رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل السادس 6
ضوكا عندي قريب 6 أشهر خدمة فالبار الحمد لله والله مزالني محافظة على روحي مالقري الكلاب والطماع بزاف لقيت دلال في كتافي معاونتني بزاف يعطيها الصحة شهور فاتو الخدمة كانت قيس تكثر غير فالويكاند ولا المناسبات بصح ضوكا دخل الصيف الخدمة يوميا تقريبا من 11 نتاع الليل ل5 نتاع الصباح نبلعو ودايرين دي قروب كل قروب فيه 4 خدامين فيه 3 بنات وولد كل مرة دالت قروب يبقى يفرز وينقي الحالة يبلع ويروح للدار . في هذي الفترة كان واحد الجون فالحق يبان كبير شوية ممكن حتى في 40 هكاك مرة مرة يجي تما يعمر راسو حتى يطيح وما يقبل غير دلال تخدمو يشرب حتى يولي يترامى مرات يجي جون يهزو يديه مرات ماميدو يشوفلو طاكسي يوصلو كان ديما على هذا الحال، اليوم جا شرب شرب حتى طاح كاو فوق ذيك الطابلة كملنا خدمتنا ومن زهري القروب نتاعنا اليوم ينقي لحقت 5 الناس كل خرجت غير هو طافي عيينا نوضو فيه والو قلنا خلي نقو ونخرجوه معنا برا يندب راسو شدينا كل واحد خدمتو مع الديجي كان حبس السكات ولى تيليفون يصوني شفنا لبعضانا مش نتاعنا عرفناه نتاع السيد بقى غير يصوني وحد 10 مرات راحت دلال جبداتو لقاتو مكتوب ميدو هزت عليه قاللها واش يوسف وين راك ر#ك راني غير نعيط جاوباتو دلال قاتلو راه فالبار الفلاني وراه طافي خيط ولى يحاول فيها تعيشي إذا كاين كيفاه توصلوه لوتال لفلاني قاتلو منيش عارفة اصبر نشوف قاللها غير وصلوهلي والله نخلصك لي حبيتيها جات قاتلي وصليه قتلها خليني منو قاتلي هيا صحا ختي هو داير معايا شحال من مزية قتلها على جالك برك هدرت مع هذاك قاتلو ذوك نوصلوه قاللها خلاص شوية نعاودلكم وعيطت لميزو هذا طاكسيور يخدم معانا جا تعاونو ركبوه وركبت حنا فالطريق عاود صونا تليفون هذا يوسف رديت قتلو قريب نوصلو قالي كي توصلي حوسي على واحد واسمو عمر فالغيسابسيون قوليلو أنا لي بعثني سي محمد قتلو صحا غير وصلنا دخلت وحوست على عمر قتلو بعثني ليك سي محمد قالي وينو سي يوسف قتلو هاهو فالطاكسي خرج خلص ميزو وخرج يوسف جيت رايحة نركب قالي مدموزال وين قتلو رايحة خلاصت خدمتي قالي لالا قالك سي محمد استناي قتلو معندي علاش نستنى بقى يحاول فيا صحا ختي متلعبيليش بخبزتي والله يحاوزوني على جالك هو صح هذا يوسف يبان مدرهم كان كي يجي عندنا ديما من وراها تخرجني دلال نفطرو نشرو حوايج تقولي تهلى فيا مالقري جامي طلب منها….تكملة الجزء 6:
بقى يحاول فيا صحا ختي متلعبيليش بخبزتي والله يحاوزوني على جالك هو صح يبان مدرهم كان كي يجي يوسف عندنا دلال ديما تخرجني نتغداو ونشرو الحوايج تقولي يوسف تهلا فيا مالقري ولا مرة طمع فيها ولا دومونداها باه تبات معاه طلعناه لسويت نتاعو دخلناه فوتو عمر طول للدوش وحل عليه الما باش يفطن شوية قالي راني رايح ونتي استناي معاه قتلو حبس كيفاه نستنى معاه قالي متخافيش ضوك يجي سي محمد وانا شوية ونجي ذوك نبعثلك قهوة شربيهالو هو خرج وانا بديت نضرب في راسي يا ربي شا هذا النهار راه باين من صباحو راه قريب 7 وينتا ندخل للدار بقيت نفرغ عليه فالماء باه ينوض شوية سمعت الباب تفتح جريت حسبت عمر رجع لقيتو جون طويل أبيض عينيه بنيين شعرو أسود ممشوط على الشعرة لابس سروال جين وشوميز بلون شباب قاع شا كاين فوطو كوبي نتاع هذا يوسف برك يوسف قرونطاي وهذا رقيق شوية سقساني وين راه شريتلو بيدي الدوش دخل عندو بدى يكفر ويسب فيه على جال قحبة هايم من بار لبار هي زوجت وفرخت ونتا شاطر على جالها نوض يا فرخ راه عندنا رينيون مع الطاليانيين على 9 وطايح فيه ضرب ويقيس عليه فالماء بالسيف لاناض يداوح منا ومنا جا فوق السرير وتسطح عاود عيط عليه محمد نوض راها 8 قالو ضوك النوض حتى لمحني قالي شكونك متقوليليش بايتة معايا البارح واش حشمت من خوه فتح قجر بحذاه جبد دراهم رماهملي حسيت روحي رخيسة منسواش هزيت ساكي وجيت خارجة شدني محمد من يدي لقى دموعي ويدان قالي اسمحيلو مهوش واعي جا يمدلي دراهم قتلو لالا صحا درت مزية لصحبتي مش ليكم قالي صحا هاكي كارت فيزيت نتاعي إذا احتجتي أي حاجة عيطيلي خرجت نجري من لوتال حسيت روحي مخنوقة مجيفة جيت على الطريق ونشم فالهواء وريحة البحر ودموعي يسيلو مزية صباح بكري مكاش الناس الطريق فارغة .
- يتبع الفصل التالي اضغط على ( رواية بنت الغير شرعية ) اسم الرواية