رواية القاسي و القوية الفصل السادس عشر 16
فى صباح يوم جديد يستيقظ بطلنا الوسيم بسبب اشعة الشمس المسلطة على وجه نظر الى هاتفه ف وجد ان الساعة 8 صباحا ف قام اخذ حماما دافئا وخرج ارتدى ملابسه ونزل الى الاسفل ف قابل انعام
فهد:صباح الخير يا دادة
انعام بأبتسامة:صباح النور يبنى
فهد:قوليلى يا دادة هو سيف صحى
انعام:اة صحى وقاعد بيفطر هو ومدام سوزى
فهد:مدام مين هى لسة هنا ف القصر
انعام:اة يبنى لسة موجودة وبتفطر جوة كمان
فهد:ماشى يا دادة بقولك معلش جهزيلى كل هدومها ف شنطة واستنى لما انده عليكى
انعام بأستغراب ولكنها لم تتحدث:حاضر
فهد:شكرا يا دادة ممكن تروحى انتى دلوقتى
انعام:تمام
رحلت انعام وظل فهد واقفا لبعض الوقت وهو يتوعد لتلك السوزى وتوجه الى غرفة السفرة وفعلا كانت تفطر بكل برود وكأنها لم تفعل شيئاً
فهد:انتى بتعملى اى هنا
سوزى:قصدك اى يعنى هكون بعمل اى
فهد:والله انا اللى بسأل انتى بتعملى اى هنا شكلك حابة انى اتصرف معاكى تصرف ميعجبكيش
سوزى:لى هو انا عملت اى اصلا عشان كل دة
سيف بذهول:يخربيت بجاحة اهلك يشيخة انتى اى البجاحة اللى انتى فيها دى بعد كل اللى عملتيه امبارح وبتسألى عملتى اى
سوزى ببرود:اة عملت اى ماهو كان لازم اعرف اذا كانت دى تمثيلية فعلا ولا لا انا مش بثق ف فهد
فهد بنبرة باردة ولكنها مخيفة جعلها ترتعب:ولا انا بثق فيكى وكنت عارف انك هتعملى كدة بس انا قولت يمكن لما انبهك تتراجعى عن اللى ف دماغك بس بما انك اختارتى تعاندى استحملى بقى اللى هيحصلك….دادة انعاااااااااام
انعام:نعم #بقلم مريم_هانى🖋✨
فهد:هدوم سوزى هانم جهزت ف الشنطة
انعام:ايوة لميت كل الهدوم زى ماطلبت
فهد:تمام خلى الخدم يرموا الشنطة برة
سوزى بعصبية:اى اللى انت بتعمله دة ازاى تعمل كدة هاااا
فهد:والله دة بيتى وانا حر اقعد فيه اللى يعجبنى وامشى اللى يعجبنى وبعدين وفرى عصبيتك دى شوية للجاى واللى هعمله فيكى انا نبهتك اكتر من مرة وقولتلك بلاش المح طيفك حتى هناك عشان هترجعى تندمى ومع ذلك انتى مش بس خالفتى كلامى وروحتى لا وكمان كنتى بتحاولى تبوظى الجوازة وبعد كل دة جاية تتحجى بأنك عايزة تتأكدى انى مش بكدب طب ما انا اكدت دة قدامك انتى وفوزى ومكنتش اعرف انه هنا يبقى اى بقى
سوزى بتوتر وخوف:ححتى لو بردو من حقى اتأكد بنفسى من الكلام اللى سمعته مش يمكن كنت عارف انى هعمل كدة ومتفق معاها ما انت داهية
فهد بأبتسامة خبيثة:طب كويس انك عارفة انى داهية وعارفة انا مين واقدر اعمل اى….انا هخرج دلوقتى لو رجعت لاقيتك لسة هنا انا هوريكى الجحيم هخليكى تتمنى الموت ومتطوليهوش
رحل فهد تاركا سوزى خلفة ترتجف من الخوف فأقترب منها سيف جعلها تنتفض ذعرا من حركته
سيف بسخرية وشماتة:بس بس ماتخافيش يا طنط هو مشى خلاص دة انا بقولك اى نصيحة منى امشى من هنا احسنلك انتى بالرغم من كل اللى تعرفيه عن فهد الا انك ماشوفتيش لسة الوحش اللى جواة ف بلاش يخرج عليكى انتى لانك الوحيدة اللى هتضر سلام يا انطى
خرج سيف ايضا متوجها الى الشركة تاركا تلك التى تغلى من الغضب:ماشى يافهد بقى عايز تطردنى من البيت وبتهددنى طب تمام اوى استنى انت بقى اللى هيجرالك على ايدى مهو مش بعد كل اللى عملته وبعد ما استحملت ابوك كل دة تيجى انت وتطردنى ف الاخر واطلع من المولد بلا حمص دة على جثتى والجوازة دى مش هتم يعنى مش هتم
اجرت مكالمة مع شخص مجهول وظلت تتحدث معه قليلا وبعدها اغلقت الهاتف واخذت ثيابها وخرجت من القصر ولكنها تتوعد وتقسم انها ستعود مرة اخرى
•~•~•~•~•~•~•~•
وصل فهد الى شركته بهيبته التى تخطف الانفاس صعد الى مكتبه فورا لكن لم يجد اسيل جالسة فوق مكتبها فأستغرب كثيرا
فهد بأستغراب:لسة مجتش مش من عادتها تتأخر..تقريبا😅اااااة صح اكيد مامتها مش هتسمحلها انها تشتغل تانى غير لما كل حاجة تتم رسمى اكيد
ذهب الى مكتبه وامسك هاتفه وطلب رقم اسيل دقائق حتى اتاه ردت عليه
اسيل بنوم:الو
فهد بأبتسامة خلابة:تعرفى ان صوتك جميل جدا وانتى لسة صاحية من النوم
اسيل:نعم مين معايا
فهد بنفس الابتسامة:معقول مش عارفة صوتى يعنى
اسيل بغضب:لا مش عارفة صوتك بروح امك على الصبح يعنى مصحينى من احلاها نومة ومعكنن عليا عشان تقولى معقول مش عارفة صوتى”بتريقة”لا يعم مش عارفاه تكونشى تامر حسنى وانا معرفش يلا هااااا
هنا انفجر فهد ضاحكا ولم يستطع التحمل اكثر من ذلك:ههههههههه يخربيتك مسورة وفتحت هههههههه اى يبنتى كل دة عشان قولتلك مش عارفة صوتى بجد فصلت مش قادر امسك نفسى من الضحك هههه
اسيل بضيق:يعم اخلص انت متصل عشان تضحك ولا اى هتقول انت مين ولا اقفل واعمل بلوك واريح دماغى
فهد بعد ان هدأ:انتى مش مسجلة رقمى يا اسيل
اسيل بأستغراب:انت عرفت اسمى ازاى استنى كدة ثوانى…..رأت الاسم على الشاشة وتفاجأت ان المتصل هو فهد
فهد:روحتى فين #بقلم مريم_هانى🖋✨
اسيا بأحراج:احححم استاذ فهد انا اسفة مأختش بالى من الاسم اسفة جدااا لحضرتك
فهد بضحك:هههههه لازمتها اى استاذ وحضرتك بقى دة انتى مسحتى بكرامة اللى خلفونى الارض
اسيل بأحراج اكبر واصبح وجهها كالطماطم:بجد اسفة بس انا كنت لسة صاحية ومبصتش على الاسم
فهد بأبتسامته الجميلة:خلاص ولا يهمك بس بلاش تقلبى طماطم كدة
اسيل بصدمة:انت عرفت منين انت هنا
فهد:لا مش عندك ولا حاجة
اسيل:تبقى مركب كاميرات صح
فهد بضحك:ههههههه حرام عليكى يا اسيل هتموتينى من الضحك كاميرات اى بس
اسيل بتسرع:بعد الشر
فهد بخبث:قولتى اى
اسيل وهى تلعن غبائها:ااااا بقول اومال عرفت ازاى
فهد:هعديها بمزاجى اما عرفت ازاى دى انا عارفك وحافظك وعارف كل حركاتك وردات فعلك
اسيل:وانت عرفت كل دة ازاى بقى
فهد:يمكن كنت مركز معاكى دايما لانك تهمينى مثلا
اسيل بأرتباك:اااسستاذذ ففهد بعد اذنك بلاش كدة وياريت ماتنساش ان اللى بينا هو اتفاق وبس ومش هيبقى فيه حاجة تانية ف ياريت الكلام والتمثيلية دى تبقى قدام الناس بس لكن بينا وبين بعض نتعامل عادى مجرد مدير وسكرتيرته
فهد بحزن وأنكسار:يعنى هو دة اللى فهمتيه من معاملتى ليكى فهمتى انى بمثل وبس لكن ماجاش فى بالك انى ممكن اكون……وصمت قليلا
اسيل:انك اى
فهد بغضب:انى غبى انا غبى عشان بحاول اكون كويس معاكى بس للاسف كل مرة بتفهمى وتفسرى معاملتى ليكى على مزاجك يا انسة اسيل انا بجد مش عارف اعمل اى عشان ارضيكى بجد مالحظتيش التغير اللى فيا مافكرتيش ولو لمرة واحدة انا ازاى ساكتلك بعد كل اللى عملتيه ضربتينى بالقلم وتردى عليا وتتحدينى وقبل كدة برضه فسرتى معاملتى ليكى غلط انتى عارفة لو حد تانى مكانك كان زمانه ف خبر كان وبيترحمه عليه من بدرى وبعد كل دة برضه بتفهمينى غلط طب اعمل اى عشان ارضيكى
اسيل وقد احست بنبرة الانكسار واحست انها فعلا جرحته:ااانا مقصدش ببس…
قاطعها هو قائلا:تقصدى او لا خلاص مش فارق معايا يا اسيل انا كنت اتصلت بيكى عشان اقولك انى هعدى عليكم على الساعة5 عشان نروح نجيب الشبكة واة بالمناسبة من هنا ورايح طول ما مافيش ناس حوالينا هتعامل معاكى على انى مديرك وبس عشان ترتاحى وماتحسيش انى بمثل عليكى سلام
اغلق الخط دون السماع لردها وظل يغلى من الغضب وهو يفكر احقا لم تفهم سبب تغيره اهى غبيه ام هو الذى لا يوضح لها مشاعره ولكن هو تغير معها كثيرا اصبح يعاملها بلطف وحنيه فلماذا تعتقد انه يستغلها ويمثل عليها ظل يفكر هكذا الى ان دخل سيف المكتب
سيف:يااااااا فههههههههههد
فهد بعصبية وقد انتبه له اخيرا:اييييييي فى اى يا زفت مالك بتجعر لى وبعدين ازاى تدخل من غير ما تخبط هاااا
سيف بزهول:اى يبنى مالك متعصب لى وبعدين بجعر عشان حضرتك بقالى ساعة واقف قصادك وانت ولا كأنك هنا اما بخصوص الباب انا خبط بس انت مردتش ف دخلت بس كدة
فهد:بس كدة اى البرود اللى انت فيه دة هاااا
سيف:البرود اللى انا فيه دة عشان اعرف استحمل عصبية حضرتك اللى بتطلع فجأة وبتبقى عليا انا
فهد:اعمل اى انت موعود بكدة دايما بتيجى ف الوقت اللى ببقى فيه فى قمة عصبيتى وغضبى
سيف بضحك:مرزق بعيد عنك ههههههه
فهد بأبتسامة خفيفة:فعلا #بقلم مريم_هانى🖋✨
سيف:واخيرا يعم تبسمت دة احنا ف عصر المعجزات يجدع
فهد وقد عاد لجموده:كنت جاى لى بقى
سيف:ياااااا اعوذ بالله يبنى عادى لو ضحكت بأمانة دى مش جريمة دة لو جريمة هتعملها بدم بارد عادى
فهد:هتقول جاى لى ولا اطردك برة
سيف:لا لا انا اسف بص يسيدى……
قاطع كلامهم دخول شخص غريب قائلا وعلى وجه ابتسامة خبيثة غير مريحة:اذيك يا فهد
نظر سيف الى الشخص الواقف بزهول وصدمة تامة اما فهد فلم يبدى اى ردة فعلا وظل على جموده ولكنه رد قائلا………..
•~•~•~•~•~•~•~•~•
اما عند اسيل عندما اغلق فهد الهاتف معها ظلت تلعن غبائها قائلة:انا غبية غبية ازاى اجرحه بالطريقة دى نبرة صوته كانت حزينة وفيها انكسار ازاى اعمل كدة
ظلت على حالتها الى ان سمعت صوت والدتها من الخارج تناديها فخرجت اليها
اسيل:ايوة يا فرى فى حاجة
فريدة:يبنتى مرة واحدة قوليلى ماما
اسيل بمرح:الله ما انا قولتلك قبل كدة ماما لما عملتى العملية دة انتى ناكرة جميل بصحيح
فريدة بصدمة:اة يبنت الجزمة انتى ماتقوليش ماما غير لما اعمل عملية طب خدى….حدفتها بالشبشب
اسيل وهى تتفاداها:ومجاتش عليا ومجاتش عليا😜
فريدة بغيظ:طفلة ف جسم شحطة كبيرة بقى انتى ف هندسة وكمان هتتخطبى الاسبوع الجاى
اسيل بضحك:اااة شوفتى الدنيا غدارة ازاى يافرى ههههههه
فريدة بضحك:هههههه فى دى معاكى حق الصراحة
اسيل بغرور مصطنع:طول عمرى
فريدة بجدية:ماشى ودلوقتى قوليلى فهد هايجى امتى عشان ياخدنا
اسيل:الساعة 5 لسة قافل معايا وقايلى
فريدة:ماشى بس بعد كدة كلامه هيبقى معايا انا عايز يكلمك فى التليفون يبقى لما تكتبوا الكتاب
اسيل:حاضر هبقى اقوله
فريدة:لا انا هبقى اكلمه ودلوقتى يلا نفطر وابقى اتصلى على لمار وقوليلها تيجى وانا هتصل بأمها كمان…..اة صحيح هو الواد عمار سافر تانى ولا لسة
اسيل:تقريبا لسة عشان كان بيقول ناوى يطول المرة دى وبعدين يسافر اى ف الكورونا دى دة سبحان اللى خلاه عرف يرجع اصلا من برة😹😹
فريدة:معاكى حق على العموم هبقى انبه على صفاء تخليه يجى هو كمان دة ف مقام اخوكى برضه
اسيل:اشطا يقلبى
فريدة بقرف:اى دة مخلفة سواق توكتوك جاتك الارف اوعى كدة
وتركتها ودخلت المطبخ اما اسيل:مالها الولية دى قرفانة منى كدة لى وبعدين دة انا عسسسسسل اصلا
فريدة من الداخل:عسل اسود ومهبب بنيلة اخلصى افطرى يلا عندنا شغل كتير
اسيل:حاااااضر #بقلم مريم_هانى🖋✨
انتهت اسيل من فطارها واتصلت على لمار انتظرت قليلا حتى ردت عليها
اسيل:ساعة عشان تردى يحجة انتى
لمار بهزار:انا الحمدلله يقلبى وانتى اى اخبارك كويسة طب دايما يعمرى
اسيل بضحك:ههههههههه يخربيتك مجنونة
لمار:دة اللى هو انا يعنى وبالنسبة للبلاعة اللى فتحت ف وشى اول ما رديت اى دنيتها
اسيل:سيبك سيبك المهم ماما بتقولك تعالى يلا عشان استاذ فهد جاى الساعة خمسة وماما هتتصل بطنط صفاء تعزمها هى وعمار
لمار:خلاص اشطا نص ساعة واجيلك
اسيل:اشطا مستنياكى باى
لمار:باى
اغلقت لمار واسيل وما هى الا نصف ساعة بالفعل واتت لمار طرقت الباب ففتحت لها اسيل
اسيل:ف معادك بالظبط مصاحبة ساعة يربى
لمار:هاهاها خفة اوعى من وشى خلينى ادخل
اسيل:خشى خشى ماهى زريبة هى
لمار:مش انتى عايشة فيها تبقى زريبة طبعا😜
اسيل بغيظ:رخمة بأمانة
لمار بضحك:ههههه عارفة المهم فين طنط
اسيل:بتكلم مامتك جوة
لمار:بااااااس معانا ساعتين كدة تعالى بقى اجهزك
اسيل:استنى عايزة اقولك حاجة مهمة حصلت
لمار بقلق:فى اى قولى قلقتينى
اسيل:اهدى اهدى مافيش حاجة تخوف
لمار:اومال فى اى
اسيل بتوتر:ببببصى هههو ييعنى اللى حصل….وقصت عليها كل شئ بخصوص مكالمة فهد
لمار بصدمة:يخربيتك انتى ازاى تقولى كدة…….
نكمل بكرة بقى تعبت خلاص😹💖
ياترى مين الشخص اللى دخل على فهد المكتب واى علاقته بفهد؟!
ياترى اسيل هتعمل اى مع فهد؟!
عايزة رأيكم ف الشخصيات😘
اسيل
فهد
لمار
سيف
يتبع….
- يتبع الفصل التالي اضغط على ( رواية القاسي و القوية ) اسم الرواية