رواية زواج قاصر (كامله جميع الفصول) حصريا عبر دليل الروايات بقلم ايه عرفات
رواية زواج قاصر الفصل الثامن 8
زواج قاصر البارت الثامن
سهام: لا ده مش معقول ابدا ده على جثتي
احمد :تقدري تقولي انت رافضه ليه
سهام: مش رافضه ولا حاجه بس ازاي انت عايز تجوز ابني الثاني برده من واحده فلاحه وواحده صعيديه انت ايه عايز تموتني
احمد: الصعيديه اللي انتي بتقولي عليها دي هي اللي هتستحمل ابنك وهي اللي هتصونه وهي اللي هتحافظ عليها وهي اللي هتعرف تخرجه من الحاله اللي هو فيها وما تخافيش هي متعلمه تعليم عالي وفي الجامعه الامريكيه
سهام :لا انا مش موافقه خالص والكلام ده مش هيحصل ابدا
احمد: انا مش باخد اذنك انا بعرفك وخلاص
احمد ساب سهام وطلع من الغرفه قابل يوسف في طرقه الفيلا
احمد :لا مش معقول يوسف رايح الكليه انا مش مصدق نفسي
يوسف :لا صدق يا بابا ساره اصرت اني انا اروح الكليه
احمد :والله بنت برافو عليها ده انا غلبت معاك بجد
يوسف: انت ليه صاحي بدري قوي كده يا بابا مش عوايدك انك تصحى بدري
احمد: انا هلبس وهسافر البلد دلوقتي حالا
يوسف: البلد ودلوقتي اشمعنا يا بابا احنا لسه جايين امبارح
احمد :في موضوع لازم اسافر واخلصه حالا النهارده قبل بكره
يوسف: موضوع ايه يا بابا
احمد :موضوع جواز اخوك لازم اتجوز اخوك النهارده قبل بكره عشان يطلع من الحاله اللي هو فيها دي
يوسف: انت صدقت كلام الدكتور يا بابا
احمد :كلام الدكتور هو الصح انا زي ما فكرتش في الحاجه دي من زمان
يوسف: وانت هتجوزه مين بقى ان شاء الله
احمد: انا هجوزه بنت حماك
يوسف: قصدك مريم اخت ساره
احمد: ايوه هي بنت متعلمه ومثقفه ومحترمه
يوسف: وتفتكر اخويا ادهم هيوافق
احمد :انا هحطه قدام الامر الواقع انا هنزل البلد بالتوكيل الرسمي اللي هو عامله لي وهكتب عليها وهجيبها وهاجي
يوسف :طب استنى يا بابا هاجي معاك
احمد :لا خليك انت لسه عريس جديد انا هروح يوم وهرجع صد رد مش هغيب
احمد غير هدومه واتجه الى الصعيد
ساره :غيرت هدومها ونزلت قعدت في الصالون
سهام :كانت نازله على السلم جريت عليها ساره وقالت لها صباح الخير يا ماما
سهام :ماما مين دي انت اتهبلتي ولا ايه اول واخر مره اسمعك تقولي كلمه ماما دي
ساره :بخجل وطت راسها في الارض وقالت لها انا اسفه
سهام: مش على اخر الزمن واحده زيك تقول لي انا يا ماما انا اسمي سهام هانم وتقولي لي يا سهام هانم فاهمه ولا لا
ساره :بكسره نفس فاهمه فاهمه والله
سهام :وايه العبايه اللي انت لابساها دي وايه الشكل اللي انت ظاهره بيه دي انت دلوقتي حرم يوسف احمد مختار الالفي يعني انت واجهه مهمه للبلد يعني انتي حرم ابن اكبر راجل اعمال في مصر ما ينفعش تبقي بالمنظر ده
ساره: بدموع طب انا مش عارفه البس ايه واعمل ايه ممكن حضرتك تفهميني بالراحه
سهام: انا هبعت لك واحده تنقعك في ميه وصابون وتنظفك وتلبسك وتخليكي بمظهر احلى من ده ايه القرف ده
ساره: حاضر اللي انتي عايزاه يا هانم
ادهم :من فوق وبصوت عالي امي امي
سهام: نعم يا حبيبي
ادهم :انتي ازاي تكلمي مرات ابنك بالاسلوب ده هي دلوقتي ما بقتش غريبه هي دلوقتي بقت مرات ابنك يعني لازم اسلوبك يبقى احسن من ده مالها شكلها وماله مظهره
سهام: خليك يا حبيبي في اللي انت فيه ما لكش دعوه بالكلام ده
ادهم بصوت عالي: ازاي ما ليش دعوه بالكلام ده وايه اللي انا فيه ما انا طبيعي اهو دلوقتي دي بقت مرات اخويا يعني احترامها من احترام اخويا واحترامي فتكلميها باسلوب احسن من كده لو سمحتي
سهام :هو انت بتعلي صوتك عليه عشان واحده زي دي
ادهم: سهام هانم حضرتك انا ما بعليش صوتي عليك انا بس بفهمك الوضع اللي هي فيه البنت ما غلطتش لما قالت لك يا ماما هي اعتبرتك مامتها ما ينفعش تكلميها بالاسلوب ده
سهام طلعت من الفيلا وراحت على شغلها وكانت معصبه جدا
ساره جريت على اوضتها وفضلت تبكي وفجاه يوسف دخل عليها ولقاها بتعيط جري عليه علي فرب منه
يوسف :ايه بتعيطي ليه
ساره: لا ما فيش حاجه حصلت انا بس البيت غريب عليا ومش عارفه اي حاجه فيه
يوسف: ما تكدبيش عليا حد زعلك او حد عمل لك حاجه ماما كلمتك طب ادهم اخويا عملك حاجه
ساره: لا لا لا ادم اخوك محترم جدا ما عمليش اي حاجه ومامتك كمان محترمه جدا ما عملتليش اي حاجه بالعكس انا حبيت مامتك جدا وهي حبتني جدا وكنا وقعدنا فضلنا نتكلم كثير قوي
يوسف: طب بصي في عيني كده
ساره :خلاص يا يوسف ما حصلش حاجه اجهز لك الغدا
يوسف: انت هنا ملكه ما فيش حاجه اسمها جهاز لك الغداء في حاجه اسمها هخلي الشيف يجهز الغداء ويحطه علي السفره
ساره: انا اسفه حاضر هخلي الشيف يحط الغداء على السفره
يوسف :ما تتعبيش نفسك انا قلت له وانا طالع يحط الغداء يلا هغير هدومي نتغدا سوء
كلهم قاعدين على الغداء سهام وادهم ويوسف وساره
يوسف كان عمال يتكلم مع ساره ويضحكوا مع بعض
سهام: من امتى احنا بنتكلم على الاكل يا يوسف لو سمحت بص قدامك وكل
يوسف :ما فيش حاجه يا ماما لما نتكلم على الاكل الكلام على الاكل مش غلط
سهام :هو انتم في ايه انتو الاتنين هو انتم الاثنين بقيتوا بتردوا عليا
يوسف: بنرد نقول ايه يا ماما ما فيش داعي لكل ده حاضر انتي مش عايزاني اتكلم علي الاكل انا مش هتكلم
سهام: ايوه ما تتكلمش ويا ريت تبص قدامك وتاكل وانتي كمان يا اسمك ايه ما تتكلميش على الاكل خلي ابني يعرف ياكل
في الدوار عند الحاجه مختاره دخل احمد مختار ما كانش مصدق نفسه
مختار: ايه يا ولدي حنيت لينا ولا ايه
احمد: ازيك يا بوي
مختار: بخير يا ولدي خير نسيت حاجه ولا في ايه
احمد: لا ما نسيتش حاجه يا ابوي انا بس كنت جايه اتكلم معاك في موضوع
مختار :موضوع ايه يا ولدي خير قلقتني البنت ساره عملت معاكوا حاجه عفشه
احمد: لا يا بوي هي تربيتك عمرها ما هتعمل حاجه وحشه
مختار: امال ايه يا ولدي خير
احمد: انا جاي طالب ايد مريم بنت اخويا سليمان لابني الكبير ادهم
مختار: مريم بس يا ولدي مريم لسه بتكمل علام ومش في دماغها الجواز دلوقتي
احمد: مريم يا ابويا علمها في مصر وبدل ما بتروح تقعد في بيت الطلبه هناك وانت تمشي معاها غفير يحميها ويحرسها بدل كل ده تيجي معانا تيجي تتجوز ابني معانا وتكمل علامها زي ما هي عايزه انا ابني مهندس
مختار :ليه اخترت مريم بالذات يا ولدي وبدام كده ليه ابنك ما جاش يقعد معانا ويشوف عروسته ويكرر هو اذا كان موافق ولا لا ما جايز ما تعجبوش
احمد :انا ابني يا ابوي بيمر بظروف صعبه جدا محتاج واحده تبقى معايا وتسنده وتطلعوا من الحاله الي هو فيه
مختار :حاله ايه يا ولدي
احمد حكى لمختار كل حاجه
مختار: يعني انتم ما تعرفوش الحاله اللي هو فيها دي وصل لها ازاي
احمد :لا والله يا ابوي والدكتور صمم ان هو يتجوز وانا ما لقيتش احسن من بنت اخويا تقف جنبي وتسندني نغيره من الحاله الي هو فيه
مختار :انا مش هلاقي احسن من ابن ابني يتجوز بنت ابني بس في الاول وفي الاخر انا هتكلم معاها واللي في الخير يقدمه ربنا
احمد :خلاص يا ابوي انا هطلع ارتاح وانت اتكلم معها
مختار: اطلع يا ولادي
وبعد شويه دخلت مريم على جدها
مريم: عايز حاجه يا جدي انا باذن الله هتحرك بعد شويه عشان عندي محاضره الصبح
مختار: اقعدي يا بنتي انا عايزه اتكلم معاكي شويه في موضوع ضروري
مريم :خير يا جدي اتكلم انا سامعاك
مختار :عمك كان عندي ولسه طالب ايدك لابنه ادهم الكبير هو مهندس وعايشين في مصر وبدل المرمطه كل شويه هتعيشي معاهم هناك
مريم: هتجوز وابن عمي يا جدي انا مش في دماغي الجواز ولا في دماغي الموضوع ده خالص انا بتعلم ولسه قدامي كتير انا حتى عمري ما شفت ابن عمي ده في حياتي
مختار: هو طلب ايديك مني وانا وافقت
مريم :يا جدي انت ما ينفعش تقرر بالنيابه عني اذا كنت توافق اوترفض دي حياتي وانا حره فيها
مختار :انتي ازاي تتكلمي جدك بالطريقه دي انا اللي غلطان ابوك ياما قال لي لا يا ابوي علام البنت بيفتح عينيها وانا وقفت قدام الدنيا كلها قلت له بنتك هتتعلم يعني هتتعلم وفي الاخر تقولي لي دي حياتي وانا حره فيها
مريم :انا اسفه يا جدي ما كنتش اقصد
مختار :كلمه ورد غطاها يا توافقي على ابن عمك وتتجوزيه يا اما تسيبك من الكليه وهمنعك تروحيها وهتعيشي هنا زيك زي ولاد عمك زي اللي موجودين هنا وده اخر كلام عندي
،،،،،،،،،،،،،،،،،،،،،،،،،،،،،،،
الي اللقاء في البارت التاسع
•تابع الفصل التالي "رواية زواج قاصر" اضغط على اسم الرواية