رواية بائعة الكشري (كاملة جميع الفصول) حصريا عبر دليل الروايات بقلم اميره محمد
رواية بائعة الكشري الفصل الثالث 3
بائعة الكشري " الجزء التالت "
الجزء ده حزين بس الى بعده سعيد ان شاء الله 😂😂💔
ساره فضلت تكح جاامد لحد ما وقعت علي الارض وطلع من بوقها سائل ابيض نسرين سابتها بكل حقد وقلب ميت وهي بالحاله دي وطلعت
~ في اوضه احلام
احلام : ها كلو تمام
نسرين: طبعا راحت للي خلقها ومفيش حد شافها وهي دلوقتي بتموت بالبطئ
احلام ضحكت بشر: ههههههه عشان تبقي تقف قدامنا تاني لأ وكمان عايزه تخطف ابني ده في احلامها
نسرين: اهه يا خالتي كنت هموت لو قربت من ليث وحبها
احلام: ليث مش هيكون لحد غيرك يا قلب خالتك
نسرين: هههه ده الى نفسي فيه
•••••••••••••••••••••••••••••••••
عند ليث كان قاعد في مكتبه بيفكر فيها
ليث في نفسه: عملتي فيا اي يا ساره للدرجادي شقواتك وضحكتك اسروا فيا انتي مصيبه بجد
رامي (صديق ليث المقرب): اي ياعم اي الى واخد عقلك كده
ليث : بقولك اي يا رامي انا هروح دلوقتي
رامي: ازاى احنا لسه بدري علي معاد المرواح
ليث: لازم اروح كفايه كده لازم اعترف ليها
رامي : انا مالي عامل زي الاطرش في الزفه تعترف لمين ؟
ليث: مش مهم ظبط انت الشغل وانا مروح دلوقتي وهقولك على كل حاجه بعدين
رامي: ماشي امري لله
•••••••••••••••••••••••••••••••••
دخل الڤله لقاها جسم لا حول له ولا قوة مرميه عالارض محدش من الخدم ولا الحراس موجدين الڤله كلها فاضيه وهي وحدها خلاص راحت للي خلقها واتصدم اكتر لما شاف السائل الابيض الى طالع من بوقها ليث جري عليها
ليث: ساره ساره ارجوكي ردي عليا اي الى حصلك بس
~ وشالها ركبها العربيه وخدها عالمستشفي
•••••••••••••••••••••••••••••••••
في المستشفى بعد ساعه وهما بيحاولو يرجعو لساره الحياه بكل الطرق وللاسف فشلت
الدكتور: انا اسف يا ليث بيه بس الانسه السم الى دخل جسمها خطر جدا وكمان هي اتسابت فتره كبير والسم بدأ ينتشر في جسمها واحنا حاولنا كتير بس للأسف الانسه ساره دخلت في غيبوبه ومقدرش اطمنك لانها ممكن تموت في اي وقت
ليث بجنون وعصبيه : يعني اي يعني اي هتروح وانتو لازمتك اي اعمل اي حاجه انا عايزها تعيش عايز ساره تبقي معايا
~ وانهار ووقع عالارض الدكتور قال للممرضه تحقنه بمهدئ عشان يهدي
بعد 4 ساعات كاملين وليث قاعد بره على اعصابه لقي وحده كبيره في السن جايه نحيته
الست واسمها فاطمه: في اي يا ابني مالك كده
ليث ودوعه خانته ومقدرش يتحمل اكتر من كده: تعبت والله تعبت اول حاجه والدي يموت وانا عندي لسه 7 سنين تدخل عصابه تقتله قدامي قدام عيني كنت بشوف ابويا بيتوجع وانا مش قادر اساعده كبرت وكنت فاكر امي هتعوضني عن غياب ابويا وهتكون ليا الام والاب بس كنت غلطان اهم حاجه عندها الموضه والنادي وصحابها عمرها ما فكرت فيا ( ومسح دموعه بقهر ووجع) تخطيت كل ده وروحت شركه بابا ووقفت على رجلي من تاني ربنا جبر بخاطري وجوزت اختي ل اعز اصحابي اليوم ده كنت مبسوط اوي لحد الفرحه التاني بعد جوازها ب ٤ شهور حملت وولدت توأم زي القمر بعدها بشهر سافرت هي و خالد جوزها شغل وخالد طلب مني اخلي الاولاد معايا وكان بيوصيني عليهم كتير انا وافقت وبعدها بيومين يتصل عليا خالد واسمع صوت مش صوته واحد بيقولى البقاء لله صاحب التلفون والى معاه في العربيه عملو حدثه وماتو متحملتش وقتها كل حاجه بقت زفت اهو ٧ سنين علي موتهم وانا مش عارف انساهم والانسانه الوحيده الى حبيتها بتموت مني وانا مش عارف اعملها حاجه
الست اتأثر جامد بسبب حكايته وبسبب معاناته الكبيره بس اتماسكت وقالتله
فاطمه : اصبر يابني ان شاء الله خير ربنا اكيد هيجبر بخاطرك بس انت ادعيه روح يابني روح صلي ركعتين لله وادعيلها بالشفا
~ وفعلا راح المسجد صلي وبعد ما خلص
ليث: يااارب .. يارب رجعهالى انا بحبها ونفسي تكون من نصيبي يارب اشفيها فانت الشافي ولا إله غيرك يارب انا استحملت كتير وعارف ان الفرج من عندك جاي قريب ... يارب متحرمنيش منها
•••••••••••••••••••••••••••••••••
في الڤله
نسرين بحقد : انا مش عارفه ازاى لسه ممتتش لحد دلوقتي دي قطه بسبع ارواح بس مش مشكله هتموت برضو والدكتور مأكد كده
احلام: بس انتي مش شايفه ليث قاعد معاها ليل نهار ولا فاضي لينا خالص
نسرين: ما هو ده الى قاهرني
احلام: انا هحط حد للمهزله دي
•••••••••••••••••••••••••••••••••
في المطبخ بتاع الڤله
اياد: انا خايف اوي يا طنط سريه
(وحده كبير في السن شغاله في القصر)
سريه: متخافش يا ابني كام يوم وهيرجعلك ليث متخافش
زياد: هي ماما ساره فين
سريه: ماما ؟
اياد: ايوه لما ترجع هقولها يا ماما انا بحبها اوي
~ سريه حضنتهم
سريه: ربنا يكرمكم يابني ويرجع ليكم ليث وساره بالسلامه
•••••••••••••••••••••••••••••••••
في المستشفى
ليث: يلا يا ساره قومي كفايه كده
الممرضه : ممكن تتفضل بره كفايه الدكتور قال ممنوع حد يبقي معاها غير مده محدوده
ليث كان هيقول بس لقي ساره مسكت ايدو
ساره : ل ليث
•تابع الفصل التالي "رواية بائعة الكشري" اضغط على اسم الرواية