رواية عشق الاسد الفصل الثالث 3 - بقلم ندي سامي

الصفحة الرئيسية

  رواية عشق الاسد كاملة بقلم ندي سامي عبر مدونة دليل الروايات 


 رواية عشق الاسد الفصل الثالث 3

 

دخلو مع بعض و عشق جهزت كل حاجه و ظبطت الدنيا و الداده ندهت على باباها و جه و الدنيا كانت ضلمه و فجاه فتحو الانوار و عشق فرقعت زينه العيد ميلاد

عشق بحماس : كل سنه وانت طيب يا احلى باباااا

اسد : كل سنه و حضرتك طيب

كل الخدم : كل سنه و حضرتك طيب

احمد : و انتو طيبين مكنتش متوقع تعملو كده انا كنت نسيت عيد ميلادى اصلا

عشق : انت لو نسيت فانا مستحيل انسى يا عسل

احمد حضنها و قال : حبيبتى والله

سابها و راح لاسد حضنو

اسد : كل سنه و حضرتك طيب

احمد بابتسامه : وانت طيب

عشق بحماس : افتح الهدايه بقى

احمد راح و فتح الهدايه و عجبتو جدا و جه فتح العلبه الى كان فيها الساعه فعشق قالت بسرعه : دى من اسد

اسد ساعتها بصلها جامد و احمد لفلو و قال بابتسامه : تسلم يا ابنى مكنش ليه لزوم

اسد بابتسامه : على ايه دى حاجه بسيطه

عشق : يلا بقى قطع الكيكه عشان ناكل عشان اسد مستعجل

اسد بسرعه : لا لا انا همشى اصلا دلوقتى بالهنا و الشفا

احمد : لا طبعا هتقعد معانا لحد ما ناكل التورته

اسد : معلش مره تانيه عشان بس مامتى و اختى مستنينى فى البيت

كان ساعتها المساعدين قطعو التورته بأوامر من عشق و قالتلهم يجيبو علبه و اسد كان لسه هيمشى وقفتو

عشق : استنى

لفلها باستغراب و هى راحت تاخد العلبه من المساعده و حطت فيها قطع من التورته و راحت ادتهالو

عشق بابتسامه : ابقى اديها لاسيل و طنط

اسد : بس ..

احمد بمقاطعه : مفيش بس هتكسفنا !؟

اسد بابتسامه : لا طبعا مش قصدى

احمد : يبقى خدها

اسد خدها و هو محرج من تصرفات عشق و فاكرها بتعمل كده عشان تحرجه قدام باباها بس هى مكنش قصدها و كانت بتعمل كده بحسن نيه

_______________________


فى بيت اسد

دخل اسد و هو ماسك الحاجه لقى اسيل اختو ذات العشر سنوات بتجرى عليه و بتحضنه

اسيل بفرحه : اسدددد

اسد بحب : قلب اسد وحشتينى

اسيل بطفوله : جبتلى شوكولاته

اسد و هو بيطلع الشوكولاته من جيبه : احلى شوكولاته لاحلى اسيل

اسيل حضنته بفرحه و مامته كانت واقفه بتتفرج عليهم و هى مبتسمه فاسد راحلها و حضنها و باس راسها بحب

اسد : ست الكل عامله ايه

_ الحمدلله يا حبيبى .. عامل ايه فى الشغل

اسد : الحمدلله لسه بحاول افهم القضيه مش قادر استوعب أن الراجل ده يبقى متهم فى قضيه زى دى حاسس انى مش عارف افكر

_ ربنا هيسهلها أن شاء الله ” قالت وهى بتبص على الشنطه الى جابها باستغراب ” ايه ده

اسد : كان عيد ميلادو و بنتو عملتلو عيد ميلاد و صممو اخد من التورته لما قولت لازم امشى

قالت بضحك _ تصدق ليك حق تحتار

اسد ضحك و قال : انا هدخل اغير و اجى اكل بعدين انام شويه عشان هروح بكره المُديريه

_ ماشى يا حبيبى هجهزلك الاكل


دخل اسد يغير و نعيمه ( الام ) دخلت تجهز الاكل و بعد دقايق اسد خرج و قعد يلعب مع اسيل و طلعلها التورته و اكلها و بعد شويه قليله نعيمه خرجت بالاكل و حطته قدام اسد و خدت اسيل تذاكرلها و بعد ما اسد خلص اكل دخل نام

_______________________

تانى يوم فى المُديريه

اسد : ايوه يا فندم

_ لقيت دليل على إلى اتقال

اسد : لا و الصراحه انا شايف أن الراجل ده مستحيل يبقى كده و أن دى ممكن تكون تهمه متلفقه و طريقتو مش طريقه واحد يبقى كده خالص

_ اسد انا عارف انك طيب بس مش عايز ده يأثر على شغلك

اسد : مش مأثر يا فندم بس حضرتك سألتنى و رديت عليك بالى شايفه الراجل مستحيل يطلع منو كده و هو لو كان كده كنت هشك

_ تمام يا اسد بس ده ميمنعش أنك تكمل فى ده و تحاول تفتش فى اللاب بتاعو و ورق الشغل بتاعو بس من غير ما يحس عشان انت عارف لو حس و هو فعلا تاجر سلاح ساعتها مش هيحصل كويس و هيخبى كل حاجه و مش بعيد يسلط رجالتو عليك

اسد بتفكير : تمام يا فندم

_______________________

فى الفيلا

عشق : مش بحب انزل الجامعه يا بنتى وانتى عارفه

چاسمين : و مين قال إننا هنتقابل فى الجامعه احنا هنروح كافيه عادى و كمان انا اتفقت مع حوده أننا نتقابل

عشق : انتى عارفه أن بابا ببوافق بالعافيه انى اقابلك و بعدين مين حوده ده

چاسمين : ده واحد اتعرفت عليه جديد سوشيال بس ايه يا بت قمر

عشق : لا فكك انا لو هنزل اقابلك هقابلك انتى بس

چاسمين : فى ايه يا عشق مالك ما انتى بتيجى الحفلات عادى و بيبقى فيها ولاد ايه إلى حد دلوقتى

عشق : انا إلى فى ايه يا چاسمين !؟ و بعدين بابا لو عرف مش هيحصل كويس .. و الحفلات دى انا كنت بروح عشانك انتى و البنات و بابا عارف ده إنما كده هبقى كأنى رايحه عشان الولد ده

چاسمين : طب يا عشق اقفلى و لما تعرفى تحلى مشاكلك كلمينى و عمتا احنا هنتقابل بكره لو غيرتى رأيك قوليلى

قالت كده و قفلت و عشق اضايقت من طريقتها و سابت الفون و قعدت تفكر فى كلام باباها للحظات و بعدين رجعت فى كلامها و قالت لا مستحيل تبقى بالسوء ده و راحت تذاكر

_______________________

بعد يومين فى مكان مجهول

_ عملت إلى قولتلك عليه

– عيب عليك يا باشا اديتها لواحده من الخدم عندو و هى اتصرفت و بعدين انا عرفت أن هما مدخلين ظابط وسطهم كأنو بودى جارد و عرفت أن هو هيحاول يدور على اقرب فرصه و يدور فى مكتبه و ساعتها لما يشوف الورق هيقبض عليه و هيتكتب الشركه بأسمك


_ عفارم عليك ياض ” كمل بشر ” هاخد حق يا بابا و هيشوف ساعتها ازاى يعمل كده معانا

_______________________

بعد مرور 3 ايام

عشق : اسد ينفع تقول لبابا و تودينى اسكندريه

اسد : اه اكيد هو فين

عشق بحماس : فى اوضه المكتب

اسد : تمام هروحلو

سابها اسد و راح اوضه المكتب عند أحمد

~~~~~~~~ فى المكتب

خبط اسد و دخل و اول ما دخل لقى احمد بيشيل اوراق فى المكتب فبصلو بشك

احمد : خير يا اسد فى حاجه

اسد : اه عشق كانت عايزه تروح اسكندريه و قالتلى اقول لحضرتك و انى هاجى معاها

احمد : طب و انتو هتروحو انتو بس هتعملو ايه و كمان هتقعدو فين

اسد : انا ليا شقه هناك بتاعتى عشان كنت عايش انا و اهلى هناك هى ممكن تقعد فيها و انا ابقى اروح اقعد عند حد من صحابى هناك

احمد بتفكير : هتروحو امتى

اسد : مش عارف على حسب هى عايزه امتى

احمد : تمام ماشى بس تبقى معاها على طول عشان دى هبله و ممكن تتوه ولا تتخطف بسهوله

اسد بابتسامه : حاضر

خرج و كانت عشق واقفه قدام الباب و اول ما خرج شدته بعيد

عشق بتوتر : قال ايه ها وافق ولا لا

اسد : و..

عشق بمقاطعه : ونبى لو لا اقنعو تانى انا بقالى حبه نفسى اروح و ..

اسد : بسسس فى ايه انتى سيبالى فرصه اتكلم

عشق بفرحه : احلف روح ربنا يسترك دنيا و اخره يا شيخ .. خليك معانا على طول بقى عشان تقنعو على حاجه لو موافقش

اسد بصلها باستغراب من كلامها بس ضحك جامد فى نفس الوقت و هى كمان ضحكت

عشق : هروح بقى اجهز اللبس

اسد : استنى بس احنا رايحين امتى

عشق بتفكير : اممم ممكن بكره !؟

اسد : تمام بكره بليل هبقى عندك

عشق ابتسمت و طلعت و هو كمان ابتسم و مشى من الفيلا رجع البيت

_______________________

بعد يومين فى اسكندريه

اسد خد عشق و نزلو يتمشو و يفرجها على اسكندريه و وهما بيتمشو و بيتكلمو لقى اسد واحد من صحابه الظباط جاى عليه

_ اسددد باشا عشان من شافك

اسد بتوتر : …

_______________________

google-playkhamsatmostaqltradent