رواية اسيرة قلبي (كاملة جميع الفصول) حصريا عبر دليل الروايات بقلم انجي جمال
رواية اسيرة قلبي الفصل العاشر 10
البارت العاشر
اسيرة_قلبي بقلم 👈 انجي جمال
وفي هذه الأثناء ينطفئ الضوء للإعلان عن بداية اول فقرات الحفل و يتوجه الجميع للطاولة لإطفاء الشموع وتتوسطهم مرام وبعد الانتهاء تبدأ الفقرة الثانية وهي الرقص :.
آسر بإبتسامة: تسمحيلي بالرقصة دي .
ميرنا بخجل : اكيد .
صفية بهمس موجهه كلامها لأيان : خد مرام و ارقصوا سوا .
أيان ببرود : انا جيت مع حضرتك علشان متزعليش غير كدا مش هقدر
مرام بدلع : ما تيجي نرقص مع بعض يا اينو .
أيان بسخرية : كل ده و اينو ليه ابن اختك انا .
مرام بضيق : الحق عليا اني بدلعك .
صفية متداخلة : بيهزر معك يا حبيبتي ويلا روحوا ارقصوا سوا .
أيان ببرود: يلا خلينا نخلص في ام الليلة دي.
************************************
عند آسر وميرنا. :.:
آسر بإبتسامة: مكنتش اعرف انك بتعرفي ترقصي حلو كدا .
ميرنا بخجل : حلو اي دا انا هرست رجلك .
آسر بإبتسامة: فداكي وعلي قلبي زي العسل .
ميرنا : طب بص جمبك كدا .
لينظر بجانبه ويري أيان وهو يرقص مع مرام لينفجر في الضحك علي وجه أيان العابس
آسر بضحك : يا لهوي دا وشه والا وهو رايح يقبض على مجرم .
ميرنا بضحك مماثل : دا لو قاتله حد من عيلته مش هيكون مكشر في وشها كدا .
آسر بإبتسامة: لا وطنط صفية عايزاه يتجوزها.
ميرنا بسخرية: سبحان الله مش عارفه طنط صفية عاجبها اي في مرام دي .
آسر باستغراب: والله وأنا هموت واعرف مصره عليها كدا ليه .
ميرنا : يلا بكرة نعرف .
آسر بتأكيد: علي رأيك .
""""""'""''""""""""""""""""""""""""""'
عند أيان ومرام :.:
مرام بدلع: اي رأيك يا بيبي في الفستان بتاعي .
أيان بسخرية: وهو فين الفستان ده .
مرام بغيظ : الي انا لبساه ده .
أيان بعدم اهتمام: كويس .
مرام بضيق: مالك يا أيان زي ما تكون مغصوب انك ترقص معي زي ما تكون كارهني دا انا مش عارفه اكلمك .
أيان ببرود: هو ده الي عندي .
ويكملوا الرقصة في صمت
*****************************
وفي هذه الأثناء عند انجي يأتي إليها رامي:.:
رامي بإبتسامة ماكرة وهو يمد يده : تسمحيلي بالرقصة دي.
انجي ببرود : مش عايزة .
رامي بضيق : انتي مش عارفه انا مين .
انجي : ما أنا قولتلك قبل كدا ميشرفنيش اني اعرفك انت مين أو ابن مين .
رامي بغيظ : أوعي تفتكري اني نسيت الي انتي عملتيه انا هدفعك تمنه غالي مبقاش رامي العمري إن مدفعتك تمن الي عملتيه غالي اوي .
انجي بإبتسامة: وانا قولتهالك وهقولهالك تاني انا مبخفش من حد والافضل لك انك تخاف مني .
رامي بغرور: ولا تقدري تعملي حاجة .
انجي بإبتسامة: جرب وانت تعرف .
رامي بإبتسامة: وماله احب اجرب .
انجي بتأكيد: انت شكلك من الناس الي بتحب تكرر غلطها ومش تصححه .
ليستشيط رامي من الغيظ ويذهب باتجاه باب الخروج .
*****************************
عند كلا من أيان ومرام وآسر وميرنا تنتهي الأغنية فيذهبوا باتجاه الطاولة التي تجلس عليها انجي :
ميرنا : هو مش رامي العمري الي كان واقف معك ده يا أسيل .
انجي بتأكيد: اه هو .
آسر باهتمام: وده كان عايز منك اي .
انجي بعدم اهتمام: كان عايزني ارقص معه .
مرام بتعجب: وانتي رفضتي ترقصي مع رامي هو رامي العمري شويه انتي متعرفيش دا مين وابن مين .
انجي بإبتسامة: ميهمنيش هو مين وابن مين انا الي يهمني أخلاقه وهو أخلاقه زفت يبقي ميلزمنيش
وبعدين الي عاجبك ده كان بيهددني أنه هياخد حقه مع أنه عارف ان هو الي غلطان بس زي ما قولتله هقولك هو من الناس الي بتحب تكرر غلطها مش بيتكسف من غلطه ويصححه .
آسر بغضب : هو البجح ده كان بيهددك هو ليه عين انا مش عايزك تشيلي هم انا هعينلك حراسه .
انجي بهدوء : أولا أنا أعرف احمي نفسي بنفسي ثانياً هو أساسا بق علي الفاضي وميعرفش يعمل حاجة .
ميرنا بزعل: انا اسفة يا أسيل أنا السبب لولا أنك ساعدتيني مكنتيش وقعتي في كل المشاكل دي .
انجي بإبتسامة:لو انتي في مكاني وانا في مكانك كنتي سيبتيني .
ميرنا بتأكيد: لا طبعاً .
انجي بإبتسامة: طالما كدا يبقي انا معملتش غير الي المفروض يتعمل وبس وسيبك بقي من القصة وخلينا في الحفلة .
ميرنا بفرح: انا بجد سعيدة جدا اني تعرفت عليكي ويشرفني أننا نبقي أصحاب ونتقابل تاني .
انجي بإبتسامة: والله الشرف ليا انا واكيد هنكون أصحاب .
آسر باهتمام:, وانا يشرفني اني اكون زي اخوكي الكبير.
انجي بإبتسامة: دا من حسن حظي بقي .
أيان بإبتسامة: في أي وقت تحتاجي اي حد فينا هتلاقينا .
مرام بسخرية: ما شاء الله دا انتوا خدتوا علي أسيل في ساعتين وانا الي اعرفكوا من سنين مش بتتعاملوا معي كدا .
ميرنا بتأكيد: لان الواحد بينجذب للروح وهي بسم الله ماشاء الله روحها حلوة وبتجذب الناس ليها.
مرام بضيق: انتي هتقوليلي .
آسر بهمس لأيان: مش عارف يا اخي مامتك عاجبها اي في الي اسمها مرام دي .
أيان بسخرية: والله وانا كمان هموت واعرف اي الميزة الوحيدة الي فيها تقولش عاملة عمل لأمي .
آسر بإبتسامة: بس اي رأيك في أسيل .
أيان بإبتسامة: من حيث اي .
آسر بإبتسامة: طالما بتضحك تبقي بداية مبشرة إن شاء الله.
أيان بسخرية: طب اسكت احسن ماما تسمعك وتولع فيك لانك بتفسدني عن الي هي عايزاه وانتي حر.
آسر بعدم اهتمام: لا وعلي اي انا مالي .
ليأتي في هذه الأثناء حازم :.
حازم وهو يقوم باحتضان مرام : كل سنة وانتي طيبة يا حبيبة اخوكي .
مرام بسعادة: وانت طيب يا زومه اتأخرت كدا ليه .
حازم بتبرير: معلش كنت مع اصحابي والعربية عطلت في الطريق وكدا .
( حزن علي الفراق انكسار من البعاد الم شديد من حق مهدور ومسلوب هذا ما كانت تشعر به انجي في هذه اللحظة هذا حقها وهذا اخوها هي الأحق بالدلال من اخوها هي الاحق بهذا الملجأ والسند هي الأحق بهذا الحضن ولكن عن أي حق تطلب و وهي قد سُرقت منها جميع حقوقها لتسقط دمعه غصبا ٓ عنها من شدة الالم الذي تشعر به هذا هو اخوها أمامها اخر ذكري تركتها أمها اخر وصية لها من امها اخر نور في حياتها المظلمة ينادي غيرها باختي والاصعب أنه لا يعرف بوجودها أهناك ألم اصعب من هذا لتغمض عينها بحسرة )
مرام لحازم : دي أسيل صاحبتي الي قولتلك عليها .
وده حازم ابن عمي وزي أخويا بالظبط .
ليمد حازم يده : تشرفت بمعرفتك .
في هذه اللحظة كانت تتمني لو ترتمي بأحضانه ولكن تمالكت نفسها علي آخر لحظة لتمد يده تبادله السلام : الشرف ليا .
لتوجه حديثها بعد ذلك لمرام : انا همشي انا بقي علشان بكرة عايزة اظبط شوية ورق واروح السفارة .
مرام بإبتسامة: خلاص ماشي .
انجي موجهه كلامها لميرنا وآسر وأيان : تشرفت بمعرفتكوا اشوفكم بخير سلام .
ميرنا موجهه كلامها لآسر: طيب مانوصل اسيل في طريقنا واحنا ماشيين والا لسه هتقعد .
آسر بتأكيد: لا خلاص يلا بينا احنا كدا كدا مروحين تعالي معانا نوصلك يا اسيل .
انجي برفض : لا ملوش لزوم انا معايا عربيتي.
أيان بإبتسامة: طيب يلا بينا يا آسر علشان عندي مهمة بكرة .ويكمل بهمس موجهه كلامه لآسر انا عايز اخلع قبل ما ماما تدبسني بالسهر مع مرام خليني اخلع معاكوا .
آسر بتأكيد: يلا علشان ورانا شغل كتير بكرة .
ليستأذن الجميع للذهاب لمنازلهم وتنتهي ليلة ليبدأ بعدها نهار مليء بالمفاجأت والحقائق.
يا ريت الكل يقولي رأيه في الكومنتات ويا ريت يكون في تفاعل ولو لقيت في تفاعل علي البارت بكرة هنزل بارت جديد وده وعد غير كدا هطول لان مفيش تشجيع بفكر انزل ٣ بارتات في الاسبوع .
•تابع الفصل التالي "رواية اسيرة قلبي" اضغط على اسم الرواية