Ads by Google X

رواية بنت الغير شرعية الفصل التاسع 9 - بقلم ياسمين

الصفحة الرئيسية

  رواية بنت الغير شرعية كاملة بقلم ياسمين عبر مدونة دليل الروايات 


 رواية بنت الغير شرعية الفصل التاسع 9

 

سمعت الدقديق جيت نفتح لقيت ماما سبقتني حلت لقاتها دلال وتعطيها بالشلاكة زوج ضربات ولات تعيط يا خالتي استناي اصبري نفهمك وهي تقوللها واش تفهميني هاه تكذبي عليا تقولولي نخدمو في الريسطورون ونتوما تع# و قالتلها دلال والله يا خالتي يكذبو عليك هاني جيت وجبت معايا المعلم باه يشهد بلي نخدم عندو وانا قلبي طاح هاد تبرادي جابت ماميدو وجات اليوم ماما تقتلني وتكملهم معايا راحت عيطتلو هو يدخل وانا نشوف غير فالسروال كلاسيك نواغ الله الله والشوميز بلو سيال الشعر ممشوط على خط بقيت غير نشوف يا رب العالي هذا مش يوسف هذا شا راه يدير هنا فوتاتو ماما للصالة حنا صالتنا عادية مطارح فالارض دايرين عليهم شورة وتابي يعني صالة نتاع قلاليل والسيد باين موالف غير بالفوتايات نحى سباطو وقعد فالارض يا جدكم هذا وين تفكرت روحي شعري مشعطط عينيا حمر ومنفخين لي ساغن دايرين حالة البيجامة تريكو من جهة

والسروال من جهة والله غولة نتاع الصح بصح هو مخزرش قاع فيا شاد النظرة غير في ماما شوية بدى يهدر يا مدام سمعنا بالبروبلام لي صرا لوردة ياديني فضحني نقزاتو دلال قاتلو بسمة قاللها اه حقا بسمة هو يهدر ويتأتأ تقول يجرو وراه ومن هدرتو باين مهوش من الغرب بتاتا يا فرخة يا دلال فضحتينا كون غير جبتي ماميدو ولا هذا الكعالة لي داير هكا قاتلو ماما بصح يا وليدي مش كلي مكش منا قاللها ايه خالتي أنا نسكن في …… بصح عندي الشي هنا ولهيه وداير خدامة ومرة مرة نطل على رزقي وبنتك وصحبتها راني شايفهم عندي وعلابالي الوقت لي يخدمو فيه والوقت لي يخرجو حتى قاتلو ماما بصح مهيش خدمة كيفاه مخدم بنات نص ليل قاللها يا خالتي لبنات يخدمو من قلبهم بصح لولاد لالا يتعوجو هذا علاه شوية دخلت خالتي بختة بالسني نتاع القهوة والفطير هاحي السيد باين موالف بالكرواسن ومنعرف واش وهي جايبالو الفطير نندب حناكي بالقرداش وقليل صبتلو قهوة شربها الحلوف وكلى الفطير قاللها يعطيك الصحة وقيلا نخدمكم نتوما خير من هذو المكسرات ولاو يضحكو قاتلو ماما يا وليدي الصحة راحت كونش مش هيا العدوة غدرتني من خلي بنتي تخرج فنصاص الليالي

قاللها معليش الحاجة مزالت البراكة قاتلو شوف يا ولدي والله عجبتني وارتحتلك بصح سامحني أنا بنتي منخليهاش ترجع للخدمة قاللها عندك الف حق أنا جيت غير نصحح سوء التفاهم مش نرجعها للخدمة تفوه نحرق راستك يا الكلب قاع لي صرات فيا بسبابك وزيد حبسني من الخدمة المهم هوما راحو وأنا درت لحليمة هاه اسمعتي ولالا شفتي ظلمتيني باطل سكتت مقالت والو شوية سمعتها تهدر مع بختة قالتلها جاني هذا الطفل مالوف قتلها هو راجل فايتك فالطول وممكن فالسن ونتي تقولي طفل وزيد وقيلا شفتيه فالتيلي راهم موالف يوروه قاتلي راني نشوف فيك تفرعنتي تنوضي من قدامي ولا نجيك

فالليل عيطت لدلال بهدلتها ملقيتي شكون تجيبي غير هذا الماسط قاتلي بلعي أنا المهم عاونتك ولقيتو غير هوا قضالي صالحة قتلها صحا معليش الغدوة العشية لقيتها تعيطلي هزيت عليها قاتلي أيا نخرجو قتلها مين تفهمي نتي راني نقولك متخلينيش حليمة قاتلي فوتيهالي نهدر معاها مديت لماما التيليفون قاتلي شكون قتلها دلال قاتلي شا تحتاج عندي قتلها


منعرف هدرت معاها ممبعد قاتلي مشي روحي معاها وتشوفي الخدمة وتجي ومكاش خدمة فالليل سمعتي قتلها صحا معليش لبست خفوفي ورحت تلاقينا قتلها واش من خدمة قاتلي كذبت عليها برك أرواحي ندورو شوية درنا وشرينا شوية حوايج قتلها باينة يوسف تهلى فيك قاتلي اسكتي برك اليوم كثر من موالف قتلها علاه قاتلي منعرف عند دقيقة حسدتها يا ريت كان عندي واحد يفورني عليا هكا كملنا جينا مع 5 هكاك جبدت عطاتلي زوج ملاين قتلها نتوعش قاتلي شدي علابالي تحتاجي راكي بلا خدمة سلمت عليها وتفارقنا جيت الحومة كي العادة متغامزين عليا حتى عيطولي وحد لي جون يكونو 17 سنة 16 من هذوك الجوايه بزوز وصايي بسمة بسمة درت ليهم حتى قالي واحد منهم بسمة شكون هذاك مولا الرنج لي جا عندكم قتلو مولا واش قالي الرنج قتلو شاولا ذي الحبوبة قالي ها حمارة رانج روفر طونوبيل قتلو منعرف مكان حتى واحد قالي كيفاه هذا وين راح منا قتلو هاني كنت برا مندريش قالي المهم بسمة كاش ما دبرتي ولا طحتي على حية خشينة

متنسايش خاوتك خرجينا من ذي الغرقة قتلو في قلبي خلي نخرج أنا بعدها كان تفكرت واحد فيكم بعد راني ق#بة دخلت للدار نلقى ماما حالتها حليلة خالتي بختة غير داهشة ومش قاع هنا قتلهم مالكم مجاوبونيش كامل عاودت سقسيتهم شكون جاكم راهم الجيران قالولي ……. مخلاتنيش ماما نكمل طارت فيا شكون باغي يجينا غير مولا السوبيرات دا حوايجو وراح ياه من وينتا هو يجي ياك بختة تديهملو قلت أيا خليني منهم فاتت سمانة ماما حالها ميعجبش غير تبكي كي نسقسيها تقولي غلبت برك خالتي بختة وحاستها مخبية حاجة قلت أيا تعيا وتبان.

google-playkhamsatmostaqltradent