رواية بائعة الكشري (كاملة جميع الفصول) حصريا عبر دليل الروايات بقلم اميره محمد
رواية بائعة الكشري الفصل الاول 1
في حاره شعبيه واقفه ساره على عربيه الكشري وبتنادي بصوت عالي
ساره : يلا الكشري الكشري المصري الى مش هتلاقي زيه يلا قرب واشتري نفعنا الله يسترك دنيا واخره
واحد من نفس حارتها : انفعك انا يا قمر وتوافقي عليا
ساره: غور من وشي يا ابراهيم انا مش فايقالك
ابراهيم: ماشي ماشي يا ساره انا هغور بس هرجع تاني ياقمر
ساره: عالصبح اليوم بان من اوله
جات صحبتها زينب: اي الاخبار يا ساره استفتحتي
ساره: انا تسمعي عني كده
زينب: هههههه جاتك خيبه ما قولتلك الناس دلوقتي كلها بتعمل الكشري في البيت محدش هينفعك بربع جنيه
ساره: اي ده الدنيا بقت زفت عالاخر والله يا زينب
~ فجأه جات عربيه كلت عربيه الكشري كلها
ساره وهي بتلطم: يختي هي كانت ناقصه كملت اهي ... انت مش بتشوف يا حمار يا اعمي
واحد نزل من العربيه
زينب: يا نهار ابيض اي الطول والعرض ده اسيبك انا بقي عشان حاطه رز عالنار هيتحرق
ساره وهي بتبكي: ماشي يا ندله والله ما في حد هيتحرق غيري ده هياكلني ومش هيسمي عليا اعمل اي اعمل اي
ليث : انتي يا زباله تقولى عليا انا حمار
ساره: لأ بقولك اي مش عشان طول وعرض وعربيه مشوفتهاش غير في التلفزيون هتغلط وفاكرني هسكتلك لأ ده انا ساره
~ مسكها من قفاها
ليث: هتعملى اي يعني
ساره طب بلاش مسكت الحراميه دي ونزلني انا باينه زي الكتكوت في ايدك... نتفاهم يا جدع التفاهم واجب
ليث طلع فلوس: امسكي دول يجبولك شقه مش عربيه معفنه زي دي
ساره : لأ دا انت زودتها اوي عربيه معفنه اي هي اه معفنه فعلا بس مسمحش حد يقول عليها كلمه
ليث: انتي رغايه اوي
ساره: الله يخليك حبيبي تسلم
ليث: طب بقولك اي لو عايزه شغل انا عندي ليكي شغل
ساره: قول وربنا انا برضو بقول عليك ابن حلال
ليث: ابن حلال اه مانتي قولتي كده فعلا
ساره: خلي قلبك ابيض بقي المهم اي الشغل هاا
ليث : هتشتغلى عندي في الڤله
ساره: لأ يخووياا اوعي تكوني فاكرني من اياهم لأ ده تربيه حاره
ليث وهو بيقاطعها: شششش اي انتي هتردحي انتي دماغك دي اي شمال علطول
ساره: مفيش تفسير غير كده
ليث: اووفف منك بس مش مهم انتي هتشتغلى داده في الڤله لتؤام زياد وإياد
ساره: اهه ما كنت تقول كده من الاول
ليث: انتي عطتيني فرصه اتكلم
ساره: طب هما دول عيالك
ليث: ميخصكيش
ساره : يا ساتر عليك
ليث: خدي ده الكرنيه بتاعي فيه رقمي وعنوان الڤله تجي بكره الصبح الساعه 8
ساره: يسطاا ده انا هجيلك من 5 ونص
ليث: اي يسطا دي حسني ملافظك
ساره : هو انت اصولك مصري
ليث: اه ليه
ساره : ولما انت مصري متعرفش ان يسطا دي بقي ليها اهميه وشهره اكتر مني ومنك بكتير وربنا
ليث: انا اعرف ان الولاد الى بيقولوها مش انتي
ساره: ده كلام فارغ يسطاا
ليث: مفيش فايده
•••••••••••••••••••••••••••••••••
تاني يوم الساعه 8 تلفون ساره رن
ساره وهي نايمه: الو
زينب: كل ده نوم يابقره انتي مش قولتيلي انك هتشتغلى عند بيه كبير اومال لحد دلوقتي نايمه ليه
ساره برضو وهي نايمه: وانا اقول مين البارد الى بيرن دلوقتي وبعدين يا زينب ياحبيبتي قالى الساعه 8 هتلاقيها دلوقتي لسه 5 نامي ياماما نامي
زينب: 5 ونص اي الساعه 8 يا زفته
ساره : 8 ايه هتلاقيها صفر وانت شفتي خط في النص
زينب: ايه ده هو في ساعه اسمها صفر برضو
ساره: كل حاجه ممكنه يلا سيبيني انام بقي
زينب : انا خلاص جبت اخري منك نامي يختي
~ الساعه 9
ساره بعد ما صحيت: يااهه الواحد نشيط اكيد لاني هشتغل
~ بصت في الساعه
ساره : يا نهار ابيض اي ده لا لا اكيد الساعه دي بايظه
~ وفضلت تجري في الاوضه بتاعتها فوق السطوح
ساره : فين الجببه فردة الشراب راحت فين طب في الحجاب اي ده يا مرك يا ساره طرد من اول يوم
•••••••••••••••••••••••••••••••••
وصلت الڤله لقت حارس واقف قدامها
الحارس: مين حضرتك
ساره: حضرتك ... ياااهه اول مره حد يحترمني ربنا يسترك ياخي
الحارس: يا فندم انتي مين
ساره: انا انا الى الزمن هدني ولا حد بيودني انا الى قلت الاه
الحارس: غوري بعيد يابت
ساره: بت لأ ما انت طلعت قليل الادب اهو اومال اي حضرتك وفندم الى بتخدعنا بيهم دول والله لأوريك
~ وهجمت عليه بالكوتش بتاعها
الحارس: انا مش بضرب حريم اوعي ياست من هنا
ساره: والله ابدا هوريك يعني هوريك
~ فجأه لقت ليث بيطلع من الڤله وشافها
ساره: صباح الخير ياباشا
ليث بنظرات غير مبشره بالخير : ادخلى
ساره : اي ده انت هتاكلني ولا اي ياعم لأ بقولك اي انا لحمي مر ويقرف
ليث : قولت ادخلى
ساره: طيب متزوقكش (وهي ماشيه) يارب استرها معايا انا وحده غلبانه ماشيه جمب الحيط
•••••••••••••••••••••••••••••••••
في المكتب
ساره: ايه بتبصلي كده ليه استهدي بالله والله انا غلبانه معلش عديها هصوت والم عليك الڤله كلها
ياتري ليث هيعمل ل ساره اي هنعرف الجزء التاني واكتر دعممم🥹💛💛💛💛💛💛
•تابع الفصل التالي "رواية بائعة الكشري" اضغط على اسم الرواية