رواية عشق الاسد كاملة بقلم ندي سامي عبر مدونة دليل الروايات
رواية عشق الاسد الفصل الخامس 5
راحت تلبس وهو دخل الفيلا و اتأكد أن احمد مش موجود فدخل اوضه المكتب يدور فيها لحد ما عشق تلبس و لقى ورق فى الدرج فيه إلى يثبت أن احمد تا*جر سلا*ح و كان ورق صفقه هتتعمل قريب بس استغرب انو سايب الورق فى المكتب كده عادى بس صورهم بسرعه و وهو بيخرج لقى عشق فى وشه
عشق : انت بتعمل ايه هنا
اسد بتوتر : انا سمعت صوت استاذ احمد بينده بس لما جيت لقيت إن كان بيتهيألى
عشق : بس بابا مش فى البيت اصلا
اسد : اه ما انا تقريبا سمعت غلط
عشق بضحك : طب يلا عشان هنتاخر و ابقى حسن سمعك
اسد ضحك بتوتر و حمد ربنا أنها مشكتش فى حاجه و خرج معاها و مشيو
_______________________
فى القسم بليل
اسد كان داخل بتوتر و بيفكر يقول إلى عرفو ولا لا عشان كان عندو احساس كبير أن فى حاجه غلط بس حزم امرو و دخل
_ اخيرا ظهرت
اسد : اسف يا فندم
_ جبت دليل أو لقيت اى حاجه
اسد بتردد : اه
طلع الفون و ورالو الورق و العميد خدو و شافو و ابتسم بثقه
_ شوفت قولتلك متبقاش طيب اوى كده
اسد : بس اكيد فى حاجه غلط هو اكيد مش هيسيب ورق زى ده فى المكتب كده عادى
_ عندك حق بس برضو راقب تصرفاته و فى اليوم بتاع التسليم ده راقبه
اسد : تمام يا فندم
_______________________
بعد يومين
اسد كان بيرجع عشق من الجامعه و هى كانت واخده بالو من تغيرو الفتره دى و انو بيسرح كتير
عشق : اسد
اسد : اممم
عشق : مالك متغير كده ليه
اسد : متغير ازاى
عشق : مش عارفه بس حساك مش زى الاول و على طول سرحان كده
اسد : مفيش شويه ضغوطات كده
عشق : طب ايه رأيك نخرج بليل !؟
اسد : نروح فين
عشق بتفكير : امممم .. الملاهى
اسد : ملاهى !؟
عشق : اه بس مش اى ملاهى .. ملاهى مائيه
اسد : بس احنا داخلين على الشتا و كده هتبردى
عشق بحزن مصطنع : خلاص انت حر انا غلطانه اصلا انى بحاول ادورلك على حاجه تفرفشك اصلا مش عايزه أخرج
اسد بضحك : ايه ده فى ايه مش قصدى
عشق : انت بتضحك على ايه
اسد : عليكى .. طريقتك و شكلك مضحكين
عشق بصتله بغضب خفيف فكمل بسرحان : بس قمر
عشق ابتسمت باحراج و اسد خد بالو من إلى قالو فحمحم باحراج و كمل طريقو
عشق بتساؤل : هنروح !؟
اسد بابتسامه : ماشى ابقى جهزى نفسك
عشق : و الله احلى اسد انا اصلا نفسى اروح بقالى كتير
اسد ضحك و هى ابتسمت جامد و كانت بتفكر هتلبس ايه و اول ما وصلو طلعت فوق على طول تنقى لبس و هو مستنيها لقى احمد جاى عليه بصله بصه غير مفهومه و سكت
احمد بابتسامه : اسد عامل ايه
اسد : الحمدلله حضرتك عامل ايه
احمد : الحمدلله … انت مستنى عشق !؟
اسد ابتسم تلقائى و قال : اه
احمد : رايحين فين
اسد : هى بتقول عايزه تروح الملاهى
احمد ضحك و ساعتها عشق نازله بحماس و راحت ناحيه اسد
عشق بحماس : يلا بينا
اسد بابتسامه : يلا
عشق سلمت على احمد و نزلت و احمد بص مكانهم و ابتسم بخبث عشان عارف ان عشق مش بتتعامل كده غير مع إلى بتحبهم
_______________________
فى الملاهى
راحو و عشق قعدت تلعب كتير جدا و أجبرت اسد يلعب معاها و هو ما الوقت اندمج معاها و لعب معاها و هو مبسوط و حاسس بإحساس غريب و هى كذلك بس هى كانت بتقول لا عشان مش عايزه تتعلق بحد و يمشى فشالت الفكره من دماغها و كملت لعب و اسد كان كل شويه يبصلها و هما بيلعبو و يبتسم و هى خدت بالها و ابتسمت هى كمان و هو بص بعيد و بيحاول يبعد تفكيره عن الموضوع ده عشان موضوع باباها و اكيد هى مش هتسامحه لو حبسه
_______________________
بعد مرور اسبوع
عشق و اسد كانو كل شويه يتكلمو واتس و عشق كانت بتتحجج باى خروجه عشان تشوف اسد و اسد كان مبسوط هو كمان انو بيشوفها و بدأو يعجبو ببعض
_______________________
فى القسم
العميد : كنت فين يا اسد
اسد : معلش على التأخير بس كنت بوصل عشق لصاحبتها
العميد : طب اعمل حسابك هتروح انت و المجموعه العنوان الى كان مكتوب فى الورقه و اول ما تلاقوهم بيسلمو السلا*ح اقبضو عليهم
اسد : تمام يا فندم ” كمل بتوتر ” بس حضرتك برضو لسه مصمم على الموضوع ده .. صدقنى يا فندم انا عندى احساس كبير أن فى حاجه غلط ورا الموضوع ده استاذ احمد مستحيل يعمل كده
المعيد : اسددد احنا هنا مش بنمشى ورا إحساسنا و معامله الناس انا اعرف ناس كانو زى الملايكه و طلعو مرضى نفسيين و قتا*لين قت*لا .. المهمه تتنفذ و فى معادها
اسد : تمام يا فندم
قال كده و هو بيفكر فى كل حاجه و بيفكر أن لو فعلا هو تا*جر سلا*ح هيعمل ايه مع عشق و هتبقى ايه العلاقه بينهم بعد ما يقبض على احمد و قاطع تفكيره صاحبه
قال بهزار _ اسد باشا سرحان فى ايه
اسد بفوقان : ايه!؟
_ لا انت ضايع .. المهم مستعد للمهمه بتاعت بليل
اسد بص فى مكان معين و سرح تانى
_ يبنى بكلمك
اسد : حاسس مش عايز اطلع المهمه
_ ليه
اسد : عشق
_ مالها !؟
اسد : مش عارف بس حاسس مش عايز اعمل فيها كده مش عايز اكسر ثقتها فيا و اغدر بيها .. انا لو عملت المهمه دى مستحيل تتعامل معايا تانى
_ انتو فى بينكو حاجه ولا انت واقع لوحدك
اسد : ماهر بتكلم جد
ماهر : ما انا بتكلم جد برضو انتو فى بينكو حاجه !؟
اسد : لا بس يعنى بقالنا حبه بنتكلم كتير و حاسس انى …
ماهر بمقاطعه و ابتسامه : معجب بيها
اسد ضحك و ماهر قال : شوفت يبقى انا صح .. تعالى طيب نتكلم فى المكتب
_______________________
فى الشركه
احمد خلص الاجتماع و رجع مكتبو و اول ما قعد رقم غريب رن عليه
احمد : السلام عليكم
_ بنتك معانا لو عايزها تعالى **** الساعه 10 بليل انهارده و هات معاك مليون جنيه و اوعى تجيب البوليس أو اى حد معاك و الا هنخلص عليها
قال كده و قفل بسرعه و احمد بيحاول يستوعب الى بيتقال و هو مصدوم و خايف
احمد : فاااروووق .. انت يا زفت تعالى
فاروق : ايوه يا فندم اتفضل
احمد : هات من الخزنه مليون جنيه بسرعه
فاروق : ليه يا ..
احمد بقاطعه : بسررررعه
قال كده و خد الجاكيت بتاعو و خرج من المكتب و فاروق راح يجيب الفلوس و بعد ربع ساعه رجع و ادهالو و هو اتحرك بالعربيه عالبيت و لقى عشق مش موجوده و قعد يرن عليها كتير و كان فونها مقفول فعرف أن كلامهم حقيقى و قعد مستنى المعاد إلى قالو عليه بالعافيه
_______________________
فى مكان مجهول بليل
وصل احمد بالعربيه و لقى قدامو 3 عربيات و كل عربيه فيها 3 و واقفين قدام العربيات و معاهم واحد باين انو الكبير بتاعهم فنزل احمد من العربيه بسرعه و قرب عليهم بس وقف فجاه لما لقى المسدسات اترفعت عليه
_ اثبت عندك احسنلك
احمد : بنتى بنتى فين
_ براحه بس مالك كده .. فين الفلوس
احمد بتوتر : ف فى العربيه
_ روح هاتها و ساعتها لما نتأكد من الفلوس هتشوف بنتك
احمد راح بسرعه على العربيه و طلع الشنطه و راحلهم و قبل ما يفتحو الشنطه البوليس هجم عليهم و راحو كتفو احمد بس سابو الرجاله التانين عشان هما قبل ما يعملو الكلام ده كلو بلغو عنو عشان يضمنو أن مش هيحصل حاجه ليهم
ماهر بأمر : افتحوو الشنطه دى
احمد قال بصدمه لما شاف اسد مع الظباط : اسد !!!
لسه هيكمل بس سكت فجاه من الصدمه لما لقى الظباط فتحو الشطه و كان فيها أسل*حة
احمد بسرعه بصدمه : ايه ده الاسل*حه دى مش بتاعتى الشنطه مكنش فيها اسلحه
ماهر للظباط : خدوووه
احمد بعدم استيعاب : اسد اتكلم قولهم حاجه
اسد معرفش يرد عليه و كان لسه مش مصدق أن احمد يطلع كده فعلا و الظباط ركبو احمد البوكس و اسد ركب العربيه و راح وراهم القسم
_______________________
فى مكان تانى
_ ماما جايه و لو شافت الى احنا مبهدلينه ده هتبهدلنا زيو فيلا نلم بسرعه عشان هنتشلوح
عشق بضحك : لولا انى عارفه أن طنط ممكن تعملها فعلا كنت قولتلك فكك
بدأو يلمو البهدله إلى عاملينها فى الشقه و ينضفو لحد ما مامت صاحبه عشق جت
* عشق حبيبتى عامله ايه عاش من شافك
عشق : حبيبتى يا طنط وحشتينى اوى
قعدت تتكلم مع ” فاطمه ” مامت ” غاده ” صاحبتها و فجاه لقت فونها بيرن برقم غريب فردت
عشق : السلام عليكم
_ و عليكم السلام .. حضرتك عشق احمد الشرقاوى
عشق : ايوه مين معايا
_ …..
عشق بصدمه : ايييييه !!!؟
_______________________
- يتبع الفصل التالي اضغط على ( رواية عشق الاسد ) اسم الرواية