رواية انتي قلبي الفصل الثامن عشر 18 - بقلم ولاء فتحي
(18)
خلصت ليلي اليوم ومجهدة بس برضه مجاش ليها نوم
بدات تفتح صور تالين ومحمد
ايه دا
معقول الي شيفاه دا
واتكبرها وهنا قلبها فضل يدق بحزن وبدات دموعها تنزل في صمت
دي لابسة دبلة في اديها اليمين
وخاتم زي بتاعي بالضبط
معقول كدا
طيب انا بعيط ليه مش دا الي كنت عاوزاه
10 ايام اهو واكتر لوحدي مفيش رقيب محدش بيقولي رايحة فين وجاية منين الحرس مبيناقشوش تعليماتي
هو من حقه يعيش حياته
انا الي قولتله استحالة اشوفه الا اخ ليا
نامت وتاني يوم الصبح
___________________&&&
امل : يلا يا ليلي وراكي كليه وشغل
ليلي : مش قادرة يا ماما سيبيني شوية انا تعبت اوي امبارح
امل : تعبتي ايه دا تدريب لسه
ليلي : قامت بتفتح عنيها بصعوبة وباين عليها انها معيطة طول ليل بصت ل مامتها انتي مدية تعليمات ليهم ممنوع ادخل مكتبك
امل : في نظام في الادارة بيمشي علي الكل
امل بتفكر محمد اكيد هو الي ادي تعليمات دي
يا تري بتفكر في ايه
عموما اي ان كان البنت لازم تجمد شوية
شالت الغطا من علي ليلي : يلا بلاش دلع اليوم طويل
وانا لازم انزل اروح المكتب محمد رجع وفي اجتماع بينا علشان هو مشغول
قامت بفرحة بجد محمد رجع وراحت بصت علي تليفونها
ملقتش رساله صباح الخير الي كان بيبعتها
مبعتليش اي رسايل ولا اتصل
وقامت بكسل
امل : اكيد مشغول
ليلي : ايوة اكيد مشغول مع خطيبته
امل خطيبته : هو محمد خطب
ليلي : اتفضلي وريتها الصور ومكبره ايد تالين بالدبلة
امل : دي تالين ياااه بس سكتت علشان ليلي متعرفش انها تعرفها
______________________###
في الشركة محمد ادي تعليمات ان مكتبه بمكتب السكرتارية وغرفه الاجتماعات الملحقة بيه تفضي علشان تالين
وبدا يخلص شغله وسط خلية نحل شغالة
ليلي اتصلت ب ريم
ريم مشغولة مع محمد في مراجعة اوراق الشغل
كنسلت اكتر من مرة محمد اخد باله
محمد: ريم تقدري تردي علي تليفونك ولو تحبي تطلعي مكتبك لو حاجة خاصة
ريم : دي ليلي
محمد : طيب ردي انا في ايدي حاجات براجعها علي ما تردي لو تحبي تخرجي بره مفيش مشكله
ريم : لا تمام ايوة يا ليلي
ليلي : تعرفي ان محمد رجع
ريم : ايوة انهارده الصبح
ليلي : تخيلي مبعتش ليا رسالة او كلمني كدا داخل علي اسبوعين مخاصمني
ريم اخدت تليفون جمب الشباك . وانتي ايه مزعلك مش كدا الخنقة بتاعته اتفكت
ليلي : ريم محمد خطب البنت الي معاه في الصورة لابسه دبلة وخاتم زي بتاعي تقريبا الي جابهولي دا زوق محمد انا عارفاه
ريم : وبتعيطي ليه دلوقتي مهو حقة
انتبه محمد علي كلامها وبدا قلبه يتمزق من انها تبكي
ريم لاحظت حزنه وانتباهه علي الكلام
طيب يا ليلي انا هطلبك تاني عندي اجتماع
رجعت قعدت علي الكرسي
محمد : ريم مالها ليلي في حاجة يعني
ريم : بتقول انك خطبت
محمد : انفجر من الضحك
خطبت هههههههههههههه
ريم : اه بتقول البنت الي معاك في الصورة لابسه دبلة وكمان خاتم زي الي انت جبته ل ليلي
محمد: بيكمل ضحك طيب تعالي نخلص شغل لان عندي اجتماع في مصنع الادوية
ريم محتاره : محمد غامض جدا محدش بيعرف منه حاجة اكتر من الي هو عاوزها
_-______________##
ريم بتكلم احمد : وبتحكي له الي حصل
احمد انفجر في الضحك : خطب هههههههههه
ريم : هو انت واخوك بتضحكو ليه
احمد : بصي يا يم محمد بيحب ليلي بس ليلي لازم تعرف قيمته
عاوزها من ورا محمد تعرف ان هو فضي مكتبه لتالين ونقل في مكتب بابا
ريم : نعم هي اسمها تالين وبضيق وسخرية وتطلع مين الست تالين دي كمان
وتعرفها منين
وصحيح محمد خطبها
احمد : مش وقته هحكيلك كل حاجة بعدين
بس لازم ليلي تغيير ومحمد رافض الاسلوب دا وكدا الظروف معانا من غير ما نرتب
ويلا علشان انا نازل المصنع
ريم : هو في ايه في المصنع كلكم رايحين
-----------
ليلي بتتصل ب محمد بيفتح يرد وهو مبصش علي الاسم لانه مشغول جدا
ليلي : ايوة يا محمد حمدا لله علي سلامتك
محمد ساب العالم كله من ايده واتنهد وغمض عيونه وفي اقل من ثانية
محمد : ليلي ؟ صباح الخير اخبارك ايه واخبار المذاكرة الشغل
ليلي : كله تمام بس زعلانه منك
محمد : مني ليه يا ليلي في ايه
ليلي : سافرت من غير ما تقولي ومردتش علي اي رسايل ليا
ورجعت ومكلمتنيش كدا هربت مني
محمد : معلش يا بنت خالتي والله كنت مشغول جدا
ليلي : اول مرة يقولي يا بنت خالتي
اول مرة ميقوليش لؤلؤتي
ليلي : ليك حق من لاقي احبابه نسي اصحابه حتي دي محكتليش مش احنا اصحاب
محمد بخبث : واخوات متنسيش قبل اصحاب
وقعت الكلمة علي قلب ليلي كالسهم لاول مرة بيقولها اخوات
يبقي فعلا صح
ليلي : ومش عارفه ترد طيب هسيبك لان عندي محاضرة
قفل الخط وهو سعيد جدا وحزين جدا
_______________***
انا لم اهرب منك صغيرتي
بل اهرب اليكي فليس لك سوايا
ف سفينتك في بحور العالم ان ابحرت
فلن تجدي لها سوي مرسايا
فانا ملجاك ومهربك
وان سيرتي في الدروب فلن تسيري الا علي خطايا
________________@@@
محمد خرج في الطريق هو واحمد يقابلو رياض قبل معاد المصنع
تالين بتجهز اوراقها وورق شغلها وهتنزل مصر
بتتصل ب محمد
محمد : تالين الاخبار
تالين : انا يومين ونازلة مصر بس طالبه منك خدمة
محمد : يا خبر يا تولي اؤمري
تالين : انا عاوزة احجز فندق قريب من الشركة
محمدد: بقي تحجزي فندق والبيت موجود الفيلا واسعه تعالي خدي جناح فيها ومتقلقيش هدفعك اقل من الفندق
تالين : لا معلش مش عاوزة ازعاج
محمد : علي فكرة الفيلا فيها بابا وانا واحمد والشغالين
تالين : مينفعش يا محمد انا في المانيا بس انا شرقيه
احمد: طيب ايه رايك تقعدي في الفيلا عند خالتو امل مع ليلي وخالتو بتحبك وهيكون ليكي جناح فيها
محمد : برق لاحمد وفكر ليلي فاكرة تالين خطيبته
تالين : خلوني افكر
احمد : هطلبك علشان عاوزك ضروري عندي فكرة جنان
محمد : احمد مش عاوز اي افكار تعمل مشاكل
قفلو مع تالين
______________________
راحو ل رياض
رياض : ايه النور دا منورين
احمد : دا نورك يا فهد الداخلية واسد المراقبات هههههههههه
محمد: اذيك يا رياض
ايه الاخبار
رياض : والله انا الاحبار تمام فيما عدا ان من وقت للتاني في حد بيراقب الانسة ليلي
والحد دا من طرف واحد اسمه سامر رشيد
وكمان لما دورت وراه لقيته بيقابل واحده اسمها ناني الخربوطلي
محمد:برافو عليك يا رياض والله من غير ما تسال بتجيب الي انا عاوزه
سامر وناني
طيب انا عاوز اعرف مين الي صورني مع تالين ونشر الصور دي
رياض: اديني بالكتير 24 ساعه
محمد خلص كلامه مع رياض واستاذنو وراح محمد المصنع
واحمد رجع الشركة بعد ما خلص هو كمان شغله مع رياض
____________###
ليلي في الصيدليه بعد الكلية مفحوته
دكتورة حسنه مطلعة روحها بمعني الكلمة
وليلي عنيده مبتحبش تخسر ولا تبان انها صغيرة
----------------8888
في المصنع
محمد : وحشتيني يا خالتو اوي
امل : لو كنت وحشتك مكنتش تغيب عني كدا
البت غبية انا ذنبي ايه
محمد: بالعكس يا خالتو ليلي ذكية جدا ومن فضلك متغلطيش فيها
امل : بالمناسبة لما انت بتخاف عليها كدا
مدي اوامر يطلعو عنيها ليه في الصيدلية
محمد : بيضحك والله يا خالتو علشان خايف عليها مدي الاوامر دي
امل : ازاي يا غامض يا واد انا الي مربياك ومبقتش افهمك
محمد: لازم يا خالتو تجمد وتكبر
لازم تعتمد علي نفسها وتتعلم ولو محستش بالتعب كل الامبراطورية دي هتضيع منها
لازم تبدا من الصفر علشان تحس بكل حاجة وتتعلمها وتعرف تلقط اي غلط
ومتقلقيش انا متابعها كويس حتي اكلها متابعه
انا عمري ما هسيبها ولا اتخلي عنها
تحت اي ظرف
امل : هتقبل انها تتجوز غيرك يا محمد
محمد : خالتو الجواز دا نصيب بتاع ربنا محدش عارف هو فين
وبالمناسبة عيد ميلادها العشرين الخميس اعزمي بقي عيلة عمي توفيق الله يرحمه وهنعمل حفلة كبيرة انا مجهز لها
وعامل لها مفاجاة
بس حضرتك الي هتقولي انك مجهزاها
امل : والله يا ابني انت خسارة فيها مش هي بنتي بس انت خسارة في البت الجاحده دي
محمد: وبعدين يا امولتي منغلطش فيها
طلب اخير بقي
امل : عنيا ليك يا حبيبي
محمد: انتي طول عمرك بتشدي علي ليلي هي كبرت خلاص بقي عندها 20 سنه
وكمان انا الفترة دي هبعد عنها شويه
فمش طالبة شغل حموات معاها يا امولة خفي كدا عليها وخديها في حضنك
امل: والله خسارة فيها بنت ال .. ولا علي ايه حاضر يا حبيبي
الا صحيح ايه حكاية تالين
محمد بيضحك: والله مظلوم
قابلتها صدفة واتفسحنا شوية لقيت عندها مصنع خيوط ومنسوجات اتفقنا نشتغل فوجئت ان الدينا مقلوبة بصورنا
وان ليلي فاكراها خطيبتي
امل: بضحك والله فكره يمكن تحس ويبقي عندها دم
محمد : لاء وتالين نازلة من المانيا كمان يومين واحمد المعتوه عاوزك تستضيفيها
علشان الدنيا تولع
امل : ومالة دي حبيبتي وامها حبيبة اختي الله يرحمها طبعا تيجي وهجهز ليها جناح
بس ايه جاب في تفكير ليلي انها خطيبتك
محمد: قال لابسه دبلة وخاتم
حاجة تافهه من حاجات البنات
امل : هي مخطوبة ولا ايه
محمد: اه خطيبها الماني وشريكها في المصنع
امل طيب يلا نخلص شغل وهات رقمها وانا هرتب الدنيا وعنيها بتلم بفكرة
_______________@@
امل واحمد كلمو تالين واتفقو علي كل حاجة
ومحمد مش عارف ايه خطتهم
___________@@
عدي كام يووم
ووصلت تالين
وليلي فوجئت بوجودها عندهم في البيت
وامل مجهزلها افضل جناح في الفيلا
وبتعاملها احسن معاملة
وعرفت من ريم انها هتروح الشركة مع محمد و كانت مش طايقاها ولا طايقة نفسها بدون اي سبب
وعاملتها اسوء معاملة وتالين سعيدة جداا
محمد بيخبط عليهم الصبح
ودخل : ايه يا جماعه انتو لسه نايمين
ليلي : جري انا جاهزة
تالين نزلت وقربت من محمد وعدلت له الكرافته وقالت له تمام يا دودي انا جاهزة
لابسه تايير فورمال شيك جدا وشكلها يجنن
محمد فوجئ من الحركة دي ولمح ليلي متضايقة
امل اقعدو افطرو الاول
ليلي : انا فطرت
تالين انا شربت القهوة بتاعتي وهنفطر انا ودودي في المكتب معندناش وقت
محمد طيب يلا بينا
ليلي : محمد مش هتوصلني
محمد ليه موصلكيش طبعا هناخدك معانا يلا هاتي حاجاتك
يلا يا تولي هاتي شنطتك
وطلع ركب العربية ينتظرهم و
طلع الاتنين في نفس الوقت وازاحت تالين ليلي وقعدت جنب محمد
وليلي بتنفخ وقعدت في الكرسي الي ورا
وطول الطريق تالين بتتكلم وتضحك وليلي ساكتة خالص وعنيها فيها دموع
نزلت ليلي ورزعت الباب ومشت من غير ما تسلم
انفجرت تالين من الضحك
محمد: تالين خفي شويه
تالين : من ايه انا واحده مخطوبة وبحب خطيبي
نسيت اقولككم ان تالين واخوها اخوات احمد ومحمد في الرضاعه علشان كدا واخدين علي بعض
ليلي حست انها قليلة الزوق
طلبت من عربية الحرس يوصلوها الشركة عند محمد تعتذر له وتتكلم معاه
دخلت مكتب محمد لكن فوجئت ان تالين هي الي قاعده في المكتب وبتشتغل ومحمد مش موجود
اعتذرت اسفه افتكرت محمد الي هنا
تالين : براحتك انا بعتبرك اختي الصغيرة طالما انتي اخت محمد الصغيرة
ليلي : بس انا بنت خالته مش اخته
هو فين
تالين زمانه جاي حالا
ودخل محمد وبيقول ها يا تولي ايه رايك
فوجئ ب ليلي
اتخض ليلي انتي كويسه
احنا لسه سايبينك حالا في الجامعه
ليلي : انا كويسه بس جيت اشوف ريم
بس لقيت حد تاني في مكتبها
قولت اعدي علي مكتبك لقيت تالين وبصت ل تالين نظرة حادة قولت اقولها علي عيد ميلادي
محمد : اه سارة هتمسك مكان ريم.
والمكتب دا بقي مكتب تالين من انهارده .
كويس انك فكرتيني بعيد ميلادك كل سنه وانتي طيبه وبخير
تالين : الله حفلة طيب محمد ممكن تاخدني اشتري فستان جديد
ليلي : انا هاخدك انا ويم لان هننزل نشتري
اكيد محمد مشغول
ولا ايه يا محمد
انت اول مرة تنسي حاجة تخصني ومش اي حاجة دا عيد ميلادي
محمد : بص ليها بيمثل البرود والله اعذريني يا ليلي انا فعلا كنت مشغول جدا معلش متزعليش مني.
بص ل تالين مفيش مشكله روحي معاهم يا تالين انا هروح اشوف شغلي
بصت ليها تالين واول ما خرجت
لاء دي كدا تمام اوي
وفضلت تضحك
دخل احمد : انتي بتضحكي لوحدك متضحكيني معاكي
تالين : البنت شكلها بتحبه بس عنيده
احمد : مهمتك بقي وانتي عارفه
تالين انا مش هفضل هنا كتير انا هخلص شغل واسافر
_____________________##
وفي يوم الحفلة
ليلي واقفة في الجنيه وفجاه اتصدمت من الي شافته
- يتبع الفصل التالي اضغط على ( رواية انتي قلبي) اسم الرواية