رواية الم البداية (كاملة جميع الفصول) حصريا عبر دليل الروايات بقلم فريده احمد
رواية الم البدايه الفصل الثالث و الاربعون 43
الم البداية
الفصل الثالث والاربعون
ريم فتحت باب الاوضة واول ما بصت علي الارض اتصدمت لما لاقت شيرين واقعة علي الارض
ريم جريت عليها بسرعة وهي مخضوضة
ريم بدموع وهي بتحاول تفوقها .. شيرين قومي ياشيرين
وحاولت كتير تفوقها لكن مفيش فايدة
ريم قامت بسرعة مسكت تليفونها واتصلت على حازم
................
عند حازم كان قاعد في مكتبه في القسم وأمجد قاعد قدامه وبيتكلمو في الشغل كانو بيتكلمو علي قضية شغالين عليها
فجأة قاطعهم تليفون حازم لما رن وكانت ريم
حازم رد عليها واول ما سمع صوتها اتخض
ريم كانت بتعيط بانهيار وهي بتقول .. حازم الحقني بسرعة ياحازم بسرعة
حازم بقلق قالها .. ايه في ايه . مالك ياريم
ريم وهي مش عارفه تتكلم من العياط.. ش.شيرين . شيرين واقعة . على الارض ومش عارفه . افوقها
حازم قام وهو بيقول .. ايه اللي حصل
ريم .. رجعت من بره لاقتها كده .الحقها ارجوك
امجد قام هو كمان وهو مخضوض ومش فاهم حاجه
حازم .. طيب اهدي اهدي وانا جاي حالا
امجد بقلق .. خير ياحازم في ايه
حازم وهو بياخد مفاتيحه .. شيرين تعبت
امجد بخوف .. ايه انت بتقول ايه . شيرين مالها ياحازم
حازم وهو خارج وأمجد معاه.. تعبت ياأمجد . ريم بتقول انها مغمي عليها انا مفهمتش منها حاجه
وخرجو الاتنين بسرعة وطلعو على شقه شيرين
وخدوها ونقولها علي المستشفى
..........
في المستشفى
كانو واقفين بقلق وخوف شديد مستنيين الدكتور يخرج يطمنهم
ريم كانت واقفة بتعيط علي شيرين وحازم بيهديها
حازم كان واخدها في حضنه وبيحاول يطمنها
حازم .. هتبقي كويسة ياحبيبتي . متقلقيش
ريم بدموع .. انا خايفه عليها اوي
حازم .. متخافيش ان شاء الله هتبقي كويسة
وأمجد .. كان واقف قلقان جدا وخايف عليها .خايف يخسرها
في الوقت ده ندي دخلت هي وعمر
ندي راحت جمب ريم اللي واقفة بتعيط وفضلت هي كمان تعيط جمبها علي شيرين
وفضلو واقفين علي أعصابهم لحد ما الدكتور اخيرا خرج
كلهم جريو عليه بقلق وهما بيقولو طمنا يادكتور
الدكتور
الدكتور بأسف .. مكدبش عليكم هي الحالة صعبة . واضح انها واخدة كمية مهدئات كتير وده خطر علي القلب
هو دلوقتي ادي لشبه أزمة قلبية
امجد بخوف .. يعني ايه يادكتور
وكمل وقال وهو مستنيه يطمنو .. هي هتبقي كويسة
الدكتور .. هي دلوقتي اتنقلت العناية وهتفضل تحت الأجهزة . لو عدي ٢٤ساعة هتبقي عدت مرحلة الخطر . وربنا يستر . ادعولها . عن اذنكم
الدكتور مشي
وريم بصت علي امجد بغضب وكإنها بتقولو انت السبب
لكنها سكتت متكلمتش وفضلت تعيط
أما ندي بصت لأمجد وهي بتعيط وقالتلو بغضب شديد .. خلاص ارتحت كده اهي بتموت بسببك
كملت بانهيار .. شيرين بتروح وانت السبب
ندي بغضب .. شيرين لو جرالها حاجة هيبقي ذنبها في رقبتك ياأمجد فاهم
امجد كان ساكت ومتكلمش وهو حاسس بالندم
عمر وهو بيهديها .. اهدي ياندي و ادعيلها
ندي بدموع .. هو السبب . هو اللي وصلها للحالة دي
...........................
في الفيلا
عند هنا في اوضتها
كانت ليلي مرات عمها ومامت تامر راحتلها علشان تتكلم معاها
ليلي بهدوء وهي قاعدة قدامها .. مش كفاية كدة بقا ياهنا وترجعي لبيتك ولجوزك
هنا بسخرية .. جوزي . مش جوزي ده اللي راح عرف عليا واحدة زباله وخاني معاها . انا استحالة ارجعله واعيش معاه بعد ماخاني ياطنط
هنا .. ياريت لو سمحتي تقنعيه يطلقني لأني عمري ما هرجعله بعد خيانته ليا . قوليلو ينسي اني ارجع ليه في يوم من الايام علشان انا فعلا مش هتنازل عن الطلاق وعمري ماهنسي خيانته
ليلي .. يابنتي كلنا بنغلط لكن الاهم بنكمل في الغلط ولا بنرجع . وهو فعلا تاب ورجع لربنا
ردت هنا عليها بعنجهية وقالت .. والله تاب ماتابش دي حاجه ترجلعه . تاب لنفسه حاجة بينو وبين ربنا .لكن انا استحالة ارجع لواحد زي ده خاني وهان كرامتي
ليلي .. يعني مفيش فايدة .. طيب وبنتك
هنا .. مالها بنتي
ليلي .. مش بتفكري فيها . البنت كده نفسيتها هتتعب
انتي مش شايفاها حزينه الزاي . طفله صغيره وشايفة وحاسه باللي بيحصل .
ليلي .. فكري في بنتك شوية ياحبيبتي وبلاش تهدي بيتك
هنا بجمود .. ابنك هو اللي هد البيت لما عمل عملته . واذا كان علي بنتي متقلقيش عليها انا بنتي كويسة . وهتتربي احسن تربيه كمان
ليلي .. لأ بنتك مش كويسه بنتك طول الوقت بتعيط وزعلانه . ايه مش بتصعب عليكي . مش فارقه معاكي
هنا .. طبعا فارقه مين اللي قالك انها مش فارقه معايا
ليلي بسخرية .. ماهو واضح فعلا بتفكري فيها
هنا .. انا ببعدها عن الارف اللي ابنك بيعملو
ليلي مقدرتش تستحمل وفتحت فيها وقالتلها .. مالو ابني
عمل ايه لكل ده
هنا بسخرية قالت ... ابدا معملش حاجة .. هان كرامتي بس
ليلي بضيق منها وعصبية قالتلها .. انتي كل اللي فارق معاكي كرامتك . كرامة ايه ياأم كرامة . طب ماانتي كمان دايسه علي كرامته من يوم مااتجوزتو .
شايفه نفسك علي ايه نفسي افهم ..
شايفه نفسك اعلي منو في ايه . دا احنا حتي نفس المستوي وقرايب وساكنين قصاد بعض .
غلط اتنيل غلط وخد علي دماغه .بس سبب غلطه ده كان ايه؟
ليلي .. مش انتي .مش اهمالك ليه . ايه اللي خلاه يشوف الاهتمام بره . مش انتي . انتي اللي محافظتيش عليه
من الاول استغليتي حبه ليكي وانو ميقدرش يعيش من غيرك
ومشيتي علي هواكي ونسيتيه ونسيتي حقوقه عليكي . وقولتي ماهو كده كده جمبي ميقدرش يستغني
هنا بسخرية .. ماهو واضح انو مقدرش يستغني فعلا
ليلي .. ماهو راجل كنتي عايزاه يعمل ايه يفضل تحت رحمتك لوقت ماتحني عليه
ليلي .. كام مرة حزرتك وفهمتك واقولك خلي بالك منو واهتمي بيه وانتي تقولي ماشي وخلاص ولا اكني بتكلم ..حتي بنتك بتشوفك كل فين وفين ..
ليلي .. طبعا ما الهانم مش فاضيلها . فاضيه بس للشوبينج وقاعدة النوادي وناسيه جوزها وبنتها
ليلي .. انا لو ابني غلط ف انتي السبب . زعلانه اوي انو عرف واحدة عليكي .طيب ما انتي اللي اديتيه الفرصة دي
هنا بعصبية .. انا اللي قولتله يروح يخوني انتي بتبرريلو ايه
بتبرريلو خيانته .
ابتسمت بسخرية وقالت ..طبعا ماهو ابنك . هتقولي ايه يعني .ما حضرتك لازم تتدافعي عنه
هنا .. لعلمك بقا ابنك اللي بتدافعي عنو ده . دا طبعه ..
طول عمره بتاع ستات ورمرام
ليلي .. لأ مش طبعه ياهنا وعمره ماكان بتاع ستات . وانتي عارفه كدة كويس
ليلي .. انا ابني متربي احسن تربية . يوم ماغلط مغلطش غير بعد مااتجوزك ..
ابني لو طول عمره مشيو بطال كنت قولت دا طبعه فعلا . لكن هو معملش كدة غير لما اتجوزك ..
كملت بسخرية وقالت .. ياتري بقا عمل كده ليه غير لو كنتي انتي السبب .
ليلي .. حرماه منك ليه . شايفه نفسك عليه بتاع ايه . اشحال لو مكونتيش بتحبيه كنتي عملتي ايه اكتر من كده .
ابتسمت بسخرية وقالت .. بس الزاي بتحبيه وبتعملي كده .. انتي لو فعلا بتحبيه ياهنا عمرك ماكنتي اهملتيه
ليلي خدت نفس وقالت .. بس تمام لو انتي فعلا مش عايزاه انا هخليه يطلقك وهجوزه واحدة تقدره وتحترمه . واحدة تعرف في الأصول . تعرف يعني ايه بيت وزوج
هنا اتضايقت من كلام ليلي لكن ردت ببرود وقالت.. روحي جوزيه من بكرة لو عايزه . معنديش فكرة منو .لو عاوز يتجوز يتجوز . لكن قبل مايعمل كده يطلقني
ليلي بصت عليها بيأس وبعدين خرجت من عندها
اما هنا قالت في نفسها .. وديني لأ جيبو راكع تحت رجلي هو فاكرها سهلة كده وهسامح بسهولة
...............................................
تاني يوم في المستشفى
كانو كلهم موجودين ومستنيين الدكتور يخرج من عند شيرين
الدكتور خرج وقال .. الحمد لله هي جسديا عدت مرحلة الخطر
كلهم .. الحمد لله
كمل الدكتور وقال .. بس نفسياً جسمها مش عاوز يستجيب للعلاج . اكنها رافضة العلاج . رافضة الحياة
الدكتور بتساؤل بص لأمجد وقال .. هو حضرتك جوزها صح
امجد هز راسه وقال .. ايوا
الدكتور .. لو سمحت ممكن تتفضل معايا دقيقتين بس في المكتب
امجد هز راسه وراح معاه
الدكتور قعد وأمجد قعد قدامه
امجد .. خير يا دكتور
ثم اكمل بترقب .. هي هتبقي كويسة
الدكتور .. هي كل حاجه بإيد ربنا . ادعيلها
كمل الدكتور باستفهام وقالو .. بس هو اللي عايز اعرفه دلوقتي وده اللي هيساعدنا في العلاج .. ايه اللي حصلها .
ايه اللي وصلها للمرحله دي . ايه اللي وصلها انها تاخد المهدئات وأدوية الاكتئاب وتوصل للحالة اللي هي وصلتلها دي .اكيد في سبب
امجد بهدوء .. مشاكل عائلية . وحصل انفصال
الدكتور .. واضح انها متقبلتش الفكرة ورفضت الحياه معاها
الدكتور خد نفس وقال .. بس احمد ربنا انكم لحقتوها علي اخر لحظه لو كانت اتأخرت اكتر من كده كانت بعد الشر جاتلها أزمة قلبية . دي واخدة كمية كبيرة من المهدئات
وده خطر جدا علي القلب
امجد بهدوء .. الحمد لله .. طيب هي هتفوق امتا يادكتور
الدكتور .. مقدرش احدد ممكن تفوق امتا
الدكتور كمل وقال .. عموما هي دلوقتي يدوب بالأدوية لكن مش عارف حالتها النفسية هتخليها تستجيب للعلاج ولا لأ
لازم نستني ٢٤ساعة كمان و لما تفوق ونشوف
امجد بحزن .. ينفع اشوفها
وقبل ما الدكتور يتكلم
امجد قال بترجي .. خمس دقايق بس
الدكتور هز راسه بهدوء .. اتفضل
امجد دخل عند شيرين وميل باسها علي راسها
وهو بيقول بحزن .. انا اسف ياحبيبتي
وقعد جمبها بحزن وندم علي اللي حصلها بسببو
امجد مسك ايديها وباسهم وفضل ماسك ايديها وقعد يعتذرلها علي غباءه اللي وصلها للحالة دي .
وانو مكانش قد ثقتها دي اللي خلتها تفقد الأمان معاه
امجد بحزن وندم شديد وهو ماسك أيدها ومش عايز يسبها قالها بندم .. فوقي ياشيرين . فوقي وانا عمري ماهزعلك تاني
امجد .. فوقي واستجيبي وهخليكي تنسي كل الوجع اللي شوفتيه معايا . هتشوفي امجد تاني عمري ماهزعلك .
انا خلاص عرفت قيمتك . والله بحبك ومشوفتش غيرك
امجد .. بحبك يا شيرين ومقدرش اعيش من غيرك انا مجنون بيكي صدقيني
امجد بحزن .. وبعدي ده كان عقاب قاسي اوي عليا اكتر منك ...
انا كنت زعلان منك بس والله مقدرش اعيش من غيرك وكنت بتعذب في بعدك ..كنت هكلمك واعتذرلك بس ملحقتش .. ارجعي وانا هنسيكي ياحبيبتي
امجد فجأة وهو ماسك إيدها حس بإديها بتمسك في ايده
امجد مكانش مصدق نفسه وقبل مايقوم ينادي للدكتور
شيرين قالت بتعب .. ام.جد
يتبع..............
•تابع الفصل التالي "رواية الم البدايه" اضغط على اسم الرواية