رواية حكاية رغد كاملة بقلم نورهان عادي عبر مدونة دليل الروايات
رواية حكاية رغد الفصل الثالث 3
وقفنا البارت اللى فات لما قاسم قال ليها بس بشرط
وقتها أنا سالته اي الشرط قالى تتجوزيني وقتها أنا انصدمت قولتله اتجوزك قالى اه أنا أول ما شوفتك و أنا معجب بيكى و اتمنى إنك توافقى.
وقتها أنا فكرت إنى لو مش وافقت ممكن ميدفعش لامى فلوس العملية و أنا مش بقيلى لامى فوافقت وقولتله أنا موافقة اتجوزك قالى خلاص هيكلم حد يدور على متبرع وهدفع فلوس العملية وقتها أنا هزتله راسى وسكت بس قولتله هنكتب الكتاب لما امى تقوم بالسلامه.
وافق وقالى تمام لما العملية تخلص هنكتب الكتاب.
وبعد ما خلصنا كلامنا سابنى ومشى قالى إنه هو هيكلم الدكتور وبعد نص ساعة قالى إنهم بيجهزوا امى للعملية دلوقتى.وفعلا بعد خمس دقائق وامى كانت فى العملية.
وبعد خمس ساعات وامى لسه فى العملية وأنا منهارة وهو كان معايا وبيهدينى الدكتور طلع من العملية وأنا جريت عليه وقولتله امى عامله ايه امى كويسه قالى الحمدلله العملية نجحت وهننقلها لاوضه عادية وساعه وهتفوق أنا وقتها فرحت جداً إنى امى مش هتسيبنى لقيت قاسم بيه بيقولى أمك الحمدلله كويسة وتعالى عشان نكتب الكتاب لما امك تفوق ومشيت معاه وفعلاً كتبنا الكتاب ورجعنا تانى لاوضه امى لقيت الدكتور طالع من الغرفه وبيقولى إنى امى فاقت وقتها أنا سبتهم ودخلت لامى وقولتلها حمدالله على سلامتك يا ماما الحمدلله إنك بخير وبعدها قولتلها امى كنت عايزه اقولك على حاجه حصلت قالتلى خير وأنا حكيت ليها على اللى حصل وقتها هى بكت على اللى حصل وقالتلى كنت سبتينى مت بس مش تعملى حاجه غصب عنك قولتلها أنا موافقة واهم حاجه إنك معايا
وبعد ما خلصنا كلامنا قاسم دخل الاوضه علينا هو كان سابينا نتكلم و احكى لامى اللى حصل وبعد اسبوع من تواجد امى فى المستشفى الدكتور كتب لامى على خروج وقاسم معانا فى المستشفى كان بيروح الشركة الصبح وبعد ما يخلص شغل بييجى للمستشفى وبيروح على بليل.وقتها هو قالى هنروح على الفيلا وامى معانا وقتها امى اعترضت وقالت إنها هتعيش فى بيتها بس مع إصرار قاسم امى وافقت وروحنا على الفيلا. الفيلا كانت كبيرة أوى وجميله جداً.
وبعد سنه من جوازنا امى كانت عايشه معانا وقاسم كان بيعاملنا حلو ومش بيحب يزعلنى ابدا
وفى يوم وقتها كنت أنا فى الاوضه بتاعتنا أنا وقاسم وامى كانت فى اوضتها وقاسم كان فى الشركة كنت أنا برتب الدولاب وانا برتب الملابس لقيت ملف وقع من بين ملابس قاسم ولما فتحته كان مكتوب بالانجليزى وعشان أنا خريجه ألسن وبعرف أترجم ترجمت الورق اللى فى الملف وقتها أنا انصدمت والملف وقع منى من الصدمة.
- يتبع الفصل التالي اضغط على ( رواية حكاية رغد ) اسم الرواية