رواية نجمة في الصعيد كاملة بقلم ملك نصر الله عبر مدونة دليل الورايات
رواية نجمة في الصعيد الفصل الرابع 4
حمزه دخل البلكونه لقاها قاعده بترسم
حمزه بهدوء: هو حضرتك مش سامعه الخبط دا كله
نجمه اتخصت ومن الخضه وقعت الرسمه والألوان ادلقت
نجمه بصراخ: يخربيتك في ايه انت دخلت هنا ازاى .. تنحت وبصت علي الرسمه وقالت
نجمه بصراخ: اللوحه عاااا
نجمه بعياط: دي باظت
حمزه بيأس: بتعيطي ليه طيب ؟؟
نجمه بعياط: يا بني ادم بقولك اللوحه باظت بقالي اكتر من 5 ساعات برسم فيها ، دي كنت هقدمها للكليه تبعي
حمزه: طيب خلاص متعيطيش ارسميها تاني
نجمه بزعيق: ارسمها تاني ازاى يعني وهي بتترسم وقت الغروب والغروب مشي ، اجيب انا غروب منين الوقت
حمزه بصرامه: صوتك
نجمه بصراخ وعياط: هو كل حاجه صوتك صوتك في ايه انا زهقت ، وبعدين بيعلي من كلامك
سعديه: خلاص يا نجمه مش تعيطي حقك عليا
نجمه وهي بتمسح دموعها: اللوحه باظت يا سوسو هروح انا بكره الكليه بأيه
حمزه في نفسه(سوسو !! انتى في ايه ولا في ايه يا شيخه يخربيتك)
حمزه: هاخدك الاسطبل وهتلاقي هناك مناظر حلوه وارسمي الخيل اللي هناك ايه رأيك تنفع ولا لا ؟؟
نجمه بتفكير: تنفع بس الالوان ادلقت .. وهي هترجع تعيط تاني: كله باظ كله باظ
حمزه: هاخدك تشتري الالوان كده تمام
نجمه بضيق: بجد شكرا جدا .. وبصوت واطي(بس مانتا السبب)
حمزه بهدوء سبقها ومشي
سعديه: طيب يلا ننزل لاحسن وقت الحاجه فريال قلقت عليكي
حمزه ونجمه: يلا
نجمه وهي خارجه من الاوضه باستغراب: ايه دا الباب مكسور ليه
حمزه رد: اصل حضرتك خبطنا كتير وانتي ولا ايه وعمتي قلقت عليكي ، و انا كسرت الباب
نجمه بكسوف: احم لما برسم مش باخد بالي بحاجه
سعديه: ولا يهمك حُصل خير
نزلوا تحت ..
الجده بقلق: كنتي فين يا نجمه مش بتردي ليه
نجمه: ابدا يا ستو كنت قاعده في البلكونه برسم ومش اخدت بالي من التخبيط
فاطمه: طيب تعالي يا حبيبتى علشان تأكلي .. شكلك هفتان يا حبه عينى
نجمه بحب: حبيبتي يا فطومه حاسه بيا .. قوليلي بقا عامله اكل ايه ؟؟
فاطمه بضحك: عامله بط و ورج عنب وو
نجمه بعيون بطلع قلوب: ورق عنب؟؟ ، حطي قدامي طبق صغنن بقا علشان لو شفت الحله او طبق كبير هتحشر فيهم ومش هتعرفوا تطلعوني
الجده بضيق: بتخاف تتخن يا فاطمه علي أساس انها بتتخن اصلا
فاطمه: وه تتخني فين دانتي مفكيش لحمه
نجمه بضحك: لحمه ايه بس يا فطومه ، دا صحابي هيموتوا ويبقوا زيي كده
فاطمه بضحك: لا هتاكلي يعني هتاكلي ، اجعدوا يلا علشان احضرلكم الوكل
نجمه بحب: تعالي بس اساعدك في الاكل الاول وبعدين ع السفره انا هبهرك من نفسي
فاطمه بحنيه: لاه انتي ارتاحي ، اكيد تعبتي من السفر والأرض انهارده
نجمه بضحك: لاه هحضر الوكل معاكي يعني هحضره
الجده بضحك: هتتعبي معاها يا فاطمه دي دماغها ناشف
نجمه بضحك: شوفتي اسمعي منها هي صح
فاطمه بضحك: طيب يلا
كل دا وحمزه مستغرب هي لحقت تصاحب امه امتا وتقولها يا فطومه كده !
علي الاكل
الحاج رضوان: كلي يا نجمه ورك البطه دا
نجمه بحب: ربنا يخليك يا جدو بس انا مش بحب البط والله .. بص لافيني طبق ورق العنب الكبير دا
الحاج رضوان: اتفضلي يا حبيبتي
حمزه بتريقه: مش كنتي خايفه تتخني من شويه
نجمه بضحك: لا نفسي هفتني عليه .. وبصوت واطي(وبعدين بطني نفسها فيه ازعلها يعني ؟؟)
حمزه بصلها وهي بتاكل وضحك من تحت لتحت
الجده بضحك: كل مره علي كده حتي هناك
فاطمه بضحك: ما تسيبوها تاكل بجا
الحاج رضوان: بالهنا والشفا يا بنت الغالي
نجمه بحب: الله يخليك يا جدو
حمزه بخفوت: انتي مش حافظه غيرها ولا ايه
نجمه بخفوت زيه: بصراحه هي والله يكرمك والله يسترك وكده
حمزه بضحك: يسترك ويكرمك !!
نجمه بجديه: وحشين ؟؟؟
حمزه بضحك: لا خالص
نجمه بضحك: كنت عارفه انهم فُله
حمزه ضحك بخفوت وهي كمان
أكلوا في جوا عائلي كله ضحك في ضحك
بعد الاكل
حمزه: بقولك يابابا
الحاج رضوان: جول يا حمزه
حمزه: هاخد نجمه اشتري ليها الوان علشان الوانها ادلقت و هوديها الاسطبل ترسم لوحه هتقدمها للكليه بتاعتها
الحاج رضوان بخبث: طيب يا ولدي متعوجوش برا
حمزه بهدوء: حاضر
نجمه نزلت من فوق
نجمه: اروح يا جدو ؟؟
الحاج رضوان: روحي يابتي
نجمه قالت لجدتها ومشيت معاه ركبوا العربيه
حمزه بخفه: مش هتجيبي شويه حاجات لزوم الطريق؟؟
نجمه بضحك: انا اللي هنزل اجيب ، ولا نعمل زي الصبح
حمزه بضحك: لا هننزل سوا تعالي يلا
نجمه مشيت معاه ودخلوا
حمزه بخفه: هاتيلي من اللي تجبيه لنفسك
نجمه بابتسامه: حاضر
نجمه من جواها كانت مبسوطه أنه بيعاملها كويس مش زي الاول
جابت نجمه الحاجات وركبوا العربيه
نجمه: تعالي بقا نقسم كل حاجه بالنص
حمزه بضحك: تعالي
نجمه: انا شيتوس وانت شيتوس انا صان بايتس وانت صان بايتس انا بريك وانت بريك انا جيلي كولا وانت لا ……
حمزه: انا جيلي كولا لا ليه بقا
نجمه: علشان بحبها اكتر منك وبعدين انا اللي تعبت وجبت
نجمه: ما تخليك جدع وتتنازل عنها
حمزه: لا
نجمه برجاء: خليك خدع واتنازل ، انا بقالي كتير مش لاقياها في السوبر ماركت اللي عندنا
حمزه: طيب هتنازل .. بس كده ليا عندك تنازل عن حاجه
نجمه بجديه: طيب اختار من اللي قدامك ماعدا المارشملو و الجيلي كولا
حمزه: لا مش قصدي هنا .. حالياً مش عارف هي ايه خليها لوقتها
نجمه: اشطا
قضوا الطريق ضحك وهزار ورخامه شويه من حمزه علي نجمه ووصلوا المحل تبع ادوات الرسم وجابوا اللي نجمه محتاجاه
روحوا وراحوا علي الاسطبل
حمزه: ها هتقعدي فين ولا هتعملي
نجمه وهي بتشاور علي مكان: بص انا ممكن اقعد هنا اشطا وهرسم بقا الخيول دي مع بعضها
حمزه: تمام
لفت نظرها حصان اسود جميل
نجمه: وهرسم دا لوحده ، حساه مختلف عنهم
حمزه وهو بيبص للحصان اللي بتشاور عليه: اه دا فرستي اسمها رهوانه هي انثي على فكره مش حصان
نجمه: رهوانه اسمها جميل
حمزه: وهي جميله .. يلا هتبدائي انتي وانا هطلع وهطمن عليكي شويه كده
نجمه: تمام
حمزه مشي ونجمه قالت (هو مشي ليه ماكان يفضل قاعد ، في ايه يا نجمه مانتي كنتى مش بطيقيه)
نجمه كانت بترسم قامت وقربت من رهوانه ولسه هتحط أيدها عليها …
- يتبع الفصل التالي اضغط على ( رواية نجمة في الصعيد ) اسم الرواية