رواية امل بعد اكتئاب (كاملة جميع الفصول) حصريا عبر دليل الروايات بقلم عمار إبراهيم
رواية امل بعد اكتئاب الفصل الحادي عشر 11
الفصل الحادي عشر
الخميس الساعة 4:30
سامح :احنا مش هندخل الحكومة غير لم نتاكد ان في عملية هتتعمل النهاردة
رنا : طيب افرض اتاكدنا هيلحقوا يجوا قبل ما حد يموت
مجهول 1 : متقلقيش محدش هيحصلة حاجة لو الشرطة متدخلتش هندخل احنا
عمار : الله المستعان ايه الخطة
مجهول 1 : احنا هندخل المستشفي وبعد كدة ******
في المطار
مصطفي : نورت مصر يا حبيبي فكرتك مش هتيجي
راجح : يا بني انا قولتلك جاي بكرة من هنا ونزل عليا شغل كتير خلاص يعم مجوش من يومين
مصطفي : ماشي يا سيدي
راجح : يلا كملي بقي ايه الي حصل
في بيت علي كان الكل متجمع
فرح : هو مصطفي اتاخر كدة ليه
علي : مش عارف قالي فيه مفجاة هيجيبها ويجي علي هنا
بلال : انا ونيرة هنقف في البلكونة شويه بعد اذنك يا علي
علي : طبعا اتفضل
فرح حست نفسها لوحدها ومحبتش تغلس علي حبيبة وعلي فسابتهم سوا طلعت تقعد في البلكونة الي في الصالة حطت هاند فري في ودانها وسرحت في الغيوم
نيرة : الجو هنا تحفة
بلال : انا بحبك
نيرة : وانا كمان بحبك بس مش عاوزه الي فات يتكرر
بلال : انا بطلت الي بشربه وغلاستي ونكدي غيرت من اسلوبي كلة عشانك
نيرة : يعني انت عاوز ايه
بلال : نرجع لبعض مش كفايه كل دة صحاب
نيرة : هنرجع بس رسمي
بلال : رسمي
نيرة بمرح : تروح لبابي وتطلب ايدي وتخطبني
بلال بضحك وفرحة : اروح لبابي مروحش ليه
نيرة : ايوا تيجي لبابي وانا هفكر يا هقبل يا ميقبلش
بلال : اممم متقبليش عشان اروح لواحدة تانيه واحبها
نيرة : وربنا ادبحك فيها يا بلال
بلال بضحك : قلبي محبش غيرك يعم
علي : ينفع تسمعي كلامي
حبيبة بعدم تصديق :انت بجد عاوزنا نسيب بعض
علي : انا بحبك ومش عاوزك تعيشي كدة مع واحد زي
حبيبة : زيك ازاي يعني
علي بلوي بوز : اعرج
حبيبة : يا حبيبي مفيهاش اي مشكلة هتم معاك واساعدك لحد ما تتعالج
علي : وافرضي متعالجتش
حبيبة : معاك برضو انا بحبك وهتم جمبك
علي : طيب تفكري وتحسبي الامور هتمشي ازاي وبعدين تكرري
حبيبة بدموع : انا مش متخيلة ان انت الي بتقول كدة
فرح بفرحة : مصطفي جه
الكل اتجمع تاني في انتظار مصطفي يدخل وعلي اتفاجئ بوجوج راجح عمه معاه لكل بص لقوا راجل كبير في السن ماسك عجاز مديلو هيبه دقنه بيضاء خفيفة ولبسوا راقي
مصطفي : احب اعرفكم عمي راجح
في عربية نادر
سامح : حسب المعلومات الي جمعتها المستشفي دي بتقفل مرتين في السنة
عمار بتفكير : اكيد مش بيعملو عمليتين بس في السنة
نادر : مش لازم كل العمليات تبقي هنا انا هبدا دلوقتي توكلنا علي الله
رنا : خلي بالك من نفسك
نادر : ان شاء الله ربنا المستعان
نادر نزل من عربيته لابس لبس عرباوي ولابس كمامة دخل علي امن المستشفي
الامن : ممنوع المستشفي قافلة النهادرة
نادر : ايش فيك يا جرابة بريد طبيب مريض
الامن : مفيش دكاترة بقولك قاف
مكملش جملته كان نادر رفع عليه سلاح اتدخل تلاتة من الامن ولسة هيحصل اشتباك الامن اتفاجئ بعربية داخلة عليهم بسرعة غريبة كسرت البوابة ودخلت المستشفي من جوة واحد منهم جري يدوس علي جرس انزار الطوارئ كان مش شغال كان عمار فصل الكهرباء علي المستشفي نادر وسامح قدروا يربطوا الامن ويتحركوا
عمار ورنا بداو يجروا في المستشفي بيدورا علي اي اثر او شئ غريب بيحصل لحد ما اتفرقوا
رنا وصلت الدور التالت لمحت نور في اوضة من الاوض راحت تتحرك واحدة واحدة وقربت من الباب وبدات تشوف الي جوة
عمار طلع وشاف اوضة العمليات ومرة واحدة الدور كلة نور وسمع ناس جاية عليه فدخل اقرب اوضة جمبة فتح الاوضة ودخل وسمع الي برة الاوضة
-----: ربع ساعة والدكتور هيجي اخلصوا خدروهم
-----: وباقي العيال الي تحت
------: الاربعة الي معاك دول هم الي يتصفوا باقي العيال صحتهم حلوة هيشغلوهم
-----: تمام يا زعيم
عمار طلع فونة بعت رسالة ل مجهول 1 بالتفاصيل
رنا كانت بتسمع
-----: دكتور منير جاي العملية دي هتخلص علي كام
------: هياخد علي العيل 100الف
-----: انا مش مطمن للعملية دي
-----: متخافش هي اول مرة
راجح : امم يعني كل دة حصل وانا برة قوم ياض اقف
علي بصلة باسف وبدا يقوم براحة ووقف قدامه كان مدي ضهره للحيطة ووشه للراجح
راجح بهيبة : تعالي
علي اتحرك براحه بيمشي لحد مقرب يوصل عندة فدفعه راجح برجلو فضهروا اتهبدت في الحيطة
راجح : تعالي تاني
علي اتحرك وراحلو تاني واخير وصل عندو
راجح : انت عيل مش راجل ايه يلا لمعة الانكسار في عينك دي
وبص لحبيبة الي متابعة الموضوع باهتمام
راجح : انت حبيبة
حبيبة بصتله باستغراب : ايوا
راجح ل مصطفي : مهي قمر ايه يا زفت مال ليه بتقول وحشة
مصطفي بصدمة :انااا!!!!
راجح : اخرس عيل قليل الادب سافل احم ازيك يا قمر
حبيية : الحمد لله
راجح : انتي حبيبتي الصايع ده ازاي نفسي افهم
حبيبة بصتله : الي انا حبيته كان علي تاني خالص غير دة
•تابع الفصل التالي "رواية امل بعد اكتئاب" اضغط على اسم الرواية