم : ادخل معاهم يا سيد مش عاوز حد يحس اني مش موجود
سيد: شكلك ميطمنش خير قلقتني
تميم : انا لازم امشي واد ليلي اتوفي ولازم اكون جنبها
سيد: ايه انا معاك مش هسيبك
تميم : سيد متسيبش شريف
نظر سيد علي شريف وعروسه
انا بس هاخد رامي في الطريق انزله البيت
شريف مشغول ومش فاضي واعتقد الحفل صغير مش محتاجني انما انا مع حضرتك دا لو مش بتعتبرني صديق
تميم : سيد انت واحد من العيله طيب بسرعه هات رامي وحصلني علي المستشفي
.....................
في المستشفي توجه سيد ل ليلي المنهاره تبكي علي والدها فهو كل ما لديها في العالم امس فقدت زوجها واليوم ابيها فمن لها في هذا العالم المخيف هي وطفلتها
تميم : ليلي انتي مؤمنه شدي حيلك وخليكي قوية
ليلي : مبقاش لينا حد يا تميم خلاص انا ونسمه بقينا لوحدنا
تميم : واحنا روحنا فين احنا اهلك
وصل سيد : تميم انا هنزل اخلص الاجراءات
تميم : استني انت خد ليلي ونسمه روحهم البيت وانا هخلص كل حاجة بنفسي
انهي تميم الاجراءات
وصل سيد ليلي ونسمه للبيت وهي صامته لا تستطيع ان تتخيل الم قلبها والفراق وتنظر لابنتها كم هي موحشه هذه الدنيا
فكان ابوها ابا ليها ولابنتها وسندا لهم الان هي وحيده تشعر بانها تائهه في العالم بدونهم
حالتها يرثي لها
مايا : كانت تبحث عن تميم ولكنه غير موجود بالحفل مما جعلها شارده لا تعلم اين ذهب وتركهم فجأه
مر اليوم سعيد علي البعض حزين علي اخرين قاسي علي البعض حائر علي اخرين و
اليوم التاني علم شريف والعائله بوفاه ابو ليلي وتوجهو جميعا لمنزلها لمساندتها والوقوف بجوارها والرجال لترتيب مراسم الدفن والعزاء
مرت فترة من الزمن والكل مشغول ولكن الحياه تستمر الي ان اتي يوم عليهم
وفجأه جلس تميم مع شريف
تميم : شريف عاوزك معايا في موضوع مهم
شريف : تمام معاك اهو خير
تميم : انا قررت ...................
شريف : ايه معقول
- يتبع الفصل التالي اضغط على (رواية تيمو) اسم الرواية