رواية ليلتي (كاملة جميع الفصول) حصريا عبر دليل الروايات بقلم سلمى ابراهيم
رواية ليلتي الفصل الثالث عشر 13
خلصت علياء المكالمه وبصت بخبث..انا هوريكي يليلي..عشان تبقي تنافسي بنتي اوي….
دخلت البيت علياء ولقت رضوي قاعده مع يحي وعلي…..
علياء..اومال فين لين بنتي
يحي..لين بنت حضرتك اعصابها تعبانه شويه…ياريت تتكلمي معاها
رضوي..لي هي عملت اي….
علياء..الأحسن نسمع من بنتي…تعالي يرضوي…ودخلو ليها…
علي بقلق..مش مطمن….
يحي..ولا انا بصراحه………
دخلت رضوي وعلياء للين وكانت لين قاعده بتعيط ف الارض …
علياء..مالك يبنتي…
رضوي..احكيلنا
لين بعياط شديد..انا هقولكو…ونتو تحكمو……وفضلت تحكي ليهم اللي حصل كلو ورضوي خافت جدا وبدأت تقلق واتاكدلها ان علي فعلا بيحب ليلي ودا في دماغها مينفعش…فقررت انها لازم تدخل وتحل الموضوع
علياء..شوفتي يرضوي…مش قولتلك ابنك بيحب ليلي…
رضوي..ونا قولتلك خلي بنتك تتنصح وتقرب منو…ونا بقا هحل موضوع ليلي انشاءالله……
عدي الوقت كتير وليلي خلصت كل جلسات الكيماوي بتاعتها وعلياء بتدور ع أهلها ورضوي خايفه تكون كدا بتظلم ليلي لكنها قررت أن لين لعلي
علي كل يوم حبه لليلي بيزيد ويزيد اكتر وليلي كمان بقت تحبو اوي …لكن علي لسه معترفش باي حاجه لليلي ودا مخوف ليلي شويه…..
عند الدكتور……
علي بفرحه شديده..يعني خلاص كدا يدكتور…مش هتحتاج جلسات تاني…..
الدكتور بفرحه..اه الحمدلله…هي كدا شبه خفت…تمشي بقا عالعلاج دا لمده ٦ شهور وكدا انشاءالله هتكون كويسه
ليلي بدموع فرحه..يعني خلاص…مش هيكون عندي كانسر الحمدلله
الدكتور..اه الحمدلله…لكن لازم تفضلي ماشيه عالعلاج….لو بطلتيه يوم او كدا….هيرجع تاني وهيكون لازم عمليه..وكل شهر تعالي ابص عليكي
علي..شكرا يدكتور ومتقلقش……واخد ليلي وخرج من العياده وهي عماله تجري زي الطفله بالظبط…ولا زي اي هي اصلا بالنسبه لعلي هتفضل الطفله اللي كان متعلق بيها ومازال متعلق بيها ويمكن كل ما بتكبر بيحبها اكتر واكتر ….
ليلي وهي بمشي بطفوله وبتتنطط..انا مبسوطه….اوي….انا خفيت….خفيت يعلي
علي بضحكه علي شكلها..اه…خفيتي يليلي….ببركه دعا امي ف الحرم وكمان لأنك نفسيتك كانت كويسه الحمدلله
ليلي بصتلو..نفسيتي كانت كويسه عشان انت كنت معايا يعلي…انت حرفيا اغلي حد عندي
علي بفرحه من جواه وابتسملها..بجد يليلي انا اغلي حد عندك
ليلي..انت اللي مربيني…انت ابويا واخويا وامي كمان وحبيبي وصاحبي و…سكتت كدا لما قالت حبيبي واخدت بالها وفاقت…احم..صاحبي
علي..حبيبك…..انا حبيبك يليلي……
ليلي بصت للارض بكسوف..اقصد يعني….اكيد بحبك ..مش انت ابويا وكدا يعني
علي بغمزه..بس كدا….
ليلي بكسوف شديد..اه بس كدا…ويلا هاتلي بقا آيس كريم زي زمان….
علي بضحكه..حاضر….واخدها من ايديها وراحو جابلها
وفضلو يهزرو ويضحكو مع بعض كان من أجمل أيام حياتهم هما الاتنين……..
كانت قاعده علياء في اوضتها وجالها تليفون وردت…
علياء..الو…..بجد لقيتهم…..طب قولي العنوان……تمم ماشي سلام….وقامت لبست بسرعه وخرجت من البيت متجهه لبيت عيلة هواري…..
وصلت لحد هناك وخبطت فتحتلها مرات عم ليلي حنان….
علياء..مساء الخير..مش دا بردو بيت عيله هواري….
حنان..اه هو…انتي مين…..
علياء..انا اللي ربيت بنتكو ليلي…اللي انتو متعرفوش مكانها من سنين……..
حنان بصدمه..طب اتفضلي ادخلي عشان نتكلم…..دخلت علياء وقعدت وخرج لها عم ليلي قاسم…..
قاسم..اهلا وسهلا…..حنان قالتلي انك عارفه فين مكان بنتنا..برغم من ان امها قالت انها اخدتها معاها وهي مسافره
علياء..لا…امها قالت كدا عشان انتو متخدوهاش..إنما أنا وبنتي اللي ربينا ليلي…لكن خلاص مبيقناش عاوزينها
قاسم..ودا لي بقا انشاءالله….لي دلوقتي
علياء..تخيل …بعد ما انا لميتها من الشارع وربيتها لحد ما بقت كبيره دلوقتي داخله ع العشرين سنه..بقت طلبتها كتير اوي….وتتنك ع بنتي وساعات كمان بتضربها…ونا بقا وبنتي خلاص…..ياريت تيجو وتاخدوها
قاسم..طبعا هناخدها….حنان نادي ع زياد ابنك عشان يجي معايا واحنا بنجيب ليلي
حنان..حاضر……وراحت تناديله
زياد..ليلي….بجد يا أمي
حنان..اه…مش انت كنت عاوز تتجوزها من زمان….
زياد..ولسه لحد دلوقتي…هتجوزوهالي
حنان..طبعا…يلا روحو هاتوها……..
كانت داخله ليلي هي وعلي للبيت وبيضحكو وفراحنين جدا……
كانت لين ورضوي قاعدين جنب بعض….
علي..سلام عليكم……..بصتلهم لين كدا بقرف وسابتهم ودخلت الاوضه…..
رضوي..وعليكم السلام….كنتو فين……
علي..امي….ليلي خفت الحمدلله…….
رضوي بفرحه شديده..الحمدلله يبنتي….وحضنتها اوي
ليلي مسكت ايد علي..الحمدلله يماما..كل دا بسبب علي…هو اللي وقف جنبي وساعدني…انا بجد مبقتش اقدر استغني عنو
علي بابتسامه..ونا كمان…مبقتش اقدر استغني عنك…..
اتقلب وش رضوي وفكرت في اختها اللي ممكن تقاطعها لو علي اتجوز ليلي وساب لين……
ليلي..هدخل اغير هدومي يعلي…
علي..ونا هاخد دش واجيلكو…..دخلت ليلي الاوضه ودخلت وراها رضوي
رضوي..ليلي حبيبتي..كنت عاوزه اقولك حاجه……
ليلي..خير يماما
رضوي………………….
بعد شويه الباب خبط وراح علي فتح الباب……
علي..ايوه…مين
قاسم..انا قاسم هواري…..عم ليلي…انت تبقي مين
علي بلع ريقو برعب..وعاوزين اي……
قاسم..عاوزين بنتنا…اللي انت كتبتها باسم عمك ايمن……
علي..اديك قولت اهو…ليلي بنت عمي انتو مش من حقكو انكو تاخدوها…..
علي كان مصدوم صدمه عمره ومش مصدق انها قالت كدا…..
علي..ليلي…كدا هياخدوكي معاهم
ليلي..ونا عاوزه اروح معاهم……مش عاوزه اقعد معاك…يلا يعمي
علي مسك ايديها..انتي اتجننتي يليلي…..انتي عاوزه تبعدي عننا
ليلي..لا انا عقلت…..وعرفت انت كنت بتعمل معايا كل دا لي
خرجت لين وقفت كدا وتتفرج وهي مبسوطه جدا هي علياء
رضوي مقدرتش تمسك نفسها..ليلي….انا كنت بكدب عليكي..الكلام دا محصلش
ليلي..متحاولش تداري ع علي ….انتو كلكو كدا كدابين….يلا يعمي
علي كان ف صدمه مش قادر حتي يسال
اخدها قاسم وزياد وخرجو…..ساعتها علي حس نفس الاحساس اللي حسو لما كانت مشيت وهو بيجيبلها الايس كريم انو قلبو هيتخلع من الخوف عليها وعاوزها باي طريقه وووووو……….
•تابع الفصل التالي "رواية ليلتي" اضغط على اسم الرواية