رواية تزوجتها غصبا الفصل السادس 6 - بقلم هيا رحيم

الصفحة الرئيسية

  رواية تزوجتها غصبا كاملة بقلم هيا رحيم عبر مدونة دليل الروايات


 رواية تزوجتها غصبا الفصل السادس 6

 

دخل ينام جمبى على السرير بعد ما حاول ينام على الكنبه بره و معرفش حسيت بيه لانى اول مره كنت انام لوحدى على السرير سعاد كانت بتنام جنبى على طول وهو اول ما جه نام انا روحت فى النوم على طول ما فقتش غير على المنبه عشان صلاه الفجر.

روح : اه صلاه الفجر مش قدره اقوم بس لازم يونس …..يا يونس …. اعمل ايه ده مش رادى يصحى كده ازوقه اوقعه من على السرير هيصحى اكيد .

يونس بوجع و خضه : اههه فى ايه ايه اللى حصل .

روح : حاولت اصحيك كتير مرضتش تقوم قلت ما فيش حل غير انى اوقعك من السرير عشان تصحى .

قمت و قفت بكل عصبيه : انتى هبله ولا مجنونه فى حد يصحى حد كده وبتصحيني ليه اصلا .

روح : الله يسامحك بصحيك عشان نصلى الفجر .

يونس : استغفر الله العظيم هو الفجر اذن .

روح : ايوه .

يونس : طيب روحى اتوضى عشان نصلى ……….

السلام عليكم و رحمه الله و بركاته ،. تقبل الله منا و منكم .

روح : امين يارب .

يونس بهدوء و بيحاول كتم غضبه : بصى يا روح الله يكرمك كده لما تيجى تحبى تصحيني اوعى تصحيني تانى بالطريقه ديه لو سمحتى انا عارف ان نومي تقيل شويه بس برضو لو سمحتى ما تصحنيش كده تانى .

حور : حاضر … طيب تصبح على خير .

……………………………….

كنت قاعد أتقلب على السرير مش عارف انام ومره وحده لقتها اتقلبت و عنيها جت في عنيا وبعدها ما حستش بنفسى غير وانا غرقان فى عالمنا السحرى الخاص بينا احنا الاثنين بس .

………………………….

بدأت اصحى و بمشي ايدى على السرير ما حسيتش بيه فتحت عينى مالقتوش وبعدين حسيت بصوت فى الحمام عدلت نفسى على ظهري وقعدت ابص على السقف بفتكر فى كل حاجه حصلت بنا والعالم اللى اخدني ليه كنت سعيده وخجلانه فقمت من تفكيري على صوته .

يونس : احمم صباح الخير صحيتي قومى يلا خودي الشور بتاعك عشان نلحق نصلى الظهر .

روح : صباح النور اوك .

يونس بحرج : صحيح انا اسف على اللى حصل امبارح مكنتش عايز ان يحصل كده بنا لانى عارف ان انا مش هكمل معاكى اسف مره تانيه .

روح بهدوء وبرود : على العموم اللى حصل مبنا ده حقى وحقك الشرعى فما تعتذرش على حاجه من حقوقنا اما هتكمل ولا لا ديه سبها على الله .

خلصت كلمها ولقتها مدت اديها اخدت الروب ودخلت تاخد الشور بتعها انا كنت فاكر بعد ما اقولها الكلمتين دول هتضيق مثلا او تتنرفذ عليا وتقولي طلقني مثلا او حتى تعيط بس ديه مافيش اى رد فعل بان علي ملامحها رد الفعل اللى عملته هو الكلمتين اللى قالتهم وبكل هدوء وبرود .

…………………………..

روح : هاه هتفطر معايا ولا زى امبارح .

يونس : لاء انا جعان هفطر ان شاء الله .

روح : طيب قوم يلا تعالا ساعدني نحضر الفطار سوى .

يونس : تسلم ايدك البيض حلو اول مره اكل بيض اومليت بالنعناع .

روح : وانت تسلم ايدك على الجبنه بقى فى بشمهندس طويل عريض ما بيعرفش يعمل اى حاجه خالص فى المطبخ ولا حتى يسلق بيض .

يونس : انتى احمدى ربنا انى دخلت معاكى وساعدتك فى رص الحاجه على الترابيزه انا اصلا مش بدخل المطبخ خالص ولا بعمل حاجه فى البيت ماما الله يخليهالي هى الى كانت بتعمل كل حاجه .

روح : لا يا حبيبى انت لازم تتعلم امال مين اللى هيساعدني فى البيت و مين الى هيطبخلنا يوم الجمعه .

يونس : ايه اطبخ طيب انا ممكن احاول اتعلم واسعدك فى شغل البيت لكن اطبخ ده مستحيل واشمعنا يعنى يوم الجمعه .

روح : عشان يوم الجمعه ده اجازتي مش بعمل فيه حاجه خالص .

يونس : اجازه طيب خلاص انا سعتها هبقى اتصرف ان شاء الله …… ده مين اللى بيخبط ده .

روح : ممكن تكون سعاد روح افتح عقبال ما اشيل الاكل .

…………………….

سعاد : لووولوووولووولى الف الف مبروك يا بشمهندس .

يونس : الله يبارك فيكى هاتي اللى فى ايدك ده واتفضلى ادخلي ثوانى وروح هتجيلك .

سعاد : استنا انا هدخلها على المطبخ .

يونس : لاء هاتيها بس وانتى روحى اقعدي روح روح ديه سعاد .

سعاد : هى ابله روح بتعمل ايه .

يونس : ابدا بتشيل الاكل عشان كنا بنفطر.

روح من الداخل : سعاد تعالى .

سعاد : الف الف مبروك يا عروسه .

روح : الله يبارك فيكى يا أم نص لسان .

سعاد : انتوا فطرتوا معلش بقى لو كنت جبت الفطار متأخر بس كله بسبب بابا ممدوح هو اللى قالى مطلعش بدرى عشان اكيد انتوا هتصحوا متأخر .

روح : ولا يهمك يا سوسو احنا كمان لسه صاحين من ساعه يعنى مش بدرى اوى تعالى يلا ساعديني نشيل الاكل ده فى الثلاجه .

سعاد: هاه ايه رايكم فى الاكل بتاع امبارح اكيد رورو عجبها انت بقى يا بشمهندس ايه رأيك فيه .

يونس : …..أ ..أ

روح : اكيد عجبه طبعا يا سوسو هو اكلك ده فى حد يقدر يتكلم عليه قوليلى بقى عملالنا ايه بقى على العشا النهارده .

سعاد بخبث : ولا حاجه اتعشوا بالفطار اللى انا جبته .

روح بتذمر : انتى بتهزري صح انتى متفقه معايا انك هتعمليلى طاجن السى فود اللى بحبه ما تهرجيش بقى عشان خاطرى يا سوسو .

سعاد بهمس لروح : هو انتى على طول كده همك على بطنك كسفانه حتى قدام البشمهندس .

روح : لا يونس ده خلاص بقى مننا و علينا صح يا حبيبى .

يونس : ايه اكيد طبعا احنا بقينا عائله وحده .

روح : هاتي كده ….. ايه ده بابا باعت تذاكر طيران لشرم الشيخ وحجز فندق هناك لمده اسبوع وتذاكر طيران عوده كمان ومعاد السفر بكره بالليل .

سعاد : طيب انا هنزل بقى عشان بابا نبه انى انزل على طول عايزين حاجه .

روح ويونس : لا تسلمى ……

على باب الشقه

روح : اه استنى يا سوسو بصى ناديلى الواد ولعه عشان عايزاه يجبلى حاجه من الصيدليه مدام فيها سفر بقى .

سعاد : حاضر حضرى الورقه وانا هبعتهولك اه نسيت اقولك بابا قال انه هيجيلك هو وعم صالح ومراته وانا طبعا بالليل عشان نباركلكم .

روح : ماشى سلام انزلى براحه من غير نط .

سعاد : باى باى .

يونس : مين قال انى موافق .

روح : مش فهمه موافق على ايه .

يونس ببعض من الغضب : على السفر انا مش هسافر انا مرضتش اتكلم عشان خاطر سعاد كانت هنا بس انا مش موافق ومش هسافر .

روح بهدوء : خلاص عادى مانسافرش بس هتقول لبابا انت ما قبلتش هديته ليه وعلى فكره هو جى هو وأهلك بالليل يباركو ممكن تبلغه انك مش هتسافر .

كتابه : حياه رحيم #

google-playkhamsatmostaqltradent