رواية حب غير مشروط الفصل السابع 7 - بقلم لولا

الصفحة الرئيسية

  

 رواية حب غير مشروط  الفصل السابع 7 - بقلم لولا

وبيجري عليها علشان يلحقها وهي بتحط رجليها وخلاص هتقع وبلفعل منا ما مالك وصل كانت وقعت

مالك بخوف يخربيت اهلك اتجننتي وقلع قميصه ونط وراها وفضل ينزل لتحت لحد ما لمسها وراح عندها وشدها لوش المياه

مالك بخوف يخربيتك انتي يابت انتي سمعاني ردي

جيسي وهي بتكح بتعب ودموع اكملت انت طلعتني ليه حرام عليك

مالك بحده حرام عليكي انتي نفسك تعلمي فيها كده انتي اتجننتي عايزه تموتي كافره انتي قد نار جهنم

جيسي بصتله بدموع واكملت ميخصكش انا واحده مش كويسه كده كده فمش مهم

مالك فهم انه بسبب كلامه فاكمل بحزن انا مقصدش احسسك بكده

جيسي بدموع مش مهم المهم سبني عايزه اطلع

مالك استني علشان الحته دي غويطه اوي والشط بعيد انا هرفعك فوق كتفي واطلعي للصخره

جيسي باحراج ايه لا طبعا

مالك بضحك معلش تعالي علي نفسك لانه الشط بعيد من هنا

جيسي لالا سبني انا هعرف ارجع عوم

مالك يابنتي والله غويط

جيسي بتوتر سبني بس ملكش دعوه

مالك سابها فنزلت شويه لتحت فضحك ورفعها شدها ناحيته اكتر فخبطت في صدره العاري واكمل بضحك واضح انك بتعرفي تعومي وهتروحي الشط عوم مجرد ماسبتك نزلتي لتحت

جيسي باحراج من قربها منه اكملت ما علشان انت كنت رافعني شويه فلما سبتني وقعت انما انا بعرف اعوم

مالك بضحك ااه ااه منا عارف وشدها ناحيته اكتر وراح ناحيته الصخره وخلاها سندت عليه وطلعها بعدين. مدتله ايديها وطلع قعد جمبها

جيسي كانت بترتجف من البرد وعنيها موقفتش دموع

مالك ابتسم بحنان ومسك قميصه واكمل امسكي

جيسي بصتله واكملت ايه ده

مالك بحنان البسيه علشان متبرديش

جيسي برعشه في صوتها مش مهم انا شويه وهطلع

مالك مهتمش لكلامها ومسك ايديها ولبسها ااقميص وضمه علي بعضه قدامها واكمل تيشترك كت ومبلول اعتقد ده خفيف اه بس يعني هيبقي مدفيكي عن الكت شويه

جيسي بدموع شكرا تعبتك

مالك بحب ولا تعب ولا حاجه عايز اعرف بس ليه تعملي كده هو انتي متعرفيش ان جزاء المنتحر نار جهنم

جيسي بدموع عارفه

مالك بتنهيده واما انتي عارفه ايه يخليكي تعملي كده تخيلي مكنتش نزلت مكنش حد حس بيكي الدنيا فاضيه

جيسي بدموع ووجع حتي لو موت محدش هياخد باله كبر دماغك انا صحيح مش قد نار جهنم بس تعبت من اني اعافر في حياه بتعاندني بكل الطرق

مالك دي تجارب من الشيطان بس مش معني كده اننا نستسلم ليها

جيسي بدموع اهو اللي حصل بقي المهم امسك قميصك علشان انت مش لابس حاجه من فوق

مالك متخافيش هطلع اوضتي بسرعه من الباب الخلفي المهم انتي الف حمدلله علي سلامتك وبلاش تعملي كده اتعلمي واجهي مشكلتك روحي لربك واحكيله الهروب مش حل

جيسي هعمل كده بس بتكلمني ليه تاني هو مش انت قولت عني مش كويسه ?

مالك بتنهيده انا مقصدش كده كل الحكايه ان لبسك

جيسي بحده ومقاطعه محدش طلب منك رايك في لبسي اه انا بلبس كده ومتعوده علي كده وانا مش لعبه في ايد الناس همشي علي مزاجها وتفكيرها وانا مين بيراضيني علشان اراضي حد اصلا وقامت وقفت ومشيت

مالك بصوت مسموع متراضيش حد غير ربنا مطلبتش منك تكوني زي ما الناس عايزه لان اصلا مينفعش تستني كلام الناس في احساسك بقيمتك اعملي قيمه لنفسك ترضيكي وترضي ربك قبلك

جيسي كانت وقفت سمعته وهي مدياه ضهرها ولما خلص كلام مشيت وهي بتعيط

ومالك رجع الاوضه تاني ملقاش غير ذياد ونايم

مالك بضحك اممم التانين محدش قدهم في غيرنا الدنيا جايه عليه يا صاحبي وخد شاور ونام زيه

عند ادم ومنه

ادم بضحك انتي اتجننتي صح

منه ادم بجد مبهزرش

ادم بضحك مش عارف بس شايف ان ده جنان فعلا

منه طب ها ايه رايك

ادم رايي في ايه يا منه انتي مجنونه لا طبعا

منه برفعه حاجب يعني انت شايف كده ??? تمام ورايحه تمشي ادم مسكها وشد وسطها ليه واكمل بحب متبقيش غبيه انا خايف بعدين يحصل مشكله اكبر كلامك ده مش سهل

منه ملكش دعوه انت وافق وخلاص انا لو حصل حاجه انا اللي هتصدر. وبعدين انا مش هطمن غير لو عملت كده براحتك انت بقي شوف رايك ايه

ادم بتنهيده باس جبينها واكمل حاضر يا منه هعملك اللي انتي عايزاه

منه بفرح والنبي بجد

ادم بحب اه بجد

منه بفرح بجد بحبك بحبك بحبك

ادم باس ايديها واكمل بحب وانا اكترر بس صحيح يا منه كنت عايز اسالك سؤال

منه اممم قول يا حبيبي

ادم تاليا

منه برفعه حاجب مالها

ادم بضحك بلاش البصه دي مالك هتاكليني ليه

منه بغيره مالك بتاليا انت ???

ادم بضحك لا مش انا طبعا وغمز واكمل ده عمر واقع فيها واقعه سودا

منه بضحك وفرح بتهززززر

ادم بحب لا بتكلم جد هي ايه دنيتها

منه بفرح اخيراا الجبله صاحبك قرر ياخد خطوه ده فاضلنا شهر ونتخرج وهو ساكت يخربيته

ادم بفرح بتهزري هي تاليا بتحبه ??

منه بضحك بتموت فيه

ادم بضحك بتتكلمي جد

منه بفرح والله اه انا لازم اقولها انه هو كمان بيحبها هتموت من الفرح ورايحه تمشي ادم مسكها واكمل اهدي اهدي متبقيش رخمه حاجه زي كده عمر يقولها بينهم وبين بعض ملناش دعوه انا هوصله بس انها بتحبه وهو يتصرف

منه بفرح خلاص ماشي عرفه انت

في اوضه البنات

صافي طلعت لقيت جيسي خارجه من الحمام وماسكه القميص فاكملت بستغراب بتاع مين ده

جيسي بتنهيده بتاع ابن عمي اتلغبط وحطيته معايا

صافي مين حاتم

جيسي اممم هو واكملت بقولك ايه اطفي النور عايزه انام

صافي بتنهيده نامي يا جيسي نامي وطفت النور وبمجرد ما صافي نامت قامت جيسي ولمت هدومها وقررت تمشي مبقتش حابه تكمل خلاص الرحله وتمشي معاهم وشافت قميص مالك رميته علي الارض وبصتله بغيظ ومسكت شنطتها وطلعت بس بعدين لفت تاني وبصت علي الارض وراحت مسكته وحطيته جوه شنطتها ومشيت وكان فيه صراع بدا جواها مابين انه عايز مصلحتها وبينصحها وانه شايفها مش كويسه

ونزلت وركبت عربيه ومشيت وفي الطريق اشترت فون جديد وخط جديد بدل اللي وقع في البحر وبعدين ركبت تاني واكملت اطلع يسطا وسندت راسها علي الازاز وفضلت تبكي بصمت

عند عمر وتاليا

تاليا بضحك لالا مش للدرجه دي

عمر بحب انتي مش عارفه بس قيمه نفسك انما والله انتي قمر واحلي منه كمان

تاليا بحب ميرسي يا عمر بجد وحقيقي مبسوطه اوي اننا اتكلمنا كل ده انهارده

عمر بحب ده انا اكتر بكتير والله

ادم من وراه مسكه من التيشرت واكمل بضحك قوم يا روميو قوم ابقي انا لفيت عليك الدنيا كلهاا وانت قاعدلي هنا مع تاليا

تاليا ابتسمت بخجل واكملت طب ماكنت تتصل بيه

ادم بضحك فوني فوق وفون الهانم بتاعتي وقع في البحر

عمر بضحك انت ايه اللي جابك يا ادم هو انت طالعلي في البخت يا ادم …. يا ادم ارحم اهلي يا ادم

ادم غمزله واكمل بضحك بعينك

عمر ضرب كف في كف بضحك واكمل ده لا عايز يرحم ولا يسيب رحمه ربنا تنزل

منه بضحك معلش خليها عليك المهم عايزين ناخد رايكم في حاجه

تاليا ها قولي

منه بصوا بقي وحكيتلهم منه فكرتها وبتفكر تعمل ايه و تقعد فين وتقول ايه

تاليا بفرح دي حلوه جداا

ادم بص التانيه مجانين يا عم قسمابالله ده لو ابوها عرف هيقتلها

عمر بضحك بص مش عايز افاجئك بس انا مع منه اعمل كده فعلا و سيبها يا عم ووديها هناك ومحدش فعلا هيعرف متقلقش يعرفوا هما منين يعني ولا حد هيجي في باله

ادم بضحك حتي انت يا عمر

عمر بضحك يا عم وافق واخلص بقي والله محدش هيعرف مكانها صح وكأنها عند تاليا وكده كمان أمان اكتر ليك انت قدام علشان لو ابوها نشف دماغه

ادم ابتسم واكمل تمام موافق

تاليا ومنه سقفوا بفرح وحضنوا بعض والشباب فضلوا يضحكوا عليهم

منه بحب يلا هطلع انا انام ماشي تصبح علي خير يا نورعيني

ادم باس جبينها واكمل بحب وانتي مراتي ياست البنات

منه ابتسمتله بحب وطلعت

في اوضه البنات

منه بستغراب ايه ده فين جيسي

تاليا بستغراب دي مشيت هدومها مش موجوده

منه بحده مشيت ازاي يعني ده هي اللي جابتنا بجد انسانه مهزقه ماشيه بدماغها ومش مهم حد تاني

تاليا اهدي بتصل بيها

منه بتنهيده شوفي لو ردت هاتيها

تاليا لا غير متاح

منه بحده براحتها بقي يعني مشيت وقفلت الفون قاصده علشان منوصلهاش نعملها ايه حقيقي لو اشوف وشها هديها قلم محترم علشان تتعلم تعرف اختها بتروح فين وتيجي منين انما دي هتتربي ازاي يعني

تاليا اهدي اكيد في سبب

ولقيوا فون تاليا بيرن

تاليا بتسغراب ده رقم غريب

منه ردي انتي لسه هتفكري

تاليا الو

جيسي بصوت حزين الو يا تاليا هاتي منه

تاليا جيسي انتي فين يابنتي

جيسي انا روحت خلاص وتنهدت بحزن واكملت مبقتش حابه اقعد حسيت اني عايزه ارجع

منه هاتيها يا تاليا

تاليا امسكي بتقولك روحت

منه بحده يعني ايه روحتي يا هانم هو لعب عيال مش انتي اللي اتحايلتي عليا اجي معاكي مشيتي حتي من غير ماتعرفي حد ليه قلقتينا عليكي

جيسي بتنهيده منه صدقيني غصب عني اكيد مش قصدي اقلقكم عليا بس نفسيتي تعبانه شويه محبتش اكون مع حد حابه افصل لوحدي شويه

منه تمام يا جيسي لما ارجع نشوف نفسيتك اللي تعبانه دي

جيسي لالالا مش مستاهله انا ساعتين بلظبط وهبقي كويسه ملكيش دعوه بيا اتبسطي ده هي خنقه عاديه بسبب ضغط الكليه انتي عارفه علوم صعبه اوي

منه بتنهيده اممم عارفه ربنا يقويكي ياحبيبتي

جيسي بابتسامه سلام ياروحي خلي بالكم من نفسكم وانتوا جايين

منه حاضر يا جيسي

جيسي باي

منه باي

تاليا بستغراب مجنونه دي ?

منه بتنهيده البت دي مش طبيعيه وهموت واعرف مالها

صافي كانت صاحيه فاكملت في سرها بحزن ربنا يهون عليها الحب من طرف واحد اصعب وابشع انواع الوجع لانه ميتسماش حب

عند جيسي رمت فونها علي السرير ووقفت قدام المرايا وفضلت تتفحص ملامحها واكملت بدموع هو انا وحشه للدرجه دي علشان اتوجع كل الوجع ده .. حاسه اني لوحدي ابويا عايش بس زيه زي عدمه بيسال علينا كل فين وفين مره ومنه معاها حياتها انا محدش بيبصلي خالص وفي الاخر يستغربوا ليه مش بحب البيت وبحب اسهر وضحكت بسخريه واكملت علي اساس لقيت بيت واهل اصلا وقولت لا

————————————

عند الشباب في البلكونه

عمر دخل واكمل ادي القهوه عملتهالك خلص بقي يا ادم وقول عندك ايه

ادم بضحك طب حد يجيب قهوه من غير ازاه مياه لالا معندكش ذوق

عمر قعد علي الكرسي اللي قدامه واكمل تصدق وتامن بايه ؟؟

ادم بالله طبعا

عمر بضحك انت متربتش وانا مش هقوم تاني واللي عندك اعمله مش عايز اعرف منه قالتلك ايه عني هتكون قالت ايه يعني انا مالي اصلا تصبح علي خير يا بارد ورايح يقوم

ادم بضحك طب ولو يخص تاليا

عمر بصله واكمل بضحك بتهزر

ادم بضحك والله يخص تاليا

عمر بضحك بحيث كده يبقى انت الشق حبيبي وانا اللي متربتش وكنت بهزر طبعا ها يا كبير تحب المياه معدنيه ولا حنفيه ؟؟

ادم فضل يضحك عليه واكمل من بين ضحكه يانهار ازرق هو الحب بيبهدل كده وبتتريق عليا وتقولي اني واقع انت اللي واقف علي حيلك بصراحه

عمر قعد قدامه واكمل بتوتر يا عم اخلص بس بعدين نشوف الواقع والواقف قالتلك ايه منه انطق ابوس ايدك قلبي هيقف

ادم ابتسم بفرح واكمل قالتلي ان تاليا للاسف للاسف يعني

عمر بتوتر ااايوه مالهااا اخلص

ادم بضحك للاسف بتحبك مجنونه والله مش عارف حد ربنا مديله عقل يحبك يا عمر. ?

عمر بضحك بتهزر بجد بتهزر ??

ادم بضحك لا مبهزرش بتكلم جد

عمر بضحك لالا اكيد بتهزر طب قول وغلاوه منه ااكلام ده صح

ادم بضحك وغلاوه منه الكلام ده صح هاا بردت

عمر بفرح اقسم بالله بتحبني ??? يااانهااار انا مش مصدق بجد

ادم فرح لفرحته وقام حضنه واكمل بحب ربنا يسعدكم يا حبيبي

عمر بفرح انا وانت يا غالي بجد ربنا يخليك ليا لولاك مكنتش عرفت ابداا

ادم بضحك دي عنيها فضحاها انت بس اللي جاموسه

عمر بضحك خدت بالي بس لما تقطع الشك بليقين احسن

ادم بحب ربنا يفرحنا بيكم يارب

عمر بحب وانت ومنه يا غالي

ادم بحب امين يارب

————————————

تاني يوم الصبح في دهب

ادم صحي هو عمر والشباب ونزلوا

ادم بقولك يا عمر انا هروح انا علشان اجهز المفااجاه لمنه

عمر نيجي نساعدك

ادم لالا متقلقش يلا سلام لما ارنلك تعمل اللي قولتلك عليه تمام

عمر بحب سلام يا حبيبي عنيا حاضر

مالك مفاجاه ايه دي

عمر يا غبي انهارده عيد حبهم الرابع

مالك اااه صح ايوه افتكرت

ذياد بضحك طب بما اننا سناجل ملناش احنا دعوه بلكلام اللي يجيب جفاف عاطفي ده تعالوا نروح نفطر احنا

عمر بضحك هروح معاكم مؤقتا

مالك بضحك مؤقتا .. حتي انت يا عمر

————————————

في اوضه البنات

صافي هنزل انا ها عايزين حاجه

منه لا ياروحي

ونزلت

تاليا طلعت من الشاور واكملت لمنه بضحك يلا دورك يا موزه

منه بتوتر ليه حساكي شمتانه فيا

تاليا بضحك انتي عبيطه يابت اكيد لا طبعا انا بضحك علي منظرك معرفش قاعده متوتره ليه كأنك ياختي اول مره تسيبي البيت عادي افضلي هناك لحد ما ابوكي يرجع وروحي الفيلا وغمزت واكملت بضحك ولا علشان ادم الوحيد اللي يعرف المكان فانتي خايفه كل شويه ينطلك ويرخم عليكي وانتي لوحدك

منه بضحك ايه ادم لا طبعا يا حيوانه اذا كنت انا مطمنه ان هروح اقعد في مكان ادم اللي يعرفه تقوليلي بسببه لا انا اماني متفصل في ادم كل الحكايه اانا متوتره لاني موصيه علي دريس اقابل بيه ادم وفون جديد و لسه مجوش وانتي عارفاني بحب كل حاجه تبقي مظبوطه خايفه اللي خططتله يفشل

تاليا وماله الدريس اللي طلعتيه من شويه ?

منه بابتسامه لا ده مختلف خالص

وجرس الباب رن

منه غطت نفسها بسرعه لانها كانت لابسه برموده وبدي حماله واكملت روحي شوفي مين يا تاليا انتي

تاليا حاضر جايه

العامل حضرتك في اوردار باسم منه كمال

تاليا ااه هات شكرا تعبناك

ااعامل ولا تعب ولا حاجه يا فندم امضي بس حضرتك هنا بلاستلام

تاليا مضت واكملت كام بقي

العامل لا حضرتك ادفع تمنه فوري يلا عن اذنك

تاليا اتفضل

وقفلت ودخلتلها

تاليا يا مهزقه مش تقوليلي انك حاسبتي الراجل والله لو معندوش ذمه كان طلب فلوس

منه بفرح مش مهم المهم الدريسس جيييه يس ومسكت الفون ركبت الخط وبعتت لادم رساله انه ده رقمها الجديد وقامت خدت الدريس منها وجريت علي الحمام بفرح وحماس

بعد شويه فون منه رن

منه من جوه مين يا تاليا

تاليا بضحك نصيبك الاسود وبعدين يا اذكي اخواتك هو حد غيرو معاه الرقم الجديد

منه اييوه صح ردي طيب شوفيه عايز ليه

تاليا ردت

ادم ايه يا عمري كل ده فينك

تاليا بضحك عمرك في التويلت ياخويا

ادم بضحك هو انتي يا تاليا

تاليا بضحك تخيل

ادم بضحك طيب ايه منه هتطول

تاليا لالا متقلقش ربع ساعه بلكتير وهتلاقيها عندك

ادم بحب تمام يا حبيبتي يلا باي

تاليا باي

وبعد شويه طلعت منه وابهرت تاليا

تاليا بتفاجئ بتهززززري

منه بصت لنفسها بدموع فرح واكملت ايه ده انا شكلي اتغير خالص

تاليا بدموع فرح الله بس بقيتي اجمل بجد

كانت منه لابسه دريس بكم ستان ضيق من عند الصدر وفي تتطريزه علي الوسط وعلي الكتف ونازل واسع لتحت وساده مع حجاب ابيض وبندانه بيضا ووقفت حطت ميكاب سيمبل وهادي ابرز جمالها اكتر وزاد ملامحها براءه وجمال

تاليا باعجاب وحب اكملت بجد متخيلتش تتطلعي حلوه كده ادم هينبهر بيكي

منه بدموع امبارح بليل فضلت اصلي كتير اوي فبعدين فضلت اسال نفسي هفضل مستنيه ايه علشان البسه فخلاص خدت القرار في لحظه ومش هرجع فيه

تاليا حضنتها واكملت بفرح ربنا يثبتك يا نورعيني يلا بقي اجري الواد خلل

منه بحب ربنا يخليكي. ليا بجد يا تاليا حاضر نازله اهو

وفعلا نزلت وفضلت تمشي لحد ما راحت عند المكان وانبهرت لانه مكان بعيد نسبيا عنهم .. عند البحر شافت ادم واقف يبص بفرح للزينه اللي عملها والشموع والورد كان حقيقي المكان قدام شاطئ البحر منظم وجميل وشكل البحر مظهره بشكل اجمل وكان ادم لابس بنطلون اسود وقميص ابيض وكوتش ابيض ومديها ضهره

راحت منه بفرح جيت عليه حضنته من ضهره واكملت بسرعه اوعي تلف

ادم بضحك ايه ده ليه اشمعنا

منه بحب لما اغنيلك اغنيه السنه دي لف لما تخلص

ادم بحب اتفقنا

منه بحب ابتدت تغني بصوتها الحلو جدا (( كل سنه وانت طيب .. كل سنه وانت قريب .. كل سسنه وانت طيب .. كل سنه وانت قريب .. كل ليله عيد لقلبي طول ما قلبك جمب قلبي احلي ما في الدنيا حبي ليك يا بخت قلبي بيككك .. كل ليله عيد لقلبي طول ما قلبك جمب قلبي احلي ما في الدنيا حبي ليك يا بخت قلبي بيككك .. بقااالي ليااالي بفكر في حالي عشقت حلمت سهرت الليالي ويسرح خيالي واغرق في بحر الغرااام. بحبك بحبك وهفضل احبك وفاكرك في بعدك فاكرك في قربك وبفضفض لقلبك باجمل معامي الكلاااام …ككل سسنه وانت عمريي وانت ليلييي وضي قمرري .. كل سنه وانت عمرريي وانت ليلييي وضي قمرري .. وحضنته اكتر واكملت وانت اغلي الناااس علياااا ..انت كل الدنيااا ليااا… انت اغلي النااااس عليااا .. انت كل الدنياااا ليااا .. كل اايامي اللي جايه هعيشهااا بين ايييدك )) بحبك

ادم رفع ايديها باسها واكمل بحب وفرح ايه القمر ده ايه الصوت الجميل ده بجد جميله اوي يا ست االبنات وانا بموت فيكي وولف ورايح يكمل سكت من صدمته

ادم بذهول ايه ده ????

منه بضحك ايه مالك

ادم بفرح انتي اللي ايه ده منه انتي اتحجبتي??

منه بحب ايه رايك بقي

ادم بفرح ايه رايي ايه يالهوي ده انتي شكلك مشوفتيش نفسك ايه القمررر ده بجد وحضنها ولف بيها كتير اوي ونزلها وباس جبنيها بدموع فرح واكمل الحمدلله اللهم لك الحمد ربنا يثبتك يا نورعيني بجد بسم الله مشاء عليكي اللهم مابارك طالعه ملاااك كلك عفه وجمال

منه بدموع فرح انا مبسوطه اوي بلتغير ده ومبسوطه ان مفاجئتي ليك عجبتك

ادم بحب وفرح الا عجبتني ده انا هطير من الفرح اقسم بالله وباس جبينها واكمل كل سنه وانتي معايا يا ست البنات وعقبال العمر كله وانتي في حضني

منه بحب ودموع حبيبي يا ادم بجد ربنا يخليك ليا وميحرمينش منك ابدا

ادم مسح دموعها واكمل بحب وفرح بلاش دموع بقي بوعدك هكون مصدر فرحتك طول الوقت علي قد ما اقدر يا ست البنات

منه حضنته بدموع فرح

وادم بادلها الحضن بعدين رفع وشها باس جبينها

منه سندت جبينها علي جبينه واكلمت بحب الدنيا كلها مش فارقاالي اللحظه دي كل اللي انا عايزاه في حياتي مبعدش عنك انت ابداا ولا اتحرم منك يوم حتي

ادم بحب هيحصل والله هيحصل يا روح قلبي ومحدش هيقدر يبعدك عني بعد كده

منه بفرح بجد مبسووطه اوي وطلعت من حضنه واكملت بفرح ايه رايك في الدريس

ادم بحب واعجاب كله بيرفكت انهارده

منه قربت منه وضربته في صدره واكملت انهارده بس ماشي يا ادم

ادم شدها ليه واكمل بضحك كل يوم طبعا بس كان بيبقي فيه حاجات تحرق دمي الحمدلله كده مش هتحصل تاني

منه بحب الحمدلله واكملت بضحك حاول تقصر شويه يا ادم ايه الطول ده كله يا حبيبي انا بتعب وانا واقفه قدامك كده وبطول كتفك بلعافيه

ادم فضل بضحك واكمل انا اللي طويل اوي ولا انتي اللي قد علبه الكانز

منه بغيظ ضربته في صدره واكملت انا علبه الكانز يا ادم ماااشي مااااشي

ادم بضحك اكدب طيب انتي اللي قصيره جدا يا حبيبتي هما كانوا بيدوسوا عليكي وانتي صغيره ولا ايه

منه ضحكت غصب عنها واكملت بايخ بجد اوعي بقي كده يا متنمر انت متكلمنيش تاني

ادم ضحك وباس جبينها واكمل بحب استني بس متعمليش فيها مقموصه بس انا بهزر يا عمري وبعدين انا بحب طولك وشعرك وعنيكي وكل حاجه فيكي مغرم بيها واكمل بضحك فا اتنمر براحتي كده كده انا كداب وبغيظك مش اكتر انما كله حاجه فيكي انا بحبها وفعلا كل عين بتشوفك علي قدر حبها ليكي وانا علشان كده شايفك اجمل بنت في الدنيا

منه ابتسمت واكملت بضحك تدري ايش

ادم بضحك ايش

منه بضحك اتثبت اه والله اتثبت

ادم فضل يضحك واكمل عارف كده كده

منه فضلت تبصله بحب

ادم بغمز ايه عجبتك

منه بحب ايه هي

ادم سند جبينه علي جبينها واكمل بابتسامه ضحكتي

منه بحب دي بتخليني احبك من الاول يا ابن سليم مش بتعجبني بس

ادم بصلها بحب واكمل وابن سليم فكل مره يشوفك بيقع في حبك اكتر من الاول وبص علي شفايفها

منه بضحك اوعي اوعي واتلم اياك تقرب

ادم بضحك حسيتي ولا ايه

مالك بضحك الله الله بتعمل ايه يا ادم الله يخربيتك

منه بعدت عنه ووشها كان احمر واكملت بهمس عجبك كده

عمر كان واقف عمال يضحك

ادم بحده ايه اللي جابك يا حيوان منك ليه

عمر ضحك النصيب يا خويا يلا الناس عايزاكم

مالك بضحك لالا ملناش حل يا عمر قطعنا اللحظه

ادم وطي يجيب توبه فاكمل مالك بضحك خلاص خلاص والله انا هسكت اهو

منه بصت لادم باحراج بمعني بص بسببك

ادم بضحك حقك عليا هربيهوملك والله.. دلوقتي يلا علشان الناس عايزانا

منه مسكت ايده واكملت بحب يلا

———————————–

في فيلا الشريف

جيسي كانت نازله علي السلم وراحت علي التربيزه تجيب كوبايه مايه تشرب سمعت صوت حاتم من المطبخ فمشيت شويه لقدام

حاتم بحده ميخصنيش انا كل ده بلا الريس عزام بلا زفت يطلع مين عزام ده اللي انت مستني تخلص معاه علشان تعرف تنزل يا عمي

كمال بحده يا حيوان ده اكبر مني ومنك مينفعش نقول لده لا ده راجل تقيل اوي وقتال قتله احنا مش قده وطلما دخلنا صفقات السلاح دي لازم نكمل وده جيه في طريقنا

حاتم بحده طب وانا .. انا عايز اتجوز منه وبنتك عناديه

كمال ملكش دعوه بمنه انا هخليها توافق غصب عنها بس اقفل بوقك ده خالص دلوقتي

حاتم بخبث ولو نشفت دماغها متزعلش يا عمي من اللي هعمله

كمال بحده ليه هتعمل ايه يعني يا حيوان هتذلنا

حاتم بضحك لا طبعا مش معني اني عارف طبيعه شغلك اذلك منا مشترك معاك بس بنتك دخلت دماغي وهاخدها سواء حلال او حرام

جيسي ((كانت سامعه كلام حاتم بس))

واتصدمت ووقعت كوبايه المياه من ايديها اتكسرت

حاتم اتخض ولف شافها فاكمل بصدمه جيسي

google-playkhamsatmostaqltradent