رواية القاسي و القوية الفصل الحادي والعشرون 21 - بقلم مريم هاني

الصفحة الرئيسية

 رواية القاسي و القوية الفصل الحادي والعشرون 21


فى صباح يوم جديد استيقظ فهد بنشاط على غير عادته فعل روتينه اليومى اغتسل وارتدى ملابسة وساعته ونثر عطره المفضل وتوجه الى اسفل وجد سيف جالس على طاولة السفرة يتناول فطوره
فهد:صباح الخير
سيف بهدوء:صباح النور
فهد:اى دة مالك هادى يعنى مش بعادة
سيف:عادى مافيش حاجة بقولك صح انا هرجع الڤيلا انهاردة انت كان معاك حق اسيل وطنط لازم ياخدوا راحتهم وهما بيجهزوا القصر
فهد:اى الهبل اللى انت بتقولو دة انت صدقت الكلمتين بتوع امبارح ولا اى يبنى انت اخويا مش صاحبى وعارف انك بتعتبر اسيل كمان اختك ودة بيتك وانا هنبه على اسيل ماتجيش جمب جناحك خالص
سيف بأبتسامة:اهدى يفهد انا عارف كل دة وطبعا انا مصدقتش كلامك بتاع امبارح انا عارف انك كنت بتهزر بس فعلا الوضع اتغير انت هتتجوز ولازم يكون ليكوا خصوصية اما بالنسبة للجناح بتاعى احب اقولك ان اللى هيقرب منه بأمانة لاجيبه نصين افرض حبيت ارخم عليكوا اسبوعين مثلا
فهد:لا كدة انا صدقت انك سيف فعلا بس برضه اى سبب قلبة بوزك دى انت مش كدة ف العادة
سيف:بصراحة عرفت حاجة انهاردة مش كويسة ومش عارف اقولك ولا لا
فهد:فى اى انطق قلقتنى
سيف بتنهيدة طويلة:صافى رجعت انهاردة
صدم فهد من الخبر ولكن لم يظهر ذلك:طب وفيها اى يعنى اى اللى يوتر ف كدة
سيف:فهد انا عارف انك مصدوم وبتدارى ف بلاش تعمل انك مش مهتم وعادى
فهد:سيف اسمعنى انا فعلا اتفاجأت انها رجعت بس هى كشخص مش فارق معايا تيجى ماتجيش ميهمنيش بالمرة طول ماهى بعيد عنى وعن حياتى
سيف:وانت فاكر ان رجعتها دى كدة عادى اكيد لا طبعا واكيد طبعا هترجع على حياتك مرة تانية
فهد:لغاية ما دة يحصل مالناش دعوة بيها
سيف:مش عارف انت جايب البرود دة منين الصراحة على العموم خلينا ساكتين لغاية مانشوف اخرتها
فهد:تمام انا هروح الشركة وانت كمان يلا نروح
سيف:طب بفطر لسة
فهد:لسة اى بقالك ساعة بتفطر كفاية عليك يلا عشان ماتتخنش يلا على الشركة
سيف:ربنا على المفترى يلا بينا يسيدى
فهد:يلا ياخويا
وذهبوا الاثنان الى الشركة وبالطبع لم يسلموا من نظرات الموظفات الهائمة بهم ونظرات الخوف من باقى الموظفين وصل كل منهم الى مكتبه وعندما دلف فهد الى مكتبه قرر الاتصال ب اسيل
•~•~•~•~•~•~•~•~•~•~•
اما فى منزل اسيل استيقظت اسيل من نومها لانها ليست مرتاحة بسبب نوم لمار الغريب فهى كانت تضع رجل فوق رجل اسيل ويديها حول وسطها فأصبحت كأنها مكبلة
اسيل:اووووف انا بكره بياتها معايا بسبب كدة بحس انى مسجونة مش نايمة وبعدين اى نوم الحيوانات دة كأنى ههرب منها
رن هاتفها ووجدته فهد هو المتصل:السلام عليكم
فهد:وعليكم السلام عاملة اى
هنا ركلتها لمار فى بطنها:الحمد...ااااااة
فهد بقلق:مالك يا اسيل فى اى
اسيل بوجع:اااة مافيش حاجة دى لمار
فهد بأستغراب:لمار؟! اى اللى دخل لمار
اسيل:ماهى نايمة جمبى ونومها غريب شوية فضربتنى ف بطنى
فهد بضحك:هههههه بصى انا مش قصدى بس دة مش نوم بنى ادمين دة نوم كلابى
اسيل بضحك:هههههه قصدك حيوانى
فهد:ياريت تضحكى على طول بجد انتى متعرفيش ضحكتك دى بتعمل فيا اى كأنها بتردلى روحى
اسيل بخجل:وانت متعرفش كلامك دة بيخلينى اتكسف واتوتر كدة ازاى ممكن بس بقى
فهد بضحك:ههههه بس اى انتى هبلة ماينفعش طبعا
اسيل:على فكرة مش هكلمك تانى كدة
فهد:لالالا يستى مقدرش على كدة على العموم انا كنت متصل بيكى عشان اقولك انى بعتلك كذا ملف لازم تراجعهيم وتخلصيهم وماتخافيش مش هايخدوا منك وقت اة وكمان لازم تطبعيهم وانا هبقى اعدى عليكى بليل اخادهم منك
اسيل:تمام هشوفهم واخلصهم
فهد:واتفقى مع مامتك على يوم تيجوا فيه البيت عندى عشان تغيرى اللى انتى عايزاه فيها
اسيل برفض:لالا مالوش داعى مش لازم هو اكيد حلو ومش محتاج تغيير
فهد بأستعجال:ولو يا اسيل دة هيبقى مملكتك ولازم يكون على زوقك انتى....بصى ابقى اكلمك بعدين عشان عندى شغل دلوقتى ماشى
اسيل:تمام ماشى باى
فهد:باى
اغلقت معه الخط وسرحت قليلا فى فهد فهو حقا اصبح لطيف وحنون عليها ابتسمت لا اراديا ولكنها انتفضت على صوت لمار التى بجانبها
لمار:هيييييح هاااااا خلصتى خيالاتك الممحونة يا اخت انتى
اسيل بخضة:بسم الله الرحمن الرحيم انتى مش كنتى نايمة يبنتى
لمار بغضب:لا ياختى صحيت من ساعة النوم الحيوانى والكلابى هااااا
اسيل وهى تحاول كبت ضحكتها:انتى سمعتى
لمار بغيظ:ايوة سمعت يا عين امك واضحكى اضحكى بدل ما تطقى وتموتى وانتى حابساها كدة
اسيل وقد انفجرت ف الضحك:هههههههه معلش يا لمار بس فعلا نومك غريب
لمار:طب ما انا وانتى عارفين من زمان وبعدين هى اول مرة انام جمبك لاسمح الله انا مش فاهمة واحد ومراته بيتكلموا المفروض يكون كلام حب مش تتكلموا عن نومى
اسيل:ماهو دة كان ممكن يحصل قبل ماتدينى بالشلوت ف بطنى واصوت وانا بكلمه
لمار بصدمة:انا عملت كدة
اسيل:اة مالك متفاجئة لى هى اول مرة
لما بخجل من نفسها:لا مش اول مرة بس المرة دى كنتى بتكلمى فهد انا اسفة اوووى يا اسيل اكيد احرجتك معاه حقك عليا اسفة
اسيل:بس يا هبلة انتى اسفة اى وكلام فاضى اى عادى يعنى محصلش حاجة وبعدين انتى لا اول ولا اخر واحدة يعنى يبقى نومها نوم حيوانى😹
لمار بغضب:تصدقى انك حيوانة بقى انا حاسة بالذنب عشان خليتك ف الموقف دة وانتى تقوليلى ان نومى حيوانى😡
اسيل بضحك:هههههههه طب اعمل اى ما دى الحقيقة
لمار:ولاهى بقى انا كدة اذا كان عاجبك
اسيل:طبعا عاجبنى يبنتى انتى بالرغم من الدبش اللى فيكى وعصبيتك دى بس مقدرش استغنى عنك انتى اختى مش صاحبتى انا بعتبرك نصى التانى يا ليمو يا قمر
لمار:حبيبة قلبى كان بودى ارد عليكى بس للاسف زى ما انتى عارفة مش بعرف ارد على الكلام دة😹
اسيل:عارفة عارفة اسكتى
لمار:بس تعالى هنا طالاما بتعرفى تقولى كلام حلو اهو زى القردة اومال فى اى
اسيل بعدم فهم:فى اى مش فاهمة منك حاجة قصدك اى
لمار:قصدى بما انك بتقولى كلام حلو لى بقى مش مدية الواد ريق حلو وعلى طول قافلة من ناحيته كدة هاااا دة بيعمل كل حاجة عشان يرضيكى دة ناقص يجيبلك حتة من السما
اسيل:عارفة يا لمار وهو دة اللى مضايقنى بالرغم من كل اللى بيعمله وكمان قالى بحبك الا انى برضه مش مرتاحة حاسة ان في حاجة غلط ومش مطمنة وانتى عارفة احساسى عمره ماخيب
لمار بتنهيدة:يبنتى سيبك من ام احساسك دة دلوقتى وادى لنفسك ولفهد كمان فرصة مش يمكن يكون احساسك دة هو اللى غلط وانتى ظالماه وساعتها هتندمى اوى يا اسيل
اسيل:معاكى حق خلاص هحاول
لمار:حلو اوى كدة وبما انك اخدتى القرار انك هتحاولى يبقى تبدأى من انهاردة
اسيل:بمعنى
لمار:هو مش بعتلك شغل وقالك تخلصيه وتطبعيه وهو هايجى ياخده منك
اسيل:اة ودة اى علاقته بالموضوع
لمار:اهدى اما اخلص كلام بصى يستى انتى تطبعى الورق بعد ما تخلصى زى ماقالك امين
اسيل:امين وبعدين
لمار:وبعدين يستى تاخدى الورق وتوديهولو المكتب
اسيل:يسلام ماهو هيسألنى يقولى جيتى لى ارد ساعتها اقوله اى انا
لمار بهزار:لا هو لو قال كدة يبقى قليل الذوق وف الحالة دى ترمى الدبلة ف وشه وتطلقى منه بس كدة لا طبعا كله الا الكرامة انتى بنت ناس تحطى كيسين دقيق ف درج المكتب بتاعه وتبلغى عنه هيقضيله يومين تلاتة ف الحبس على ذمة التحقيق لغاية اما يكتشفوا انه دقيق مش هروين وكفاية كدة برضه ساعدك ف حاجات كتير وانتى بت اصل😹😹
اسيل بصدمة:كل دة وبس اسجن الراجل وابهدل سمعته واسمه ينضرب ف السوق وبتقوليلى بس😳
لمار بضحك:هههههه ماهو اللى قليل الذوق
اسيل:خلاص خلتيه قليل الذوق انتى
لمار:الله مش هو قالك اى اللى جابك بذمتك دة ينفع
اسيل:كمان قولتى الراجل حاجة ماقلهاش انتى هبلة يبنتى بقولك افرضى افرضى وبعدين هو هيقول كدة لان هو قالى انه جاى ياخدهم عشان انا اقعد اذاكر
لمار:ف الحالة دى هو اللى غلطان لانه بعبر غلط المهم ساعتها لو قالك كدة تقوليلو حبيت اجى اشوفك واطمن عليك وانتى بتسبلى كدة هااااا😍😹
اسيل بشهقة:لا طبعا مستحييييييييل دة عيب
لمار بملل:عيب مين يا اوختشى لاموأخذة دة جوزك على فكرة يعنى مش عيب ولا حرام
اسيل:بس اتكسف اقولها يا لمار
لمار:لا بصى انتى اتكسفى وانتى بتقوليها لكن ماتتكسفيش تقوليها تمام عشان دة ليه تأثير حلو😹
اسيل:انتى بتجيبى الكلام دة منين بس
لمار بغرور مصطنع:يبنتى انا محدش يتوقعنى
اسيل:معاكى حق خلاص انا هعمل كدة هخلص الشغل واروح اوديه
لمار:اشطا وانا هقول لفرى عشان تبقى تنزلى على طول....اة واعملى حسابك اما هقعد عندك فترة الامتحانات كلها ماشى
اسيل بملل:واى الجديد ما دة العادى بتاع حضرتك يلا اخرجى بقى خلينى اخلص
لمار بغمزة:ايوة بقى الناس اللى مستعجلة دى
القت اسيل الوسادة عليها ولكنها تفادتها وفرت هاربة من الغرفة اما اسيل فظلت تعمل على الملفات وطبعتهم وعندما انتهت اخذت حماما وارتدت فستان من اللونين الابيض والبنفسجى الفاتح وطرحة من اللون الرصاصى مع شنطة صغيرة من نفس لون الطرحة وكوتشى ابيض


خرجت من غرفتها وتوجهت للمطبخ وجدت لمار وفريدة يطبخون الطعام
اسيل:فرى انا رايحة الشركة
فريدة:ماشى يا اسيل بس ماتتأخريش
اسيل:اى دة وافقتى على طول كدة عادى
فريدة:خلاص بلاش خليكى قاعدة وماتروحيش ف حته حلو كدة
لمار بضحك:ههههههه احسن تستاهلى عشان تبطلى لماضة
فريدة بسخرية:يسلااام شوف مين بيتكلم
لمار:احم لى كدة يا فرى الكسفة دى دة انا بحبك
اسيل بشماته:احسن عشان تبقى تشمتى فيا تانى(باين انهم صحاب اوى ولا ابين اكتر🙂😹)
فريدة:ممكن خلاص شغل العيال دة
اسيل:خلاص هسكت ولاهى بس خلينى انزل بليز
فريدة:ماشى روحى وخلى بالك من نفسك
اسيل وهى تقبلها من خدها:ماشى يلا باى انتوا الاتنين
فريدة/لمار:باى
خرجت اسيل من منزلها وتوجهت الى الشركة وعندما وصلت صعدت فورا الى مكتب فهد كانت ستطرق الباب ولكنها احبت ان تفعلها له مفاجأة ففتحت الباب فورا وعندها صدمت بشدة مما رأت لدرجة انها لم تستطع ان تتحرك او تتحدث حتى ف هى رأت.....


google-playkhamsatmostaqltradent