رواية من عالم اخر كاملة بقلم زهرة اللوتس عبر مدونة دليل الروايات
رواية من عالم اخر الفصل السابع 7
=انت طالق……
بصتله بزهول…… ابتسم ليا ومسك مفاتيحه
=اعتبري البيت بيتك مش هينفع تمشي دلوقت علي الاقل شهر
انا بصدمه =ايه شهر!!! هو انت طلقتني بجد
فضل يضحك وبعدين قلي =انا كاراجل عنده كرامه مش هستحمل تكوني علي اسمي وتجيبي سيره راجل غيري
وكراجل عارف معني الكلمه كويس وعارف يعني ايه راجل
مش هينفع ارجعك بيت اهلك قبل شهر علي الاقل……
في اخر كلامه كان بيرفع حاجبه كأنه بيقلي =زياد مش راجل…….
وبعدين ساب البيت وقفل الباب بهدوء……….
انا مابقتش مصدقه وفضلت اللعن نفسي بدال المره الف مره والعن غبائي=هو ليه بيحصل معايا كده انا عمري ماأذيت حد علشان اتأذي كل ده
وكالعاده قعدت علي الكنبه وفضلت اعيط…… وماحستش بنفسي ونمت وكأني مانمتش ليا سنين………
وبعد مرور ساعات
الشمس دخلت البيت من كل حته وكانت اشعتها قويه
وده سبب ليا ازعاج وبدأت افوق…….
ببص حوليا بتذكر اللي حصل…. غمضت عيني بألم وقعت عيني علي شنطه هدومي…….
ابتسمت بسخريه… ورحت حضرت ليا هدوم… وأخذت شور بس بصراحه بعد ماقفلت الباب من جوا وتربسته
كنت بتفرج علي الشقه قد ايه بسيطه ومريحه للنفس
لقيت باب اوضه مقفول….. فتحته بهدوء
ولما فتحته افتكرت المره اللي فتحت فيها الاوضه اللي في شقه زياد ولما شفت غير. ات الزفته بتاعته مرميه في كل حته
فسبت باب الاوضه وتألمت اوي…. انا نسيت شغلي ودمرت حياتي انا المفروض ابقي اقوي من كده بس مش قادره
رجعت وقعت علي الكنبه تاني وضمت ركبتي لجسمي وكنت بفكر……….
بعد مرور ربع ساعه….. لسه هفتح باب الشقه وانا مسكه شنطتي
لقيته وشي كان علي وشك انه يخبط ايده اتعلقت في الهوا
رفع حاجبه وانا ارتبكت =رايحه فين؟
قلتله بصوت ضعيف وانا محرجه اوي =شكرا اوي لمساعدتك صباح انت انسان مايتعوضش انا هرجع عند ماجد هو هيقدر يفهمني ماتقلقش عليا انت ايه ذنبك تسيب بيتك
اتنهد اوي وبعدين قلي بجد =ده هيريحك
نطقت بسرعه =جدا
=طيب خليني اوصلك
قلت بسرعه =لااااا انا هروح لوحدي
ولسه هيتكلم انا جرت شنطتي =معلش لو سمحت
مافتحش بقه كل اللي عمله انه بعد من قصادي…….
كأنه بيوسعلي الطريق…. وانا ركبت عجلات في رجلي وهب طيييرت😂
بعد مرور ساعه تقريبا….. قدام باب شقته كنت واقفه
وكل شويه انوي ان اخبط وارجع في كلامي
زي ماتوقعتوا واقفه قدام شقه زياد….. انا حسيت انه حس بغلطه وانه فعلا بيحبني هو غلط وكلنا بنغلط ليه ما اعطهوش فرصه تاتيه……(سمعاكوا وانتوا بتشتموها 😂)
__________________♡________♡__________
دخل باب شقته وكان حزين علي حالها فعلا صعبت عليه
طلع سيجا. ره ولسه هيولعها…..
باب الشقه خبط…… رفع حاجبه
ومجرد مافتح الباب….. لكم. ه قويه نزلت علي وشه
رجعته لورا خطوتين من قوتها………..
دخل بغضب وهو بيتكلم ببرود =ببقي بتتجوز من غيري
زياد ضحك اوي اوي وضمه =وحشنيييي يابروووووووو
زقه بغضب =وسع كده عيل ملزق مراتك تقول علينا ايه
صباح وقلبه يتراقص سعاده =مش مصدق والله ان شفتك يمازن حاسس ان بحلم
مازن بصله بقر. ف =علشان عيل ندل
وبعدين عدل من ياقه قميصه =فين المدام؟
ضحك صباح وقعد علي الكنبه =لا ما انا طلقتها….
مازن فتح بوقه =انت لحقت….
وهنا ضحكوا هما الاتنين جامد اوي…….
مازن بجد =احكيلي ايه اللي حصل؟
«مازن سيف الدين….اعز واقرب شخص الي صباح يلقبوا بالتوم المثالي…….. صاحب شركات التقوي………..
ناجح جدا بيعشق شغله وبيطور من نفسه كل يوم اكتر
من اصل غني وجدا… جدا عن اب ولكن هو اللي بني نفسه بنفسه خريج شرطه والان يتميز برتبه نقيب ٣٠سنه بشرته امحويه تميل للبياض به غمزات تظهر عند الكلام عينه زرقاء شعره ناعم جدا لونه اسود به بعض خصلات البيضاء التي ورثها من والدته ولم يفكر يوم في اخفائها……….. ذات جسد منحوت وبشده عضلاته اكتسبها من عمله الذي يتلزم تمارين شاقه)
قص صباح كل شئ………
مازن تنهد =الخير فيما اختاره الله يابرو
صباح اتنهد هو بيقوم =احضرلك الغدي
مازن فرد جسمه علي الكنبه =وماتنساش لافازا
صباح ببرود =هعملك قهوه وحطها في التلاجه
مازن ضحك علي طريقه كلامه وبعدين خرج تليفونه وفضل يقرأ فيه………….
بعد مرور عشر دقائق خرج صباح وهو بيجري…….
مازن وقف بصدمه =بتجري كده ليه
صباح بصراخ=اجرررري يامجديييي البيت بيولللللع
مازن اتفزع وطلعوا يجروا هما الاتنين علي السلالم
بعد مرور ساعه تقريبا……. مازن وصباح قعدين علي رصيف في الشارع والمطافي قصادهم……
صباح بص لمازن وابتسم بغباء 😸=اطلبلك بيتزا 🍕
مازن دفعه بغضب اوي………
ثانيه وفضلوا يضحكوا هما الاتنين بجنون ومازن مسك بطنه وقعد علي الارض
وصباح وهو مش قادر اتكلم بالعافيه =كنت بمسك الحله بالستاره بتاعت المطبخ بعد مادورت علي الفوطه مالقتهاش
وهنا مازن كان هيموت من الضحك اكتر
وفجأه وقف صباح وضرب علي مقدمه رأسه =يلاهوي انا نسيت
مازن رفع حاجبه….. بجهل من حركه صديقه
____________________________♡______
عند جهاد……
اخيرا جتلي الجرأه ولسه هخبط….. اتفتح الباب
ولقتها قصادي…..
بصتلي من فوق لتحت …. واتكلمت بكبر =انت جي تعملي ايه هنا
انا تجاهلتها وناديت بصوت عالي =زياااد
زقتني جامد وصرخت في وشي =اما انت بجحه صحيح
انت ازاي تيجي بيت راجل متجوز ياأنسه يامحترمه
وبعدين ضيقت عيونها وقالت بإستفز. از =مش انسه برضوا؟
انا كنت هتجن ووشي سخن بغضب اوي….
ولسه هزعق فيها…. خرج وهو بيقول بصوت عالي =مررريم
بصتله بغضب =تقدر تقلي البتاعه دي بتعمل ايه هنا
انا اتكسرت اوي انا هنت نفسي جامد
=ليه مش عايزه اصدق انه خلاص مابقاش ليا
بس هو زعق فيها =ادخلي جوا
لسه هتتكلم زعق بصوت اعلي =قلت جوا
انا بصتلها بحزن ودموعي بدأت تتجمع تاني
بصلي شويه وبعدين قلي =جيه ليه ياجهاد
انا مسحت دموعي وابتسمت اوي ….
=خلاص يازياد خلينا ننسي كل اللي حصل انا وانت بنحب بعض وانت ماقدرتش تنساني انت فاكر انت قلتيلي ايه امبارح انا اطلقت انت كمان طلقها وخلينا ننسي اي حاجه حصلت……
ضحك اوي اوي اوي… وبعدين بصلي من تحت لفوق
=انت اكيد اتجننتي ياجهاد
رفعت حاجبي وانا مستغرباه… اتكلم وياريته ما اتكلم
وفي اللحظه دي هو مسح نفسه بأستيكه ومابقتش طايقه ابص في وشه……. وهو بيقلي
=انت معتقده ان ممكن اطلق مراتي علشان واحده كانت مقضياها معايا خروجات وفسح يابنتي انا لولا رجولتي
كنت زماني اخذت منك اللي انا عايزه ومن غير جواز
انت ساهله اوي ياجهاد وانا مآنش علي نفسي مع واحده زيك………
فضلت اغمض في عيني وافتحها….. ومن غير ما انطق بحرف اخذت بعضي وطلعت
وانا شارده ومش قادره افتح بوقي…… هو فضل ينادي عليا =شنطتك
بس انا ولا سمعاه ماكنتش مع حد كنت مع قلبي اللي عمال يتقطع لشرائح صغيره… ومع كل جزء بيتمزق فيه كان بيوجعني اوي وحسه ان الد. م بيفر هارب من جسمي
….. ماحستش بنفسي غير وانا واقفه قدام شقتي
خبطت بضعف اوي تتصوروا ان اخذتها من شقه زياد لبتنا مشي من غير مااحس بنفسي ودموعي رافضه انها تنزل
نفسي تنزل علشان ارتاح بس مش راضيه
(فعلا البنت لازم ثقتها تبقي منعدمه في جنس آدم… وماتظهرش ضعفها ابدا وماتسلمش قلبها لاي مخلوق يكون)
خبط بضعف اوي…. كان في صوت اغاني جامد جي من الشقه……..
خبط كتير واخيرا الباب اتفتح……. ولسه هدخل
لقت صفاء بتزقني =ايه حيلك حيلك رايحه فيييين
انا اتصدمت بس بصراحه كنت تعبانه =مش وقتك ياصفاء
ضحكت اوي وقالتلي =انت مالكيش مكان هنا ياقطه روحي شوفيلك حته تعيطي فيها مش فضينلك
صرخت وخلاص علي اخري =مش وقت جنانك ياصفاء وسعي من وشي لو حد لازم يطلع يبقي انت لكن ده بيتي
صفاء ضحكت اوي اوي =بيتك بيت مين ياأم بيت هو صبوحي ماقلكيش انه مضاكي انت واكي علي التنازل للبيت بااسمي ويلا بقي من غير مطرود علشان مش فاضيه يلااااااا
وزقتني جامد وقفلت الباب في وشي………
انا فضلت متنحه وفضلت اعيط جامد اوي اوي
ووقعت علي رجلي وانا مش مصدقه كل اللي بيحصل ده
هو في ايه ليه الناس كلها بقت كده فاجأه هو في ايه
انا كنت هتجن نزلت اجري علي السلالم بجنون
وفضلت اتمشي في الشوارع من غير ماحس بنفسي وكل شويه الناس تيجي تزقني من قدام عربيه كانت هتدسني
والسواقين يشت. موا مره ويزعقوا مره وانا مش مع اي حد نهائي انا مع كسرتي اللي مالهاش دواء انا مع خيبتي
واللي كانت اولها ثقه في البشر حتي انت ياصباح افتكرتك مختلف افتكرت ان في حد في الدنيا دي سليم
حتي انت………… ماحستش بحاجه والدنيا اسودت اوي
وفضلت تدور جامد وماحستش بنفسي غير وانا برمي جسمي كله علي الارض………………
(انا اسفه والله مصير النكد ده يخلص 😂)
___________________________♡_____
الساعه السابعه صباحا…………….
في شقه صباح….. يأخذ الصاله رايح جي رايح جي
وهناك رجال تعمل هنا وهناك في تصليح ماتم افساده
من اثر الحريق…….
مازن تنهد بتعب =يابني اهدي خيلتني
صباح وهو يمسك دماغه =انا ازاي نسيت انا مضتها بس قلت ان هجبلها شقه بعيد عن صفاء وارف. ها دي خالتي وانا حفظها……
مازن غمز له =ده انت كنت شاري اوي يابرو
تنهد صباح =لأ عادي بس كانت صعبانه عليه البنت دي الدنيا بتخبط معاها اوي
مازن بجد =احنا قلبنا عليها الدنيا.. اكيد هنلاقيها المهم دلوقت
بصله صباح بجد
مازن تحدث بجديه شديده =اسمع ياصباح انا هفتح فرع جديد للشركه في الغردقه……
صباح بسعاده =الف مبروك يابرو
مازن =وانت شريكي
صباح فتحه بقه =بس
مازن وهو يهم واقفا تحدث بجد =مافيش نقاش في الموضوع ده سفر للكويت تاني مافيش الشركه للمعمار
وانت مهندس معماري يعني لعبتك ….. ولو هترفض
يبقي تنسي ان كان ليك صديق اسمه مازن
اتكلم بجديه ولسه هيطلع بصله واتكلم بجد =تشطيب الشقه عليا
غمزله هديه =طلاقكك
وضحكوا هما الاتنين……….. صباح فكر في كلام صديقه
اما مازن نزل بيجري علي السلالم….
ولسه هيركب عربيته استوقفه رنه هاتفه
اجاب بهدوء =الو مالك
مالك بضحك =فينك ياكبير المستشفي جاهزه
مازن وهو يضع يده علي الدريكسيون =خمس دقايق وابقي عندك
(مالك….. اخو مازن اصغر منه بعامين دكتور… يشبهه بعض الشئ مع اختلاف لون عينه البنيه وشعره البني)
……. لم يلبث مازن دقائق….. حتي كان يصف سيارته
امام مشفي يزينها يفطه كبيره «🏥مستشفي التقوي…»
من الزجاج………
دلف بهدوء وظهره المنصوب……..
الكل وقفوا بإحترام له في حين هو توجه مباشره نحو مكتب اخوه…..
(نتوقف من العربيه بقي نرجع للعاميه تاني😂)
مالك =وحشني ياكبير
مازن بجد =ايه الاخبار؟؟؟؟؟
مالك بحزن وجد في نفس الوقت =المرض بينتشر الفتره دي جدا والناس منشغله عنه
جيلي ١٠٠حاله الموضوع مش سهل
مازن غمض عينه بألم اوي وبعدين اتكلم بجد
=مش عايز مخلوق يعاني من المرض ده انت فاهم
مالك سريعا =ماتخافش احنا بنعمل اللي علينا ومش مقصرين
مازن =انا لازم ارجع الغردقه علشان اشوف بابا
يومين وهرجعلك
مالك هز رأسه بنعم……………
يحل الظلام
كان يقود سيارته…. والذكريات تلحق به
فلاااااااش
=قومي ياأمي انت هتبقي كويسه صدقيني
مسكت كف ايده وفضل سائل ابيض يخرج من بقها
وهي مش قادره تتنفس…..
فضل يعيط ويصرخ فيها =خليكي قويه علشاني انت عارفه ان روحي فيكي مش هينفع تسبيني
وفجأه بصتله بصعوبه وابتسمت واغمضت عيونها للابد
انتشرت صرخاته في المكان كله
باااااااك……
فتح عينه زي الغرقان وفضل يتنفس بصعوبه
وفجأه فرمل عربيته بقوه وهو بيصرخ و……..
ولا…؟
- يتبع الفصل التالي اضغط على ( رواية من عالم اخر ) اسم الرواية