رواية عز و فرح الفصل الاول 1 - بقلم اية عز

الصفحة الرئيسية

 رواية زين و فرح (كاملة جميع الفصول) حصريا عبر دليل الروايات بقلم اية عز

رواية عز و فرح الفصل الاول 1

_الوو ايوه ياندي!! 

ندي: اي يافرح انتي مشيتي امبارح ليه 

فرح بابتسامه: مفيش زهقت 

ندي: حازم سأل عليكي

فرح ضحكت: اكيد ده المتوقع سيبك منه دلوقتي

...هتسهرو انهارده ولا ايه 

ندي: ايه ده فرح بنفسها هتسهر معانا!!

فرح: ايوه انا..اااه

فرح نزلت من العربيه بعصبيه: مش تحاسب ياحيوان 

*نزل من العربيه بكل شياكه وهو بيرفع نضارته *

زين وقف قدامها: ايه اللي انتي عملتيه في العربيه ده!! اتفضلي بقي صلحي ال عملتيه 

فرح بصتله بعصبيه: لا انت عبيط بقي! انت ال وقفت فجأه يعنى انت ال غلطان

زين: مش هتناقش معاكي كتير..ولسانك ده لميه احسنلك عشان متندميش ياشاطره 

فرح بعصبيه: لا بجد خوفتني وريني هتعمل ايه!! 

زين كان ماشي وسايبها بس هي مسكته من دراعه بعصبيه: استني هنا مش هتمشي غير لما تصلح العربيه 

زين بعصبيه:يالله منك متخلنيش اتعصب عليكي..غوري في داهيه شكلك مش عارفه واقفه مع مين..وانا غلطان اني واقف مع واحده زيك 

سابها ومشي وهي اتعصبت ومش عارفه تعمل ايه راحت فتحت الشنطه وجابت مفتاح من شنطه العربيه....

فرح بعصبيه: انا هوريك هعمل ايه 

*راحت وقفت قدام العربيه بعصبيه وضربت الازاز كسرته...*

زين نزل بعصبيه: نهار ابوكي اسود!! ايه ال انتي عملتيه ده 

فرح بابتسامه نصر: دي حاجه بسيطه عشان تبقي تحترم نفسك وتعرف انا مين!

سابته ومشيت ركبت عربيتها وهي ماشيه من جمبه رفعت ايده بتعمله باي يإيدها...وهو لسه واقف مش مستوعب.. 

____________________

سعيد مساعده الشخصي: اتفضل يازين باشا 

زين: هاتلي عربيه تانيه..لما دي تتصلح 

سعيد: خير ياباشا ايه ال حصل للعربيه 

زين افتكر فرح واتعصب لما افتكرها: اعمل ال قولتلك عليه وانت ساكت..اهم حاجه العربيه دي تتصلح بسرعه وترجع زي الاول واحسن وخلي بالك منها..

سعيد:حاضر..تؤمر بحاجه تانيه

زين: روح انت 

زين دخل مكتبه وقعد علي الكرسي بعصبيه بيكلم نفسه: ورحمه امي لاعرفك 

*زين صفوان..من اكبر رجال الاعمال في مصر رغم صغر سنه..عنده 30 سنه اه بس نينجا عينه بني فاتح بشرته فاتحه شويه شعره طويل شويه وناعم لونه اسود...عايش لوحده مامته وابوه متوفيين واخوه مسافر وعلي خلاف معاه *

ميرنا السكرتيره: صباح الخير يافندم 

زين وهو بيشتغل علي الاب توب ال قدامه:فيه اجتماعات ايه انهارده 

ميرنا: اجمتاع مع شركه QR بليل في المطعم ال قولتلي احجز فيه..ودلوقتي اجتماع مع الاستاذ عاصم الغرباوي 

زين:ماشي اطلبي عمرو خليه ييجي ودخليلي قهوه ولما عاصم ييجي دخليه 

ميرنا: تمام..عن اذنك 

__________________________

زين: كده تمام شركتنا هتقعد مع شركتك والعقد اهو بعشرين مليون جنيه واعتقد انت عارف لو اخليت بالعقد نهايتك هتبقي ايه 

عاصم وهو قاعد بشموخ: واعتقد انت كمان لو اخليت بيه هتكون نفس النهايه 

زين بابتسامه: متخافش مش زين صفوان اللي يخلي بالعقود 

عاصم ضحك:مش غريبه عليك..طول عمري بقول انك اكبر من سنك..يعني ال يعمل إمبراطورية زي دي وهو بالسن ده يستحق 

زين بغرور:طول عمري ياعاصم باشا

عاصم: طيب بقول نحتفل بقي بالعقد ده ولا ايه

زين باعتذار: سوري اعفيني انا 

عاصم: لا ازاي علي الاقل هتيجي حفله بنتي 

عاصم بيكلم نفسه:لازم اتأكد انك مش هتلعب معايا ولا عليا

زين: تمام هشوف كده واجيلك 

عاصم: طيب اسيبك بقي...عن اذنك 

عمرو دخل:ايه يابني ال شوفته ده صح عاصم الغرباوي كان هنا..وده من امتي ده انتو مش بطيقو بعض 

زين وقف بص علي عاصم من الشباك وهو نزل وبيركب العربيه: الشراكه دي لو تمت هتنقلنا في حته تانيه...عاصم غبي ااه بس يعرف ال ينجزلنا اي شغل عايزينه 

عمرو ضحك: طول عمرك دماغك سم..اه صح انا شوفت سعيد واخد عربيتك ومتكسره خالص انت عملت حادثه ولا اي 

زين بعصبيه: لا

عمرز: اومال اي اعتقد انها مفضله عندك عشان مامتك كانت بتحبها 

زين:اتخانقت مع واحده متربتش باين وضربتها ومشيت 

عمرو ضحك فجأة ضحك هيستري: استني بتقول واحده!! ضربت عربيتك وسيبتها تمشي؟! زين انت كويس 

زين قعد قدامه بزهق: صدق انك بارد؟؟ انت بتضحك 

عمرو: انت مش سامع بتقول ايه!! انت لو حد كلمك كلمه مش علي مزاجك ممكن تقتله في ايدك وبتقولي ان واحده اتخانقت معاك وخبطت عربيتك كده وكمان سيبتها تمشي..شكلها نستك نفسك ولا ايه هه 

زين بعصبيه: ده انا اللي هنسيها نفسها بس لما اعرف هي مين..وخلاص بقي علشان كل ماافتكرها بتعصبني 

عمرو:طيب وراك ايه بكره 

زين: عاصم عازمني علي حفله لبنته ومش عارف لسه هروح ولا لأ 

عمرو: مش بتقول العقد مهم!! ماتروح علي الاقل تكسب ثقته ويفهم انك نسيت الخلافات ال بينكم انا متأكد انه عزمك عشان كده 

زين: مش عارف لسه...المهم روح انت قابل شركه QR انهارده عشان مش فايقلهم 

عمرو: طيب انا همشي عشان الحق..

______________________________

ديدا: فرح انتي جيتي 

فرح بلا مبالاه: ايوه..عن اذنك 

دايدا: باباكي مستنيكي في مكتبه 

فرح: بعدين 

ديدا: مفيش بعدين بقولك كلمي باباكي...عن اذنك

فرح بعصبيه: نقصاكم انتو كمان 

* دخلت المكتب علي طول من غير ماتخبط *

فرح: نعم!!

عاصم: اقعدي..عايزك

قعدت قدامه ومسكت الموبايل من غير ماتبصله: بسرعه عشان خارجه 

عاصم: بكره عيد ميلادك 

فرح بصتله وابتسمت باستهزاء: ايه ده عاصم باشا بنفسه فاكر عيد ميلادي!! 

عاصم: بلاش رغي كتير... انا هعمل بارتي ليكي بكره عشان عازم ناس وعايزك تتعرفي عليهم 

فرح ضحكت: عامل بارتي ليا!! عشان تعزم ناس ليك؟!..بس اه صح انا مستغربه ليه عاصم الغرباوي معروف عنه انه مبيضيعش فرصه غير لما يستغلها لنفسه..علي العموم انا مش عايزه حاجه منك ولا بارتي ولا غيره..عن اذنك 

عاصم بجديه: استني عندك..انا مش باخد رأيك انا بقولك علي اللي هيحصل ولا مجتيش بكره تصرفي مش هيعجبك أبداً...ف تيجي زي الشاطره 

*فرح بصتله بعصبيه وخرجت وسابته طلعت اوضتها بعصبيه *

فرح بعصبيه: مااشي انا هوريك هعمل ايه يا عاصم ياغرباوي...اما بوظت الحفله دي عليك وعلي ضيوفك مبقاش انا فرح...

يتبع 

البارت الاول

لو في تفاعل حلو اكملها

  •تابع الفصل التالي "رواية عز و فرح" اضغط على اسم الرواية 

google-playkhamsatmostaqltradent