رواية اسمي حياة الفصل السابع و الثلاثون 37 - بقلم الاء اسماعيل

الصفحة الرئيسية

  

 رواية اسمي حياة الفصل السابع و الثلاثون 37 -  بقلم الاء اسماعيل 

حياااة بألم – ااااااااه !!!

حسام بخوف- حيااااااة حبيبتي !! مااالك ؟؟

حياة بصريخ- مش عاااارفة…ألم شديد اااااه 😫

طلع بسرعة و نزل سلمتين و صرخ بصوت عالي : الحقوووني …الحقيييني يا مامااااااا !! سمع صوت حياة بتصرخ بصوت مكتوم جوة رجع اوضته تاني

– حبيبتي حاسة بإيييه ؟؟ ما انتي كنتي كويسة بالليل !!

– الحقني يا حساااااام بطني بتتقطع ااااااااااااه 😫

حسام برعب : اي…اي ده !! ده …ده د’م !!!

طلعت شهيرة من اوضتها بتجري على صوت الصريخ مش لاقية حد و لا فاهمة تطلع ولا تنزل …

– يا ترى حياة وقعت و حسام لقاها تحت ولا حسام هو اللي وقع !! يا مصيبتي !! ليكون هو !!

جات تنزل بخضة و فجأة ؛ طاااااخ !!! وقعت من فوق السلم لتحت

– ااااااااااه !!! همست ما بين سنانها بألم : يقطعني …انا ازاااي نسيت الز’فت !! ااااااااااخ الحقني يا رشدي !! يا حسااااام الحقووووووووني ااااااااااااه 😫😫

صوت صراخها وصل لآخر الفيلا و نزل حسام جري لنص السلم الفوقاني و بص على ابوه اللي جاي من اوضته مخضوض: خير اللهم اجعله خيييير !!

– حصل ايه بابا .. ايه الصريخ ده؟؟

بص ابوه على امه اللي واقعة تحت و بتصرخ و قاله بسرعة

– يا ساتر !! أمك وقعت ..!! 😱😲

حسام بخوف – و حياة كمان تعبااااانة اووووي …يا رب ايه المصايب دي ؟😰

كانو رشدي هينزل لها و حسام كمان مخضوض و مش عارف يلحق مراته ولا أمه … في اللحظة دي دخلت سعاد الشغالة

و اول ما شافت شهيرة عالارض جريت عليها

– ست هااااانم مااااالك ؟؟؟

– اااااااااااااخ يااااناااا همووووووت !! الحقووووني 😫

رشدي قال للشغالة : اوعي تحركيها يمكن تكون مكسورة اطلعي شوفي حياة ……و انت يا ابني روح شوف مراتك و انا هأتصل بالاسعاف و البس بسرعة

حسام بتوتر شديد – حاضر يا بابا ..سعاد تعالي ساعديها تغير على ما ألبس انا كمان يااااالااااا بسرعة ..

سعاد بخوف : حاااضر

رجع رشدي على اوضته يجيب الموبايل و طلعت سعاد و سابت شهيرة بتتلوى من الألم تحت

اول ما وصلت لفوق شهقت بصدمة :

– يا ساااتر يا رب …. ايه اللي جاب الزيت ده هنا ؟؟؟

راحت بسرعة جابت فوطة فيها مية و صابون و نظفته

يا دوب هتطلع لحياة لقت حسام شايلها و نازل بيها و هي بتتلوى من الوجع و بتعيط بصوت عالي

صرخ حسام في وش سعاد : – اتأخرتي لييييه !

سعاد بتوتر – معلش اصلي كنت ….

– خلاص خلاااص انا ساعدتها …. مش هأقدر استنى الاسعاف امشي معاي هناخذها المستشفى

حياة بألم شديد – ابني يا حساااام ….ابني !!!!

حسام بخوف: ما تخافيش يا روحي …هتبقي كويسة و ابننا كمان أهدي يا قلبي

سعاد برعب : مالها الهانم؟

– يالا يا سعاد مفيش وقت انزلي افتحي الباب بسرعة و خذي مفاتيح العربية افتحيها كمان

طلع رشدي من اوضته بيجري وراهم : ملوش لزوم الاسعاف زمانه على وصول …. يالا بينا يا ابني

نزلوا جري كلهم

يا دوب وصل حسام لتحت وصلت عربيتين اسعاف و اخذوا حياة الاول بعدين شهيرة اللي كانت بتصرخ بصوت عالي اوي

ركب حسام و سعاد مع حياة و ركب رشدي مع شهيرة

في العربية 1

الممرضة: هي المدام مالها ؟

حسام بخوف: مش عارف .. جالها نزيف و صحيت و هي ماسكة في بطنها و بتصرخ

مسكت حياة ايد الممرضة بألم- الحقي ابني ابوووس ايدك 😭

– هي حامل ؟؟

حسام بخوف : ايوة …في شهرين

سعاد بخضة : ايه اللي حصل يا بيه !!

– مش عارف …مش عاااارف !!! يا رب ما يكون البيبي نزل !

سعاد بخوف- بعد الشر … هتكون بخير ..انا هأكلم ست الهام

– لا بلاش نرعبهم عالصبح …اما نشوف فيه ايه الاول

– يا رب تشفيها…

حسام بخوف : و ماما كمان وقعت يا رب ايه المصايب دي ! انا من خضتي ناديتها بصوت عالي …أكيد جات جري عشان كدة وقعت

سعاد بتوتر : اااه أكيد من خضتها وقعت … ربنا ييجب العواقب سليمة يا رب

في العربية 2

– الظاهر ان المدام معاها كسور الحمد لله ان مفيش حد لمسها قبلنا

– الحقني يا رشدي همووووووووت ااااااه يا وسطي !!!

رشدي بخوف : انا مش فاهم مرات ابنك كانت فوق انتي ايه اللي نزلك اصلا!!

شهيرة بتوتر و وجع ف نفس الوقت: احنا في ايه ولا ف اييييه !! ااااااه … هموووت ياااا رشدييييي مش قاااادرة 😫😫

وصلوا المستشفى و اخذوهم عالاستعجالات

وصلت شهيرة الاول

الدكتور المناوب اول ما شاف حالتها بعثها تعمل اشعة مقطعية

جات من وراها الممرضة مع حياة و حسام جري وراهم

الممرضة : خطر اجهاض يا دكتور !

– طب خذيها بسرعة قسم التوليد …الدكتورة لبنى هتعملها سونار و تفحصها و تعمل اللازم

جريت بيها على الجناح الخاص بالنساء و التوليد

و فضل حسام و رشدي و سعاد برة مرعوبين

حسام برعب- يا رب هنلاقيها منين ولا منين بس ؟؟ 😣😓

– اجمد اومال يا حسام مش كدة …ادعي ربنا يسترهم بس !!

سعاد بقلق – يا رب تشفيهم … و همست بينها و بين نفسها

– و لو ان العقربة ما تستاهلش

طلعت الدكتورة و راح حسام جري عليها

– طمنيني يا دكتورة حياة مالها

– انت جوزها ؟؟

– ايوة

– اتفضل معاي

سعاد : الو …ايوة يا خالة بهية

– خير يا بنتي انتي فين؟؟ انا جيت البيت مفيش حد هنا !!

– احنا في المستشفى كلنا

– يا لهوي ؟؟ مستشفى ليه كفى الله الشر !!

– اسكتي !! الست الكبيرة وقعت من السلم و الظاهر عظمها مكسور ..و الست الصغيرة صحيت و عندها نزيف ادعي ربنا ما تسقط

– يا ساتر يا رب !! ايه المصايب اللي حلت عليهم مرة وحدة دي !!

– ربنا يستر بقى ..المهم اول ما يطلع الدكتور هأطمنك ماشي ؟

– ماشي يا بنتي … ربنا يسترها معاهم

بعد مدة طلع الدكتور التاني من اوضة شهيرة بعد ما نتيجة الاشعة المقطعية طلعت

جري رشدي و سعاد عليه : طمننا يا دكتور !!

– المدام عندها كسر في الحوض و كسر مضاعف في ايدها اليمين ..

همست سعاد – يا مصيبتي !!! اتقطم وسطها ؟!!

رشدي بخوف : يعني محتاجة عملية يا دكتور ؟

– الحمد لله مش محتاجة عملية احنا هنعمل اللازم بس في الحالات اللي زي دي و بحكم السن الشفاء بياخذ وقت طويل …و هتبقى تتحرك بكرسي بعجل لحد ما عظم الحوض يلتئم تاني المهم انها تمشي على الأدوية المسكنة دي و مضادات الإلتهاب لحد ما يخف الألم .. الحمد لله على سلامتها

رشدي – الله يسلمك يا دكتور ..نقدر ندخل لها ؟؟

– كمان شوية …الممرضات بيحطولها جبس اول ما يطلعوا تقدروا تدخلوا بس بلاش حد يلمسها .

– حاضر يا دكتور ….ألف شكر ليك

– حضرتك انا محبتش اتكلم قدام الجماعة عشان الموضوع حساس شوية

حسام – خير يا دكتورة .

– المدام كان عندها خطر إجهاض…انا اديتها حقنة و قدرنا في آخر لحظة نوقف النزيف و ننقذ الحمل و الحمد لله

تنهد حسام براحة – الحمد لله

اكملت الدكتورة بقلق : بس خلي بالك مش عايزين الحكاية دي تتكرر تاني ! و الا هنخسره المرة الجاية

حسام بتوتر- حكاية ايه ؟؟ 😥

– العلاقات الكثيرة و العنيفة عرضت حمل المدام للخطر عشان كدة ممنوع منعا باتا تقرب منها على الأقل لمدة أسبوعين لحد ما نتطمن على صحتها و ان الحمل استقر

حسام بتوتر و إحراج : بس احنا استشرنا الدكتورة في اول الحمل و قالت مفيش اي خطر و نقدر .. عادي يعني … !!

– الدكتورة دي و عملت اشعة فوق صوتية ولا لا ؟

– لا ….عملت تحليل دم بس …ليه؟

– بص يا استاذ …انا معاك الحمل العادي مش بيتأثر عموما بالممارسة لإن الجنين بيكون محفوظ و بعيد عن اي خطر

بس الحمل بتوأم أو عدة أجنة بيرفع من الضغط في منطقة الحوض عند المرأة الحامل، ولإراحة منطقة الحوض بننصح بتجنب اي ممارسة .. فما بالك لو كانت عنيفة ! في الحالة دي بتنتج تقلصات شديدة على الرحم فوق الضغط اللي اتكلمنا عليه و بالتالي خطر الإجهاض بيكون عالي …

حسام كان مصدوم مش قادر ينطق بحرف من اول ما قالت توأم !!

– انت معاي يا استاذ ؟؟؟

حسام بدهشة – انتي قلتي ايه ؟؟؟

– بقولك المدام حامل في توأم … لو كانت الدكتورة بتاعتها عملت سونار كانت عرفت و ماكناش وصلنا لكدة ! عموما هي بعد كدة محتاجة راحة تامة على الأقل اسبوعين و النوم لساعات كافية و تأجل اي حركات عنيفة زي سفر بالعربية او غيره

– بس هي بتشتغل مضيفة طيران !

– لاااا مضيفة ايه….في الحالة دي انا هديها اجازة طويلة هي مش ممكن تسافر في الوضع ده أبدا !!! السفر بيسبب للمضيفة الحامل ما نسميه احنا باضطراب الساعة البيولوجية و هيزيد من خطر الاجهاض اكثر!!

كتبت روشتة و ادتهاله

– و خذ الادوية دي …ده فوليك اسيد ..هي تقدر تلاقيه في الخضروات الورقية و الحبوب الكاملة و البرتقال بس في حالتها مش هيبقى كفاية …جسمها هيحتاج منه كثير عشان نحافظ على صحة الحمل و نمنعه انه ينزل …ألف سلامة عليها

– الله يسلمك يا دكتورة متشكر اوي

– الحمد لله على سلامتك يا شهيرة

شهيرة بألم ؛ الله يسلمك … هو حسام فين ؟؟

– مع الدكتورة . .هيتطمن على مراته و يجي

شهيرة بحزن ؛ سايبني مرمية و رايح يتطمن على مراته ! ادي اخرة تربيتي و تعبي

– و بعدين معاكي يا ولية !! مراته كمان تعبانة

شهيرة بشك – مالها ؟؟

– مش عارفين عندها ايه لسة ..ربنا يستر

حسام بحب – حبيبتي …ألف سلامة عليك يا روحي … آسف يا حبيبتي انا السبب 😓

حياة بخوف – حسام … ارجوك قل لي ان ابني بخير !! 😥😓

مسك ايديها بحب و باسهم :

– ما تخافيش يا روحي ..ولادنا بخير ☺️

حياة بدهشة : انت قلت ولادنا !!

– ايوة حبيبي 🥰 عندنا توأم …ربنا بيعوض صبرنا عن فراقنا يا نور عيني

– الحمد لله….ألف حمد و شكر ليك ياااا رب ..بس حبيبي مش عايزة حد يعرف الخبر ده !

– من غير ما توصيني حياتي

دخلت الهام بخوف

– حياة حبيبتي .. مالك يا قلبي ألف سلامة عليكي !

حياة : مفيش يا ماما ..حاجة بسيطة

– بسيطة ازاي و انتي راقدة في المستشفى ؟

– مفيش يا طنط شوية تعب بسيط بس و أهي الدكتورة طمنتنا

دخل سند : حمد لله على سلامتك يا حياة مش تنتبهي على نفسك اكثر يا حبيبتي ؟

حسام : و الله مكنت عايز اشغلكم … بس مين اللي قالكم؛؟

إلهام : بهية اتصلت بيا

– مكنتش عايز ازعجكم عشان حاجة بسيطة زي دي

– احنا اهلها يا ابني و واجب نقف جنبها مهما كنت شايف ان الحكاية بسيطة .

– طب الدكتورة ما قالتش تقدر تطلع امتى ؟

– كمان شوية هتكتبلها على خروج .

– الحمد لله…..انا جاية معاكي مش هأقدر اسيبك و انتي في الحالة دي

– لا يا ماما بلاش تتعبي نفسك سعاد معاي و كمان خالة بهية

حسام : و بعدين انا رحت فين يا طنط ؟ انا كمان هآخذ اجازة كام يوم لحد ما تبقى احسن ما تقلقيش عليها…حياة في عينيا الإثنين

حياة – أنا نسيت اسألك عن مامتك يا حسام !!

حسام بتذكر : انا كنت مع الدكتورة قلت افرحك معاي و اطمنك الاول

– معقولة الكلام ده يا حسام ؟؟ دي امك ؟؟ عارف يعني ايه امك؟ – طب يا حبيبي انا هروح اتطمن عليها و ارجع

سند – انا طالع معاك يا حسام

إلهام : الدكتورة قالت ايه يا حياة ؟؟

– مش عارفة … اتكلمت مع حسام .ما لحقناش نتكلم انا و هو لما دخلتو ….ماما انا عندي خبر بس مش عايزة حد يعرف غيرك

– خبر ايه يا روحي

– انا حامل في توأم يا ماما 😍

– بسم الله ماشاء الله الله أكبر !! ألف مبروك يا بنتي ربنا يتمم حملك على خير …معاكي حق اوعي حماتك تسمع ..ألا قوليلي هي وقعت ازاي ؟؟

– و الله ما انا عارفة يا ماما

– ربنا يشفيها …انا هقوم اتطمن عليها مادمت جيت أحسن تقول اننا مش بنعرف في الأصول لا سمح الله.

حسام بلهفة : الحمد لله على سلامتك يا ماما …ألف سلامة عليكي

شهيرة بوجع : لسة فاكر دلوقت ان امك تعبانة ! اوام اخذتك مراتك و نستك في أمك؟؟

حسام : حرام تظلمي البنت يا ماما ده هي اللي قايلالي روح لها و طمني عليها

رشدي بضيق: احنا قلنا ايه يا شهيرة …مرات ابنك تعبانة ملي كلامك السم ده لبعدين ده انتي حتى مفيش عظم سليم في جسمك ! 😤

– معلش آسف يا ماما كنت مع الدكتورة بخصوص حالة حياة اول ما طلعت رحت طمنتها و جيت لك .. هو الدكتور قال ايه يا بابا ؟

رشدي : كسر في الحوض و في الايد….

– ألف سلامة يا ماما …يا رب كنت انا

– بعد الشر يا ابني .. و اااه بلاش تقول لنور احسن عندها امتحانات الأسبوع ده و اللي بعده مش عايزة اشغلها

رشدي بقلق : طمننا على مراتك يا ابني اخبارها ايه ؟؟

– الحمد لله مفيش خطر عالحمل ..الدكتورة ادتها ادوية و قالت لازم تأخذ اجازة عشان ترتاح و تنام كفاية .

– الحمد لله يا ابني

حسام اخذ اجازة اسبوع لحد ما اتعافيت و رجع شغله تاني

بعد اسبوع

طلعت حماتي من المستشفى على كرسي بعجل و محتاجة رعاية خاصة خصوصا انها ما تقدرش تدخل حمام لوحدها ولا تاكل ولا تمشي لوحدها … على الأقل لمدة شهرين

مكانش ممكن تفضل في اوضتها فوق عشان السلالم

وظبنالها اوضة تحت اهو لما تزهق نطلعها الجنينة

– قلتلك لا يعني لا

– بس دي امك يا حسام !

– يا حبيبتي انتي كمان وضعك خاص و حملك ممكن يتأثر انا مش ممكن اغامر بكدة .. انتي سمعتي الدكتورة قالت لازمك راحة تامة و بابا قال انه هيجيب لها خدامة مخصوص

– تفتكر هنلاقي فين وحدة امينة و مخلصة زي سعاد في الزمن ده؟؟ و بعدين يا حبيبي انت عارف مامتك و طبعها …محدش بيقدر يتحملها خصوصا انها بقت عصبية اكثر لما وقعت …دي بقالها يومين طالعة من المستشفى بس طلعت عين سعاد بالطلبات اللي مش بتخلص لحد ما صارحتني انها عايزة تسيب الشغل وقالتلي الله الغني عن دي شغلانة … انا بس اللي مسكت فيها بالعافية …وقلتلها عشان خاطري و وعدتها اضاعف لها المرتب

– انا معاكي ف كل ده …بس انتي يا روحي محتاجة اللي يراعيكي انتي ناسية انك حامل في اثنين ؟

– لا ما نسيتش ….و ما نسيتش كمان ان احنا سبب اللي هي فيه دلوقت، لو مكنتش حضرتك خضتهم مكانتش وقعت اصلا

– و الله ما انا مرتاح للفكرة دي 😓

– أنا هبقى أخلي بالي من نفسي مش محتاجة توصيني هو انا هأشيلها مثلا؟؟ ده انا هأخدمها و اساعدها ف اي حاجة مش اكثر لان سعاد شغلها كثير و الخالة بهية كمان

– اللي تشوفيه يا روحي …انا عارف انك اصيلة و ربنا هيكرمك بحسب نيتك الطيبة دي …بس توعديني تحافظي على صحتك

– ان شاء الله يا قلبي اوعدك …اتطمن انت بس ☺️ اااه على فكرة !!

– ايه كمان ؟

– أنا هأحتاج انزل تحت للاوضة اللي جنبها عشان اكون قريبة منها ..

حسام بضيق- تنزلي ايه دي كمان !! مش كفاية محروم منك طول المدة دي !!

– هو انا هسيب الفيلا !! ده انا هأنزل اقعد تحت بس عشان ما افضلش طالعة نازلة طول الوقت عشانها !

– خلاص يبقى ننزل احنا الإثنين خليهم يوظبوا الاوضة على الأساس ده

– يا حبيبي الاوضة صغيرة مش زي اوضتنا ولا هتسعنا احنا الإثنين …هو حل مؤقت لحد ما مامتك تتعافى

– انا اقعد معاكي في اوضة متر على مترين هتكفيني مادمتي هتكوني ف حضني ..و بعدين دول شهرين مش يومين !!

حياة : انا بقول كدة عشان راحتك بس …

قرب منها و حضنها بحب و همس لها بشوق : انا راحتي في حضنك و بس ..و بعدين مش كفاية الدكتورة الغبية حرمتني منك ؟ عايزة انتي كمان تحرميني من حضنك ؟ دي الحاجة الوحيدة اللي مصبراني على فكرة 😥

ضحكت حياة : الدكتورة برضو اللي غبية و لا انت اللي مش بتقدر تتحكم في نفسك ؟ 😂🙄 ده انت طلعت الشوق القديم و الجديد

قربها اكثر ليه – اعمل ايه ؟؟ بحببببك اووووي و بأشتاااق لك طول الوقت !مش كفاية السنين اللي اتحرمت منك فيها !!

– طب خلاص خلاص ..هأخليهم يوظبولنا الاوضة بسرعة احسن معاد الدوا بتاعها قرب ..يالا انا نازلة محتاج حاجة ؟؟

– ايوة… انا هأستناكي هنا خلصي معاها و ارجعي تاني عايزك

– ارجع فين يا مجنون بقولك هيوظبوا الاوضة يعني لازم ابقى معاهم …و بعدين هتعوزني ف ايه يعني ؟

– حاجة كدة تحت الحساب .. مش معقولة هاتحرم من شفايفك كمان !!😓😥

ضحكت حياة و نزلت : مفيش فايدة معاك 😂

– ياه…دي الساعة 3 معاد الدوا عدى و انتي لسة ما صحيتيش؟ خذي اشربي على ما اجيبلك حاجة تاكليها ..

– مش جعانة 🙄

حياة بجدية – مش بكيفك يا طنط. …الدوا ده مضاد التهاب مش بيتشرب على معدة فاضية …ولا عايزة بعد الشر تجيبي لنفسك قرحة كمان !

– بعد الشر عليا 😏

حياة بإبتسامة – يبقى خذي اشربي … انا طلبت من خالة بهية تعملك لازانيا اللي انتي بتحبيها !

– عادي ..مش بحبها للدرجة دي يعني 🙄

– بصي انا هأجيبلك رز و لازانيا و كمان محشي ورق عنب و انتي تختاري تحبي تاكلي ايه ماشي ؟؟

– قلتلك مش واكلة 😤

حياة بإبتسامة هادية – تمام مش هأتأخر ☺️


google-playkhamsatmostaqltradent