رواية تيمو الفصل العشرون 20 - بقلم ولاء فتحي

الصفحة الرئيسية

    

رواية تيمو الفصل العشرون 20  -  بقلم ولاء فتحي


  (20)
ايه الكلام دا  لاء مستحيل يحصل طبعا وانتي رايك ايه 
مايا : يا بابا انا بكلم حضرتك لان متعودتش اخبي عليك
علاء : وهو شفتيه فين 
مايا : هو اتصل بيا وبكل ادب وزوق قالي لو انتي مش مرتبطه ممكن تفكري ولو مش موافقه مش هشوفه تاني 
وبصراحة انا بفكر 
علاء : يا بنتي احنا منعرفش عنه حاجه خالص حتي لما حاولت اجمع عنه معلومات معرفتش واضح انه كان بره مصر  ومعرفش مين اهله 
مايا : انا شفت مامته واخته ناس شيك وزوق اوي 
علاء : شفتيهم فين وامتي 
مايا : امبارح شريف شومان خطب ملك وكانت تيمو واخته ومامته معاه واخته خطيبة دكتو باسل اخو شريف وغالبا مامته خالتهم 
بدا علاء يطمئن قليلا  ولكنه برضه مازال غير مقتنع 
علاء : طيب انا راجع كمان كام يوم متتصرفيش اي تصرف الا لما نقعد مع بعض 
مايا : يا حبيبي انا اول حاجة عملتها حكيت لك احنا اصحاب قبل اي حاجة وبصراحة هو شخص ممتاز متنساش انه دافع عني وكمان جابلي حقي 
علاء : معلش انا هقفل عندي اجتماع مهم وهنكمل كلام لما اخلص 
.....................................
تميم : يا بني انت وهو كبرتو الموضوع اوي انا كويس
شريف : لما تقعد في البيت ومتنزلش الشغل يبقي الموضوع كبير
باسل : الي حصل دا اجهاد طبيعي لان انت من يوم الحادثه مريحتش نفسك واكيد منتظمتش علي الادوية 
تميم : حادثه ايه دا موضوع قديم يا حبيبي انت الظاهر مشكوك في شهادتك
باسل : يا حبيبي انت بتجهد نفسك جامد جدا وواضح انك مش بتنام كويس
شريف : تكونش بتحب ايوا انت بتحب 
تميم مسك الفازة جنبه وهوشهم بيها يلا يلا انت وهو اطلعو بره دي اخرة الي يقعد مع عيال 
عملو نفسهم خايفين وبيجرو وضحكو جميعا 
سعاد فتحت الباب بسعادة 
يلا يا ولاد علشان نتغدا سوا 
ووقفت تمعن النظر فيهم بسعادة وحب 
باسل : لا يا سوسو انا مش ممكن اكل من غير ميسو دي كانت تاكلني 
ميسون : مين جايب سيرتي ان شاء الله 
تميم : جاتلك الي هتربيك اهي اختي وعارفها 
ميسون بتمثيل الزعل : كدا برضه يا تيمو تقول كدا علي ميسو حبيبتك 
قام تميم احتضنها بقوه وقبل شعرها : وانا اقدر دا انتي حبيبتي واختي وبنتي وحياتي كلها 
باسل : ايدك يا اخ عن مراتي كدا لو سمحت 
احكم تميم يده حول اخته وهو يمثل الغضب علي باسل : اجري يا ابني معندناش بنات للجواز قال مراتك قال هو انا افرط في القمر دا بالساهل كدا  ونظر لاخته بحنان واضح ولا ايه رياك يا قلب اخوكي 
ميسون : تنظر ل باسل بغيظ : الي تشوفه يا قلب اختك 
شريف : الحمد لله انا فلت منكم وضحكو جميعا وسط جو اخوي وسعاد طايره من الفرح 
سعاد : طيب يا قلب سعاد منك ليه ليه ليها يلا انا عاملة الاكل بايدي 
باسل : حيث كدا بقي انا اول واحد نازل 
ميسون : الاول كله يدخل يغسل ايهده يا دكتور 
باسل : حاضر يا عيون الدكتور 
ميسون : تسلم لي 
تميم بحزم : ايه دا انتو نسيتو انا واقف وسحب اخته وحملها ونزل مسرعا يلا يا ميسو 
وباسل يجري خلفه هات مراتي يا ابني وشريف يجري خلفهم ويضحك
ووجد من تجلس تحت وهي تضحك وتدعي ربنا يسعد قلوبكم يا زرعة عمري 
كلهم بسعادة وجرو عليها نانو وحشتينا يا نانو 
احتضنتهم وقالت لهم انتو الي وحشتوني يا قلب نانو من جوا ياااه ربنا ما يحرمني من لمتكم 
سعاد من خلفهم : ما قولت لك يا ماما اقعدي بقي معانا  بتوحشينا جدا 
تميم : ياريت يا نانو تقعدي معانا بجد 
والكل من خلفه اه والنبي والنبي 
ليجدو من يدخل من الباب : هي هتيجي تقعد معايا انا تونسني 
الولاد بسعادة  بيلا  لاء كدا بقي احنا نعتبره عيد 
بيلا : العيد الي بجد لما تفرح قلبي وتريح جدا يا تميم 
تميم : قريب ان شاء الله يا بيلا 
سعاد : بجد يا تميم : هي مين ونروح لها امتي 
تميم : انا جوعت يا سوسو ووحشني اكلك
سعاد تعالو يلا دا يوم عيد  اننا نتلم وماما وخالتو ربنا يرجع عمي واختي بالسلامه يارب
...........................
ملك : اتفضل بابا مستنيك جوا 
شريف : وحشتيني 
ملك : احترم نفسك
شريف : هو انا بشتمك عموما حقك برضه ما انتي قمر يا ملوكتي
ملك : ايوةيا بابي دا استاذ شريف 
شريف : ينفع برضه يا عمي بنتك دي والي بتقوله 
بابا ملك : بيضحك اهلا يا شريف معلش استحملها بقي ملك ملهاش في الكلام اوي
شريف : دا انا استحملها العمر كله بس حضرتك وصيها عليا عاوز اتكلم معاها 
بابا ملك : وماله يا ابني اي وقت تشرف بيتك ومكانك 
تعالي يا ملك اقعدي مع خطيبك 
ملك : حاضر يا بابي قعدت
بابا ملك : انا هقوم انا اعمل تليفون 
شريف : براحتك يا عمي خالص
ملك : هتسيبني لوحدي 
الاب : كلنا هنا معاكي في البيت وبعدين شريف خطيبك 
شريف : قولها يا عمي الله يخليك 
وانصرف الاب وهما قاعدين في مكان مفتوح 
ملك: ها عاوز ايه 
شريف : عاوز ايه في انسه رقيقه تقول ل خطيبها راجل وسيم وكاريزما زيي كدا عاوز ايه 
ملك : كاريزما ههههههههههههه مين بقي ضحك عليك وقالك كدا 
شريف : اعدهملك من اول ايه ولا ايه 
ملك :بغيظ : ايه مين دي ان شاء الله 
شريف بجديه اقعدي يا ملك عاوز اتكلم معاكي 
ملك : اتفضل  اتكلم 
شريف اخرج من جيبه علبه فيها سلسله رقيقه  ونظر الي ملك : دي هديه اول زياره 
ملك : شكرا . اتفقنا نتكلم 
شريف : خدي البسيها طيب ولا اتفرجي عليها وهنتكلم ورانا ايه غير اننا نتكلم
ملك : مش تيمو اتقدم ل مايا 
شريف : بجد توقعت كدا 
ملك: بس هو غامض اوي بصراحة منعرفش عنه حاجة 
شريف : هو مبيحبش حد يعرف عنه اكتر من الي هو عاوز يعرفهوله 
ملك : واضح انك تعرفه كويس 
شريف : اعرفه اكتر من نفسي  وعمرها ما هتندم 
ملك : بس ممكن اونكل علاء يعصلج 
شريف بحيره ليه فين المشكلة وتذكر ان تميم يرفض الافصاح عن هويته 
علي فكرة دا ابن خالتي وانا مش جاي احكي عنه هو يحكي عن نفسه وانا جاي احكي عن نفسي 
ملك : احكي سمعاك 
شريف : لاء انا عاوز اسمعك الاول طلباتك احلامك طموحاتك 
ملك : انت قولت في كلام انت هتقوله انا سمعاك 
شريف .....................
.........................................
ميسون : بجد يا تيمو قريب هنفرح بيك 
تميم : ان شاء الله منتظر بس ردها 
ميسون : هو في واحده في مصر كلها ترفض تميم شومان رئيس مجلس ادارة امبراطوريه شومان والرجل الحديدي 
تميم : ايوة ممكن يا ميسو لانها متعرفش غير اني تيمو شيف في مطعم واحيانا ويتر ومهندس بالشهادة 
ميسون : ايه انت بتهزر طبعا ليه يا تميم تعمل كدا 
تميم : لان عاوز انسانه تحب تميم الانسان تميم في ايظرف واي وضع تميم بس الي هتوافق علي تميم شومان الرجل الحديدي هتتجوز الشركات والفلوس مش انا 
ميسون : وانت تميم انسان رائع لو مكنتش اخويا كنت اتمني انسان ذيك راجل محترم متدين مهذب ناجح  وسيم رياضي
تميم : وعصبي وبارد زي ما بتقولي المميزات قولي العيوب 
ميسون : مشكلتك ان مشاعرك مش بتبينها بالايجاب او السلب مشاعرك مخبيها 
تميم : الله بنوتي كبرت وبتحلل شخصيه اخوها الي رباها 
ميسون : امال طبعا دا انا قريب هكون زوجه وام 
تميم : دا انا هطلع عين الواد باسل دا 
ميسون بخضه ليه عمل ايه 
تميم : معملش احتياطي احسن يزعلك
ميسون : باسل طيب اوي وحنين يا تيمو صحيح هو مش رياضي ولا كاريزما زيك بس هو انسان اوي 
تميم : الله الله  لاحظي اني اخوكي الكبير يا قطتي 
ميسو : اخويا وابويا وصديقي وكل حاجة بموت فيك وهتعترف مين دي 
تميم : بص في الساعه انا همشي عندي معاد
ميسون : باسل قال انك محتاج راحة يومين يا تيمو علشان خاطري ارتاح شويه 
تميم : طيب يلا روحي ذاكري لو مجبتيش امتياز زي كل سنه هنعيد السنه ومفيش جواز 
ميسون : وعلي ايه قلبك ابيض انا رايحه اهو بس روح اقعد ما نانو وبيلا شويه انت وحشتهم 
ذهب تميم للسلام عليهم واخذ درجاته البخاريه 
سعاد : انت خارج يا حبيبي 
تميم : مش هتاخر 
سعاد : ريح قلبي وخد عربيتك مصر غير بره انا بقلق عليك  ولا خد حراسه 
تميم : متقلقيش عليا انا  بحب اكون حر 
سعاد : طيب قلل من ركوب البتاع دا علشان خاطري 
تميم : خلاص اوعدك اني هقلل منه بس ممكن اخرج محتاج اشم هوا 
سعاد : طيب يا حبيبي ترجع بالسلامه ومتتاخرش
...........................
شريف : الو يا سيد انت عارف اني عند خطيبتي 
سيد : شريف  الموضوع خطير  . ومش عارف اتصرف في اي اتجاه 
شريف : خير في ايه 
سيد : دكتورة مايا في خطر 
شريف : مش عارف تتصرف ازاي . احميها باي شكل ومتبلغش تميم لانه تعبان  سيد ز دكتورة مايا في حكم خطيبتة تميم بس موضوع دا سر وعلي اساسه اتصرف 
سيد : علم عن اذنك 
شريف تابع معايا الموضوع دا وانا هجيلك حالا 
سيد : خلاص تمام انا هروح بنفسي ليهم عند شركتها 
شريف وانا جاي لك
.............................
شريف  دخل واخد مفاتيحه 
شريف : انا مضطر امشي عندي شغل مهم 
ملك : احنا متعشناش 
شريف : معلش مرة تانية موضوع لا يحتمل التاجيل 
ملك : طيب استني هقول ل بابي 
شريف : انا هتصل بيه 
...........................
ملك بتعيط 
بابا ملك : ايه يا حبيبتي مالك بتعيطي ليه وفين شريف 
ملك : مشي 
الاب : انتو زعلتو مع بعض ولا ايه 
ملك: جاله تليفون وخرج مشي وقال شغل مهم 
الاب : انتي لازم تتعودي علي نظامه هو صحيح شاب صغير بس رجل اعمال له اسمه ووضعه في السوق 
شغله صعب ومتعب وهتلاقي نومه قليل وسفره كتير 
ملك: وانا  ايه بقي هيتجوزني ليه علشان يركني لوقت فراغه 
الاب: انتي الراحة والامان له يا ملك زي امك كدا عمري ما حسيت غير بيها جنبي بتشجعني 
ملك: بس حضرتك مكنتش بتسيبها كدا 
الاب : مين قالك ياااه دي اتحملت كتير علشان كدا كنت ما بصدق افضي نفسي وقت ليها اعوضها عن تعبها معايا 
الحياه مش دلع وفسح  الحياه ميكس حلو وحادق 
ياريت تكوني فاهماني وتبداي تقربي من خطيبك وتفهميه الولد ابن اصول ومتربي 
ملك: حاضر يا بابي الي تشوفه 
........................
المجهول : ايوة يا باشا هي خرجت من الشركة ومتاخره واغلب موظفين مشيو يعني الشارع فاضي بس معاها حراسه وفي عربيه بتراقبها من بعيد 
خال رائف : اتشقلب وهاتها  لازم تسافر ل رائف مش انا الي ابن اختي يتعلم عليه من واحده ست 
المجهول : حاضر يا باشا 48 ساعه وتكون معاه 
خال رائف : انهارده تكون معاه والا 
المجهول : اوامرك يا باشا 
................................
ذهب تميم الي مكانه علي النيل الخالي من الناس وجلس بمفرده يفكر 
هل فعلا هو معجب ب مايا ام انها مجرد تلبيه ل رغبة جده الذي مرض مرضا شديدا ويحتاج لمن يطيعه فهو في وضه لا يحتمل نقاش او رفض 
وفتح هاتفه وظل يتصفح ذكرياته مع شين وهو يردد سامحيني يا شين سامحيني مش هعرف اعيش علي ذكراكي 
وفجأه 
...................................
خرجت مايا من الشركة وهي تسير وجدت سيارة الحرس خلفها وسيارة اخري تنهدت برضه يا بابا ممشي حراسه ورايا هو انا عيلة صغيره 
طيب اطلب ملك لاء خطيبها عندها ربنا يسعدها اكلمها بليل بقي اكيد هتخلص وتيجي 
وبدات تفكر في عرض تميم وموقف والدها وبداخله محتاجة اتكلم معاه 
فجاه كسرت سيارة علي الحرس واطلقت نار علي اطار سيارتهم  
الحرس بسرعه اطلقو نار عليهم ولكن كان الطرف الاخر اسرع وسيارة سيد خلفهم ومعاه رجاله  بدا يسرع ويترك لحراسه النوبي والمتطفل الفرصه لاستكمال معركتهم وعينه علي سيارة مايل 
سيد : ايوة يا شريف سيبتهم يضربو في بعض وانا بحاول الحق مايا معرفش هي بطئت ليه 
شريف : خلي بالك منها انا  الدنيا زحمة مش عارف اوصلك
سيد: برقابتي 
شريف :  حصلها وخدها بسرعه 
سيد : علم 
شريف : مش عاوزها تعرف عن تميم حاجة 
سيد بس هي شافتني معاه في المخزن 
شريف لو سالتك عن حاجة قولها اسالي تيمو 
سيد : طيب اقفل  معلش 
وفجاه كسر سيد علي سيارة مايا الي جانب الطريق ارتبكت مايا و وقفت ولحقهم سيارة المجهول نزل سيد بسرعه 
مايا انت مين وعاوز ايه 
سيد :من فضلك مفيش وقت حياتك في خطر انزلي بسرعه 
بدا المجهول يطلق النار عليهم وصت صراخ مايا 
سيد : افتحي بسرعه يا دكتورة واتنقلي علي الكرسي التاني مفيش وقت انا من طرف تيمو 
مايا : بسرعه صرخت وفتحت الباب زقها سيد وانطلق بسيارتها وسط صراخها 
ورجاله نجحو في الهاء   المجهول لحين انصرافه 
سيد: اهدي يا دكتورة متخافيش . وانزلي في الكرسي تحت
مايا امسكت تليفونها تحاول الاتصال بوالدها لكن خارج نطاق الخدمة 
ومن سرعه السياره وقع تليفونها تحاول التقاطه 
وفجأه




google-playkhamsatmostaqltradent