رواية لخبطة مشاعر الفصل الاول 1 - بقلم اسماء محمد

الصفحة الرئيسية

 رواية لخبطة مشاعر (كاملة جميع الفصول) حصريا عبر دليل الروايات بقلم اسماء محمد

رواية لخبطة مشاعر الفصل الاول 1

الفصل_الأول

البقاء لله يا أنسة أهلك في ذمة الله

وقفت مصدومة وهي مش مصدقة إللي بيحصل حاسة إنها بتحلم وإن كل إللي بيحصل مجرد هلاوس وهتفوق تلآقى عيلتها موجودة وكل واحد في أوضته

الدكتور فضل مراقب صمتها بتعجب معملتش أي رد فعل
من الصدمة وقفت من غير ما تقول كلمة
صعبت عليه منظرها يغني عن أي سؤال
قرب منها : أنسة يا أنسة
بصت له بتوهان : نعم ، حضرتك بتنادينى ؟
: أنا دكتور أدهم
مش مركزة تماما بس ابتسمت : وأنا خلود
حس وجعها وصدمتها من صوتها وانها لسه في مرحلة الصدمة
سكت مش عارف يقول إيه ؟ ولا يواسيها بإيه ؟ حس أد إيه إنه صغير ادام بنت خسرت أهلها كلهم في يوم واحد واتيتمت وهو عمال خناقات متكررة مع والده وأحيانا بيتخانق مع والدته حس أد إيه إن الدنيا صغيرة وإن ممكن الحياة تحطه في نفس موقف خلود ويتحرم من عيلته اتكسف من نفسه إنه ساب البيت وقرر يبات في المستشفى كام يوم بسبب خناقات والده المتكررة معاه
قرب منها : انتي كويسة؟

بصت ليه نظرات زايغة ومش عارفة تعمل إيه ؟ حرفيا دماغها مشلولة مش بتفكر دماغها عبارة عن فراغ وبالتالي هي حاسة إن عنيها زاغت وانها مش مركزة في حاجة
خلود : أنا ظالمة ،حاسة إني ظلمتهم حاسة إني السبب لا أنا السبب أيوة أيوة
فضلت تردد إنها السبب وواحدة بدأت تصرخ وتفوق من الصدمة وتعمل رد فعل بس مكنش متوقع إنها تقع من طولها فجأة كدا
وبدون أي كلام نادى علي الممرضة إللي جريت بمجرد ما سمعت صوته  وهو شالها علي أقرب أوضة كشف وحطها علي سرير وبدأ يفحصها وهي بتردد في حالة لا وعي : أنا السبب يا ريتني موت قبل ما كون سبب موتهم أنا السبب
بسرعة أداها حقنة مهدأة وأمر الممرضة تعلقلها محاليل وبعدين بصلها : خدي بالك كويس منها يا سهير وعينك عليها لأنها بمجرد ما هتصحي هتنهار ودي مرحلة بعد الصدمة عينك عليها كويس وأنا كل شوية هاجي اطل عليها مفهوم؟
سهير : أمرك يا دكتور
تركهم وخرج بغضب وحزن شديد من نفسه ،دخل مكتبه ورمي نفسه علي الكنبة الكبيرة وبدأ يستعيد ذكرياته الحلوة مع باباه أيامهم سوا بس شاف إن هي أوقات قليلة خطفها الزمن لكن الخناق والخصام كتير واسهل حاجة يعملها يسيب البيت وييجي المستشفى يفضي همه في الشغل لحد أمتي ؟ لحد أمتي هيفضل الحال كدا ؟ لحد ما يتفاجئ بنفسه بيخطفه الزمن بيتحط في موقف زي ده ؟
حس بضعفه وغباؤه وإنه لازم يصلح الغلط دا قبل فوات الاوان وحس إن محنة خلود دي اتحطت قدامه عشان يراجع نفسه يااااه علي الدنيا ،لقي نفسه بدأ يفكر في خلود وشاف اد إيه مسكينة ؟ بس يا تري عملت إيه شايفة إنه سبب موت عيلتها أبوها وامها وأخوها إيه هو السبب إللي يخليها انهار فجأة كدا ؟ خسرت أهم ركن في حياتها وبقت يتيمة حرفيا بقت يتيمة يا ترى هتعمل إيه ؟ وفين باقي عيلتها ليه محدش ظهر لحد دلوقتي ؟

صحيت خلود وهي بتطارد في كوابيسها وبتنهج ،صرخت بإسم عيلتها وهي بتبكي وحست إن حياتها انهارت ودنيتها كمان إنتهت هتكمل إزاي من غيرهم ؟ كانت فاكرة إنها لازم تحطهم ادام الأمر الواقع ؟ تسوى إيه الدنيا دلوقتي قصاد نظرة واحدة منهم
دخلت الممرضة علي صوتها لقتها بتعيط جامد وفي حالة انهيار تام صعبت عليها وراحت قعدت جنبها : البقاء لله ،بس آنتي ليه منهارة دا قضاء الله المفروض تكوني قوية عشان تواجهي الدنيا دي
هي بتتكلم وخلود بتعيط وفي دنيا تانية
سهير : علي فكرة أنا عارفة إنها صعبة والله واحساس بالعجز إنك تحسي إن أمان الدنيا كله اتحرمتي منه للأبد بس هتفوت أيام وتعدي السنين وجرحك لازم يلتئم لانك لو ضعفتي الغابة وحوشها هتنهشك ومش هينقذك منها إلا رب العباد وقوتك ،لازم تقوي نفسك انهاري لازم تنهاري بس آخر اليوم بعيد عن عيون الناس ،انهاري وفضي مخزون ضعفك عشان تخرجي الصبح تآني يوم مخزون قوة و
قاطعتها خلود : الكلام سهل بس الإحساس والفعل أصعب بكتير كتير آوي
صرخت : ااااه محدش حاسس بالنار إللي جوايا محدش حاسس إني في اللحظة دي بتمنى الموت أنا حرفيا كرهت الدنيا من بعدهم يارب يطلع كل إللي أنا فيه دا كابوس أو تذكير عشان ألحق نفسي من أي ضرر يصيبهم

بصت لسهير : طلة واحدة في عيونهم ،طلة واحدة بالدنيا كلها
أبويا الأمان والصدر إللي برمي حمولي عليه وخوفي وبشكيله عشان يجيبلي حقي وأمي مصدر الهامي وقوتي وأستاذتي إللي بتعلم منها واخويا الفرحة إللي بتنور بيتنا والشقاوة إللي مدية روح لحياتنا ،كل ده كل ده مكنتش مقدراه وحاسة بيه كنت مخنوقة من كل ده ، كنت كنت مغفلة ،هعمل ايه أنا دلوقتي من غيرهم

صرخت بإنهيار : هعمل إيه ؟
إنهارت تآني  وفجأة بصت للفراغ ادامها ومكنش ادامها غير حل وحيد وبس عشان ترتاح من التعاسة الفراغ إللي هتعيش فيه من بعدهم أيوة لازم ترتاح من تأنيب الضمير
وبصت للمقص بتوهان بس قبل ما تعمل كدا حصلت حاجة منعتها من  الوصول له.....


  •تابع الفصل التالي "رواية لخبطة مشاعر" اضغط على اسم الرواية 

google-playkhamsatmostaqltradent