رواية بيع مليكة الفصل الحادي عشر 11 - بقلم مروة حسن

  رواية بيع مليكة كاملة بقلم مروة حسن عبر مدونة دليل الروايات

 رواية بيع مليكة الفصل الحادي عشر 11

شخص١:تشوفي ابن عمك اللي شغال ف صيديليه و خليه يجبلي *سم* بس اي ميبينش ان اللي هيموت دا متسمم..

شخص٢ بصدمه: ااااي…….

شخص١:اللي سمعتيه فاهمه..

شخص٢بخوف: حاضر حاضر… عايزاه امتا..

شخص١:بكره الصبح يكون عندي..

شخص٢:حاضر هتصل بيه و اخليه يجهزه..

شخص١:طب امشي يلااا..

***************************

ف المستشفى..

حازم: يلا ي روحي علشان تتعشي..

مليكه بابتسامه: حاضر…

حازم وهو يأكلها: شطوره…

مليكه: هو احنا مقابلتنا اول مره كانت ازاي..

حازم وهو يفتكر خناقه اول مره و يبتسم تلقائيا: بصي يا ستي انتي كنتي سرحانه وانا كنت جاي من وراكي و بضرب كلكس… و انتي مش واخده بالك لحد ما تعصبت و وقفت و زعقت فيكي… و انتي روحتي برضوا زعقتي فيا و مسكنا ف بعض…

لتضحك مليكه بشده: يا لهوووي يعني قصه حبنا بدأت بمشاكل..

ليستغرب حازم من حديثها و لكن يبتسم لها..

مليكه: و امتا بقى حبيتني.. تيتا بتقول اننا بنحب بعض اوووي.. قصه الحب دي بدأت ازاي…

حازم وهو عرف سبب حديثها و لكن تجاهل وظل يتأملها و يمسك يديها: حبيتك من جرأتك مفيش بنت كلمتني بالجرأه اللي انتي كلمتيني بيها.. حبيت قوتك و ازاي بتحافظي على نفسك…

لتخجل مليكه من حديثه و لا تعرف ماذا تقول له…

حازم: اي سكتي ليه..

مليكه: مش عارفه حاسه اني اول مره بسمع الكلام دا منك.. مش عارفه ليه مكسوفه منك مع انك جوزي… بصراحه حاسه انك غريب عني..

حازم بتوتر بسيط: حبيبتي انتي نسيتي انك فقدتي الذاكره.. و احنا برضوا بقالنا وقت قصير جداا متجوزين.. طبيعي تحسي بالاحساس دا..

لتهز رأسها بمعني انها اقتنعت بحديثه..

مليكه: احنا امتا هنمشي من هنا..

حازم: الدكتور قال ممكن نمشي بكره..

مليكه: احسن علشان زهقت من جو المستشفى..

**************************

ف الكافيه..

كريم: مش عارف اعمل اي مع البت رحمه دي.. اجي اتكلم معاها القيها بتكلمني برسميه.. شلتني..

صديقه: قولتلك انها غيرهم.. و مقفله..

كريم بتفكير: بس انا حاسس ان ممكن تيجي معايا.. بس شكلي كدا هضحي شويه..

صديقه بدون فهم: مش فاهم دماغك..

كريم بابتسامه: هقولك اصل ابويا عايزني استقر.. و انا هحققله هدفه.. بس ارتب للموضوع

***********************

صباح يوم جديد مليئ بالاحداث…

ف القصر..

خديجه: يلا ي عفاف خلصتي اللي قولتلك عليه..

عفاف: ايوا ي هانم..

خديجه: و جناح حازم نضفتيه كويس…

عفاف: ايوا ي هانم.. كله تمام..

لتنزل اسماء من على الدرج و هي لم تعرف ماذا يحدث..

اسماء: اي اللي ببحصل هنا..

خديجه: ما انتي لو بتسألي كنتي عرفتي.. ان مليكه هتخرج النهارده من المستشفى.. بس انتي حتى الزياره مروحتيش ليها..

اسماء بابتسامه: بجد هتخرج النهارده.. و بعدين ي حماتي انا خوفت اتعبها بكلامي.. خصوصا انها مش فاكره حاجه..

خديجه: المهم تعامليها كويس..

اسماء بابتسامة خبيثه: متخافيش انا ههتم بيها على الاخر.. دي عروستنا برضوا..

لتتركها خديجه و تذهب…

اسماء ف نفسها: انا هعرف ازاي اهتم بيكي ي مليكه و اريحك خالص…

************************

ف الجامعه..

كانت تسير ف شارع الجامعه ليوقفها ذلك الشاب بابتسامه جميله..

كريم: صباح الخير…

رحمه وهي تنظر له بتأفف.. انت برضوا..

كريم بغيظ: طب ردي الصباح..

رحمه: انت عايز مني اي.. كل شويه تنطلي بحاجه جديده..

كريم بغضب: انتي بتكلميني كدا ليه.. انا مليون واحده تتمناني..

رحمه ببرود: طب روح للمليون بتوعك..

كريم بابتسامه مستفزه و نظره حقي*ره: بس انا عايزك انتي..

لتصفعه رحمه على وجهه: انت قليل الادب.. لتذهب من امامه.. و تتركه مندهش من الذي حدث..

كريم يحدث نفسه: انتي بتضربيني انا ي بت ال…. اقسم بالله ل ربيكي..

******************

ف المستشفى..

يدخل عليها حازم بابتسامه جميله و هو يخبئ شئ ورا ظهره.. ليراها حزينه..

حازم بخوف عليها: مالك ي حبيبتي.. زعلانه ليه..

مليكه وهى عابسه كالاطفال: معنديش فستان اروح بيه..

حازم بابتسامه: و مين بس اللي قالك انك معندكيش فستان… ليخرج من ورا ظهره شنطه و يعطيه لها… لتخرج منه فستان نبيتي جميل و طرحه سوداء…

مليكه بانبهار: دا عشاني…

حازم: لا عشاني..

لتضحك مليكه ليتأملها حازم..

حازم بابتسامه: يارب دايما بتضحكي ي روحي..

لتخجل مليكه: طب اخرج بره علشان اغير براحتي..

حازم وهو يتصنع البراءه: ليه..

مليكه بغيظ: انت هتستهبل.. اخرج بره..

حازم باندهاش وهو يرى عصبيتها مره اخرى: بستهبل.. انتي نسيتي اني جوزك..

مليكه وهي تخرجه خارج الغرفه: نبقى نشوف حكايه جوزي دي بعدين…

لتقفل الغرفه..

حازم بالخارج: مجنونه…

**********************

ف الجامعه…

كانت تجلس ف كافيتريا الكليه تنتظر صديقتها *حور*..

مرام تحدث نفسها: اتاخرتي ليه ي زفته…

ليأتي اليها شاب…

الشاب: ازيك ي حلوه..

مرام: نعم…

الشاب وهو يجلس بجانبها: بقولك ازيك ي حلوه..

مرام وهي تقوم من على الكرسي: انت شكلك واحد مجنون.. لتذهب من امامه لكن يمسك يدها ليمنعها من الرحيل… لتصفعه على وجهه..

مرام: انت ازاي تمسكني كدا..

ليراها عمرو و صديقه..

صديقه: يلا ي عم اهي ابتدت الخناقه.. ادخل بقى دافع عنها..

عمرو: انا بقول استنى شويه لحد ما تسخن اكتر..

عند مرام و ذلك الشاب..

الشاب بغضب: انتي بتضربيني انا.. انتي شايفه نفسك على اي عايز افهم…

مرام بغضب: و انت مالك اصلا.. انت عايز مني اي…

ليقترب منها الشاب لتبتعد عنه..

مرام بتحذير: احسنلك تبعد عني.. لتحاول ان تذهب و لكن يمسك يدها مره اخرى..

عمرو بثقه: اهو دلوقتي اروح انقذ……. لكن ينصدم عندما يرى مرام تقوم بضربه ف بطنه و تنزل عليه بحركات الكارتيه.. حتى يكون ذلك الشاب على الارض يتوجع..

مرام بابتسامه ثقه: قولتلك تبعد عني… و تذهب من امامهم..

عمرو: اي البت دي.. تكونشي بروسلي وانا مش عارف..

صديقه: انت هتكلم نفسك.. الواد بيموت..

عمرو: ما يموت.. مش عيب عليه واحده تضربه..

صديقه: يا عم اتنيل.. احنا غلطانين اننا سمعنا كلامك..

عمرو بحيره: طب دي اخليها تحبني ازاي.. علشان اكسر مناخيرها الي طالعه بيها السما..

************************

ف القصر..

خديجه: انا مش عارفه اتأخرو كدا ليه..

شريف: عادي ي جدتي.. انتي هتخافي على حازم زمانه جاي..

ليرن الجرس…

شريف: اهم وصلوا..

فتحت عفاف الباب..

حازم بابتسامه: ازيك ي داده..

عفاف: كويسه الحمدلله.. ازيك ي مليكه هانم حمدالله على سلامتك..

مليكه بابتسامه: الله يسلمك… لتنظر لحازم ليفهم نظرتها..

حازم: دي داده عفاف ي مليكه..

ليدخلوا القصر..

خديجه بابتسامه: حمدالله على سلامتك ي حبيبتي..

مليكه: الله يسلمك ي تيتا..

لتنظر مليكه ل اسماء فهى لم تأتي لها المستشفى..

اسماء وهي تصتنع الحب: الف حمد لله على سلامتك ي حبيبتي.. معلش علشان مجيتش زورتك ف المستشفى.. بس محبيتش اتعبك قولت لما تيجي بسلامه…

مليكه بابتسامه: الله يسلمك..

اسماء: انا اسماء مرات عم حازم ي حبيبتي..

خديجه بمقاطعه: خد مراتك ي حازم و اطلعوا علشان ترتاحوا يكون الفطار جهز ي حبيبي…

حازم: حاضر… ليأخذ مليكه لغرفتهم…

**************************

تأتي من الخارج وهى تلتفت يمين و يسار خائفه ان يكون احد رآها… لتدخل المطبخ وهى ممسكه بتلك الازازه الصغيره التي تخبأها بكف يدها.. تريد ان تعطيها لسيدتها دون ان يلاحظ احد.. لتنظر خارج المطبخ و تراها من بعيد..

لتحس الاخرى بأن احد ينظر اليها لترى خادمتها لتفهم انها أتت بالمطلوب..

الخادمه: اسماء هانم الازازه اهي..

اسماء بابتسامه وهي تأخذ منها الازازه: حد شافك..

الخادمه: لا ي هانم..

اسماء: احطه ف اي حاجه عادي..

الخادمه: ايوه ف اكل او شرب..

اسماء: تمام اوووي…

*********************

كان سالم يجلس مع ابنه شريف يتناقشوا ف امور الشغل..

ليرن هاتف سالم معلن عن اتصال من صديقه *عبدالرحمن الرشيدي*

سالم بابتسامه: عبدالرحمن الرشيدي بنفسه.. اخيرا افتكرتني ي شيخ..

عبدالرحمن: حبيب قلبي.. ما خلاص مش هبعد عنك تاني..

سالم: يبقى عايزني عشان مصلحتك..

عبدالرحمن: ابدا والله.. دا انا طاير من الفرحه.. علشان الموضوع اللي انا عايزك فيه..

سالم باهتمام: شوقتني.. موضوع اي..

عبدالرحمن: بص ي سيدي انا جاي عندك بكره عشان نتقدم لبنت اخوك لابني..اي رأيك بقى عايز انسبك..

سالم بابتسامه: و دي حاجه تشرفني.. هو انا الاقي زيك انسبه..

عبدالرحمن: تسلم.. اشوفك بكره سلام..

سالم: سلام…. ليغلق الخط ثم ينظر لابنه..

شريف بابتسامه: نسب اي ي بابا.. هو جاي عريس ل دينا و لا اي..

سالم: لا.. جاي ل رحمه بنت عمك…

شريف بصدمه: رحمه………..

• يتبع الفصل التالي اضغط على ( رواية بيع مليكة ) اسم الرواية