Ads by Google X

رواية من عالم اخر الفصل التاسع 9 - بقلم زهرة اللوتس

الصفحة الرئيسية

 رواية من عالم اخر كاملة بقلم زهرة اللوتس عبر مدونة دليل الروايات


 رواية من عالم اخر الفصل التاسع 9


=يييعني ايه؟!
مالك بحزن وخوف علي اخوه =احنا لازم نلاقي اهلها ياماز
ولسه ماكملش كلمته… لقي مازن
بيخل*ع جاكت البادله … وبحركه سريعه مسك البالطو
الابيض اللي متعلق
ولبسه بحركه سريعه….. وهو ماشي ناحيه الباب رفع صباع
السبابه وحظر اخوه بقوه =محدش هيمو.ت انت فاهم
مالك بغباء فتح بقه……..=اااااانت
مازن ماسمعهوش وطلع بسرعه…….
….
مازن وهو ماشي في الطرقه بتاعت المستشفي……
وعيون الممرضات بطلع قلوب….. وكل واحده سنده التانيه
احدهن بصت لصحبتها وشكلها جديده =مين المز ده؟
صحبتها وهي بتتنهد =ده مازن سيف الدين صاحب المستشفي
وهي بتحرك كف ايدها تقريبا بتنفض حاجه علي كفها😂
=ياخراشي هو في كده؟
…. مازن تجاهل الكل وراح علي اوضتها وهو بيشاور
للمرضه بمعني تعالي……
جت وهي بتسند بالعافيه نفسها =نننعم يادكتر
مازن بهدوء=عايز كشف لكل الحالات الخطيره حالا فهمه
هزت رأسها بنعم وفضلت متنحه له…….
مازن رفع حاجبه وضرب كف علي التاني …….
ودخل الاوضه بتاعتها……. بص عليها وغمض عينه بألم
علي شفايفها البيضاء ووشها الاصفر شاحب وبشده
تذكر حاله والدته…… اتنهد اوي
وهو بيكلم نفسه =انا سفرت امريكا واخذت طب من هناك بس علشان ماشفش حد بيتألم بسبب المرض ده مش هسمح لحد يمو. ت مستحيييل مستحييييل…..
فاق علي صوت الجهاز بتعها اللي عمال يصدر صوت
جري نحيتها كان مستوي الد*م هبط تماما… ودرجه حرارتها اعلي……… واظافرها بزرقه عينه
ارتعب وبدأ يرتعش تلك الحاله التي اصيب بها منذ وفاه والدته…. بدأ يحدث نفسه =اهدي يامازن اهدي مش لازم تضعف…….
ضغط علي زر بجوار سريرها….. جات ممرضه وهي تجري
=نعم يادكتر
مازن بصراخ =هاتي””””””‘بسررررررعه
الممرضه طلعت تجري تجيب اللي قلها عليه…….
وبعد ثواني جت تجر عربه عليها كل اللي طلبه من محاليل وحقن ومراهم وادويه
وبدأت تساعده في توصيل محلول تغذيه علشان يترفع دمها شويه واعطي لها 💉حقنه لخفض درجه حرارتها
مر… مايقارب ساعتين ومازن لم ييأس ولم يتوقف من معالجه كل حاجه تلفت………
كان ماسك رسغ ايدها بأصبع الابهام والوسطي وبيبص في ساعته….. وبعدين اتنهد
وبص للمرضه اللي كانت بتبص بغيظ علي ايد مازن اللي ماسكه جهاد وكأنه غيرانه علي خطيبها😂
مازن اتكلم بقوه وهو بيخرج برا الاوضه= عشر دقايق وتعطيها حقنه تاني
قالت بسرعه =تحت امرك يادكتر
………………………..
دخل المكتب ودخل الحمام كله بحركه سريعه……
مالك دخل وراه وهو مش مصدق
قعد علي الكنبه وفضل مستنيه……..
بعد عشر دقايق خرج مازن وهو حاطط وشه في الفوطه
مالك وقف واتكلم بدهشه =اه يابن الجن. يه عملتها ازاي دي
مازن خرج وشه ورفع حاجبه =عملتها من اربع سنين
مالك فضل يضحك بجنون
=بقي تقلنا بتغير جو في امريكا وانت طالب علم مين ساعدك
مازن وهو بيفتح شنطه فيها هدوم جديده طلبها
عباره عن قميص ازرق تحسه يعكس لون عينه وبنطلون اسود جبارديني
رفع صباعه لأعلي =مين بيساعد غير ربنا
وسابه ودخل الحمام تاني اخد شاور وغير هدومه
مالك مااكنش قادر يمنع فضوله =فهمني ازاي يعني انت نقيب ودكتور ازاي ها ازاي
مازن اتجهله بس مالك مش ساكت وفضل يمشي وراه
=ازاي ها قلي ازاي
مازن بصراخ =بسسسس اسكت هفهمك…
مالك قعد علي الكنبه جلد سوداء يسمعله بإهتمام
مازن حرك راسه =لما ماما تعبت انا كنت حاسس بالذنب ان لودخلت طب كان زماني قدرت انقذها.. في الوقت ده انا قدمت ورقي في جامعه ( جورج واشنطن)
ولان كنت جايب ٩٩في الثانويه الامر كان سهل شويه
وعديت من الاختبار ودرست هناك بمساعده بابا
وكان بقيلي سنه واخلص هنا
مازن بصله وغمزله =بردك انا مش اي حد
مالك وقف وفضل يسقفله اوي وبعدين قله وهو بيضحك
=انت بابا يلا
رن تليقون مازن…. سحب مفاتيحه وطلع برا بسرعه
وقبل مايمشي اخبر مالك =انه لازم يروح الشغل وبعدين هيرجع الغردقه
___________________♡________♡__________
في مبني ضخم جدا………. تزينه يفطه
(قسم شرطه المعادي…)….. في اداره مكافحه
المخد. ارات
ليعطي العسكري التحيه ويدلف بهيئته المعروفه
دلف الي مكتبه مباشره…..
لم يلبث حتي دلف وهو يصرخ =كنت فين يابني
رفع مازن عينه ببرود =مش شغلك
قعد قدامه وحط ايده علي راسه =انت مش هتستريح غير لما ترفدن
ولسه هيكمل كلامه… اتفتح الباب بقوه مره واحده
اتنفض زين…. ومازن ماتحركتش ليه شعره
=صرخ بقوه بقي بذمتك ده منظر واحد بعد اسبوع هيبقي رائد تقدر تقلي كنت فين ياحضره النقيب
مازن اتنفس اوي…. وزين فضل يترعش
مازن بهدوء وهو بيعطي التحيه = انا مش مقصر في شغلي
زين بيوشوشه =م م متنساش يمازن ان ده العقيد اهدي بالله
العقيد جابر بغضب =حضره النقيب اللي مش مقصر في شغله
ساب العميل الاجنبي يخر. ج من مصر من غير مايقبض عليه….
قبض مازن علي ايده الي ان برزت عروقه…..
العقيد بتحظير=دي اخر مره هحظرك ياحضره النقيب المره الجيه انا هحولك للتحقيق بتهمه التقصير في شغلك مفهوووووم
خرج وكلا منهم اعطي التحيه….. مجرد ماخرج مازن مسك زين من ياقه قميصه بقي انا يبن ال———
تجيلي الاهانه بسببك انا مش كنت قبضت عليه يلا
ابتسم زين بغباء =م م ماهو اصل
مازن بصراخ =اصل ايه ياروووووح اهلك
زين بخوف =ي. ي يامازن الراجل كان تعبان اوي ولما رحنا بيه المستشفي اكتشفنا انها لعبه وقدر يهرب
مازن زقه بغضب وهو بيقول بستهزأ=ياحنين كان تعبان
زين سريعا بعلامات حزن =اوي
مسك مازن طفايه كانت علي المكتب وصرخ بزين
=امشيي من قصادي يابن ال——–
زين وهو بيجري علي الخارج دخل راسه من الباب
=وليه الغلط طيب…
وقفل الباب وهو بيجري……
مازن حط وشه في ايده =اه ياولاد ال——
______________♡________♡_________
بعد شهر…………. 💜
مالك بهدوء =زي مابقلك كده يامازن من ساعت مافاقت
وهي متنحه وجسمها رافض اي علاج ……
مازن بص بعيد وسرحان…. مالك قعد جنمبه =انت مالك مهتم بيها كده؟
انتفض مازن وبص علي اخوه… وسابه وراح علي اوضتها
دق الباب بهدوء مره في التانيه ……..
بس طبعا كالعاده مش بترد…..
فتح الباب ودخلها لقاها نايمه وبصه لفوق………
ومافيش حتي صباع اتحرك لها…..
سرح اوي في كل تفصيله فيها وعيونها البنيه التي تغرقها الدموع بشرتها البيضاء التي شحبت بشده جسدها النحيف
قفل الباب وقعد علي الكرسي جنمبها
رجع بظهره للورا وهو مش قادر يتحكم في ضربات قلبه اللي بدق بسرعه بسرعه… وعينه اللي بتحفر كل تفصيله فيها قرب ايده ومسح دموعها اللي نازله علي خدها
بلطف اوي وعينه في عيونها لفتره هز راسه سريعا…
اتكلم ببرود =جهاد عوض النيلي دكتوره جراحه ٢٦سنه
مش كده
كان واقف بيبص من شباك الاوضه وحاطط ايده في جيبه
لكن مافيش شعره اتحركت ليها…..
هي حفظته من ساعت مافاقت بتشوفه بيجي وبيهتم بحالتها طول فتره مرضها……….
سكت شويه وبعدين اتكلم =صدقيني مش عارف ايه اللي حصلك بس حابب اقلك ان مافيش حاجه بتحصلنا غير لوكانت خير…… يعني مثلا انا بحب جدا اقول لعله خير
انت لو بتحبي ربنا هتعرفي ان ربنا مش بيدينا غير كل خير……..
شويه سكوت وفضلت تضحك بهستريا
فرح اوي وبص وراه وهو مش مصدق و….

google-playkhamsatmostaqltradent