رواية اسمي حياة الفصل الخامس و الاربعون 45 - بقلم الاء اسماعيل
كانت نور قاعدة في الجنينة بتشرب شاي مع والدتها لما دخل حسام مستعجل ،سلم عليهم بسرعة و كان هيدخل الفيلا
نادت عليه شهيرة من بعيد
– حسااام استنى انا كنت عايزاك في موضوع
كمل من غير ما يبص حتى و قال ببرود: معلش يا ماما عندي شغل
نور : هو الشغل أهم من امك يا حسام ؟؟ دي كلها خمس دقايق
وقف حسام و بص في الساعة بتاعته : مستعجل يا نور واحد مستنيني جاي اخذ اوراق بس و راجع
دخل الفيلا و زمت شهيرة شفايفها بتذمر
– شايفة اخوكي اتغير قد ايه !! اهو على طول بيعاملني بالبرود ده …صدقني كلامي دلوقت يا نور ؟؟
تعجبت نور من تصرفه و جريت وراه على اوضة المكتب
– جرى ايه يا حسام ؟؟ ماما بتشتكي من تصرفاتك على طول
حسام بسخرية – ليه يعني كنت بأدلق اكل على هدومي ولا بألعب في الوحل ؟ 😏
– انا مش باتريق يا حسام …امك بتقول انك بتعاملها ببرود انا بصراحة ما صدقتهاش لولا اني شفت بعيني
– و الله ؟ شفتي ايه بقى يا ست نور ؟؟
– هي كانت عايزة تقعد معاك و انت ما كلفتش نفسك و بصيت لها حتى !!
اداها ظهره و اتجه للرف بتاع المكتبة و طلع ورقة من كتاب و هو بيقول لها
– معلش يا نور مزاجي مش اللي هو .. و مليش نفس أكلم حد
نور بتذمر : مش على أمك يا حسام .. لو مزاجك اتعكر من الناس كلها ما يتعكرش على أمك .. و لو الناس كلها كسرتك
تجي تترمي في احضانها هي و تشكيلها همك .
نزلت دمعة من عين حسام غصب عنه مسحها بخفة رغم انه حاول يخفيها بس نور شافته
التفت ناحيتها و هو بيحط الورقة ف جيبه بعدين
مسك ايديها الإثنين و بص جوة عينيها و في عينيه حزن و وجع عظيم و قالها بقهر : طب لو كانت هي اللي كسرتني اروح لمين يا نور؟
شال ايديه و سابها و مشي و تلقائيا نزلت من عينيها دمعة
فضلت متسمرة في مكانها و مصدومة : يااااااه يا اخوياااا !!
ده الظاهر وجعك كبييييير اوووي !! تكونش ماما هي سبب قهرتك دي ؟؟ لااا مستحيييييل
– حسام ! اهلا يا ابني ازيك ؟؟
– الحمد لله يا طنط انتي عاملة ايه
– الحمد لله . .حياة كانت فاكراك مش جاي لما شافتك إتأخرت
– معلش يا طنط كان عندي مشوار بس …هي فين ؟
– دخلت اوضتها تنام
– لحد دلوقت ؟؟
– معلش اصلها كانت تعبانة شوية
– طب انا رايح اصحيها …ألا صحيح هو سند فيه
– شوية و جاي ليه ؟
– محتاجه في حاجة مهمة يا ريت يستناني
– ماشي يا ابني
بصت لأثره بشك : معاها حق حياة …شكله تعبان و عينيه فيها حزن كبير …يا ترى ايه حكايتك يا ابني ؟
كانت نور داخلة من برة بتدفع في كرسي شهيرة بعد ما قضوا فترة بعد الظهر هناك
فجأة لفت نظرها كراتين كثيرة بتوظب فيهم سعاد فوق
– ايه الموضوع يا نور ؟؟ يا ترى الكراتين دي بتاع ايه
نور : أكيد دي هدوم قديمة واخذاها ماهي حياة متعودة كل فترة تديها هدوم من عندها
– بت يا سعااااد !!!
نزلت سعاد جري على تحت
– ايوة يا شهيرة هانم
– ايه الكراتين دي كلها و واخذاها على فين ؟
– لا انا مش واخذاها على أي مكان انا بس بأوضبها زي ما حسام بيه طلب
شهيرة بصدمة – حساااام ؟؟! طب فيها ايه الكراتين دي ؟؟
سعاد بتوتر : فيها .. فيها .
– ما تنطقي !!!
سعاد بلجلجة – فيها هدوم و حاجات حسام بيه و الست حياة كلهم زي ما طلب مني حسام بيه 😓
– ايييييه !!! 😳😱
نور بتوتر : روحي انتي شوفي شغلك يا سعاد …تعالي اوضتك يا ماما انتي تعبتي النهاردة
شهيرة بصدمة : هي قالت هدوومهم و حاجاتهم كلهااااااا ؟؟؟!
دخل الاوضة لقاها نايمة زي الملاك اتمدد معاها و حضنها من ورا
شهقت بدهشة لما لقت حد بيحضنها و التفتت بخضة.
همس في وذانها بحب و هو بيملس على بطنها حنان ..
– هششش ما تخافيييش يا روووحي …ده انا
: حسااام !
– ايوة يا قلب حساااام
– انت هنا من امتى !
– حضنها بحب و هو بيبوس وشها برقة : من شوية
وحشتيني اووووي
دفنت وشها في حضنه بشوق : اتأخرت ليه ؟؟
اتنهد بحزن : معلش يا قلبي كان عندي شغل كثير
بصت في عينيه : مالك ؟؟ اليومين دول متغير يا حسام !
– قلتلك شغل بس حبيبي ما تشغليش بالك ..ها قوليلي
– ايه يا روحي ؟
– ولادنا ازيهم ؟؟
حياة بعبث – مشتاقين لبابا و مش عايزين يفضلوا بعيد عنه
فهم حسام انها عايزة ترجع….حاول يغير الموضوع
– هوما لحقوا يزهقوا في بيت خالو ولا ايه ؟؟
– و هو خالو هيكون زي بابا برضو؟؟
باسها من جبينها بحب : معلش يومين بس كمان و هآجي اخذك على بيتك يا قلبي .. عايزك مرتاحة انتي تعبتي كثير
و لو تطلعي مع طنط تغيري جو هيبقى احسن
– ايوة انا نسيت هي طلبت مني اروح معاها على حفل خطوبة
– و ماله يا روحي … روحي معاها و انبسطي .
– يعني انت مبسوط من غيري ؟؟
اغمض عينيه و هو يشتم رائحتها بشوق و يتحسس رقبتها بشفاهه : انا من غيرك ميت …و روحي بتتسحب مني
محتاجلك اكثر من اي وقت .
ضمها بشدة و في لحظة حست بدموعه على رقبتها
– انت بتعيط يا حسام ؟؟ كل ده و بتقولي مفيش حاجة ؟؟
لا انا مستحيل اسيبك و انت في الحالة دي !!
– لا يا روحي .. انا بس حاسس اني في حالة فوضى من غيرك مش اكثر .. بس محتاج اضبط شوية حاجات قبل ما ترجعي لإني طول اليوم برة بارطع متأخر ف مش عايزك تزهقي لوحدك .
– بس يا حسااام … قاطعها بقبلة رقيقة …اتحولت لقبلة شوق طويلة ..بعد عنها و هو حاطط جبينه على جبينه
– انا مش عايز اسمع كلمة زيادة ..انتي هتروحي بكرة الخطوبة و بعد بكرة المساء هآجي اخذك عالبيت اكون خلصت كل مشاغلي ماشي ؟
حياة بإستسلام : ماشي حبيبي زي ما تحب .
– يالا انا ماشي دلوقت ..
قامت معاه و هي ساندة عليه
– طب استنى هتتعشى معانا انا هأشوف ماما و طنط نادية عاملين ايه
– لا مفيش داعي
– مفيش داعي ازاي بص شكلك ذبلان ازاي كإنك مش بتاكل خالص
طلعوا سوا كان سند قاعد في الصالة
سند – أهلا يا ابو نسب اخبارك ايه ؟
– الحمد لله يا سند ..كنت عايزك في موضوع
بص سند لحياة بتعجب
– طب انا هشوف الاكل مش هأتاخر
راحت حياة عالمطبخ و طلع هو و سند برة للجنينة
– شفتي يا نووووور !!! جااالك كلامي !! صدقتيني دلوقت ؟؟
اخوكي على آخر الزمن عايز يسيبني
– ايه الكلام ده يا ماما هو عشان شفتي شوية كراتين يبقوا هيسيبوكي ؟؟؟
– اومال ايه تفسيرها غير كدة ؟؟
– أكيد فيه حاجة غلط … لما يجي حسام هنفهم منه كل حاجة
– لااااا …كل حااااجة واضحة يا نووووور …الحرباية مرات اخوكي فضلت تتمسكن و تتلوى و تمثل في الطيبة لحد ما لفت عليه و مسحت دماغه عالآخر ..اخوكي ما بقاش حسام بتاع زمان يا نووووور .. اخوكي بقى دلدووول الهانم خلاااااص
– ايه يا شهيرة مااالك صوتك واصل لآخر الشارع ليه ؟؟
– تعال يااا رشدي تسمع آخر الأخباااار
رشدي بتذمر : اخبار ايه كمان ؟! ماهو انا بقيت عايش في قناة الجزيرة …. مفيش يوم يعدي الا و فيه جديد 🙄😏
– هتتريق انت كمان ! ابنك هيهج من البيت يا رشدي و انت مزاجك فايق و رايق !!
– يهج ايه دي كمان !
– موظب كل حاجاتهم هو و المحروسة في كراتين …و انا بقول واخذها على بيتهم ليه !!!! اتاريهم مخططين و طابخين حاجة من ورانا
– يا ماما حرام عليكي قلتلك لما يجي حسام و نبقى نفهم منه بلاش تعملي من الحبة قبة بقى !!
– سيبيها يا بنتي …هي امك كدة .. مش بيهنى لها بال الا و هي منكدة عالبيت كله .
– انا نكدية يا رشدي !؟؟؟!
– انا رايح أنام تصبحوا على خير
– مش هتتعشى يا بابا ؟؟!
– هي امك بتسيب نفس لحد عشان ياكل ؟! انا طالع اصلي و أنام بكرة هنبقى نكلم حسام و نفهم أصل الحكاية
– خير يا صاحبي شكلك تعبان ؟ مالك
– مفيش يا سند …انا بس كنت مضغوط اليومين دول في شغل كثير
– ماما قالتلي انك عايزني ….خير ؟؟
– لا خير يا سند ..انا كنت عايز اطلب منك مفاتيح الفيلا
– بس كدة ؟! و ما طلبتهمش من حياة ليه ؟؟
بص يمين و شمال و همس لسند
– أنا هانقل حاجاتنا على الفيلا .. بس مش عايز حياة تعرف حاجة لإنها مش هتوافق.. عشان كدة سايبها هنا اليومين دول
سند بدهشة : طب مادمت عارف انها مش هتوافق .. هتنقلوا ليه ؟؟
تنهد بضيق – مش هاقدر اشرح حاجة دلوقت …بس انا بجد محتاج مساعدتك …و كمان فيه موضوع عايز اخذ رأيك فيه بس مش هنا
سند بقلة حيلة : حاضر يا اخوي . .. انا تحت أمرك
– نتقابل بكرة المساء بعد الدوام في الكفتيريا اللي قدام المكتب بتاعك .
سند بتوجس: ماشي …اللي تشوفه
حياة من جوة : العشاء جاهز يا سند اتفضلوا
بعد مدة رجع البيت
كانت نور قاعدة في الصالة مستنياه
– حساااام
– انتي لسة ما نمتيش؟؟
– مش جايلي نوم …كنت عاونت اسهر معاك شوية
– تعبان و عاوز أنام يا نور
– انت لازم توضحلي اللي بيحصل يا حسام …انت اتحججت بعد الظهر و هربت بسرعة بس مش هتهرب تاني غير لما اعرف
اتنهد بضيق و قال : تعرفي ايه
– ايه حكاية الكراتين دي ؟
– بكرة هتعرفي
– و ليه مش دلوقت
– عشان اللي عندي لازم اقوله قدام الكل .. ما هو أكيد كل دام انتي شفتيها يبقى كل اللي هنا عرفوا بموضوعها !!
– ايوة و ماما من ساعتها و هي على اعصابها و انا هديتها و نيمتها بالعافية .
– هاااانت . بكرة هتعرفي كل حاجة .
طلع اوضته و نور دخلت المطبخ و هي متضايقة
فتحت الثلاجة و يادوب هتاخذ عصير لقت سعاد داخلة المطبخ
– سعاد جيتي ف وقتك يا ريت تعملي لي يانسون من فضلك
– حاضر يا ست هانم
طلعت نور على اوضتها و هي بتفكر في موضوع اخوها ده
في اللحظة دي دخلت سعاد
– الينسون يا هانم
– حطيه عندك
حطته و كانت هتطلع …نادتها نور
– اااه من حق يا سعاااد .. هو ايه موضوع الكراتين ده ؟!
– موضوع ايه مش فاهمة
– الكراتين اللي حسام طلب منك تحطي هدومهم فيها
– مش عارفة يا هانم ..
– بصي تعالي اقعدي و احكيلي بالتفاصيل الممل كل حاجة
– بصي يا ست نور … انا كل اللي اعرفه اننا كنا بنوضب اوضة البيه الجديدة عشان عفش البيبي جاي لاوضتهم القديمة و كان عايز يعملها مفاجأة لست حياة عشان كدة اخذها على بيتهم
– هاا و بعدين ؟؟
– كل حاجة كانت ماشية تمام لحد ما البيه لقى صندوق قديم يخص ست حياة من ساعتها و هو اتقلب حاله ..نزل و بعدين طلع و بعدين نزل تاني و هو بيقولي كل حاجة اتغيرت …وظبي كل حاجة ف كراتين ..مع اننا كنا خلصنا توظيب كل حاجة تقريبا في الدولاب.
– يعني هيكون لقى ايه في الصندوق ده عشان يتقلب حاله كدة ؟
– علمي علمك يا ست هانم
– يعني ما عندكيش فكرة خاااالص ؟؟؟
– كل اللي اعرفه .. ان الصندوق ده فيه ذكريات حزينة للست حياة مش عايزة تفتكرها تاني .. ده اللي قالتهولي لما طلبت مني ابعده عنها .
– طيب متشكرة يا سعاد اتفضلي انتي تصبحي على خير
– و انتي من اهله يا ست نور
– ذكريات حزينة ؟؟ لاااا …الموضوع فيه سر كبير بقى !!
مسكت التلفون و هي بتقول فنفسها محدش هيحل اللغز ده غير حياة
- يتبع الفصل التالي اضغط على ( رواية اسمي حياة ) اسم الرواية