رواية ظلمتها ثم احببتها (كاملة جميع الفصول) حصريا عبر دليل الروايات بقلم مريم صادق
رواية ظلمتها ثم احببتها الفصل الاول 1
تبدأ الروايه مع بنت عندها ٢٢ سنه وهى نائمه دخلت مرات ابوها عليه عشان تصحيها
مرات الاب (كنوز)/اصحى يا رؤى يلا يا حبيبتي عشان انهارده اول يوم في الجامعة
رؤى بنوم/سبينى شوية بس يا ماما والنبي
(اعرفكو رفكوا على بطلتنا رؤى ٢٢ سنه بشرتها بيضه قصيرة شويا يعنى شعر بنى طويل نوعاً ما محجبه عيونها بنى و ملامح وشها هادئه اوى في كليه تجاره)
في الوقت دا دخل شهاب اخوها الصغير
شهاب بهزار / يلا يا بت بقا انتى على طول كدا نايمه نفسي اشوفك صحيا شويا
أمه (كنوز) بحده/اتلم يا واد انت دى اختك الكبيرة
رؤى صحيت بكسل/سبيه يا ماما مهو مترباش الحمار دا اصلا
كنوز/والله انا معرفتش اربيكو انتو الاتنين (احب اعرفكو بكنوز سته طيبه و تخاف الله وشها بشوش هى اللى ربت رؤى لما كانت رؤى عندها سنه و بعدها خلفت شهاب )
كنوز بحنيه /يلا طيب بقا عشان نفطر سوا و نصلى الصبح هروح اصحى ابوكم تكونو جهزتو
رؤى قامت /حاضر يا ماما
شهاب و هو رايح اوضته/وانا كمان هروح اجهز عشان المدرسه
(شهاب طالب في سنه تالته ثانوى ١٨ سنه يحب مذكرته لكنه شقي شويه و يحب الهزار جدا لكن غيور جدا على مامته واخته لما بيتعصب بيتحول)
كل واحد راح يجهز و كنوز راحت تحط الاكل و صحت جمال جوزها
جمال دخل لكنوز المطبخ
جمال / صباح الخير يا ام شهاب
كنوز/صباح النور يا حج ثوانى وهحط الاكل اهو
جمال / هى البت دى مصممة برضه على انها تروح الجامعه
كنوز/سيبها يا حج البت لسا صغيرة و التعليم حلو مش وحش يعنى شهدتها تبقا سلاح في ايديها
جمال /بلا نيله يا شيخه آخرها المطبخ والجواز يا كنوز أنا مش هفضل اصرف كدا كتير في الهبل اللى اسمه تعليم دا طب الواد و قولت ماشى يتعلم عشان ينفع نفسه و يشتغل شغلانه حلوة كدا عشان الزمن مش يبهدلو لكن البت تتعلم لىه
كنوز /تتعلم عشان الزمن ميبهدلهاش هى كمان يا جمال البت مش للخدمه وبس
جمال بزعيق/ياريتها كانت واد كانت نفعتنى و بقت سند ليا بدال ما الواد لسا صغير وانا بكبر في السن
كنوز بضيق/اهدا يا جمال بس كدا مهى بنتك و سندك برضه
جمال بزعيق/بلا سند بلا زفت أنا هغور اروح الشغل
كنوز/جمال استنا افطر الاول
بس جمال سبها ونزل
(اعرفكو بجمال راجل قاسي شويه على بنته لانه يفضل خلفة الصبيان يعتقد أن البنت عبئ فقط على اى اب لكن احيانا يعطف على ابنته رؤى)
*******************************************
عند رؤى كانت جهزت من بدرى قبل ما تخرج من الاوضه سمعت كل اللى حصل من ابوها قعدت تعيط وتفكر ليه ابوها بيعملها كدا بس رغم أنها بتحبه جدا
دخل شهاب عليها لقها قعده على السرير بتعيط
قعد جمبها و خدها في حضنه
شهاب /ممكن تهدى وتفهمينى مالك طيب بتعيطى ليه
رؤى/انت يعنى مسمعتش بابا كان بيقول ايه يا شهاب
شهاب/حقك عليا أنا خلاص بقا فكى و انتى عارفه بابا عصبي على طول كدا أهدى بقا ويلا عشان ماما عملت شوية بطاطس محامير😂 انما ايه بقا عظمه
ضحكت رؤى/طيب يلا يا حديدة عشان أفطر وانزل عندى محاضرة خايفة تأخر
😂 شهاب بضحك / يلا يا اختى
خرجو و قعدو يكلو كلهم
*********************************************
في مكان اخر في ڤيلا فخمه و جميلة جدا وكبيرة أنها ڤيلا عائلة مرزوق
الجد(فاروق) / نبيلة ....يااانبيلة
نبيله (الخدامة) /ايو يا بيه معلش مكنتش سامعه
الجد بهدؤء/ولا يهمك يا بنتى روحى بس صحى مهاب بيه عشان يفطر و يروح الشركه
نبيلة بطاعه /حاضر يا بيه
(اعرفكم على فاروق بيه مرزوق ودا بقا جد مهاب أبو ابه رجل رغم كبر سنه إلا أن كلمته سيف على رقبة الكل لكن في نفس الوقت طيب و حنين )
*********************************************
في غرفه مهاب كان نائم حتى فاق على صوت خبط الباب
مهاب بنوم/مين
نبيلة /أنا يا مهاب اصحى يا بنى جدك بيقولك يلا عشان الشركه
مهاب قام فتح الباب /صباح الخير يا بولبولة
نبيلة بحنيه /صباح النور يا حبيبي يلا عشان جدك
مهاب /حاضر قوليلو جى اهو بس هخد دش والبس
وانتى جهزلى الفطار
نبيلة /كل جهزة يلا انت بقا
مهاب بضحك/حاضر يا بولبولة بقا قولنا جى اهو
و دخل و قفل الباب
(اعرفكم بي نبيلة دى الدادة اللى ربت مهاب من صغرو و يعتبرها امه بالظبط وهنبقا نعرف مع بعض لى هى اللى ربتو مش مامته )
(اعرفكم بقا بمهاب شاب طويل بجسم رياضي عيون بنيه حادة لكن جميلة شعر بنى عنده ٢٨ سنه يحب عمله جدا عندو شركه ازياء كبيرة و ناجحه جدا لكنه يحب السهر و الشرب والبنات ولا يثق في اى امرأة سوا نبيلة )
دخل مهاب اخد دش و خرج لبس بدلة سودة و قميص ابيض و جزمه سودة و الساعه ماركه رولكس و حط برفان تحفة
و نزل تحت لقاه جدو قاعد مستنيهم على السفرة
مهاب بحب/ صباح الخير يا جدى و راح بأس ايده
جدو بحنيه وحب/صباح الخير يا حبيبي
مهاب/فين بابا
الجد / نبيلة بتقول بيلبس و جى
مهاب /أنا هطلع اساعدو و جى
جدو/ماشى متتاخروش
(اعرفكم بي ابو مهاب سليم مرزوق رجل كان ناجح في مجال الأزياء و الموضه لكنه الآن مشلول و يتحرك بي كرسي وسوف نعرف في الفصول القادمه ما السبب)
**********************************************
عند سليم في غرفته سمع خبط الباب وهو يحاول أن يلبس
سليم /مين
مهاب /أنا يا بابا
سليم بحنيه/تعلا يا حبيبي ادخل
مهاب دخل /صباح الخير يا احلى بابا
سليم /يا واد يا بكأس كل دا عشان تغطى على عملتك بتاعت امبارح كدا يا مهاب ترجع الفجر دا ينفع
مهاب / ايه دا هو بولبولة فتنت عليا
سليم /اتلم يا ولد انت
مهاب بضحك/تعلا اساعدك عشان هتقلب نكد وانا اصلا جعان
***********************************استغفرو الله
تحت عند الجد دخل على
على بضحك/الله اكل أنا هموت من الجوع يا جدى والله
الجد /يا اخى قول صباح الزفت على دماغك تك القرف
على وهو يأكول /صباح الزفت على دماغى ولا تزعل نفسك
الجد بستيأس من حالته التى لم تتغير ابدا /اقعد اطفح يا حبيبي انا خلاص جبت أخرى منك
(اعرفكم على دا ابن عم مهاب و صديق عمره يعتبر هو مثل اخوه شاب طويل عريض بجسم رياضي عيونه رمادى و بشرته بيضه يعمل مع مهاب في الشركه و يدير له المصانع)
تسريع الأحداث .............
فطرو كلهم و ذهب مهاب وعلى إلى الشركه
****************************صلى على النبي
عند رؤى وصلت الكليه و شافت صحبتها و جريتها مى
رؤى /ايه يا زفته انتى شوفتك مشيا قدامى أنا وشهاب وندهت عليكى مترديش عليا انتى ولا اختك
مى/أهدى بس يا رورو انتى عارفه أن الواد شهاب اخوكى بيعاكس البت ريم اختى على طول عشان كدا بصراحه عملنا مش سمعين
رؤى /حقك والله دا عيل رخم وبعدين ايه الجديد مهو على طول بيعاكس ريم يعنى
مى بنفاذ الصبر /يلا يا رؤى يلا عشان المحاضرة و ذهبو لمحاضرتهم
(اعرفكم بي مى دى صديقة وحارة رؤى من نفس سن بعض بينهم شهر واحد بس بيحبو بعض جدا و على طول مع بعض في كل حاجه مى محجبه و قصيرة و قمحاويه و عيون عسليه و شعر بنى طويل )
(أما بقا ريم اختها اصغر من شهاب بي ٤سنين لكن هو صديق طفولتها ولا تعرف أنه يحبها سرا ريم طلفه هاديه اوى رقيقه و بتتكسف من كل حاجه قصيرة و بيضه و عيونها سودة بس فيها لمعه براءة تدوب اى واحد يبص في عيونها شعرها اسود و طويل في سنه تانيه إعدادى عندها ١(سنه٤
دا كان فصل عشان اعرفكم بس على الشخصيات ولسا في ناس تانى هنعرفها بعدين
دى اول مرة اكتب روايه لو عجبتكم هكمل فيها و حبه اسمع رايكو اوى
بقلم مريم صادق❤️
•تابع الفصل التالي "رواية ظلمتها ثم احببتها" اضغط على اسم الرواية