رواية حب بالصدفة الفصل الثامن 8 - بقلم ملك ناصر

  رواية حب بالصدفة كاملة بقلم ملك ناصر  عبر مدونة دليل الروايات 

رواية حب بالصدفة الفصل الثامن 8

 

وفجأه انفجرت دارين بالعياط..

دارين ببكاء: وحشتوني… وحشتوني اوي.. انا سمعت كلامكم وبقيت كويسة وبقيت بضحك كمان وبتكلم بس.. بس مش قادرة اكمل اكتر من كده.. مش قادرة اكمل حياتي من

بعدكوا.. بس بس اوعدكوا هحاول.. وهدخل كليه الطب اللي كان نفسك اني ادخلها يا بابا.. وكملت بدموع.. هحقق حلمك حتى لو كنت مش موجود..

عيون لميس دمعت وكنان كان واقف وحاسس انه عايز ياخدها في حضنه بقوه ويقولها انا معاكي وميسبهاش ابدا..

دارين حطت الورد اللي اشتريه على قب.ر مامتها..

دارين بابتسامه وسط دموعها: ب. بصي يا ماما جبتلك الورد الاحمر اللي انتي بتحبيه.. مش انتي بتحبي الورد الاحمر

صح.. وانت يابابا مجبتلكش ورد علشان عارفة انك عندك حساسيه منه ومش بتحبه..

لميس قربت منها بدموع وحزن على حالتها: يالا يا حبيبتي علشان نروح..

دارين قامت وقفت تاني ومسحت دموعها وقالت بابتسامه: انا هروح دلوقتي بس.. بس هرجعلكوا تاني مش هتأخر

عليكم تمام.. لفت وشها وبصت لكنان في عينه وعدت لحظه صمت ونظرات طويله بينهم نظرات حزن نظرات حب نظرات ومشاعر متلغبطه..

لميس: يالا يا كنان..

فاق كنان على نفسه واتحرك للعربية..

»»»»»» عدت ايام مفيش جديد وجه اول يوم مدرسة لدارين ولميس»»

لميس: دارييييييين

دارين قامت بفزع من على السرير: عاااه في ايه مين بيمووت

لميس ضحكت بقوه

دارين: في ايه يا لميس حرام عليكي خضتيني حد يصحي حد كده..

لميس: يالا ياختي علشان منتأخرش على المدرسة..

دارين ضربت اديها على راسها بخفه: اوف.. صح انا نسيت اظبط المنبه.. الساعه كام..

لميس: سبعه..

دارين: طيب لسه بدري يعني هقوم اخد شاور واصلي والبس وانزلك..

لميس: اشطا مستنياكي..

قامت دارين خدت شاور وصلت ولبست ال uniform المدرسي وسابت شعرها على ضهرها ولبست الشنطه بتاعتها ونزلت..

لميس اول ما شافتها صفرت: اوبااااا الاحمر ع الاسد يمنع الحسد..

دارين بضحك: ههههه انا مش لابسه احمر اصلا يا لميس..

لميس: مانا عارفة بس ملقتش مثل تاني اقوله غير ده ههههه

دارين: والله انتي مسخره يا لميس..

لميس بثقه وغرور: عارفة عارفة..

فهد: ابو غرورك يا شيخه..

كان كنان بصصلها بصه حب.. او عشق ايهما اقرب.. لا ثواني كده؟! هو حبها بجد؟! ايوة يا اعزائى هو احبها بل اتيم بها 😌

««يا اوسَم مَن نَهب رُوحِي يَا اجْمل ما رَأت عِينِي.. كيف اتُوب عن عِينَاكِ عشقاً وربك فِي غرَامِك قَد ابْتلَانِي»»

دارين اتكسفت جدا من نظراته ليها..

الشغاله: الفطار جاهز يا كنان بيه..

كنان فاق من شروده على صوت الشغاله..

بعد وقت»»

كانوا في العربية وصلوا اودام المدرسة..

كنان: لو ولد جه وكلمكوا متردوش عليه ومتصحبوش على بنات جديده غير لما انا اشوفهم الاول ومتضحكوش كتير

وركزوا مع شرح الدرس وبس.. وبرجع وبقولكوا لو شوفت واحده فيكم مع ولد مش هيحصلكم كويس..

لميس بسخريه: ونقعد جمب اللانش بوكس علشان متتسرقش؟! ايه يا كنان ده احنا عيال صغيره..

فهد بضحك: معليش يابنتي اصل كنان لو مرزعناش حبه نصايح على الصبح ميبقاش كنان..

لميس: على رأيك..

الكل ضحك..

كنان بغيظ: يالا يالا انزلوا..

دارين كانت نازله بس كنان وقفها: خدي يا دارين.. بصت لايده لقت مطلعلها فلوس..

دارين: شكرا مش عايزة..

كنان ادلها الفلوس في اديها وادا للميس هي كمان ونزلوا الاتنين..

دخلوا البنات على اول حصه واول ما دخلوا الفصل……

• يتبع الفصل التالي اضغط على ( رواية حب بالصدفة ) اسم الرواية