رواية اسمي حياة الفصل الثاني والخمسون 52 - بقلم الاء اسماعيل

الصفحة الرئيسية

  رواية اسمي حياة الفصل الثاني والخمسون 52 

بارت 52 🔥😳

طلع حسام على طول على الفيلا بتاعة حياة بعد ما اتفق مع سعاد تستناه هناك و نقل كل حاجاتهم ليها  بمساعدة بهية بص للساعة و قال ف نفسه 

- حياة هتبتدي تقلق لو فضلت اتهرب منها اكثر من كدة .. هاكلمها اطمنها و اتطمن عليها بالمرة


- ألوو حياتي 

- حبيبي اخبارك ايه ما كلمتنيش من امبارح يعني !

-  آسف يا روحي  كنت مشغول اوي ..بس انا  عارف انك هتبقي مشغولة مع الحفلة و كدة 

- و هو عشان مشغولة يبقى تطنشني كدة !!

- حبيبي انا تقريبا مش سامع حاجة 

- اه مانا لسة  في الحفلة كمان شوية و هنرجع هتجي تاخذني عالبيت  ولا أقول لسند يوصلني ؟ 

- لا خليكي انا  هأعدي عليكي  عشان اخذك بلاش تتعبي سند

- ماشي يا قلبي

- حياة

- ايوة حبيبي ؟؟

-  انا بحبك  اكثر من روحي  و مستعد اعمل اي حاجة عشان اشوفك مبسوطة....اوعي تنسي ده 

- و انا كمان بس ليه بتقولي كدة دلوقت !؟

- مفيش ...حسيت اني نفسي اقولها بس ..يالا حبيبي انبسطي


- يا مدام افهميني من هنا و لحد ما تترحل  الزيارة ممنوعة 

- ارجوك يا حضرة الضابط انا امها و قلبي محروق عليها هوما 3 دقائق مش اكثر ارجوووووك ...


تنهد الضابط و قال للعسكري بإستسلام

- وديها عندها بس هوما دقيقتين ثلاثة و تطلع .. مش عايزين مشاكل . 

- حاضر يا حضرة الضابط..اتفضلي معايا 

أخذها لاوضة و سابها هناك شوية و دخلت هدى 

جريت بلهفة و حضنتها 

-ايه الي انتي عملتيه في نفسك و فينا يا هدى ؟!!! قت'ل ايه اللي بيقولوا عليه ده يا بنتي و مين ده اللي اتق'تل...و انتي ايه علاقتك  اصلا !! 😓😭

- دي حكاية طويلة و قديمة يا ماما و محدش يعرف اصلها غير حياة 

- صحبتك حياة ؟؟

- ايوة يا ماما .. مش عارفة الموضوع رجع اتفتح ازاي عايزاكي تروحي بيتهم و تسألي نيرة اختها...هي الوحيدة اللي هتحل اللغز ده 

- بس انا عايزة اعرف انتي متهمة ظلم ولا عملتيها بجد يا بنتي انا مش ساعة ما البوليس جيه و آخذك و انا متلخبطة و مش عارفة راسي من رجليا  

بصت للعسكري و همست لأمها  : مش هاقدر أقول حاجة الا لما اشوف دليل ايه اللي بيتكلموا عنه ده 

شهقت امها بصدمة

- يعني قت'لتي بجد !!! يا مصيبتي يا هدى !!  

همست لها بتوتر : هسسس يا ماما قلتلك مش عارفة حاجة لازم اتأكد من نيرة ... 

امها بخوف - طب اقولها ايه ؟؟

-  روحي قوليلها اللي حصل و اطلبي منها  رقم حياة ...و خلي المحامي يتصل بيها يفهم ايه الموضوع 

العسكري: الثلاث دقائق خلصوا يا ست انتي 

- حاضر يا عسكري طالعة 

هدى : زي ما وصيتك يا ماما اوعي تنسي


رجعت حياة و حنان و الهام عالبيت و من وراهم سند

حياة - الحفلة كانت تجنن بجد يا ماما 

الهام:  فعلا حاجة فوق الخيال 

حنان : بس كأنها افورت  شوية  مش كدة يا حياة ؟ 

ضحكت حياة - ياستي مالهم و هوما حرين فيه  يأفوروا براحتهم احنا مالنا  خلينا في حالنا 

سند جاي من وراهم و حضن حنان من ورا:  ايوووة خلونا في حالنا..... أصل احنا عندنا خبر حلو ليكم ...هتقولي ولا أقول انا !؟

حنان بخجل : لا قول انت 🥰


الهام و حياة بيبصوا لبعض بإستغراب : ايه الحكاية ما تفهمونا

سند :  الحكاية ان انتي عجزتي و هتبقي تيتة يا هيمو ☺️

إلهام بفرحة :  بتتكلم بجد !! بصت لحنان اللي اومأت بالايجاب

- ايوة يا ماما  أنا حامل 🥰

إلهام بفرحة - الله...ده احلى خبر  في  حياتي يا حبايبي 

حضنتهم هوما الإثنين 


حياة : ألف مبرووووك يا حبيبتي ...ألف مبروك يا اخوي ربنا يتمم لكم بخير 

سند - الله يبارك فيكي...

حياة بزعل مصطنع : بس انا زعلانة منك  يا ست  ماما ...

- ليه بس يا قلبي 

- يعني ده احلى خبر في حياتك!  اومال خبر حملي انا كان ايه ؟ ولا  خلاص  مادام مرات ابنك  حامل بقيت أنا بنت البطة السودا دلوقت

 

إلهام بضحك :  بقى ده كلام برضو !! ما انتي عارفة ان انا يوم ما عرفت بخبر حملك ما نمتش من الفرحة و انتي جاية دلوقت تقوليلي سوداء و بيضا ! لا بقى ... انا اللي حقي ازعل  منك مش انتي 

سند بتأكيد : و انا برضو زعلان منها  يا ماما  مش راضية تقولنا عندها ولد ولا بنت لحد دلوقت 

- و انت يهمك في ايه. ...مش المهم  هتبقى خالو و خلاص ؟

- يهمني طبعا...مش هأبقى خالو لأول مرة !  يبقى أكيد يهمني

حياة بمزاح - مش  لما أقول لأبوهم الاول  😂


سند و حنان بتعجب : انتي قلتي ابوهم ؟؟

ابتسمت حياة: ايوة يا سيدي هتبقى خال لإثنين 🥰

سند بفرحة - الله !! ايه المفاجأة اللذيذة دي كنتي مخبية عننا الخبر المدة دي كلها يا وا'طية !؟ 

- معلش يا حنان كنت مستنية الفرصة المناسبة بس. 

حنان بشك : و انتي يا ست ماما ؟؟ مادام مش متفاجأة يبقى أكيد كنتي عارفة !!!

إلهام - طبعا عارفة ...مش جدتهم ! 

حنان بزعل - اومال  ما عرفناش احنا ليه!؟ .

إلهام بمزاح ؛ عشان ميوصلش الخبر لجدتهم التانية  طبعا 🙄😂


حنان بحرد طفولي : لا مليش دعوة بكدة ...انا صحبتها الأنتيم ...معقولة ثلاث  سنين و هي مصدعاني بحسام بتاعها و قصص النكد و لما تعرف خبر حلو زي ده تخبيه عني !!  لأ انا كمان  زعلانة مع سند 

غمزت لها حياة بإحراج : بس يا مجنونة فضحتيييييني


ضحك سند : فضيحة ايه ماهو بقى جوزك ...يالا انتي و هي  بلاش كثر كلام ... مادام فيه توأم يبقى احنا لازم نحتفل بالمناسبتين دول ...انا عازمكم عالعشاء برة ..يكشي حنان تعملي مفاجأة زي دي و اطلع انا كمان بجوز ولاد 🙄

لكزته حنان بغضب : ما تقولش على ولادي جوز ! هو انت رايح تشتري  جوز حمام من السوبر ماركت ؟؟ 🤨

ضحكت الهام : انتو الإثنين أجن من بعض ..انا رايحة ارتاح 


حياة : و انا كمان يا ماما ...  معلش ياسند مش هأقدر أروح معاكم  اصلي مستنية حسام يعدي عليا عشان اروح 

سند - مستعجلة على ايه ما تبقي كمان يوم !

- مستعجلة ايه ده  انا  بقالي اسبوع قاعدة لكم هنا ..كفاية اوي كدة

إلهام بمزاح : تكونش شهيرة وحشتك ولا ايه الحكاية ؟ 😂

حنان بغمزة: شهيرة ايه بس يا ماما ...خلي الطابق مستور 😁

همست لها بحدة مصطنعة: اخرسي و بطلي  جنان هتبقي أم 

سند : طب تحبي اتصل بحسام أقوله بلاش يجي و آخذك انا ؟

- لا هو قال انه هيعدي .... انا طالعة اغير هدومي و ارتاح لحد ما يجي .

- ماشي يا بنتي ارتاحي و انا هأبقى اديكي خبر لما يوصل 

حنان : و انا كمان هأتصل بماما افرحها اصلنل قلنالكم انتم الاول

حياة : طب انا كمان هشوف نور كانت عاوزة ايه .... عن اذنكم 


وصلت للباب و خبطت بتوتر

- السلام عليكم مش ده بيت مراد الصاوي ؟

صافيناز : ايوة هو مين حضرتك !؟

- انا أبقى أم هدى ... احنا جيران الست سيدة أم مراد الله يرحمها .

هدى بنتي تبقى صاحبة حياة بنت جوزك

لوت صافيناز  بوزها: ايوة عارفة .. بس حياة مش ساكنة معانا 

-  بس انا مش جاية عشانها 

- اومال حضرتك عايزة مين

- لو ممكن اكلم نيرة بنتك ..

- ليه !؟

- موضوع يخص هدى و حياة ...ارجوكي يا مدام 


اترددت صافيناز بعدين نادت نيرة

- نيرة !! تعالي عاوزاكي ..

بصت لأم هدى : معلش مضطرة استاذن منك مش بادخل اغراب 

هزت دماغها بإحراج : مفيش مشكلة استناها هنا


بعد شوية طلعت نيرة بدهشة: 

- أم هدى !! خير  يا طنط ؟ عايزة حاجة!

- ايوة يا بنتي. ... انا جاية أطلب منك رقم حياة 

نيرة بشك : رقم حياة ؟؟ ليه !! هدى طلبته ؟؟


بكت ام هدى : هدى اتقبض عليها يا بنتي ...بيقولوا متهمة في جريمة ق'تل واحد اسمه أحمد حسني... محدش هيقدر يساعدني غير حياة 

نيرة بتوتر : بتقولي متهمة في ق'تل !!! 

- ايوة يا بنتي .. ارجوووكي ساعديني . بنتي مرمية في السجن انتي بنت زيها و فاهمة أكيد ..


نيرة بتردد : بصي يا طنط انا هأكلم حياة و ارد عليكي مش هأقدر اديكي رقمها دلوقت بس ممكن اخذ رقمك لو فيه جديد  ابلغك ...

ام هدى بإستسلام : بس ما تتأخريش عليا يا بنتي هدى هتترحل  بكرة عالنيابة. ..خذي سجلي الرقم 

- يالا هأكلمك في اقرب وقت 


دخلت نيرة و هي متلخبطة عالآخر : معقولة حياة تعملها !!!

طب ما عملتهاش من زمان ليه ؟؟! لا لا مستحيل !

- بتكلمي نفسك ليه يا نيرة ؟ والست دي كانت عايزة  منك ايه  ؟؟

- هااا ...اااه كانت عايزة رقم حياة هدى طالباه و اتحرجت تجي تطلبه بنفسها


زمت شفايفها ؛ مش دي نفسها  صاحبتها الوا'طية اللي قلتي إنها خدعتها و كانت عايزة تلف على حسام ؟! عايزة رقمها دلوقت ليه ؟ تكونش عرفت انها بقت غنية و بتلعب بالفلوس لعب ! 

- مش عارفة يا ماما ... انا تعبانة و داخلة أنام 

-صحيح ام  خطيبك اتصلت ...قالت عايزين نطلع كلنا سوا نختار الشبكة ابقي حددي يوم 

- حاضر يا ماما هأكلمه بعدين ...عن اذنك 

صافيناز بتعجب : هي مالها اتقلب حالها في ثواني !! 


قفلت نيرة الباب و فضلت تلف و تدور بتوتر 

- و بعدين ؟!  لو كلمت حياة هأقولها ايه؟ هي تعبانة اصلا 

اووووف ايه الورطة دي !! بس هي لازم تعرف ...هي الوحيدة اللي عندها حل اللغز ده


رجع رشدي البيت و بص يمين و شمال و هو بينادي 

- نوووور ....يا نوووور 

- ايه يا بابا ؟؟

- هي امك راحت ولا لسة ؟

- هتروح فين بس يا بابا  !! اهي من الصبح في اوضتها بتعيط غلبت اهديها مش راضية 


سكت رشدي و ما قالش حاجة 

نور بحزن : يعني بالبساطة دي هانت عليك عشرة اثنين و ثلاثين سنة يا بابا ؟!!

- أمك هي اللي قست قلبي عليها يا نور ...انا حاولت ارمم علاقتنا طول المدة دي بس هي مش قادرة تتغير ..ولا قادرة تنسى الي عاشته زمان و تسامح الذي اذوها ...و النتيجة انها بقت بتؤذي كل الناس اللي بيحبوها لحد ما خسرتهم كلهم واحد ورا التاني : حياة .. حسام.  ... انا 

- يعني  مفيش أمل نرجع المية لمجاريها ؟ دي كانت ساعة غضب بس يا بابا  .... انت ما تستغناش عنها ولا هي تقدر تستغنى عنك انتو بتحبو بعض 

- امك مش بتحب غير نفسها ...حتى ابنها بطلت تحبه من زمان . .. كرهها لمراته غلب حبها ليه ..المهم ...قراري نهائي العلاقة ما بيننا متدمرة من مدة طويلة ..مفيش اي مجال نرجع زي ما كنا زمان .

نور بحزن - بس هتروح فين دلوقت ؟؟ هي مالهاش غيرنا !!


طلع ملف من شنطته 

- ده عقد شقة بإسمها قريبة من هنا عشان تقدروا تكونوا جنبها

دي امكم و ليها حق عليكم  و كمان منيرة هتبقى معاها  لحد ما تخف هي و شغالة تانية  ابتدت  شغل النهاردة .. شوفي سعاد تجهز لها حاجاتها عشان تنتقل بكرة الصبح ...

- سعاد في بيت حياة بتساعد حسام في توضيب الفيلا قبل ما تجي حياة ...الظاهر مش معرفها حاجة .

- يبقى شوفي بهية تساعدك ..يالا انا طالع ما تستنونيش عالعشا 

- ماشي يا بابا عن اذنك اشوفها 


طلع رشدي و كانت هتروح عند امها رن تلفونها ..شافت اسم حياة دخلت الاوضة التانية 


- الو حياة ازيك 

- حبيبتي يا نور  الحمد لله ...انا آسفة  مشفتش مكالماتك و اليوم ده كان لخمة من الصبح لسة واصلة البيت حالا

- معلش يا حياة ...ربنا يعينك 

حياة بقلق - مالك يا نور ..صوتك بيتقطع شكلك مخنوقة اوي

- مفيش يا قلبي ..ما تشغليش بالك

- مفيش ازاي ؟! لاااا أكيد فيه حاجة 

- لما تجي البيت هنبقى نتكلم

- لااااااا بقى دي مش حاجة و خلاص ...دي كبيرة اوي !! هو انتي اتخانقتي انتي و أيمن ؟

- لا ما حصلش ... تعبانة شوية بس ...المهم  خلي بالك من نفسك انتي مسؤولة عن روحين 

حياة بدهشة : هو انتي ...! 

- ايوة  يا حياة عارفة ...حسام قالنا....ألف مبروك يا حبيبتي 

- عقبالك يا نور ...هو حسام لسة ما رجعش؟ 

نور بتوتر - لا لسة ..

- غريبة !! هو قال هيعدي عليا عشان نرجع سوا  لا عدى ولا رجع البيت ! بيروح فين ده ؟؟ 

- الغايب عذره معاه يا حياة ..  

في هذه اللحظة دخلت مكالمة تانية 

- طب بقولك ايه نور. ...نيرة بترن عليا يمكن حاجة مهمة

- طب سلميلي عليها ...باي 


فتحت الخط التاني : نيرة الووو

- حياة حبيبتي ازيك ..

- الحمد لله اخبارك ايه يا قلبي و ترتيبات فرحك واصلة لفين

- الحمد لله... بقولك ايه يا حياة ...عندي موضوع كدة ...

- مالك يا نيرة . .صوتك غريب !

- بصراحة عندي خبر مزعج

حياة بخوف: خبر ايه يا نيرة ما تتكلمي على طول !!

- أم هدى جاتلي البيت النهاردة...بنتها بعثتها 

حياة ببرود : خير ...عاوزة ايه تاني 

- هدى مقبوض عليها بتهمة ق'تل أحمد يا حياة 

حياة بصدمة : انتي بتقولي اييييه !!!!  إزااااي ؟؟؟


- ده اللي حصل يا حياة .. مش عارفة ليه شاكة ف حسام 

- حسااام !!! ازاي ..و هو حسام هيعرف منين !!!


اترددت لحظة بعدين قالوا  في وقت واحد : الصندوووق !!! 

يتبع بقلمي آلاء إسماعيل البشري 


يا جماعة انا لما بأتأخر بيكون لأسباب خارجة عن طوعي و بأعوضكم أكيد عن التأخير .  يا ريت شوية صبر بس هانت مش فاضل كثير عالنهاية 🙂

google-playkhamsatmostaqltradent