رواية تخلت عن كبريائها من اجله الفصل التاسع 9 - بقلم رونا

الصفحة الرئيسية

  رواية تخلت عن كبريائها من اجله كاملة بقلم رونا عبر دليل الروايات


رواية تخلت عن كبريائها من اجله الفصل التاسع 9

 
في فيلا الجارحي تحديدا في اوضه شذي
صحيت شذي من النوم وجهزت للشغل بس قررت انها تكلم اللواء جمال تعرفه اللي حصل
شذي: ازيك يا اونكل
اللواء جمال: بخير ياشذي وانتي
شذي: بخير كنت عايزه ابلغك بالجديد
اللواء جمال: اي هو
شذي: اتصلو بيا امبارح عايزاني اسافر دبي يوم… في فندق… واخلي عمار يبقي موجود في الفندق وانا هبقي جزء من الخطه والباقي هعرفه لما اسافر
اللواء جمال: تمام واتصرفتي ازاي
شذي: وافقت
اللواء جمال: تمام بلغي عمار بالمطلوب وخليه ينفذه وسيبي الباقي عليا
شذي: تمام بس عايزه اعرف ليه مش بيتواصلو مع عمار مباشره ومخليني وسيط
اللواء جمال: اكيد ليهم هدف من كده هيتعرف مع الوقت بس الاهم ان نيره لازم تدير الشركه الفتره اللي هتسافري فيها وتخلي حد من المهندسين الشاطرين يتابع معاها وسلمي كمان تساعدها لان نيره مش هتقدر علي اداره الشركه لوحدها
شذي: تمام يا اونكل سلام بقا عشان رايحه الشركه
اللواء جمال: تمام سلام ياشذي
شذي نزلت وركبت عربيتها عشان تروح الشركه
ـــــــــــــــــــــــــــــــــ|بقلمي رونا|ـــــــــــــــــــــــــــــــ
{في اوضه شيري}
صحيت من النوم لاقت رساله من تامر علي الواتس«صباح الخير يومك جميل زيك..♥» ردت عليه في رسالة«صباح النور 😍» وبعدين كلمت دينا صاحبتها فون
شيري: هاي دينا
دينا بنوم: هاي شيري خير بتكلميني بدري ليه
شيري: عشان عايزه اقابلك ضروري
دينا ابتدت تفوق:اي تعبانه ولا اي
شيري: لا بالعكس مبسوطه اوى
دينا: ربنا يبسطك كمان وكمان بس ياتري ليه
شيري: هتعرفي لما نتقابل
دينا: اشطا هنتقابل فين
شيري: اممم في النادي
دينا: اوك سلام بقا عشان اجهز
شيري: اوك سلام
في الشركه تحديدا مكتب حمزه
بيدخل تامر اي الاخبار معاك انت وشذي
حمزه:مفيش جديد وانت
تامر: في جديد
حمزه: طب كويس اي هو
تامر: بيحكيله علي اللي حصل مع شيري
حمزه: طب كويس
ـــــــــــــــــــــــــــــــــ|بقلمي رونا|ـــــــــــــــــــــــــــــــ
{في مكتب شذي}
بتتفكر انها معرفتش عمار باللي حصل وبتعبتله ماسج بكل اللي حصل وبعدين كلمت نيره
شذي: هاي نيره
نيره: هاي شذي
شذي: عايزاكي تيجي الشركه ضروري
نيره: خير ليه
شذي: خير ان شاءلله لما تيجي هتعرفي سلام
“بيجيلها رساله علي الواتس من حمزه
«صباح الجمال لعيونك♥…عامله ايه ياجميلتي»
بتبتسم شذى وتتكسوف واول مره بتبان مشاعرها علي ملامحها «بخير انت عامل اي مش هتبطل تكسفني بكلامك الحلو ده🫢♥»
حمزه «لا مش هبطل😊»
شذي«انت رخم اوي عشان بتقولي كلام حلو وانا مبعرفش ارد واصلا مفيش بينا حاجه للكلام ده»
حمزه«مش مهم تردي المهم تحسيه وطالما اتكسفتي يبقي حسيته وبعدين مفيش بينا حاجه ازاي انا من الاول قلتلك ان معجب بيكي والصراحه شكلي كده حبيتك وانا متاكد انك كده»
شذي«انا فعلا حاسه ان ممكن يبقي في حاجه بينا رغم ان لسه مشفتكش ولا اعرف عنك حاجه بس اللي حصل بقا، علي فكره انا مسافره دبي في شغل يوم… قلت اعرفك عشان هبقي مشغوله ومش هعرف اكلمك»
حمزه«تمام يا جميلتي ربنا معاكي هتوحشيني الكام يوم اللي مش هشوفك فيهم صحيح هترجعي امتا عشان ابقي اكلمك»
شذي«يارب يازيزو،لسه مش عارفه انا لما ارجع هكلمك سلام بقا عشان عندي شغل»
حمزه«اوك، سلام»
ـــــــــــــــــــــــــــــــــ|بقلمي رونا|ـــــــــــــــــــــــــــــــ
في نفس الوقت بتدخل نيره فجاه وبتقعد اطلبيلي واحد نسكافيه
شذي: هتفضلي هبله زي ماانتي وبتطلبها النسكافيه
نيره بمرح: انتي مبتزهقيش من الكلمتين دول كل مره بتقوليلي كده وانا بقلك ايوه😂 ، بس مالك شكلك فرحان كده مش زي عوايدك دايما ملامحك بارده لاحد عارف انتي فرحانه ولا زعلانه
شذي بمرح: هو لا كده عاجب ولا كده عاجب اعمل اي طيب😂
نيره: لا ده شكل الموضوع كبير احكيلي
شذي: عارفه فضولك هيموتك هحكيلك وبتحكيلها علي اللي حمزه واللي بتحسه ناحيته
نيره باندهاش: واو مش معقول شذي بتحس زينا
شذي: اكيد طبعا مش بنادمه زيكو يابنتي خلصنا بقا
خلينا في اللي جايبكي عشانه بصي بقا انا مضطره اسافر دبي بعد يومين كده عشان شغل مهم ولسه مش عارفه هاقعد قد اي فلازم انتي تديري الشركه مكاني
نيره بتقاطع شذي في الكلام: بس استني انتي عارفه ان ماليش في الجو ده غير ان معرفش الشغل بيمشي ازاي
شذي: ما لو صبر القاتل علي المقتول كنت هقلك ان سلمي هتبقي معاكي وهكلف حد من المهندسين يبقي معاكي بردو علطول وانتي مجرد وجهه بس عشان الموظفين يلتزمو والاوراق اللي محتاجه تمضتي فهمتي
نيره: ماشي
في نفس الوقت بتيجي سلمي بالنسكافيه ل نيره
شذي: سلمي بلغي الموظفين ان في اجتماع بعد ساعه وابعتيلي باشمهندس حمزه دلوقتي وع فكره انا مسافره دبي بعد يومين في شغل ونيره هانم هتمسك مكاني عايزاكي تبقي معاها فكل خطوه متسبهاش ومتاجليش اي حاجه لما ارجع لان مش عارفه هرجع امتا اصلا ولو في حاجه ضروريه جدا تكلميني
سلمي: تمام يفندم وبتبلغ حمزه وبيجي
شذي: اتفضل اقعد يا حمزه
حمزه: تحت امرك يافندم
شذي: بتعرفهم ببعض نيره هانم بنت عمي وشريكه فالشركه هتمسك الشركه الفتره الجايه مكاني موقتا لان مسافره دبي في شغل ودي مهمتك انك تساعدها تمشي الشغل لان مس بتنزل كتير وفي حاجات كتير متعرفهاش وده حمزه من اشطر المهندسين عندنا وهيقدر يساعدك
حمزه: تمام يافندم تومري بحاجه تاني
شذي: لا متشكره تقدر تروح تشوف شغلك
حمزه: تمام عن اذنكو
ـــــــــــــــــــــــــــــــــ|بقلمي رونا|ـــــــــــــــــــــــــــــــ
في النادي شيري ودينا قاعدين في الكافتريا
دينا: ها احكي ياشيري سمعاكي
شيري: بتحكي اللي حصل مع تامر
دينا: وبعدين اي المشكله
شيري: حاسه ببدايه اعجاب بس خايفه ومش عايزة اتعلق بحبال دايبه لانه قال اننا صحاب بس وساعات بحس انه بردو معجب
دينا: متفكريش في حاجه وسبيها تيجي زي ماتيجي
شيري: اممم ماشى
{في الشركه}
الاجتماع اللي عملتو شذي خلص والخبر انتشر ان هي مسافره ونيره اللي هتمسك مكانها
في مكتب تامر بيدخل حمزه
حمزه: متيجي نزوغ ساعه في حاجات لازم تعرفها
تامر: اشطا
وبيروحو كافيه جمب الشركه
تامر: خير انا عرفت ان شذي مسافره
حمزه: بس معرفتش انها كلفتني ان اتابع الشغل مع نيرة
تامر: طب كويس جدا دي فرصتنا ممكن نوصل لحاجه لان نيره مش هتبقي مركزه اوي
حمزه: ممكن كمان نضرب عصفورين بحجر واحد وندخل الفيلا نشوف اي الدنيا
تامر: فكره بردو خصوصا ان شكلها مطوله بس الموضوع ده هيعوز خطه جامده بس هنعمله بردو
حمزه: السوال الاهم تفتكر السفريه دي ليها علاقه بحاجه
تامر: اكيد لان فرع دبي تحت اداره عمار وهو اللي بيخلص كل حاجه فاكيد السفريه دي وراها سر السوال الاهم عمار ليه علاقه بالموضوع ولا لا
حمزه: صح طب وهنعرف ازاي
تامر: هنعرف وبيكلم سلمي وبيقولها علي مكان يتقابلو فيه
حمزه: اي الحوار ده هي سلمي معانا
تامر: اه
حمزه: طب ازاي
تامر:( فلاش باك فاكر اليوم في الشركه تحديدا مكتب حمزه بيدخل تامر
تامر: شذي مجتش النهارده
حمزه: عادي
تامر: مش عادي
حمزه: لا مش فاهم قصدك اي اوعي يكون قصدك ان شذي
تامر: ايوه اللي فهمته ماهو بص اللي يعمل اللي حصل ده حد من الاتنين ياشذي يانيره وبما ان نيره طلعت في السليم يبقي شذي اللي مش في السليم
حمزه: طب وهنتاكد ازاي
تامر: هي باينه زي الشمس اللي يعمل كده لازم يكون حد من من الاداره عشان كل حاجه تبقي مضبوطه والاداره متقسمه بين شذي ونيره، ونيره بتيجي يوم اه وعشره لا ده غير انها عامله توكيل لشذي واتاكدنا بطريقتنا انها في السليم يبقي شذي هي اللي ورا كل اللي بيحصل وغيابها النهارده اكدلي اكتر
حمزه: غيابها اكدلك ازاي
تامر:جاتلي اخبار ان في مقابلة حصلت امبارح
حمزه: تمام طب والعمل
تامر:هقلك ولسه هيكمل بيسمع صوت خبط في الباب وبيشك ان في حد واقف بيتصنت وبيقوم يفتح الباب ميلاقيش حد بيرجع لحمزه تاني وبيقوله يلا نمشي احسن نهايه الفلاش باك)
حمزه: اه فاكر وبعدين اي اللي حصل
ـــــــــــــــــــــــــــــــــ|بقلمي رونا|ـــــــــــــــــــــــــــــــ
تامر (فلاش باك مفيش واحنا ماشين لمحت سلمي متوتره وبتجري بس هي ماخدتش بالها مني عرفت انها هي اللي كانت بتتصنت علينا وبعد ما الشغل خلص استنيتها تحت عند الشركه وخدرتها وطلعت بيها في مكان….وخوفتها وهددتها تقولي كانت بتتصنت ليه
تامر بغضب وعينه بتطلع شرار: لو متنطقتيش كنتي بتتصنتي لتبع مين وليه هقتلك ومحدش هيعرف طريق جثتك
سلمي بخوف: مفيش كل الموضوع ان في حد انا معرفوش ولا شفته بيكلمني فون بس طلب مني اقوله اخبار شذي هانم وبعدين طلب مني ابقي عينه فالشركه واجبله اخبار حمزه والا هيقتلني بس كده
تامر: طب بصي بقا انتي هتشتغلي تبعي انا وبس وهحميكي من اي خطر وهتقولي ل شذي علي اللي بيكلمك ده وساعتها هي هتطلب منك تبقي معاها هتوافقي وتبقي معاها فعلا بس في نفس الوقت هتبلغيني كل حاجه وطبعا مفيش مخلوق يعرف باللي بينا لو مشيتي عدل معايا هحميكي لكن لو اتعوجتي هموتك اتفقنا
سلمي: اتفقنا نهايه الفلاش باك) بس كده ومن ساعتها وهي بتقلي كل حاجه
حمزه: كويس جدا بس مقلتليش ليه
تامر: عشان مش عايزك تظهر في الصوره عشان منتكسشفش و طير انت دلوقتي عشان زمانها علي وصول
حمزه: فهمتك اشطا.. بيمشي حمزه
بتيجي سلمي
سلمي: خير
تامر: اي حوار سفريه دبي
سلمي: معرفش غير اللي اتقال في الشركه شذي حريصه جدا
تامر: تمام طب ونيره
سلمي: معندهاش معلومات اصلا بتيجي كل فين وفين
ومتعرفش اي حاجه
تامر: تمام هحتاجك في خدمه لما شذي تسافر
سلمي: خدمه اي
تامر: هتعرفي في وقتها يلا روحي شوفي وراكي اي
سلمي: تمام
حمزه وتامر حكايتهم بتكبر ياتري اي حكايتهم؟
ياتري اي اللي هيحصل في سفريه شذي في دبي؟
ياتري اي اللي هيحصل في غياب شذي سواء الشركه او البيت؟
 

google-playkhamsatmostaqltradent