رواية تزوجتني رغما عني فأحببتك الفصل الثاني عشر 12 - بقلم فاطمة سيد

الصفحة الرئيسية

 رواية تزوجتني رغما عني فأحببتك الفصل الثاني عشر 12 

رواية: تزوجتني رغما عني فأحببتك 💛

البارت: الثاني عشر 💚
__

_«نور بتنيهده» بصي انا شكلي مش حلو اوي ومعنديش ثقه في نفسي زي ماانتي شايفه جسمي رفيع و مناخيري كبيره ولبست الحجاب فتره محبتوش عليا خلا شكلي وحش اكتر ف قولت خلاص لما اتخن واحسن من نفسي ابقي البسه 

_«حياء بصدمه» مين قالك انك وحشه انتي جميله اوي ليه بتقولي كدا 

_«نور بحزن» متكدبيش عليا انا مش حلوه وعمري ماشوفت اني حلوه عشان كدا بحاول البس شيك واظبط نفسي واحسن من شكلي بحاول ابقي جميله زي صحابي عشان محسش اني اقل منهم في الجمال 

_«حياء بثقه» انتي جميله يانور ولازم تقتنعي بدا كويس اوي ربنا مخلقش حد وحش وكمان لو فكرتي شويه هتعرفي ان الشكل دي الحاجه الوحيده اللي متعبتيش فيها بس الحاجات التانيه بتتعبي فيها زي الاخلاق والمركز انتي اللي بتحددي قيمتك عند غيرك لو فضلت اقول لنفسي انا وحشه انا وحشه مش هعرف اتقبلني مش هعرف احبني هفضل دايما اقارن نفسي بغيري وقول دي حلوه شعرها جميل وانا شعري مش حلو اوي دي ماشاء الله عيونها زرقه وحلوه وانا لاء هتفضلي دايما لما تشوفي بنت حلوه هتقرنيها بنفسك ودا غلط عشان كل واحده وليها جمالها زي مثلا هتلاقي بنت جمالها ف شعرها الطويل هتلاقي بنت تانيه جمالها في شعرها القصير وهكذا كلنا مختلفين في مستوي جمالنا مفروض جمالي دا بقي اشكر ربنا عليه وقوله الحمدلله انا حابه نفسي يارب زي منا كدا واشتغل علي نفسي واطورها زي مثلا اهتم ببشرتي اهتم بريحه ونضافه جسمي وكل دا بيحسن الثقه في النفس. 

_«نور بحزن» طب والكل اللي حواليكي بيقولو انك لاء مش حلوه 

_«حياء بثقه» احنا اللي بنسمح لهم انهم يدمرو ثقتنا بنفسنا زي ماقولتلك مدام انا مش واثقه في نفسي الكل هتلاقيه بيقولك كدا انتي جسمك عامل كدا ليه مبتكليش مرخيرك عامله كدا ليه؟؟ وهكذا لازم لما حد يوجهلك انتقاد علي شكلك تردي بتثه انا عجبني نفسي كدا وشكلي عجبني مش بتشوفي بنات متوسطه الجمال او جمالها قليل بس الكل مأجمع انها حلوه وجميله. 

_«نور ايوه» صح وبستغرب هما شايفنها حلوه ازاي كدا 

_«حياء بثقه» بسبب ثقتها في نفسها اول ماتثقي في نفسك الكل هيشوفك حلوه وكمان الجمال مش كل حاجه الجمال بدون اخلاق او نجاح صدقيني ملوش لازمه اهم حاجه يانور تهتمي بنفسك وبشعرك ودايما اول ماتصحي من النوم خدي دوش كدا خفيف ودلعي نفسك بعدها صلي ركعتين الله وابدئي يومك كدا بإنتعاش اوعي حد يقلل منك عشان انتي عمرك ماكنتي قليله اهلك ربوكي وصرفو عليكي متخليش حد ملوش لازمه يتريق علي جسمك او شكلك فهمتي ياقمر 

_«نور بفرحه» فهمت 

_«حياء بحب» كدا عرفنا هنعمل ايه عشان نحسن من ثقتنا في نفسنا ونتقبل نفسنا بكل حالتها نيجي بقي في موضوع الحجاب انا مش هقولك ان الحجاب فرض لانك اكيد عارفه النقطه دي كويس بس هقولك ان الحجاب اكبر من انه شكله حلو عليا ولاء الحجاب ستر وعفه وفوق كل دا جمال لازم يكون حجابك بيمثل انك مسلمه بجد مش كلام وخلاص الحجاب جزء منك بالظبط الحجاب لما بتلبسيه انتي كدا بترضي رب العالمين تخيلي مثلا ملبستيش الحجاب خالص عمرك دا كله هتتحاسبي عليه يوم بيومه يعني مالك الملك هيحاسبك وربك عادل مبيظلمش حد كل واحد بياخد حسابه بالظبط تخيلي ربنا كدا بيسألك ملبستيش الحجاب ليه هتردي عليه تقوليلو عشان مكنش حلو عليا طب لما يقولك يعني خوفتي شكلك يبقي وحش ومخوفتيش من عقابي؟؟ قبل ماتنامي كل يوم لازم تحاسبي نفسك وتشوفي ايه الحاجات اللي لازم تغيرها قبل فوات الاوان فيه بنات كتير كانت عايزه تحسن من لبسها وحجابها او كانت ناويه تتحجب بس الوقت مسعهاش خلاص وماتت؟؟ وبقت بين ايدين ربنا؟ تخيلي عمرك كله خايفه علي شكلك بس ومش خايفه من مالك الملك؟؟ بجد صعبه اوي الحجاب متفرضش للتخينه بس او الرفيعه بس لاء الحجاب فرض علي الكل واكيد انتي حواليكي بنات كتير مشجعينك علي فكره استني لما تتخني او استني شويه لما تكبري وهكذا 

_«نور بصراحه» ايوه قالولي استني شويه انتي مستعجله علي ايه منتي كدا كدا هتلبسيه 

_«حياء بثقه» الكلام دا غلط زي ماقولتلك الحجاب فرض ملوش دخل بقي بإنك رفيعه او تخينه وكمان لو فضلتي تسمعلهم اول ماهتقولي خلاص هتحجب هيكون بالنسبالك شئ صعب وهتحسي انه اصعب قرار هتخديه في حياتك بس الحقيقه انه سهل خالص يانور وكفايه انك هتيجي علي رغباتك وهتتحدي كل ناس في سبيل رضا الله تخيلي ربنا يشوف تريقه الناس عليكي والاحباط اللي بيقابلك في حياتك ومع كل دا تجاهدي نفسك وتلبسي الحجاب وميهمكيش كلام حد كل اللي هامك ربنا وبس تخيلي اجرك عند ربنا عامل ازاي 

_«نور بتنهيده» كلامك حلو ياحياء بس مش عارفه بردو اخد الخطوه دي 

_«حياء بحب» انا واثقه ومتأكده انك هتخديها عشان انتي بتحبي ربنا وبتخافي منه ونفسك في رضاه واكيد نفسك ربنا يرضي عليكي اكيد بتغيري من واحده لبسه واسع او واحده بتصلي او واحده محجبه اكيد انتي نفسك تبقي زيهم اسمعي كلامي وتوكلي علي الله وانا معاكي لو احتجتيني 

_«نور بحب» بجد مش عارفه اقولك ايه انتي شجعتيني علي الخطوه دي اوي 

_«حياء بحب» مدام ربنا عايز يهدي حد خلاص بيهديه وبعدين يانور الحجاب مش هيعقدك في حياتك بالعكس انا بشوف بنات بتلبس الحجاب وبتكون جميله اوي عشان بتلفه لفه ساتره وجميله وكل مابنت هتشوفك لبسه حجاب كامل وشكله حلو عليكي وتقلدك فيه هتخدي حسنات كتير جدا مع انك معملتيش حاجه بس كنتي قدوه حسنه ليهم مين مننا مقلدش بنات متبرجه في لبسهم او مكياجهم لازم نترك التبرج ونحب الستر والعفه دي احلي حاجه في الدنيا بس احنا في زمن بيحرض البنات علي التبرج وتلاقي المتبرجه مفيش كلمه وحشه بتتوجهلها عشان دا بقي العادي امال المحتشمه مليون كلمه بتتوجهلها افتكري دايما حديث النبي صلي الله عليه وسلم (القابض علي دينه كالقابض بجمره من النار) 

_«نور بحب» انتي جميله اوي ياحياء وبجد اختيار زين ليكي كان موفق جدا 

_«حياء بحب» تسلمي ياروح قلبي وانا معاكي دايما في اي خطوه هتعمليها 

"دايما خليكي العون لاي حد فضفلك بكلمه او عنده مشكله و تقدري تحليها بالين والكلمه الحلوه ودايما خليكي قدوه للي حواليكي بس قدوه حسنه ومحترمه عشان اي حد يبقي عنده فتور في العباده او عايزه تاخد خطوه الله تبقي انتي العون والمشجع ليها" 

_________________________♡

_«ايمن» بس ياحيوان انت عايزيني اتجوزها ازاي يعني 

_«احمد بعدم فهم» انت واحد غبي انت مش قولتلي بحبها فعشان كدا بقولك اتجوزها 

_«ايمن بإستفزار» لا انا بطري علي قلبي بس وبعدين هو انا هتجوز واحده شبهه صبعي الكبير ياعم بلا نيله 

_«احمد بخبث» يعني انت بتضحك عليها يعني 

_«ايمن بمكر» اخيرا فهمت يااهبل 

_«احمد بمكر» دا انت طلعت واحد زباله 

"انك تقول الالفاظ وحشه او تغلط في صحبك  او تغلطي في صحبتك علي سبيل الهزار ف دي مش من الاحترام ابدا لازم نحترم بعض ونقدر بعض شكلك ايه وانت عمال تهزق في صحبك وصحبك يهزق فيك فين الاحترام بقي؟؟ فين الاحترام المتبادل بينكم مش دي الصحوبيه اللي حس عليها الاسلام 🩵خلو لسانكم محترم مبينتقش الا بالحسن بس احترمو غيركم حتي لو اللي قدامكم مش كويس تربيتك بتبان من لسانك وعلاج كدا الذكر مفيش لسان بيذكر الله ويشتم ابدا" 

"انك تلعب ببنات الناس دي مش روشنه ومش رجوله حضرتك متعرفش الرجوله فين انك تغلط في شكلها او تتكلم عليها مع صحبك اتقي الله في بنات الناس انت مترضهاش علي اختك وانتي يابنت الناس متخليش حد يستغلك او يستغل طيبتك ف انه يوقعك اللي عايزك بجد هيتقدملك وهيعمل المستحيل عشان يوصلك امال كلمه عندي ظروف يبقي مش ناوي جد وبيلعب بيكي انتي غاليه مترخصيش نفسك وتبقي فتره في حيات حد فوقي لنفسك وخلي عندك كرامه وحبي نفسك لو حبتيها مش هتفكري تإذيها بالعكس هتحفظي عليها لحد ماابن الحلال يخبط علي بابك ويقولك عايز اتجوزك"
 
_______________________♡

"خرجت حياء هي ونور من الغرفه وذهبه الي سلمي وماجده" 

_«ماجده بإنبهار» ماشاء الله يابنتي قمر امال لبسه النقاب ليه بس مكبرك 

_«حياء بحب» ماهو مكبر مقامي عند الله منزلتي كبيره والحمدلله وبعدين كله يهون لاجل رضا الله امال احنا جايين هنا نعمل ايه 

_«نور بحب» عندك حق ياحياء ربنا يثبتك ياحبيبتي 

_«سلمي بحب» ويهديكي يابت يانور واشوفك بالحجاب قريب 

_«نور بحماس وعزم» هيحصل ياخالتو متقلقيش 

_«حياء بكسوف» ماما هو زين فين 

_«سلمي بحب» هتلاقيه في غرفه الجيم لحسن هو بيحب يدرب في البيت 

_«حياء بضحك» ايوه صح بيحب يبقي عنده عضلات منفوخه 

"ضحك الجميع علي كلمه حياء ثم استأذن نور وماجد  ليغادرو المنزل" 

_«سلمي بحب» هقوم انا بقي انام تصحبي علي الف خير ياحبيبتي 

_«حياء بحب» وانتي من اهله تحبي حضرتك اصحيكي تصلي قيام الليل

_«سلمي بحب» متخفيش بصحي كل يوم اصلي بس بردو تعالي شوفيني لو نايمه صحيني 

_«حياء بحب» حاضر ياماما من عنيا 

"قامت حياء للمطبخ فوجدت الخدم" 

_«حياء بحب» السلام عليكم حضرتك اسمك ايه 

_«الخادمه وفاء» انا اسمي وفاء ياهانم ودي بنتي ندي 

_«حياء بحب» ماشاء الله بنتك زي القمر زيك بالظبط بس بلاش هانم انا اسفه اني معرفتكيش عليا انا اسمي حياء 

_«وفاء بصدمه» انتي بتعتزري ياهانم ازاي هو العين تعلي علي الحاجب بردو 

_«حياء بحب» كلنا عند الله سواسيه ياهانم وفاء ربنا مش هيدخلنا الجنه عشان احنا اغنياء مثلا لاء هندخل بعملنا الصالح وحضرتك اكيد احسن بكتير من ناس معاهم فلوس بتقربك من الله وعملك الصالح 

_«وفاء بحب» الله يوفقك يابنتي يارب ويجبر بخاطرك زي مانتي ماجبرتي بخاطري 

_«حياء بحب» حبيبتي تسلمي انا بس هعمل سندوتشات وهخرج علي طول 

_«وفاء بصدمه» خليكي ياهانم قاعده وانا هعملهم بسرعه 

_«حياء بحب» لا انا اللي هعملهم حضرتك زمانك تعبانه طول اليوم فرتاحي انتي وكمان الوقت اتأخر 

_«وفاء بحب» ايوه منا هروح دلوقتي 

_«حياء بحب» توصلي بألف سلامه يارب 

"مش عشان انتي ربنا رزقك بفلوس او من عيله غنيه ان دا يديكي الحق تتكبري علي الناس وتحتقريهم وتزعقي فيهم بسسب استكبار ابليس انه رفض يسجد لسيدنا ادم ربنا طرده من الجنة كلها ربنا مبيحبش الناس المتكبره اوعي تشوفي نفسك علي حد احنا كلنا عند ربنا واحد نختلف بالعمل الصالح مش بالغني والفقر واللون والمركز لاء عشان 
ربنا لا ينظر الي اجسامكم او صوركم انما ينظر الي قلوبكم"
______________________♡

_«سالي بقولك» في حفله لتامر حسني النفر فيها بألف جنيه ايه رئيك نروحها 

_«مروان بجد» فين دي 

_«سالي بمكر» في الساحل احنا لازم نفرفش كدا عشان نفوق لزين دا 

_«مروان بخبث» عندك حق خلاص احجزي تذكرتين بسرعه 

"الحفلات دي بتكون بفلوس كتير وبقي الناس حلمهم يحضرو حفله لمطرب معين ومش بس كدا يتصورو معاه ومفيش مشكله لو البنت حضنته عادي ماهو مطرب مشهور؟؟ اتقو الله انتو رايحين تعملو معصيه وكمان فرحانين بيها؟ مش خايفين تقابلو ربنا؟؟ احنا مسلمين فوقو بالله عليكم احنا اخرتنا تراب 💔فوقو يامسلمين انتو متتخيلوش حجم الذنوب اللي بتخدوها قد ايه بسبب حفله ساعتين؟؟ وكمان بنجهر بالمعصيه وبنوري للناس اننا حضرنا حفله لكذا بقينا بننبهر بالمعاصي اتقو الله وفوقو بلاش نخسر اخرتنا بسبب حفله" 
_____________________♡

"جهزت حياء سندوتشات وكوبايه شاي بلبن ثم خبطت علي الباب مره واثنين ولم يأتي رد من زين مما  ادي الي دخول القلق في قلبها" 

_«حياء بصدمه» زين

يتبع........💝
سبحان_الله_وبحمده_سبحان_الله_العظيم

•مبروك للفائزين 🎉🎊: 
_Um Mohamed 
Adam Khattab 
Alaa Amr
Nino Firo 
فرعون صغير 
قطتى العسلى 
أسماء أسماء 
شهاب فريد 
*الإجابة:-
_مدينة إرم ذات العماد

•السؤال:-
_من النبي الذي دفن بعد سيدنا محمد ﷺ؟

  •تابع الفصل التالي "رواية تزوجتني رغما عني فأحببتك" اضغط على اسم الرواية 

google-playkhamsatmostaqltradent