رواية عارفة حظي الفصل الثامن 8 - بقلم ميرفت السيد

الصفحة الرئيسية

  رواية عارفة حظي كاملة بقلم ميرفت السيد عبر مدونة دليل الروايات 


 رواية عارفة حظي الفصل الثامن 8

 

زين: تاليا انا عاوزك تسهري معايا

_نعم يااخويا

: هافهمك

_تفهمني إيه !!!

: اقعدي بس واهدي وهاحكيلك الحوار

_انا كنت باحب بنت زميلتي في الكلية وبعد ماخلصنا كنت ناوي اتقدملها حصل زعل مابيننا واعز اصحابي اتوسط يحل الخلاف وفعلا حل المشكلة من جذورها خالص عارقة ازاي اختقى خالص وهي كمان محدش منهم بيرد.على اتصالاتي وانا مستني خبر وبالنهاية صحابي قرروا يصارحوني بعد مازعلوا عليا

جم اخدوني معاهم وانا بحالة نقسية تحت الصفر عارفة اخدوني فين خفلة خطوبة اعز صديق ليا وحبيبتي غدروا بيا واتخطبوا زي مابسمع بالاغاني الي كنت باتريق عليها وانا كنت زي المغ.. فل نزل عليا هدوء ودخلت فاجئتهم وابتسمت وباركتلهم وبعدت عنهم بكل هدوء بس جه عزمني من كام يوم على فرحهم حاولت اتحجج بس مع تصميمه وافقت وقولتله هاجي مع خطيبتي

سكت شوية وبعدها كمل: انا كنت فاكر اني اتحاوزت الموضوع دة لحد. ماحسيت اني مااخدتش حقي منهم لازم احضر واحسسهم انهم مش فارقين وللاسف انا ورطت نفسي ولو محضرتش موقفي هايبقى اني متغاظ

بقلم مرفت السيد

_وانا مطلوب مني إيه

: تمثلي انك خطيبتي

_يابشمهندس انت شكلك لسة بتحبها انت لو فعلا نسيت كنت رفضت تقابله او تكلمه وتتجاهلهم تماما انما انت بتفتح باب هو اصلا متوارب

: لا ياتاليا انا عاوز اثبت لنفسي قبلهم اني عادي لما اشوفهم سوا انتي كلامك صح انا كنت موارب الباب فعلا عشان معملتش ختام للقصة دي

_ايوة بس ظول مايستهلوش وانا مش هاقدر

: اول طلب اطلبه منك وفستانك والميكب والكوافير عليا وتاليا دة سر بينا

_ يابشمهندس. انا عارفه انهم يستاهلو الحرق بس….

اخرج ظرف ممتليء بالمال وناولها اياه وقال: هاجي اخدك بكرة الساعة 8

_انا..

: ياللا على مكتبك عندناىشغل

ضحكت: انت قررت وخلاص وانا فازة مثلا

: لأ بس، شايف بعنيكي تحدي

ضحكت بشدة وقالت وهي تنصرف: ماشي بس هاتنفذ خطتك على طريقتي انا

وسابته ومشيت وهو ضحك من اسلوبها وتذكر جمال ضحكتها وقال لنفسه: البنت دي تجنن

حلست تاليا اليى مكتبها ووضعت المال بحقيبتها وفضلت تفكر وبعد ماخلصت شغل نزلت لفت غلى المحلات واشترت فستان وميكب وقالت لمامتها انها رايحة عيد. ميلاد صديقة لها

وباليوم المحدد خلصت شغل واتوجهت للكوافير وجهزت نفسها واول مااتصل بيها قالت لامها وخالتها: انا نازلة زمايلي تحت بالعربية

مامتها: استني هنا بخريها ياولاء

ولاء: لو مارجعتيش عالاقل بعريسين تلاتة يبقى متنزليش

تاليا:لأكدة هااتغر وبعدين حواز ايه ياموزتي مش فاضية سلام ياقمرات

بقلم مرفت السيد

نزلت وزين كان بيتكلم بالفون وعاطيها ضهرها ومش شايفها اول مالف وشافها انبهر بجمالها

كانت لابسة فستان زهري لامع وان شولدر وقصير من قدام وطويل من ورا وميكب عيون رقيق راسمة عنيها بكحل ازرق خفيف واكتفت بسحبة ايلاينر وروج وردي زادها جمالا ورقة

مكانش سامعها وهي بتكلمه وعمالة تضحك وتشاورله فاق على صوتها وهي تقول: يابشمهندس هل تسمعني

قالها: اه اسف

انطلقا للقاعة وطوال الطريق وهو متوتر ويختلس النظر اليها وهي ايضا لاحظت أناقته وانه لابس كاچوال بنطال ﺟينز لبني فاتح وشميز ابيض وبليزر كحلي وبرفانه الي بينتشر بكل مكان وكأنه بصمة لاتمحى ولاحظت انه هذب ذقنه وشاربه وزاده جاذبية شعره الاسود المسترسل بفوضوية

وصلا الى القاعة وقبل نزولهما قالعا وهو يخرج علبة صغيره ويفتحها: هاتي صباعك ياتاليا

واخرج خاتم من الالماس والبسها اياه وقال: المفروض اننا مخطوبين

واخرج دبلة فضية وارتداها وقال: كدة جاهزين

_لأ استنى لازم. نتفق

: على إيه

_انك تعمل الي اقول عليه انا بنت واعرف الي يغيظ البنات ركز معايا

وبصت في عنيه وقالت: متبينش انك. متضايق ابدا ابتسم على طول ابتسامتك في وش الخاين تهزمه ياللا بينا يازين

كان شارد بعينيها افاق على سماع اسمه اباسم وقال: ياللا بينا

بمجرد دخولهما اتجهت الانظار اليهما فامسك زين بيدها شعرت تاليا بالخجل فقالها هامسا: اسف انا مضطر

قالت: اول مرة حد غير ادهم يمسك ايدي

شعر بالسعادة وقال: معلش اتحمليني بس دة تمثيل

قابلهما شقيق العريس ووالده رحبوا بهنا واجلسوهما بالمكان المخصص لهما وكان قريبا جدا من العروسان وكأنهما يقصدان مضايقة زين

همست تاليا: بجاحة

زين: ولايهمك

نظرت تاليا حولها وقالت: زين الكل بيبص عبينا ليه؟

قالها باذنها: عشان اغلبهم زمايلنا

ضحكت تاليا قالت: تمثيل احنا متراقبين

ضحك من اسلوبها ثم ازاح. خصلة من شعرها من على عينيها

جاءت شلة من الشباب مرحبة بزين

قال احدهم: والله زمان ياهندسة

زين: احنا بتوع كل زمان ياعلوة

صافحه اخر: مش تعرفنا

بقلم مرفت السيد

زين: خطيبتي تاليا محامية ودول ياستي شلتي الفاسدة من ايام الدراسة

قال احدهم: مبروك يااستاذة الحق عليه معزمناش من يوم شغله مع الحاج عاطف وهو نسينا خالص

تاليا: متزعلوش ملحوقة نعزمكم بالجواز

وجلسوا يتبادلون الذكريات ويتمازحون مع زين

لكزته تالياوهمست: زين تعالى نسلم عالعرسان

زين بتوتر: بلاش

تاليا امسكت بيده ونهضت وانهضته معها وهمست: انا معاك

نظر اليها وقال: عن اذنكم ياجماعة هنسلم عالعرسان

وتحت انظار الجميع توجها للعروسان

نظرت العروسة الى تاليا الي ابتسمت وهي تمسك بذراع زين برقة وتلكزه فقال: مبروك ياميار

وصافح العريس الذي كان يشعر بالقلق والخوف من زين الى ان ابتسم وقال: مبروك يافادي

شعر فادي بالراحة وقال: الله يبارك فيك مش تعرفنا؟

وقال: اقدملكم تاليا خطيبتي

ابتسمت تالياهي تصافح العروسة: مبروك

العروسة بغيرة: مبروك عقبال الجواز

العريس بسعادة: الف مبروك يازين

زين: الله يبارك فيك عن اذنكم

وامسك بيد تاليا ليغادرا ولكن تاليا تظاهرت بانها على وشك السقوط وامسكت بذراع زين: اسندني يازين هاقع

زين بلهفة مسكها من وسطها وقومها فكان قريب منها اوي فنظر إليها وشعر بالخوف عليهاوقال: انتي كويسة

فهمست له: متقلقش تمثيل

وتظاهرت بانها بتظبط فستانهاوهي ساندة على كتف زين ونظرت الى العروسة فوجدتها تتحدث مع الغريس بعصبية وهي تراقبهما

فقالت: تمت المهمة بنجاح

ابتسم زين وقالها: لأ لسة استني هما دقيقة

ذهب للدي جي واعطاه مبلغ من المال وهمسله بكلمات فاشتغلت اغنية sway

جذب زين تاليا لساحة الرقص وقالها: تمثيل

ابتسمت: تمثيل


فقبل يدها برقة ورقص معها تحت مراقبة الجميع شعرت العروسة بالغيرة لان تاليا وزين غطوا عليها هي وفادي

فقالت لفادي: قوم نرقص دول غطوا علينا

فقام.معها ورقصوا هما كمان ولكن زين كان شارد بتاليا وهي تبتسم برقة وخجل كان بيتأمل جمالها لدرجة انه شعر بانه انفصل عن العالم للحظات

وتاليا مستغربة ولكن بتجاريه لحد. ماالاغنية خلصت

زين امسد بيد تاليا وانصرفا وهو مبتسم ويشعر بسعادة

وغادرت السيارة وهو انطلق لمنزله ولم يستطع النوم طول الليل بيفكر في تاليا واخيرا اهتدى الى قرار جعله يشعر بالراحة

وتاليا ايضاً لم تنام لشعورها بالذنب انها كدبت على امها وخالتها ونظمت على كل الي حصل

فاتصلت باخوها ادهم على الواتس زي كل يوم خليته يوعدها انه سر مابينهم وحكتله بصراحة كل حاجة

عاتبها وزعل ولكنه طلب منها متكررش الغلط دة تاني وتطلب نقلها لقسم الشئون القانونية

وافقت وشعرت بالراحة

وبالصباح وصل مكتبه قبل تاليا واول ماوصلت

طلبها الى مكتبه

دخلت وكلاهما قال بنفس اللحظة : صباح الخير انا قررت……………..

google-playkhamsatmostaqltradent