رواية ملائكة بالف وجه الفصل الخامس عشر 15 - بقلم اروي طاهر

الصفحة الرئيسية

  رواية ملائكة بالف وجه كاملة بقلم اروي طاهر عبر مدونة دليل الروايات 


 رواية ملائكة بالف وجه الفصل الخامس عشر 15

 

الساعه 11 في الليل والأجواء كانت تجيب الاكتئاب

درجة الحرارة مرتفعه والضي مره يجي و10 لا

الحزن كان مخيم على القصر بكبره

غرفة كانت هاديه كأنه صاحبها يستعيد في ذكريات اليوم وهوا ساكت بدون حس

✨✨✨✨✨✨✨✨✨✨✨✨✨✨✨✨✨✨✨✨✨✨

كان المشهد كأنه فيلم

قاعة المحكمة والهدوء يلي صاير يوتر الاعصاب

نضرات القاضي ليهم كأنه يلوم فيهم على اختيارهم بس كانو متجاهلين كل الضغط يلي صاير حواليهم كأنهم متأكدين ان يلي رح يصير من مصلحتهم الاثنين

شاف القاضي لعيونها وسألها بحدة……..شنو اسباب طلبك لي الطلاق يا بنتي؟

ريحانه:قامت عيونها والقوة موجوده فيهم زي العاده …..اولا القرار هادا ياسيادة القاضي الاثنين اتخدناه مع بعض

يعني مش انا يلي طلبته

النصيب كمل بينا والاثنين عازمين على قرارنا ولا رجعة فيه

مفيش تفاهم ولا استيعاب لبعض والاهم مفيش الشي يلي يخلينا نستمرو مع بعض

القاضي:قام حاجبه وسأل بي فضول ……..شنو الشي هادا ؟!

ريحانه:الحب ……..مفيش

القاضي:سكت وهوا يكتب في كدا سطر على الورقه يلي كانت قدامه

ونصر وريحانه كل حد عيونه في اتجاه

ريحانه:رجعت من ذكرياتها وحطت راسها على المخده

جت عينها على الكميدينو وشافت ورقة طلاقها يلي حصلتها بدون تعب وتنهدت بحزن

كانت جدا حزينه مش بسبب طلاقها لا

كانت حزينه بسبب سنها يلي تعرض لي الف حاجه قبل وقته

زواج وبيبي وطلاق هادا كله وهيا قاعده مسكرتش ال18 السنه

كانت حزينه ان طول ها الوقت مش فاهمه ولا واخده بالها ان كل امورها ممكن تنحل مجرد انها تتقرب من ربي

انها افتخرت بي الذنب يلي دراته بدل ما تستغفر واثوب

اما الغرفه الثانيه كانت ابدا مفيهاش ولا ذرة هدوء

الاصوات فيها كانت جدا عالية بين جميلة وسمير وكل واحد محمل الثاني ذني يلي صلير لي ريحانه


الاب محمل الام نتيجة التربيه الغلط

والام محملة الاب نتيجة انه معرفش يحل مشكلة بنته كويس

والاثنين كان خوفهم من نفس الشي

منو رح يفكر ياخد ريحانه وهيا مطلقه وفضيحة انها جابت بيبي بي الحرام على كل لسان ؟؟

_______________________________

الجو كان يضايق اي شخص حتى لو ان جوه مليح

معروفه درجة الحراره تسبب في هلبا حاجات غلط من ضمنها تعكيرت المزاج والتسرع في اختيار القرارات

زي قرار يزن يلي عرضه على نجمه مثلا!!!!

على حاشية الطريق كان يزن مقعمز وسارح

يفكر هل القرار يلي خديته كان غلط من بدايته ؟

به ردها هيا شن قصدها بيه ؟

وخداته الذكريات للحوار يلي دار بينهم

✨✨✨✨✨✨✨✨✨✨✨✨✨✨✨✨✨✨✨✨✨

نجمه:ضحكت بتوتر ……..شنو العرض الغريب هادا ؟

يزن:تكلم بصرامه وحزم واضحه …….الزواج والحلال بدي شي غريب ولا كيف؟


نجمه:لا مش هكي بس

يزن:بس شنو ؟

نجمه:اختفت الابتسامه يلي كانت على وجها وتكلمت بجدية…….شنو في بينا باش تعرض عليا الزواج ؟

يزن:عقد حواجبه بعدم فهم …..كيف؟

نجمه:مفيش بينا حب يزن

ولا حتى احترام باش نوافق عليك ونكون اسرة معاك

يزن:كلام فارغ هادا

انتي بنت خالتي وقعدتك بروحك هنايا غلط

لازم تتزوجي وتنستري

نجمه:اي وباش ننستر ناخد شخص مفيش بيني وبينه اي توافق ولا مشاعر ولا حتى معزه

شوف يزن

واضح انك راجل تربيت على التقاليد والعادات وهادا شي مش سيئ بي العكس حلو

لكن اكيد عندك ناس في عيلتك متزوجين ومكملين عشان صغارهم بس

لان ببساطه مفيش بينهم ابسط مقومات الزواج لا حب ولا موده ولا احترام ورح يربو اطفال يكبرو ويفكرو ان الزواج شي عادي الغرض منه نجيبو اطفال بس

يزن:شنو الملخص من المحاضره هيا كلها ؟

نجمه:ابتسمت ……..كنت عارفه انك مش رح تفهم شي من كلامي

انا مش موافقه يزن

ومش فرض عليك تتزوج بنت خالتك عشان تنقدها من وحدتها او من كلام الناس

لازن لما تتزوج تاخد وحده يفز قلبك لما تشوفها

مطيقش فراقها

وكان تلقى تقضي عمرك كله معاها

الحب يلي في قلبك وقتها هوا يلي رح يخليك تسامحها وتحترمها وتكون سند ليها

يزن:سمع كل ها الكلام وطلع بدون ما يرد كلمه

رجع يزن من ذكرياته وهوا يفكر في كلامها يلي اول مره يسمعه !!

هل يلي تقول فيه نجمه صح؟؟

بس الشعور يلي تحكي فيه نجمه عمره ما حس بيه !

_________________________________

نار داخل قلب فتحي وزادتها حرارة الجو ومفيش ولا اي مكيف او شي في الدنيا قادر يبردها

قارن حواجبه وسارح بغضببب وخيبة امل في ولده

تمالك نفسه وسألها بكل هدوء …….كم ليه متزوجك ؟

تقوى:سنه وشهرين

ولده عمره 3 شهور ولعند اليوم مسجلاش بي اسمه ولا يبي يعترف بيه

فتحي:سال بي امل اخير …….انتي متأكده ان هادا حفيدي؟

هادا ولد ولدي !

تقوى:اي متأكده هادا ولد طه ولو تبي تتأكدو بي اي وسيله انا جاهزه

سكت فتحي وهوا فيه هموم الدنيا


طه هارب وعليه قضية مرته نغم يلي مستحيل اهلها يتنازلو عليها وتوا يكتشف انه متزوج عرفي وعنده ولد!!!!!

فتحي :اشر لي كفاح بعيونه…..وين شيخه؟

كفاح:ركبت لي ولدها يبكي

فتحي:خودي البنيه هادي وعطيها غرفه تبات فيها لبكرا الصبح يدير الله طريق

كفاح:حاضر ياعمي

على الدروج كان نجم الدين متعمد يكون بطيئ في خطواته

وهوا يفكر في كل كلمه قالتها الدكتوره !

موده:لازم تكون مراقب كل تصرفاتها وميخفاش عليك ولا شي

متخليش تصرفاتها المتوتره تفوت عليك

راهو صدقني مفيش مرا ترتبك ع الفاضي ره

نجم الدين :فتح باب شقته وخش بهدوء

شيخه:طلعت من غرفة نومها سكرتها بسرررررعه بتوتر …….حبيبي؟

شن جابك توا مش بتسهر شويه !

نجم الدين :شافلها من فوق لعند لوطه واستغرب انها كانت لابسه روب ازرق ملكي ومرتبه نفسها ❤️

تجاهل كل كلامها وسؤالها وخش للممر يلي يرفع لي غرفة النوم

شيخه :سبقاته بسرعه …..ووقفت قدام باب الغرفه

استنى شوي متخشش توا

نص ساعه وندخلك الغرفه خلي في الصاله

نجم الدين:قام حاجبه بي شك …..علاش متبينيش نخش ؟

بعدي من قدامي

شيخه:ترجاته والضحكه على وجها …..ززغير بالله عليك شويه بس شن خاسر انت

ونبي حبيبي ونبي ونبي

نجم الدين:اشتعلت نيران الشك في قلبه وعيونه والعنف متعه بدي يطلع من جديد 🔥

مسكها من طرف شعره وهوا يعيط عليها …….منو يلي في غرفة نومي ؟؟؟

منو كان عندك ومتبينيش نشوف اثره منيييي

شيخه:عرفت ان يلي قاعد يصير مش بصاره

وتألمت من وجع شعرها لين دموعها نزلو

نجم الدين :دفها بقوة لين طاحت ع الارض وفتح باب غرفته عشان ينصدم💔

كانت الغرفة مزينة كلها بورود حمرا

وطاولة الصالون كانت وسط الغرفه في وسطها تورته وعشاء تام الباين انه متعوب عليه

وكل حاجه موجوده في الغرفه كانت مجهزة بكل ذوق ❤️

قعد نجم الدين واقف مصدوم في منضر الغرفه


لين قاطعه صوت شيخه وراها وهيا تقول ……..كنت نبي نكمل تحضيرات عيد زواجنا يلي اكيد نسيته ونبي نفاجئك

لكن جيت فجئتني انت

نجم الدين:طاحت عينه على التورته وكان مكتوب فيها رقم 4

يعني سكرو 4 سنين زواج

وكانت المره هادي اول مره شيخه تجهز احتفال بعيد زواجهم لان ببساطه السنه هادي

كانت شيخه تحب زوجها من القلب

لكن للاسف نجم الدين خرب اول محاولة لي شيخه ….

تلفت بشويه وكانت شيخه مهناش 💔

طلع من الغرفه وسمع صوت باب الحمام تسكر بكل قوته …….

سكر عيونه بندم وهوا مش فاهم كيف بيصلح الغلط الكبيييييير يلي داره

________________________________

هديل:شافت بشك لي خوها ………شن صاير !

نذير:بري ناديهالي هديل بلا كلام زايد تحركي

هديل :به به سئلت بس حني تعودنا ع المصايب بدينا من ابسط حاجه نخافو

وخشت بسرعه

نذير:وقف في الجنان ولع دخانه وهوا عاطي بي الضهر لي باب الحوش والضلام مغطي المكان

ندى:طلعت من باب الحوش …..نعم !

نذير:لوح الدخان يلي كان في يده ……..شني انتي !

مصرة تبيني نغصبك على كل شي !

ليك قريب شهر لوطه حوشك مركبتيلاش الا لما بتاخدي حوايجك شن يلي تبي توصليله بزبط !

ندى:بلعت ريقها وعيونها في الارض

نذير:قرب لي وذنها وهمس بصوت واطي ……..10 دقايق وتكوني في حوشك

شوي ولاحقك

ندى:علقت عيونه فيه بدون ما تتكلم

نذير:شافلها بأخر نضره وطلع من الحوش

نبيله:والله معارفه خيرهم الزوز

ربي يهديهم وميطلقوش حتى هما والله كبدي مسحونه على خوك نصر اول مرا نشوفه بي الحاله هادي

هديل:تبي الحق امي طلاقهم خيره ليهم بأمانه

احسن من قاعدين وكل يوم مشكلة ومصيبه وايامات سود

خلي كل واحد يعيش حياته خيرله بألف مره

نبيله:تنهدت بوجع…….الحمد الله على كل حال

هديل:امي ……20 يوم بزبط على عرسي ره

قصدي بتأجلو والله ما يجي اجلته مرتين

نبيله:تحشمي ع وجهك ولد خوك كيف متوفي

هديل :الله يرحمه الله يرحمه الله يرحمه 3 مرات

لكن حتى انا مربوطه بي راجل مدخلاش يقعد يأجل كل شويه في العرس ع خاطر حضرت جنابي !

والحجز متاعي كله يضيع !

نبيله:يصير خير

غضوا تو نحكو مع خوك ويصير خير


اصلا غضوا جايين عماتك كلهم

هديل:اممممم باهي انشاء الله نوصلو لي حل

نذير:خش لي شقته وشاف ندى مقعمزه علي الصالون وعيونها معلقه في التلفزيون

كانت لابسه قفطان حوش خفييييف على اللون الابيض وقايمه شعرها فوووق بسبب الحراره

نذير:قعمز جنبها وعيونه في التلفزيون حتى هوا

ندى:انا بنخش نرقد تبي شي ؟

نذير:اي نبي

ندى:وقفت وها تشوفله ……شنو تبي قبل ما نرقد !

نذير:حط رجل على رجل وهوا يشوف لي التلفزيون…..زي يلي يبيه اي راجل من مرته

ندى:ولا تحلم نذير

ولا تحلم بعد يلي سمعته وعرفته منك …….وخشت غرفتها

نذير:لحقها للغرفه ……مدايرتيها بعناد يعني !

ندى:تنحي في يرغان السرير عشان ترقد….زاحسبها كيف ما تبي

نذير:تمام تمام يا ندى………وطلع وهوا محافض على اعصابه

ندى:غطت نفسها وهيا تقول بشويه …….ان شاء الله تتفجر

_______________________________

مر الوقت بسرعه زي ايامنا يلي نستغربو في سرعة مرورها !!

مكانش في شي جديد صاير بين قصصنا❤️

وكل حد فيهم كانت حياته ماشيه ببرود مع تخيرات بسييييطة ✨

كان احلى تغير بينهم ريحانه

عارفه ممكن اخر اسم تتوقعو تسمعوه لكن بجديات كان احلى واقوى تغير بين الكل

من يوم روحت لي حوش اهلها وهيا ملتزمه بتعاليم العدة

ومفيش وقت صلاة يفوتها حتى قيام اللي في وقته

قاطعت كل اصحابها يلي مكانش في شي هامهم في الدنيا غير الاكل واللبس والطلوع

واكتفت بي غرفتها وصلاتها وقرأنها بس

لدرجة ان بوها كان مذهول ومبهوووور بيها وبي قوة الايمان يلي بدت عندها

في اللحضه هادي عرف ان كل شي صار من تخطيط الله عشان يرجعها لي طريق الهدايا

وفعلا ربي يهدي من يشاء ويضل من يشاء ❤️

اما امها فكانت خايفه وميته من الفزع على بنتها

خايفه ان بنتها الوحيده تخش في حالة نفسيه ومعش تطلع منها

والحبسه في الغرفه تأثر على نفسيتها اكتر واكتر

ببساطه خافت تخسر بنتها الوحيده يلي حصلتها على شوق 💔

اما نصركانت حالتها تتحسن يوم عن يوم

صح وجع ولده مستحيل يمحيه شي !

لكن نفسيته بدت تتعدل خصوصا ان اصحابه مفارقوشي لحضه ومخلوشي يحس بي الوحده ابدا

رجعتله روح الحياة لدرجة انه اصر يقعد موعد عرس هديل وميتأجلش …..

وكان يحضر لي عرس اخته بلهفه معاهم ومتحمس للفرح يخش لي حوشهم من جديد

بعد شهووور حزن وهم


اما نجم الدين كان اغلب وقته برا الحوش ومش مستوعب شي !

ولا فاهم كيف يتصرف

كان حاير ومشتت بين كلام الدكتوره يلي واثق من صحته وانها اكيد تحاول تساعده

وبين تصرفات مرته يلي كانت تحاول تسعده في كل مره بس للاسف كان يقابل فيها بي اقسى رد 💔

اما رباب ونجمه كانو في عالم موازي على الكل

24 ساعه هياجه وطلوع وصرف فلوس بشكل كبير والضحك يلي مالي وقتهم بي سبب وبدون سبب ❤️

كانت علاقة كريمه بي نجمه في تحسن ملحوض

وعلاقتها بي نبيله وبنتها بدت قويه لدرجة انها تجهز معاهم للعرس لحضه بي لحضه ✨

_________________________________________

طلعت الشمس وكلنت الغيوم تحاول تغطي ضيها وتخفف الحراره على الناس ❤️

الشوارع زحمه وكل حد طالع يدير في شغله واغلب الناس كانو يستمتعو بي العطله❤️

البحر والسهريات عند الاحباب والزرادي والهدرزه يلي تحلى في الليل ✨

طلعت هديك الزغروطه يلي سمعت كل الشارع

وزحمة العيله يلي كانو لامين بعضهم على سفرت الفطور والضحك يلي من قوته مغطي على صوت المنضومه

ريحة الشاهي والدحي المطبوخ والخبزه السخونه يلي جايبينها الصغار من عند الرجاله

وريحة الحنه يلي طالعه من الدار بسبب بناويت العيله يلي كانو قبلها بي الليل كلهم راقدين للحنايه ويتعاركو على دورهم ❤️

جت العروسه وهيا ميته بي الضحك وتقلهم ……

هديل:تصدقو وربي امس فكرت شنو بنلبس لي السهريه نسيت روحي ان انا العروسه😭😂

انفجرو كل اقاربها يلي كانو في الصاله ✨

على طلعة ندى من الحمام بعد ما غسلت حنتها ورتبت نفسها وكل الانضار كانت عليها

سبقتهم بي التعليق نبيله وهيا تبخر وتقول

نبيله:الله واحد على كنتي الغاليه مصلي على النبي ع الحنه كيف طالعه عليه تبارك الرحمن

جنات(بنت عم هديل)اي والله يا مرت عمي نذير صبر ونال

نبيله:باست ندى بوستين وحضنتها

دلال:(عمت هديل)لكن الباين نذير مش سعيد في زواجه نعرف المرتاح انا يزيد كرشه مش يزيد يضعف ولا شنو ياندى هههههههههههههه

قبل ما تلحق ندى ترد

تكلمت بنت عمته وقالت

سمر:لا ياعتي معليشي متغير فيه شي نذير قاعد زي الغزال

وكملو كل واحد يمدح في نذير من جيها

يلي يشكر في شكله ويلي يشكر في اخلاقه ويلي كانت تتمناه لي بنتها ويلي كانت تبي تخطبله بنيه من معارفها وهاكذا

استغربت ندى من كلام العيله على نذير وقيمته العاليه عندهم

وكيف كلهم يتمنو قربه ❤️

سألت نفسها بهدوء …….معقوله هما شايفين الحاجات هادي كلها يلي انا مش شايفتها فيه ؟

قاطع سؤالها نجمه هيا تضحك وتقول

نجمة:يسلملي الغيووور 😂😂😂😂😂😂

ندى:غيرة شنو انتي التانيه

نجمه:خدت رشفه من القهوة………مشفتيش وجهك كيف تشكل 😂😂

ندى:اخطيني وبري لي بنت خالتك الباين ان عقلها طق ع الاخر شوفيها كيف حايسه في رداها

نجمه:شافت لي هديل وطاحت فيها ضحك هيا وندى على منضرها

____________________________________

جميله:طقت الباب مرتين وخشت للغرفه وشافت نفس المنضر يلي يشرح الصدر ❤️

كانت ريحانه مقعمزه على الصلايه ورافعه يديها تدعي ✨

مسحت بي يديها على وجها وجها وابتسمت ……جعانه ياماما

جميله:ابتسمت والدموع في عيونها بعيد السو على بنيتي انا

اكلات الدنيا كلها نجيبهالك بين يديك

ريحانه:وقفت وقامت الصلايه …….نتعود على الدلع ره 😂😂😂😂

جميله:ريحانه بنتي بنسألك

ريحانه:نحت من عليها بدلة الصلاة وهيا ترتب في شعرها …….شنو ياغالية

جميله:شن رايك تمشي اليوم لي صاحبتك رباب ؟

والله باين انها كويسه وبنت حلال بري غيري جوك عندها وروحي قبل المغرب مش خاسرة شي

ريحانه:مش عارف حاسه روحي مخاطريش

جميله:غير هيا معقوله ما ستاحشتيهاش بكل ؟!

ريحانه:تبي الحق والله خاطري في هدرزه معاها

شرين التالفون وهما في نص الهدرزه

ريحانه:نصدمت …..حححححححي وربي رباب 😧😧

جميله:ضحكت هادي علامه باش تمشيلها

ريحانه:ايوا

رباب:طلعت من الفريز عصير…..ززانتي متقوليليش وينك ؟؟؟؟؟؟؟

حبيبتي العده متكلميش الرجاله ره مش نساوين

ريحانه:ضحكت من وسط خاطرها …….ههههههههههه كلبه والله استاحشتك هي

رباب:يالله تعالي

ريحانه:تعالي انتي هدرزي عليا

رباب:كان بي ودي والله…….منقدرش نسيب الحوش مصلحتش قفل الباب قاعده

هيا كيف بنطلب غدي نراجي فيك

ريحانه :اصلا تموتي عزوزه كيف كلمتني ماما عليك وكنا في سيرتك

رباب:الوووو معش نسمع فيك هي نراجي فيك ره باااي

ريحانه:سكرت الخط وهيا تضحك❤️

______________________________

كفاح:مش معقوله بنقعد كل يوم ننزل على خاطر سواد عيونها غدي وعشاء على حسابي ره

شوفولها حل هادي اصلا غلط يخليها عمي فتحي بينا منعرفوش قرعة بوها من وين

انور:غسل وجها وطلع من الحمام …….واااااك قداش بديتي تنقي فوق راسي ياكفاح

خيره مرت خوي صابره وساكته

اهو شيخه تنزل معاك ومقالت شي

كفاح:والله مرت خوك يافالح عندها راس ولد و24 ساعه راقد انا وراي البنات وقرايتهم

انور:حاضر تو نفاتح بوي في الموضوع

اي اوامر تانيه ؟!

كفاح:اففففففف يا انور تعصب فيا بي برودك تعصببببببب

انور:خيرها هادي 🤨

كفاح:ع فكره ندى عزمتنا على عرس حماتها اليوم وبنمشو انا وشيخه بيرفعنا راجلها

انور :باهي بري تو نقعد مع البنات وبري غيري جوك

كفاح: افففف…….نوض نوض نووووض اطلع من الغرفه معش نبي نشوفك

انور:طلع من الغرفه وهوا مستغرب …….تي شن صايرلها هيا ؟؟

طلع لي الصاله وفجآه تجمد في مكانه من الصدمه وعيط بصوت عاااالي

انور:حااااااااامل من جديد 😱😱😱😱😱😱😱😱😱😱😱

ندى:واقفه قدام زيانتها وادير لي شعرها في لمسات اخيره بعد الاستشوار

طلع ندير من الحمام وهوا متجهز

كان لابس سروال جينز فاتح مع تيشرت ابيض ومرتب شعره بطريقه تجنن❤️

ندى:سرحت فيه دقايق وهيا تشوفله

واول ما شافلها على طول غيرت اتجاه عيونها

كانت مستغربه ان نذير معش عاطيها اهتمام زي قبل ولا مدورها !

شافت لي روحها في المرايا والشك بدي يخدم !

معقوله انا معش بديت حلوه !

اذكرت لي نفسها وقالت …….شن دخله اصلا يشوفني حلوه ولا يرقد

منبيشي يشوفني من الاساس

كمل نذير ترتيب نفسه ولبس ساعته وخلى ذبلته ع الطاوله وهنايا ندى انتبهت لي تصرفه !

بخ عطره وكان بيطلع خلاص وندى مصدومه كيف منتبهش حتى للحنه !!

ناداته بصوت عالي

ندى:هيييي نذير

نذير:يلبس في سبيدروه بدون ما يتلفت ……نعم ؟

ندى:نبيك تعطيني فلوس

المرا يلي حنتني امس مخلصتهاش

نذير:بدون ما يشوفلها …….الفلوس يلي عطيتهولك امس وقتيلي حق الحنه وين درتيهم !

ندى:توترت ……عطيتهم لي بنت خالتك نجمه جابتلي بيهم حاجات ناقصيني

نذير:خودي من الدرج قداش تبي

ووقف يرتب في نفسه ……تلفتلها وشافلها من فوق لا لوطه

رغم انها مش اوي ومتستاهلش لكن يالله …….طلع من عندها وندى في حالة صدمه

سمعت صوت الباب تسكر وبدت تنقز في مكانها وكانت بتبببببكي من الاحراج يلي صار

_______________________________

نجم الدين:خش للغرفه وهوا مش عارف من وين بيبدا كلامه ولا شن بيحكي ولا كيف بيصلح الوضع يلي ليه اسابيع زي ماهوا ولا عارف يجبر خاطرها يلي كسره بأبشع طريقه

شيخه:كانت مقعمزه قدام المرايا وادير في شعرها ويفي تتجهز يعني لي سهرية الليل

نجم الدين:وين على خير ؟

شيخه:عرس حماة ندى الباين انك نسيت حتى كفاح بتمشي معانا

نجم الدين :اممم به تمام مش ناسي

انا طلع بعد تلبسي وتكملي منبيش نركب البسي عباتك وانزلي طول

متنسيش خمارك وعطر لا

شيخه:به

نجم الدين :كان مفتووون بي ملامحها وهيا حاصله في شعرها

لكن فجآه اذكر كلام الدكتوره

مودة:رد بالك تحسسها بضعفك اتجاه شكلها او اتجاه حبها بصفه عامه

ويوم يلي تحس روحك بتضعف اهرب منها

لان يا نجم المراه متحبش الراجل الخاضع ليها

تحب الشخص المسيطر يلي ميبينش شاعره وبنسبه يلي صار في دكرى زواحكم تو ترضى من تلقاء نفسها صدقني

نجم الدين :طلع من الغرفه وسط هدوء تام

_______________________________

رباب:حطت سفرة القهوة وقعمزت ……وهادا يلي صار

ريحانه:خليني هاديه بالله عليك خير ما نرجع حرفه زي قبل ونعجنهم في بعض

رباب:هههههههههههههه

ريحانه:وين نجمة غريبه مش عندك

رباب:توترت وحكت راسها

ريحانه: شن في ؟

نعرفها كويس حكت الراس هيا ادوي

رباب:نجمه في عرس حماتك هديل

ريحانه:بكسرة خاطر…….عرسو💔

رباب:اياااه عاد ريحانه من بكري نحاول منجبيلكش السريب هوا

ريحانه:ابتسمت ……..يالله ربي يهنيها

الحزن مش رح يرجع حد

رباب:ايواه هكي

ريحانه:شرين تالفونها ……بابا وصل

رباب:اففففف مزال بكري عاد

ريحانه:عينك المغرب قريب من الغدي لين مش قادره نتحرك

رباب:افففف يالله البسي يابارده

________________________________

ندى:فتحت الروشن عشان تهوي الدار قبل ما تبدا في المكياج

ونصدمت من يلي شفاته !

خش نذير لي الجنان يسلم على خلاته بي الاحضان واغلب بنات العيله طالعين يسلمو عليه

عرايا ولابس

ضربها شك النساوين

وبدت تجيها افكار البنات المعتاده وقالت في خاطرها وقالت

ندى:اهااااا هادا باش معش معبرني ؟!

اكيد مدام قدامه اشكال انواع شن يبي في وحده ترفض فيه ؟

سكرت الروشن وهيا معصبه

بس هوا قال انه يحبني !

معقوله خلاص معش يحس بي شي !

لالا مستحيل بي ها السرعه

لكن

انا عاملته معامله اخي شي طبيعي يشوف يلي لوطه غير شن تبي يميل ليهم

يا رببببي شن قاعد يصير

___________________________________

بدت الشمس تغيب وبدي ضي العرس يوضح اكتر واكتر ❤️

بدت الخيمه تتعبا شوي شوي وصوت الهدرزه يعلى بين الموجودين

نزلت ندى …..وكانت لابسه عربي ومكياج عيونها على اللون البني والذهبي ✨

اما روجها كان ع اللون الاحمر الداكن

نزلت من شقتها تاركه وراها غرفه مقلوبه وريحة عطر مغبقه الدنيا

واول ما نزلت كانو كلهم يعبرو على اعجابهم بيها وي جمالها الا شوية ناس حقوده يلي موجودين في كل عائله❤️

استقبلتها نجمه يلي كانت لابسه قفطان اسود قصير يلمع ضيق على الجسم

فارده شعرها على طوله ومكياجها كان خفيف زي العاده❤️

نجم الدين:كان مقعمز في سيارته فاتح الواتس ويرد على الرسايل يلي توصل فيه في نفس الدقيقه من الدكتوره

الدكتوره يلي فهمت حياته وحفضت كل طبعه وتصرفاته بي التفصيل

ركبت شيخه لي السياره وكانت لابسه كاب العرايس يلي يغطي كل شي

ركبت وفاحت ريحتها معاها

نجم الدين :سكر تالفونه وعصببب……مش قتلك متبخيش عطر؟؟

شيخه:القفطان عالقه فيه الريحه من قبل لانها قويه متع مناسبات

نجم الدين :انا قلت م……….

كفاح:السلام عليكم

شيخه:وعليكم السلام

وهنايا نجم الدين مقدرش يزيد حرف قدام مرت خوه واضر انه يسكت

_______________________________________

ريحانه:هي بسلامه حبيبتي

رباب:بسلامه ان شاء الله توصلي قبل المغرب

ريحانه:مش بعيده خطوا هوا

رباب:باي ديري بالك ع روحك

ريحانه:رتبت خيمارها ونزلت لي بوها لكن في الطيرق وفي نص الدرج عفست على عبايتها بي الغلط

وطاحت وخيمارها نزل منها

قرب منها بسرررررعه عشان يساعدها واول ما لفت راسه ليه وشافها قلبه تحرك من مكانه

قالت وهيا تتألم وناسيه عدتها ……يزن نادي على بابا بسرعه

نجم الدين ونذير وانور جت تقعميزتهم جنب بعض ومنضرهم يضحك كل واحد منكد فيهم احرف من التاني 😂

انور:طبس بهدوء على وذن خوه …زالمرا شاك فيها حامل

نجم الدين:اممم وكيف عرفت !

انور :قالها وهوا متحشم ……من الصبح تهزب فيا

نجم الدين :ضحك …وقال بهدوء احمد ربك ع الاقل قايماتك من ارضك

انور:علاش انت مش معدله عليك ولا شنو 😂

نجم الدين:سكر فمك مش هكي نقصد😒

انور:غير قول الحق😂

نجم الدين:انوووووور بلا جو

انور :انتقل لي الجيها التانيه ….شنو يابو نسيب خيرك قارنهم

نذير:لا شي تاعب بس

انور:الباين اختي في ها العرس خلاتك ع الحديده

نذير:ابتسم وهوا متحشم …..اي تعرف لين خلاص

انور:ضحك وتنهد ……مجبورين نتحملو مجبورين وصايا الرسول يا كبدي

نذير:ياريت جي من وصى علينا حتى حني

نجم الدين :تنهد …….اي والله

انور:ربع يديه …….نحلف عليكم الزوز الا يرقدو فيكم بي طرايح😂😂😂😂😂

نذير ونجم الدين مع بعض ……….انوووووور😒😒😒😒😒

__________________________________

وصلو الزمزامات وبدت السهريه على اوصولها

كانت شيخه وكفاح وندى كراسيهم جنب بعض وهايمين في الهياجه

نجمه:خالتي نبيله راهو كان قعدنا على ميكروويف واحد نكملو الفجر

نبيله:ماسكه البخور وتلود……زاطلعي لي دار الدروج تلقي كوشه لونها حمراء طلعيها سلم بنتي اخدمو بيها كويسه

نجمه:تمام…….ومشت لي نفس المكان يلي قالتلها عليه خالتها

كانت الغرفه ضلام لان اللمبة مش راكبه والباب رزييين ولو تسكر معش ينفتح من داخل

سندت الباب بي بدون اميه

قوت قلبها وخشت ادور بي فلاش التالفون لين سمعت صوت حد مسك البيدون وخش للغرفه وهوا يقول

تو وين بنلقى حمه المركب انا

نجمه:صرخت بصوت عالي وهيا تقول……….لااااااااااا الباب بيتسكر

نصر:منو انتتتتتتي 😧😧😧😧

وتقربع الباب بصوت عالي عليهم🤭….

google-playkhamsatmostaqltradent