رواية بنت الغير شرعية كاملة بقلم ياسمين عبر مدونة دليل الروايات
رواية بنت الغير شرعية الفصل الرابع و الاربعون 44
الصباح نضت قبلو غسلت ولبست وبقيت نفرز فالشومبرة طول مناضش مقدرتش نهبط ونخليه ديجا راهم بداو يهدرو عليا ويقولو جايحة وموش كاسباتو نضريت وليت صباح غير نطول منفطرش يدور عليا قلبي جريت للدوش استفرغت لقيتو في ظهري حاكملي راسي بسمة واش بيك قتلو والو غير جعت صرالي هكا قالي هيا نفطرو ونديك للطبيب قتلو ميشقاش راها حالة نفسية يامات وان شاء الله نريح منها خرجت تكسلت وهو غسل وجا قالي اقعدي ضوك نعيطلهم يجيبونا فطورنا هنا قتلو لالا هيا نهبطو تغميت هنا هبطنا مع بعض كي شفتهم تكيت عليه قالي حنونتي واش قتلو عييت برك قالي كون غير خليتي قعدنا الفوق كملنا عندهم جاو سلمو عليه وعليا غير حشومة قاتلو يماه زينب وينك يا طفل قريب شهر مشفناكش قاللها مع الخدمة برك قاتلو ربي يعينك هوما كانو مجمعين فالصالة عيط على امينة قاللها جيبينا نفطرو هنا قتلو لالا هيا نروحو للكوزينة قالي راكي تاعبة غير قعدي هنا نطقت سليمة قاتلو تاعبة من الراحة خبرتو في وذنو حابة نفطر معاك وحدنا شاف معايا عينيه
ولاو قلوبة مسكين قالي هيا داني غير يساعف فيا للكوزينة وهوما الغزول شدهم قريب يطرطقو سيرتو آمال شفتها طلعت مع الدروج تجري فطرنا قتلو تخدم اليوم قالي لالا قتلو معليه تخرجني ضاق خاطري قالي أنا هنا ويضيق خاطرك هيا البسي دفي روحك هنا راه البرد موش كيما عندكم طلعت لبست سروال وبيل درت مكياج خفيف الله غالب وجهي كحل لي ساغن علابالي ميحبنيش نخرج معاه هاكاك موش نسيت أمي ولا موش حازنة عليها دخل يوسف بقى غير يشوف معايا ممبعد قالي بسمة بيل رقيق لبسي حاجة خشينة قتلو منقدرش نتخنق بصح ضوك نلبس كاناديا خشينة جبت لبستها لحق عندي غلقهالي للفوق قالي ديري بوني قتلو معنديش ومنحبش نديرها قالي يا طفلة راني نقولك البرد قتلو ندير لاكابيش قالي خلاص هيا خرجنا حطيت يدي فيدو بالعاني قالنا عجوزتي تهلاو في رواحكم خرجنا كانت الشتا دايرة حالة داني لوحد الغابة شحال شابة قالي دوماج الشتا هبطنا غير لي كارو غمضت عينيا ورجعت راسي لور بقيت نشم فالهوا شوية حسيتو حط شفافو على
شفافي تخلعت طبعتو قتلو رد بالك تعاود تمسني وبديت نعيط عليه قال خلاص اسمحيلي اتهدني برك والله منعاود تهدني قتلو رجعني للدار قالي خلاص والله مراح نعاود سامحيني خلاص هبط من اللوطو تكيف شحال باه عاود طلع قالي نروحو هزيتلو راسي دخلنا لافيل قارا عند ريسطورون قالي هيا قتلو لالا قالي بسمة الله يحفظك هيا قتلو حابة على بيتزا قالي ميكون غير خاطرك عاود ركب رحنا عند بيتزيريا دموندالنا بيتزا كبيرة قتلو ناكلها وحدي مناكلش معايا قالي صح قتلو واه بقى غير يشوف معايا حتى كملتها قتلو حابة نزيد قالي هيا مزية وأخيرا تفتحتلك الشهية قالوزيدنا وحدة قتلو لالا حابة همبرغر قالو جيبنا زوج وزوج كوكاقتلو لالا انا جيبلي واحدة كبيرة بقى غير يشوف معايا جابلنا كيفاه كليتو هذاك الهمبرغر قالي تزيدي قتلو لالا صاي فتحت القرعة نتاع كوكا 2لتر فرغتلو كاس وشديتها هذا الكاس هذا الكاس كملتها هذاك السارفور نخلع يقولك باينة خرجت من المجاعة قالي كاش ما تزيدي قتلو لالا الحمد لله قالي هيا مالا مع هو ناض يخلص يا دلالي ويخرج هاذاك سنيوة
نتاع لي سوفلي هكاك سخونين ريوقي ولاو يسيلو جا يوسف قالي هيا نضت وباقية نشوف مع السنيوة فاقلي قالي تاكلي قتلو واه بصح موش هنا نديهم معايا قالي 5 يكفو هزيتلو راسي راح جابلي ما أمنت ركبت اللوطو وبديتهم ناكل ونتمتع ناكل غير بالشوية خايفتهم يكملو حتى بقات الحبة التالية باه تفكرت يوسف قتلو تاكل وفي قلبي يا ربي ماياكلش مزية قالي لالا بصحتك كملتها.
- يتبع الفصل التالي اضغط على ( رواية بنت الغير شرعية ) اسم الرواية