رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل الثامن 8
نجمه كانت بطلع الاكل وحمزه شافها
حمزه: مطلعه دا لمين
نجمه بهدوء: لعز
حمزه قرب منها ودخل خصله من شعرها خارجه من الطرحه وقال
حمزه بضيق: انتي مش محجبه ؟؟
نجمه بتوتر: اا ااه
حمزه بحده: طيب دا طالع بيعمل ايه .. ابقي شوفي طرحتك قبل ما تخرجي البيت فيه شباب ولا مستنيه حد يبصلك
نجمه بزعيق: يبصلي ازاى يعني احترم نفسك
حمزه رجع مكانه بحده: صوووتك .. والطرحه تتظبط
نجمه: انت مالك انت تتظبط ولا لا .. وبعدين متقربش مني تاني
حمزه وهو بيقرب تاني : انا اقرب براحتي
نجمه بزعيق وزقته: لا مش براحتك .. مش سايبه هي .. اول واخر مره تقرب مني كده انتي فاهم والا هيبقي ليا تصرف تاني
حمزه نده علي سعديه
سعديه: عايز حاجة يا حمزه
حمزه: خدي الاكل طلعيه لعز وهي تطلع لـ البنات بس
نجمه بزعيق بسيط: هو حضرتك مالك ؟؟
حمزه: خدي يا سعديه الاكل
سعديه اخدت الاكل من نجمه
حمزه بهدوء: اللي قولته يتسمع الطرحه تشوفيها قبل ما تخرجي والاكل لـ البنات بس
سابها ومشي
حماصه كان واقف وشايف اللي حصل
حماصه ببراءة: مش تزعلي يا نجمتي
نجمه بخنقه: مش زعلانه يا حماصه ، روح شوف عوكل عنده اكل ولا لا ، وتعالي نقعد سوا
نجمه فكرت وقالت إنها لسه مش عارفه تتعامل مع الشباب ازاى فتطلع لـ البنات وخلاص ..
بليل كانوا الكل متجمعين ماعدا حمزه اللي خرج من وقت كلامه مع نجمه ومش جه
عز: طب ما تيجو نتعرف علشان حاسس أننا اغراب
ميرنا بحماس: بصي يا نجمه انا ميرنا لسه في تالته ثانوى
شيرين: وانا شيرين في رابعه كليه سياسه واقتصاد
مراد: وانا مراد مخلص هندسه
عز: وانا عز في أولي كليه فنون جميله
نجمه بضحك: ما شاء الله ، انا نجمه في تالته كليه فنون جميله ، تشرفت بيكم
عز بضحك: كده بصره معايا ، هتوريني رسمك تمام
نجمه بحماس: ايوه هوريك ، دانا بعمل عظمه
مراد بضحك: بعد عظمه دي حاسك بتعُكي
ميرنا بحب: لا ياعم باين عليها شطوره
نجمه بحب: حبيبتشي♥️(لميرنا)
شيرين بضحك: من اولها كده ما شاء الله
كانو كلهم بيضحكوا وحمزة دخل بص لنجمه بصه هي مافهمتهاش بس بطلت ضحك
حمزه بهدوء: السلام عليكم
مراد بحب: جيت
حمزه بضحك: لا لسه دا عفريتي
مراد بغيظ: اقعد ياجدع واحشني
حمزه بحب: وانت كمان
شيرين بحب: خلصت دراستك يا حمزه
حمزه: اه وبقيت دكتور في الكليه
شيرين: كليه ايه
حمزه: سياسه واقتصاد
شيرين بعيون بطلع قلوب: احلف
حمزه بضحك: هاا
ميرنا: جينا البيت اللي هيلمنا صح ، مش بتسأل عليا يا حمزه
حمزه بغيظ: بت انتي متصدعنيش قلتلك بعتلك ورنيت وانتي مش بتردي اعمل ايه انا
ميرنا بزعل: متعملش حاجه يا حمزه
حمزه بضحك: فكي البوز يا ميرنا وحقك عليا ياست انا غلطان
ميرنا بحماس: هاتلي شوكليت من اللي بعتهالي امريكا وانا اصالحك
مراد بضحك: انتهازية حقيره
حمزه: جداا
نجمه اضايقت أنه بيكلم الكل حلو ويجي عندها ويكشر راحت قالت
نجمه: اشطا هطلع انا بقا الساعه داخله علي 11 وانا عندي كليه الصبح
عز بخبث وهو بيبص لزين: طب هتوريني رسمك
نجمه بهدوء: اه بس خليها بكرة
عز: تمام
حمزه بصلها وهي طلعت دخلت شافت حماصه لقيته نايم جات تنام لقت..
تحت
حمزه بهدوء: خمسه وراجعلكم
عز بخبث: خد راحتك يا باشااا
حمزه بضحك: في ايه ياض ، مش مرتحالك
عز وهو بيحضنه: اخس عليك يا حموزتي
حمزه بضحك: ابعد ياض في ايه وايه حموزتي دي
عز بتمثيل: بقا كده يا قااسي اخدت غرضك مني ورميتني
حمزه بضحك: لم اخوك يا مراد علشان معلقهوش والله
مراد اخد عز جنبه
مراد بضحك: اتهد بقا
فوق عند نجمه لقت الباب بيخبط ، افتكرت كلام حمزه ولبست الطرحه وفتحت
حمزه بهدوء: فين حماصه ؟
نجمه بضيق: نام
حمزه: طيب عديني هاخده هينام عندي
نجمه باستغراب: ليه ؟
حمزه: علشان انا عايزه ينام عندي
نجمه: واللهِ
حمزه: اه واللهِ عديني بقا
حمزه دخل اخد حماصه وهو خارج نجمه قالت
نجمه: ابقي غطيه كويس واعمل منبه اصحي بليل شوفه متغطي ولا لا
حمزه بهدوء: ماشي
حمزه دخل اوضته وحط حماصه عالسرير وغطاه وهو بيقول(ولا اكنك ابنها)
بعدين نزل قعدوا شويه سوا (ميرنا مراد شيرين عز) وبعدين كله طلع علي اوضته ينام
الصبح كلهم كانوا بيفطروا
مراد: تسلم ايدك يا مرات عمي
فاطمه بحب: سلمت من كل سوء يا حبيبي بالهنا والشفا
ميرنا بضحك: عارفه كنت في امريكا اقول لـ هدهود تعملي فطير تقولي مش بعرف لما نروح مصر مرات عمك هتعملك ومش هتلاقي اجمل من فطيرها وحقيقي فطيرك قمر قمر يعني
فاطمه بضحك: انتي اللي قمر ، وانا هعلمها تعمله
هدي بضحك: تفتكري هنفع وهيبقي جميل زي دا
ابراهيم بخفوت: هيبقي جميل يا حبيبتى ، اي حاجه ايدك تتحط فيها بتبقي جميله
هدي ضحكت بكسوف
نجمه بضحك: ايوا يا عمو يا رومانسي ، حمرت خدودها
عز بضحك: لا انا بابا رومانسي خالص
ضحكوا بعدين نجمه قالت بصوت واطي
نجمه بخفوت: بقولك كنت عايزه ادخل عندك اصحي حماصه
حمزه بتعجب: ومدخلتيش ليه
نجمه: لا ادخل ليه وانت مش موجود
حمزه: هي بتفرق ، علي العموم انا هصحيه
نجمه بضيق: ماشي
الحاج رضوان: حمزه هيعملكم ورق الجامعه انهارده وابدأوا روحوا من بكره يا ولاد(عز و شيرين)
بعد الفطار
حمزه شاف نجمه نازله وكانت رايحه الكليه
حمزه: اركبي العربيه وانا هجيب موبايلي من علي السفره وهوصلك
نجمه بضيق: لا شكرا انا عرفت الطريق هروح مواصلات ، وانا قولت لجدو أنه يبعت حد يجيب عربيتي من هناك
حمزه: طيب لحد ما تجيبي العربيه هوصلك
نجمه بحده: مقولت لا هروح مواصلات
الجده: اسمعي كلام حمزه يا نجمه تروحي مواصلات ازاى وهو رايح نفس المكان
نجمه بضيق: حاضر يا ستو
في العربيه
نجمه كانت قاعده ساكته وحمزه كل شويه يبصلها مستنيها تقول حاجه لكن مش اتكلمت ، قرر يكلم هو
حمزه: مالك
نجمه: مالي ؟
حمزه: انتي كويسه
نجمه بهدوء: اه الحمدالله
حمزه: طيب مش عايزه تقولي حاجه
نجمه: لا
حمزه: طيب
نجمه بصوت واطي: هو بجد بيسأل مالي ، مش شايف طريقه كلامه معايا ولا عصبيته عليا
حمزه بضحك: طب اتكلمي معايا بدل ما تكلمي نفسك
نجمه بصتله ومش ردت
سكتوا بعدين نجمه قالت
نجمه: هو حضرتك مش شايف اسلوبك معايا عامل ازاي
حمزه: عامل ازاي
نجمه بضيق: مش عامل .. و ولا تكلمني ولا اكلمك
حمزه: كل دا علشان اخدت حماصه نيمته عندي
نجمه: لا طبعا
حمزه: اومال
نجمه بحده: يعني حضرتك زعقتلي امبارح ، واقولك متقربش مني تقولي انا اقرب براحتي ، وتقولي شعرك طالع ليه مستنيه حد يبصلك ، دي مش أخلاقي يا استاذ حمزه
حمزه بضيق: مانتي اللي بتعلي صوتك عليا وبتخليني اقول الكلام دا
نجمه بحده: مش تكذب انا مكنتش لسه عليت صوتي ، انا فاكره كويس
حمزه سكت علشان مش عارف يقولها ايه هو نفسه مش عارف ليه بيضايق لما بتكلم ولاد عمه
وهي كمان سكتت بخنقه من كلامه ومن أسلوبه معاها
وصلوا عند الكليه ونجمه نزلت وهو فضل قاعد في العربيه شويه بيشوف كلامه معاها اليومين اللي فاته وشاف ان هو
غلطان لما قرب منها ولما قالها “مستنيه حد يبصلك”
دخل القسم بتاعها لاقاها قاعده لوحدها وكانت بتشوف حاجه في الموبايل
حمزه بهدوء: تعالي يا نجمه عايزك
نجمه: لا ولا ليك كلام معايا ولا كلام معاك
حمزه بنفس الهدوء: شوفي انتي اللي بتعصبيني اهو
نجمه بخنقه وقفت: اتفضل حضرتك عايز ايه
حمزه: تعالي هنقعد في كافيه قريب من هنا
نجمه: لا طبعا
حمزه: وه مهخطفكيش انا يا نجمه
نجمه ضحكت بغباء: وه مهخطفكيش !! انت بتكلم صعيدي
كل دا في شاب بيبص عليهم من بعيد
الشاب قرب عليهم وقال
الشاب: الله مانتي حلوه اهو وبتضحكي كمان اومال معايا عامله دور المحترمه ليه
نجمه بحده: انا محترمه غصب عنك يا حيوان
حمزه بغضب ضرب الشاب بوكس: دي مراتي يا روح امك تعالي
- يتبع الفصل التالي اضغط على ( رواية نجمة في الصعيد ) اسم الرواية