رواية مهرة العز الجزء الثاني 2 الفصل السادس 6 - بقلم مريم

الصفحة الرئيسية

  

 رواية مهرة العز الجزء الثاني 2 الفصل السادس 6 -  بقلم مريم 

 عز بابتسامه: ومين قالك اني زعلان او هتعصب عليكي لما تقولي لباباكي؟؟؟
مهرة باستغراب:ازاي وانت قايلي ان الكلام ده بينا ومحدش يعرف…..فكرتك هتتعصب لما تعرف
عز:تعرفي يا مهرة……انا دلوقتي اتاكدت انك بنت أصول
وان انا كنت صح لما وثقت فيكي…..
مهرة باستغراب:كنت مفكراك هتتضايق….
عز:انتي مكذبتيش على باباكي….كنتي ممكن تقوليله اي حجه وهو كان هيصدق وتنزلي تقابليني عادي..بس انتي لا مكذبتيش عليه مع اني قايلك محدش يعرف
بس ب اللي انتي عملتيه ده خلتيني اطمن ان انا لقيت الانسانه الصح اللي هتقدر تساعدني ومش هتخبي عليا اي حاجه مهما كانت….
مهرة بابتسامه: يعني انت مبسوط
عز:اوووووي
مهرة بكسوف:بس بقى….بتحرجني…
عز بضحك عالي:ايه ده….انتي بتتحرجي زينا
مهرة بغيظ:قصدك ايه
عز بابتسامه: قصدي نقوم ناكل درة مشوي…اي رأيك
بما ان لسه قدامك ساعه…
مهرة بابتسامه: اشطا
وقاموا اتمشوا على النيل واكلوا درة مشوي وقضوا وقت جميل مع بعض…….وبعدين مهرة قالتله انها هتروح
كان هيوصلها بس هي رفضت عشان رفيف مش تشوفهم……
🦋♡♡♡♡♡♡♡♡🦋
عند اسر كان صحى من النوم وخد شاور وبياخد الفون عشان ينزل يروح شقته القديمه…..
بس الفون رن…… وكانت رفيف…..
اسر كان مش هيرد….بس قرر يرد وقال ممكن حصل حاجه…..عشان كده هرد…
اسر بضيق:الو
رفيف بحزن وبدون مقدمات:لنا اسفه….عارفه ان انا كنت غلطانه لما قولتلك لا…بس والله العظيم يا اسر غصب عني معرفش ليه قولتلك كده مع اني كنت فرحانه لما قولتلي كده….بس انا معرفش قولت كده ليه
وعلى فكرة انا متضايقه من الصبح عشان زعلتك…..وكملت بخجل….وبصراحه انا مش عايزة اشوفك زعلان….عشان انا بتضايق…….ممكن تسامحني


واوعدك والله اننا هننزل نقعد في اي كافيه…بس متكنش زعلان مني🥺
اسر بفرح من قلبه:احم احم…..وانا مش زعلان يا رفيف
رفيف:لا انت كداب
اسر بابتسامه: والله مش زعلان…انتي ليه مش مصدقه
رفيف:عشان مش ده كلامك معايا…انت على طول بتهزر معايا….وبترخم عليا….مش زي عوايدك…..عشان كده انت لسه زعلان…..
اسر بحب:صدقيني….انا اه كنت متضايق…..بس بعد كلامك الجميل ده…وانا دلوقتي مبسوط اووي ومش متضايق من اي حاجه…….
رفيف بابتسامه: خلاص…..يبقى صافي يالبن
اسر بابتسامه: حليب ياقشطه……طيب بقولك ايه
رفيف بابتسامه: ايه
اسر بابتسامه: اي رأيك ننزل دلوقتي
رفيف:لا خليها بكرة…..احنا بقينا بليل خلاص مش هينفع
اسر بابتسامه: اوكي….يبقى بكرة في كافيه***الساعه٤
رفيف :اشطا…..
🦋♡♡♡♡♡♡♡♡🦋
عند عزيز كان صحى من النوم ودخل اخد دش …..
وبعدين خرج ولبس قميص اسود وبنطلون ابيض وصفف شعره وحط من البرفان بتاعه ونزل….
وبعدها قابل عز في وشه…….
عزيز بابتسامه: اخبارك يابرو…….
عز بابتسامه: تمام…..عملت ايه النهاردة في أول يوم ليك في المستشفى الجديدة…
عزيز بابتسامه: الحمدلله….النهاردة كان في ضغط كبير عليا بس تمام كلوا هيبقى خير انشاء الله


عز:ايوة النهاردة كان في ضغط كبير عشان كان فيه حادثه جامدة على الطريق…
عزيز: ايوة سمعت عنها….
عز:طب انا هقوم بقى لاني هموت وانام…..يلا تصبح على خير
عزيز بابتسامه: وانت من اهله
🦋♡♡♡♡♡♡♡♡🦋
عند لؤي كان خلص مذاكرة وراح قعد على السرير يفكر في شمس وكان مبتسم جدا وهو بيفتكر كل لحظه حلوة بينهم وبعدين فكر انو يكلمها….بس رجع في كلامه وقال إن الوقت متأخر……وكمان هي مش بترضى ترد عليه على الفون اصلا.عشان كده هي بتعمل حاجه غلط من ورا أهلها……ف مرضاش يضايقها…وقال انو هيشوفها بكرة في الدرس…ويبقى يكلمها براحتوا…….وبعدين نام….
🦋♡♡♡♡♡♡♡♡🦋
عند شمس كانت قاعدة بردوا بتفكر في لؤي ومش عارفه تركز خالص في مذاكرتها…..وبعدين قفلت الكتب وقالت……كده مش هينفع خالص….انا لو فضلت على الحال ده مش هجيب مجموع طب ابدا……انا لازم اركز في دراستي وبس…..وبعدين تفكيرها راح عند لؤي تلقاني من نفسه وسرحت فيه تاني وفضلت على الحال ده لحد ما قررت تهرب من تفكيرها بالنوم…..
(متعرفش انو هيطلعلها في الحلم😂)
🦋♡♡♡♡♡♡♡♡🦋
عند منى بقى كانت قاعدة بترغي مع ياسر على الفون لحد ما هو صدع ومش عايز يقولها عشان متزعلش…..بس هي حست من كلامو انو صدع….
منى:احم احم…….طب بقولك ايه تصبح ع خير بقى
ياسر:ليه……ماتكملي……
منى:لا انا حاسه اني صدعتك…..بكرة هكمل بقى
ياسر:لا طبعا ايه الكلام ده….قاطعته منى
منى:ياسر……بلاش تكدب…..مش احنا متفقين امنا منخبيش حاجه على بعض…..
ياسر:ايوة
منى:طب انت بتخبي عليا انك تعبان ومحتاج تنام
ياسر بابتسامه: عشان مش عايز ازعلك
منى:والله!……ده بالعكس….انا كده هزعل….لما تكون انت تعبان وانا معنديش دم وبحكي يبقى هزعل…إنما لو انت نمت دلوقتي وارتحت عشان تقوم بكرة للشغل بدري ف انا هبقى مبسوطه و أووووي كمان…
ياسر بابتسامه: تعرفي اني بحبك
منى بخجل:وانا كمان……وبعدين كملت يلا بقى تصلح على خير
ياسر بحب:وانتي من اهله ياعمري….
وقفل معاها واتمنى انها تفضل معاه طول العمر وميتفارقوش………
وهي نامت من الفرحه وهي حاضنه الفون😂
🦋♡♡♡♡♡♡♡♡🦋
عند عز طلع وخد شاور ولسه هينام الباب خبط…وراح عشان يفتح ….
عز بابتسامه: انت لسه صاحي……
احمد:كنت مستنيك…..
عز باستغراب:ليه في حاجه حصلت ولا ايه
احمد:لا بس انا عايز اتكلم معاك كده في موضوع…طبعا ده لو مش وراك حاجه
عز بابتسامه: حتى لو ورايا هلغي كل اللي ورايا مادام الحاج أحمد جه بذلت نفسه لحد اوضتي…
احمد بابتسامه: وحشني الهزار البايخ بتاعك ده..
عز:احم احم…..انا بتهزأولا ايه.
احمد بضحك: لا شكلي انا اللي بتهزأ
عز:وده ليه…..
احمد:عشان لسه مدخلتنيش
عز:ودي محتاجه كلام………..اتفضل ياحاج
احمد دخل وقفل الباب…….
عز:هه في ايه بقى
احمد:انا عايز افهم انت عايز توصل لايه
عز بدون فهم:مش فاهم
احمد بدون مقدمات: لما انت بتحب مهرة اوي كده
ليه عايز تتجوز سلوى
عز بصدمه بس حاول يداريها:احم…….احنا رجعنا للكلام ده تاني يابابا…..قولتلك ١٠٠ مرة انا مش بحب غير سلوى وبس………..سلوى وبسس
احمد:لما امت مش بتحب غير سلوى وبس….ليه النهاردة كنت بتتمشى على النيل مع مهرة وبتهزروا وبتاكلوا درة مشوي وكنت مبسوط اوي والفرحه كانت هتنط من عينك………
عز بصدمه:انت بتراقبني……..
🦋♡♡♡♡♡♡♡♡🦋
عند مهرة بعد ما قضت سهرتها مع عبير ورؤوف دخلت اوضتها عشان تنام….بس طبعا اليوم ده مراحش من دماغها خالص وكانت مبسوطه اوووووووي وهي بتفتكر ضحكهم العالي وهزارهم مع بعض وحب عز اللي باين في عيونه…..اتمنت انها تعيش اللحظه دي تاني معاه ويفضلوا سوا……وبعدين راحت اتوضأت وصلت ركعتين لله ودعت انها تنجح هي وعز في كشف سلوى على حقيقتها وان محدش فيهم يحصلوا حاجه ويبقوا بخير على طول……وبعدين راحت نامت من التعب…..
🦋♡♡♡♡♡♡♡♡🦋
عند عزيز بقى بعد ما خلص المشوار اللي راحه…قال يروح يقعد في كافي قريب يثضي شويه وقت وبعدين يرجع على البيت……..
وهو ماشي خبط في بنت ووقعت منها الشنط اللي في ايديها……
عزيز:انا اسف…
البنت:اسف على ايه ياحمار….انت ايه مش بتشوف…شوف هدومي وقعت في الأرض ازاي…يس هقول ايه…..مصري بقى والتخلف بيجري في دمك
عزيز بغضب:ايه اللي انتي بتقوليه ده…..وبعدين انا مسمحلكيش تقولي ربع كلمه عن المصرين….فاهمه ولا لا
وبعدين عشان انتي بنت انا كان زماني دلوقتي بعت اعضائك ،،،،،أو رمتها للكلاب تأكلها…
البنت بضحك:اوووووه ماي جات ….لا خوفتني….وبعدين انا مش شتمتك لوحدك انا شتمت المصرين عموما…وعلى فكرة ياخفيف انا كمان مصريه
عزيز بسخريه: لا واضح……حب الوطن بيجري في دمك
قاطع كلامهم صوت من وراهم…..
الشخص:كارما!!!!!!……..
التفت عزيز وقال بصدمه:انت تعرفها؟؟؟؟؟؟
يتبع……
عارفه والله اني متأخرة عليكم اوووي وليكوا الحق انكوا تزعلوا وحتى متقرأوش الروايه بس والله غصب عني جدا…كنت بحاول والله انزله من زمان بس مكنتش عارفه….اصلا معنتش بفتح فيس كتير الا من فين وفين
ولا حتى كنت بمسك الفون كتير وكمان انشغلت في الدراسه وتأخرت اكتر وانشغلت اكتر بس انشاء الله مش هتتكرر تاني …لان الحمدلله كل حاجه اتحلت وكلوا هيبقى تمام وهنزل كل يوم تاني……واحتمال اخلصها الاسبوع ده لاني طولت عليكم……عايزاكوا بس متتضايقوش مني🤍

google-playkhamsatmostaqltradent