رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل السادس و الاربعون 46
دخل عندي وحش قلت لر#ك الف مرة متزيديش طبعيني ومتزيديش تهزي يدك لقاني طايحة فالأرض ونستفرغ هبط عندي وحكملي راسي والله عرفتها على التخلاط هذاك نتاع ماكلة عرفتها استفرغت حتى مصاريني خرجو دموع يسيلو كملت غسلي ورفدني حطني على السرير تكسلت وارخفت روحي قالي واش سافا ذوكا هزيت راسي وغمضت عينيا غفيت شوية جابتني الفطنة وقلبي يدور جريت للدوش استفرغت كان يوسف يدوش ومنتبهتش عليه مزية كان كمل ولابس سوغتي نتاعو جابني لبلاصتي وجبدلي حوايج قالي البسي ولا نعاونك قتلو علاه قالي نديك للطبيب قتلو لالا خلاص مليحة ضوك بقينا شوية حتى عاودت استفرغت قالي ياطفلة هيا نوضي قتلو لالا جبت ليل كلو نستفرغ وهو معايا راح خرج ممبعد جا جابلي كاس تيزانة نعناع قالي هاكي اشربي بالاك تحبس عليك شربتها و تكسلت دخل يدو تحت بيجامتي حطها على كرشي نحيلو تهالو واش دير قالي والو متخافيش نديرلك مساج بقى يديرلي في مساج صح بديت نسولاجي ورقدت فطنت غير على تيليفوني
يصوني لقيت روحي راقدة تحتو وهو محضني ومزير ياه شاراني ندير هنا بسيف باه خرجت من تحتو هزيت تيليفون لقيتها صفية رديت تساولت أنا وياها ممبعد قاتلي حابة نجي ليك أنا ورجاء إذا معليش قتلها تجو ليا لقيتو ناض ويشوف معايا هزلي راسو نعم قتلها مرحبا بيكم قاتلي خلاص بعد الغدا نجو باي كوبيت سقساني واش كيفاه راكي اليوم قتلو لاباس صاي سولاجيت قالي مزية هيا غسلي باه نفطرو ورواحي وجدي روحك غسلت جيت نبدل قالي هيا برك قتلو بالبيجامة نتاع الرقاد قالي نورمال هبطنا حتى قاتلو سليمة عشنا وشفنا يوسف يصبح راقد لل11 قالتلها عجوزتي ونتي واش من مرقة حرقت شواربك ينوض على11 على 2 حطتنا كريمة قال لامينة روحي خملي بيتنا ضوك يجو صحابات بسمة حتى سليمة قالت ولات مولات دار وتعرض صحاباتها قاللها نعم مولات دار واش لي معجبكش قاتلو لالا مقلت والو حقا وينتا تروحو لداركم تقلقت قلتلها موش رايحين باقيين هنا على قلبك ضحكت من تحت لتحت هي وزينب عاودت قلتلها انا منسكنش فضلت النسا راني نستنى حتى يشريلي سكنة جديدة ووحدي بقاو حالين فوامهم هو ضحك وطلعنا قالي انا رايح ونتي حباباتك جيبيهم هنا للشومبرة باه ميديرونجوكمش اوكي لبس وخرج وانا تاني لبست سقمتلي أمينة البيت وسيقتها خيرت كوفرولي فالغوج
شباب قتلها فرشيه ولات لاشومبر تحفة ملي جيت ولا مرة خملتها هكا ،وقت الغدا مهبطتش كنت شبعانة شوية عيطتلي صفية عطيتلها لادراس ايقزاكت شوية جاو جابتهم عجوزتي طول عندي جمعت معاهم قالولي معلابالناش تسكني هنا قاتلي رجاء راجلك واش يخدم يا نندب والله معلابالي قتلها عندو شركة ودورت الحديث جات كريمة عندها ما حطتلنا وعجوزتي تاني جات عندنا غير شوية وراحت كي جاو رايحين وريتلهم ايطاج لي فيه قتلهم لتحت موش متفاهمة معاهم قاتلي صفية يبانو شريرات ضحكنا وصلتهم حتى برا للطاكسي خلصت عليهم علابالي مساكين بزاف عليهم ورجعت دخلت لقيتهم قاع مشنفين حتى قاتلي آمال هذو اشكال متعاوديش دخليهم دارنا قتلها دار راجلي ندخل لي نحب قاتلنا أميمة صايي نتوما زوج تبقاو غير هكا طلعت لشومبرتي وخليتهم وقيلا ندمت كي مرحتش لدار يوسف بصح ضوكا حليت فمي وقلت منسكنهاش
وقدامهم جبدت تيليفوني وعيطت لخالتي بختة سقسيت عليها وفرغت قلبي عندها غير هي لي تفهمني قاتلي إما تقعدي تما وتحملي وتسكتي ولا روحي وخليهم يهدرو لي يحبوها بصح انا مشكلتي أني خايفة نبقى مع يوسف في دار وحدة ووحدنا متأكدة 100 % راح يعاود معايا لاحظتو راه يسخف عليا بزاف هنا اوموا معاهم وزاد عجوزتي راه مليحة معايا هي تعاوني عليه
- يتبع الفصل التالي اضغط على ( رواية بنت الغير شرعية ) اسم الرواية