رواية كيان (كاملة جميع الفصول) حصريا عبر دليل الروايات بقلم روري ابراهيم
رواية كيان الفصل العشرون 20
كيان🌿🍁
--------
P 20
--------
واحد : ايه الي بيحصل هنا ده
كارما: بابا😨
بابا كارما خالد: ايه ده
كارما: استني يا بابا هفهمك
خالد: تفهميني ايه هو انا جايبك تتعالجي ولا تحبيلي
كارما بانهيار: يابابا والله انت فاهم غلط
خالد: غلط ايه يا كارما ها غلط ايه ده زنبي اني سايبلك حريتك و حياتك الخاصه و تعملي الي انتي عايزاه علشان تحضنيلي واحد لا هو من محللينك ولا هو كذالك
كارما بصدمه من كلام باباها و انه مش واثق فيها: كده يا بابا مش واثق في تربيتك شكرا يا بابا شكرا بس عايزاك تعرف حاجه واحده انه مستحيل اعمل حاجه تكسر راسك
هنا بأه كريم اتدخل لما شاف انه أبوها بيفكر فيها بالطريقه ديه
كريم: ممكن نخرج برا نتكلم
خالد بعصبيه: انت ملكش كلام معايا مفهوم اتفضل اخرج برا
كريم: يا عمو علشان خاطري بس اسمعني
خالد بعصبيه اكبر و هو بيزقه برا: مش عايز اشوفك قريب من بنتي تاني مفهوم
كريم: يا عمي افهم بس انا عايز اتقدملها
خالد و هو بيقفل الباب في وشه: معنديش بنات للجواز
كريم و هو بيخبط علي الباب: يا عمي بس اسمعني علشان خاطر ربنا بس افتح
خالد جوه عامل نفسه مش سامع حاجه من الي كريم بيقولوا
خالد بهدوء و هو بيحضن بنته:هوس هوس حقك عليا يا نور عيني انا اسف حقك علي راسي من فوق انا اسف اني فكرت فيكي كده و نسيت انا ربيتك علي ايه
كارما و هي بتعيط في حضنه: ليه كده يا بابا ليه تتهمني اتهام وحش اوي كده و انت عارف انا بحترمك ازاي في غيابك قبل وجودك
خالد بتأسف: انا اسف يا نور عيني بس اهدي
كارما بعد ما هديت شويه
خالد: ممكن بأه تهدي و تقوليلي ايه الي جابك هنا في
الاوضه ديه و ايه الي خلي الواد الي برا ده يحضنك
كارما بدأت تزيد في العياط
خالد بهدوء: ممكن تهدي و انا وعد مش هعملك حاجه
كارما حاولت تهدي: انا هفهمك كل حاجه
خالد بهدوء: انفضلي احكي
كارما حكت لباباها كل حاجه
ملحوظه:- كارما بتعامل باباها علي انه صاحبها علشان كده العلاقه الي مبينهم قويه و مش بتخاف منه اوي و كمان علشان هي بنته الوحيده و مامتها متوفيه
خالد: متاكده انه ده الي حصل
كارما: اه و الله يا بابا كل حاجه اعرفها حكيتهاليك
خالد اخدها في حضنه: و انا واثق في بنتي انها مستحيل تعمل حاجه تغضب ربنا او تخليني ابقي موطي راسي وسط الناس
كارما اخدته بالحضن: شكرا اوي يا بابا
خالد و هو بيبعد عن كارما: انتي بتحبيه يا كارما بجد متأكده انه حب ولا مجرد اعجاب و هيروح لحاله
كارما: لاء بحبه بجد يا بابا بس انا كنت مبيناله عكس كده علشان انت عارف بأن حالتي كانت عامله ازاي
خالد بتفهم: اممم تمام و بقولك انتي ملكيش كلام معاه تاني مفهوم و هو لو بيحبك هيجي و يطلبك و هيدخل الباب من بيته مش من شباكه و ياريت المنظر الي شوفتك بيه ده ميتكررش تاني مفهوم
كارما: مفهوم يا بابا
مره واحده لقوا الباب بيخبط
خالد: اتفضلي بدأ خبط تاني
كارما ضحكت
خالد: اضحكي اضحكي انا هروح اعلمه الأدب
خالد و هو بيفتح الباب و بيزعق لكريم: بتخبط ليه تاني يلا هو مش كنت كرشتك
بدر بصله باستغراب: نعم حضرتك
خالد باستغراب: مين حضرتك
بدر: انا بدر
خالد بسخريه: لاء تصدق عرفتك كده
بدر لسه هيتكلم قاطعته كارما: ايه ده عمو
خالد و هو بيبصلها: انتي تعرفيه
كارما: ايوه يا بابا ده ابو واحده صحبتي هنا
خالد سمحله يدخل: اتفضل
بدر دخل و قعد علي سرير كريم: روحت أوضتك ملقتكيش سألت الممرضه قالتلي انك هنا عامله ايه دلوقتي يا حبيبتي
كارما بابتسامه: بخير احسن من الاول
بدر بابتسامه: قولي الحمد لله يا بنتي
كارما بنفس الابتسامه: الحمد لله امال فين كيان صحيح
بدر: ما انتي عارفاها غيبوبه
بدر ملحقش يكمل كلامه لقي الباب بيتفتح جامد
كيان: سعليكوااا
بدر: ياريتنا كنا جيبنا في سيره ربع جنيه مخروم
كيان راحت قعدت جنب كارما: زحزحي رجلك كده خليني اقعد
كارما: هو مين الي عيان و محتاج راحه
كيان: احنا الاتنين واحد يا روحي ثانيتا انا حسابي معاكي لسه مخلصه
كارما بضحك: انتي لسه فاكره قلبك ابيض بأه يا كوكي
كيان بعد ما اخدت بالها من خالد: اوبا مين الصاروخ الي قاعد ده
مره واحده لقت بالقلم علي قفاها من بدر
بدر: ما تحترمي نفسك ده انا حتي قاعد
كيان: لا مؤاخده يا حاج بس مين ده برضو
كارما بضحك: ده بابا
كيان: اوبا هو الصاروخ ده ابوكي
كارما بضحك: اه و الله ابويا تحبي اطلعلك البطاقه
كيان: طب اشطا انا اتجوز ابوكي و انتي تتجوزي ابويا كده خلصانه
كارما: بشياكه
خالد: نتجوز مين انتي و هي انتم بتشقطونا مبينكم ليه
كيان: اصلك مش فاهم حاجه اصل بنتك عاكست ابويا امبارح و انا عاكستك انهرضا فأحنا كده خالصين و معندناش حد يعاكس و الي يعاكس يا بنطخه عيارين يا اما الجواز
كارما بضحك: مالك اتحولتي كده ليه😂
كيان و هي بتهرش في قفاها: سوري اندمجت حبتين تلاته
كارما: قولي اربعه سته😂
كيان: ما خلاص بأه الله
كارما: حاضر
خالد و هو بيكلم بدر: هي ديه بنتك(و هو بيشاور علي كيان)
بدر: ولا اعرفها و هي ديه بنتك (و هو بيشاور علي كارما)
خالد: معرفهاش برضو
كيان و كارما في نفس واحد: بابا
خالد و بدر: نعم
كيان: يعني انا مش بنتك يا بابي
بدر: قطع لسان الي يقول كده يا قلبي
كارما: بابا
خالد بحب: نعم يا قلب بابا
كارما: بحبك
خالد و هو بياخدها في حضنه: و انا اكتر يا قلب بابا
في الوقت ده كارما افتكرت مامتها و عيطت في حضن خالد
خالد بخضه بعد ما حس بدموعها: ايه ده في ايه بتعيطي ليه
كارما: ماما وحشتني اوي😭
خالد و هو بيحاول يتماسك قدامها: ادعيلها بالرحمه يا حبيبتي هي محتاجه دعاكي
كارما: بدعيلها ديما يا بابا😭
في الوقت ده الباب خبط خالد راح يفتح الباب
خالد: انت تاني
حسن: نعم
خالد: غور يلا من هنا
حسن: في ايه بس حضرتك
خالد: هو انا مش كرشتك ايه الي جابك تاني
في الوقت ده كريم طلع من ورا حسن: لاء انا الي كرشتني
خالد بتوهان: انت في منك اتنين
كريم: اه ده اخويا حسن
خالد و بيستوعب: اه فهمت خلاص توأمك يعني
كريم: الله ينور
خالد: يعني انا كرشتك تقوم جايب اخوك
حسن: طب ممكن بس ندخل و نتفاهم
خالد و هو بيوسع من قدام الباب علشان يدخلوا: اتفضلوا
دخل حسن و بعديه كريم و بعديه زين و بعدين حمزه
زين اول ما شاف بدر راح سلم عليه
زين بابتسامه و هو بيكلم عليه: عامل ايه يا عمي
بدر بابتسامه: الحمد لله يا حبيبي و انت عامل ايه
زين: الحمد لله
بدر: الحمد لله
زين: ايه ده كيان عامله ايه
كيان: الحمد لله كويسه
بعدها زين قعد جنب الشباب
حسن: انا هدخل في الموضوع علطول
خالد: ياريت
حسن: احنا طالبين ايد كارما لكريم و كيان لزين
خالد و بدر: ايه
يتبع.......
•تابع الفصل التالي"رواية كيان "اضغط على اسم الرواية